S Pen Pro - санатталмаған SAMSUNG - Тегін пайдаланушы нұсқаулығы

ПАЙДАЛАНУШЫ НҰСҚАУЛЫҒЫ S Pen Pro SAMSUNG

Жұмысты бастамас бұрын оқыңыз Қауіпсіз әрі дұрыс пайдалану үшін S Pen қаламын пайдаланбас бұрын осы нұсқаулықты оқып шығыңыз. Сипаттамалар S Pen қаламының әдепкі параметрлеріне негізделген. S Pen қаламымен бірге келетін әдепкі қызметтер жаңартылуы және оларға қолдау көрсету алдын ала ескертусіз тоқтатылуы мүмкін. S Pen қаламымен бірге берілген қызмет туралы сұрағыңыз болса, Samsung қызмет көрсету орталығына хабарласыңыз. S Pen қаламының ішінде магнит бар. S Pen қаламын несиелік карта және имплантталатын медициналық құрылғылар сияқты магниттің әсері тиетін заттарға жақындатпаңыз. Егер сізде имплантталған медициналық құрылғы болса, пайдалану алдында дәрігермен ақылдасыңыз. Бұл өнім кейбір тегін/ашық көзден алынған бағдарламалық құралдарды қамтиды. Осы өнімде пайдаланылған бастапқы коды ашық бағдарламалық құралдың лицензиясы туралы ақпаратты opensource.samsung.com парақшасынан көре аласыз. Нұсқаулық белгішелер Ескерту: өзіңіздің немесе басқалардың жарақат алуына әкелуі мүмкін жағдайларАбайлаңыз: құрылғыны немесе басқа жабдықты бұзуы мүмкін жағдайларЕскерім: ескертулер, пайдалану туралы кеңестер немесе қосымша ақпарат

Құрылғының сыртқы көрінісі мен функциялары Қораптың ішіндегісі

Жылдам бастау нұсқаулығы S Pen қаламымен бірге берілген элементтер және кез келген қолжетімді қосалқы құралдар аймаққа немесе қызмет көрсетушіге байланысты өзгеріп отыруы мүмкін. Берілген элементтер тек осы S Pen қаламына арналған және басқа құрылғылармен үйлесімді болмауы мүмкін. Сыртқы түрі мен сипаттамалары ескертусіз өзгертілуі мүмкін. Қосымша қосалқы құралдарды жергілікті Samsung сатушысынан сатып алуға болады. Сатып алу алдында олардың S Pen қаламымен үйлесімді екенін тексеріңіз. Тек Samsung рұқсат еткен қосалқы құралдарды ғана пайдаланыңыз. Бекітілмеген қосалқы құралдарды пайдалану кепілдікте қамтылмаған өнімділік мәселелерін және ақаулықтарды тудыруы мүмкін. Қосалқы құралдардың қол жетімділігі тек өндіруші компанияларға ғана байланысты болады. Қол жетімді қосалқы құралдар туралы қосымша ақпарат Samsung веб-сайтында ұсынылған.

Құрылғының сыртқы көрінісі Күй жарық диодыPen түймесі жалғағышының ұяшығы (USB Type-C)Режим қосқышыҚосылым түймесі

S Pen қаламын пайдаланған кезде оны майыстыруға немесе тым қатты күш салуға болмайды. S Pen қаламы зақымдалуы немесе қаламұшының пішіні бұзылуы мүмкін. S Pen қаламымен экранды қатты басуға болмайды. Қаламұшының пішіні бұзылуы мүмкін. S Pen қаламының дөңгелек ұшын қапқа салуға болмайды. Бұлай істеу S Pen қаламын зақымдауы мүмкін. Материалдың қасиетіне байланысты, біраз пайдаланғаннан кейін қаптың пішіні сәл өзгеруі мүмкін.

S Pen қаламы магниттің жанында тұрса, S Pen қаламының кейбір әрекеттері, мысалы зарядтау немесе сенсорлық экранды түрту жұмыс істемеуі мүмкін. S Pen қаламы толығымен разрядталса, сенсорлық экранды түрту немесе Әуе пәрмені мүмкіндіктері сияқты басқа S Pen мүмкіндіктерін пайдалана аласыз. S Pen қаламын экранда сүйір бұрышпен пайдаланатын болсаңыз, мобильді құрылғы S Pen әрекеттерін анықтай алмауы мүмкін. S Pen қаламы дұрыс жұмыс істемей тұрса, оны Samsung қызмет көрсету орталығына апарыңыз. Түймелер және қосқыш Түймелер және қосқыш ФункцияPen түймесі Түймені басып тұрып, S Pen қаламын мәтіннің немесе элементтер тізімінің үстіне сүйреу арқылы мәтінді немесе бірне элементті таңдаңыз. Әуе пәрмені панелін ашу үшін S Pen қаламын мобильді құрылғы экранының үстіне апарыңыз және түймесін басыңыз. Алдын ала орнатылған әрекетті іске қосу үшін түймені басыңыз немесе түймені басып тұрып, S Pen қаламын бұлғаңыз.Қосылым түймесі Жұптау режиміне өту үшін түймені басып тұрыңыз. Қосылымды Samsung есептік жазбасына кірген басқа мобильді құрылғыға ауыстыру үшін түймені басыңыз.Pen түймесі + Қосылым түймесі S Pen қаламын қайта іске қосу үшін осы түймелерді бірге 7 секундтан ұзағырақ басып тұрыңыз.Режим қосқышы S Pen қаламын бүгілетін мобильді құрылғысында пайдалану үшін режим қосқышты Z Fold тармағына орнатыңыз. Күй жарық диоды Түс КүйҚызыл

көк түспен кезектесіп жарқылдау Жұптау режиміКөк түспен жарқылдау ҚосылдыҮздіксіз қызыл болып жанады ЗарядтауЖасыл болып жанады Толығымен зарядталғанҚызыл түспен жыпылықтайды Батарея қуаты төмен (5%-дан аз)Күй жарық диоды дұрыс жұмыс істемей тұрса, зарядтағышты қайта жалғаңыз.

S Pen қаламын бекіту немесе алу S Pen қаламын бекіту S Pen қаламын зарядтағыш коннектордың ұясын итеру арқылы бекітіңіз.немесе S Pen қаламын алу S Pen қаламын алу үшін қапты төмен қарай итеріп, қаламды тартыңыз.

Батареяны зарядтау Оны бірінші рет пайдалану алдында немесе ол ұзақ уақыт бойы пайдаланылмаса, батареяны зарядтаңыз.USB кабелін USB қуат адаптеріне жалғаңыз, содан кейін батареяны зарядтау үшін кабельді S Pen қаламының зарядтағыш коннектор ұяшығына жалғаңыз. Толығымен зарядтағаннан кейін зарядтағышты S Pen қаламынан ажыратыңыз.Өз S Pen қаламыңызға арналған және Samsung мақұлдаған батареяны, зарядтағышты және кабельді ғана пайдаланыңыз. Үйлеспейтін батарея, зарядтағыш және кабель ауыр жарақатқа немесе S Pen қаламының зақымдалуына себеп болуы мүмкін.Зарядтағышты қате жалғау S Pen қаламын қатты зақымдауы мүмкін. Ұқыпсыз пайдалану салдарынан туған ақауларға кепілдік қолданылмайды.Қуатты үнемдеу үшін пайдаланылмаған кезде зарядтағышты желіден ажыратыңыз. Зарядтағыштың қуат қосқышы жоқ, сондықтан қуат ысырабын болдырмау үшін, пайдаланбаған кезде зарядтағышты электр розеткасынан ажырату керек. Зарядтау кезінде зарядтағыш электр розетка ұясына жақын және оңай қол жетімді болуы керек.

Батареяны зарядтау кезіндегі кеңестер мен сақтық шаралары

S Pen қаламын зарядталып жатқанда пайдалануға болады, бірақ батареяны толық зарядтауға ұзағырақ уақыт кетуі мүмкін. Зарядтау кезінде S Pen қаламы мен зарядтағыш қызуы мүмкін. Бұл қалыпты жағдай және S Pen қаламының қызмет мерзіміне немесе өнімділігіне әсер етпеуі тиіс. Егер батарея әдеттегіден ыстығырақ болса, зарядтағыш зарядтауды тоқтатуы мүмкін. Зарядтағыш коннектор ұяшығы суланған кезде S Pen қаламын зарядтайтын болсаңыз, S Pen қаламы бұзылуы мүмкін. S Pen қаламын зарядтау алдында зарядтағыш коннектор ұяшығын жақсылап кептіріңіз. S Pen қаламы дұрыс зарядталмай жатса, S Pen қаламы мен зарядтағышты Samsung қызмет көрсету орталығына апарыңыз. Мобильді құрылғыға жалғау S Pen қаламын мобильді құрылғыға жалғаған кезде сіз экранды түрту немесе қолжазба сияқты негізгі мүмкіндіктерді пайдаланып қана қоймай, әуе әрекеттері сияқты мүмкіндіктерді де пайдалана аласыз. 1 Қосылым түймесін 3 секунд басып тұрыңыз. 2 Мобильді құрылғыда қосылымның ашылмалы терезесі пайда болған кезде, Қосылу түймесін түртіңіз. 3 Жалғауды аяқтау үшін экрандағы нұсқауларды орындаңыз.

Мобильді құрылғыға қосылмай тұрып, оның One UI жүйесін 3.1 нұсқасынан жоғары нұсқаға жаңартып, SmartThings қолданбасы мен Әуе пәрмені мүмкіндігінің соңғы нұсқасын орнатыңыз. Мобильді құрылғыда қосылымның ашылмалы терезесі пайда болмаса, Парам-р қолданбасын ашыңыз, Қосымша мүмкіндіктер

Қаламмен орындалатын әрекеттер тармағына өтіп, қосылуды аяқтау үшін экрандағы нұсқауларды орындаңыз. Бір мобильді құрылғыдан ажыратып, басқа мобильді құрылғыға қосылу үшін қосылым түймесін басып тұрып, жұптау режиміне ауысыңыз.

S Pen қаламын пайдалану Әуе пәрмені Әуе пәрмені — S Pen қаламының мүмкіндіктері мен жиі пайдаланылатын қолданбаларға жылдам қатынасуды қамтамасыз ететін мәзір.Әуе пәрмені панелін ашу үшін S Pen қаламын экранның үстіне апарып, Pen түймесін басыңыз. Сонымен қатар Әуе пәрмені белгішесін () S Pen қаламымен түртуіңізге де болады.Әуе пәрмені тақтасынан функцияны немесе қолданбаны таңдаңыз.Батарея зарядының деңгейіПараметрлер Жазбаны жасау: жазбаларды қалқымалы терезеде оңай жасау. Бұл мүмкіндікті сондай-ақ Pen түймесін басып тұрып, экранды екі рет түрту арқылы іске қосуыңызға болады. Барлық жазбаларды көру Samsung Notes қолданбасындағы барлық жазбаларды көру. Смарт таңдау: S Pen қаламының көмегімен аймақты таңдап, бөлісу немесе сақтау сияқты әрекеттерді орындау. Экран жазуы: скриншот жасап, оның үстіне сурет салу немесе түсірілген суреттің аймағын қиып алу. Сонымен қатар ағымдағы мазмұнды және жасырын мазмұнды веб-бет сияқты кеңейтілген бетке түсіруге болады.

8S Pen қаламын пайдалану

Жанды хабарлар: қолмен жазу немесе сурет салу сияқты әрекеттеріңізді жазып, оны анимация файлы ретінде сақтау және мәтіндік хабардың орнына жіберу. AR Doodle: беттерде немесе басқа жерде виртуалды қолмен жазу немесе сурет салу көмегімен қызықты бейнелерге жазыңыз. Аудару: S Pen қаламын сөздің үстіне апарып, оның аудармасын қарау. PENUP: көркем суреттеріңізді жариялау, басқалардың салған суреттерін қарау және сурет салу бойынша пайдалы кеңестер алу. Bixby Vision: Bixby Камерасы мүмкіндіктерін пайдаланып ұқсас кескіндерді іздеу, мәтінді анықтау, аудару және т.б. Үлкейту: S Pen қаламын экранның бір бөлігінің үстіне апарып ұлғайту. Жылдам қарап шығу: қолданбаны нобай күйіне жиырып, S Pen қаламын нобайдың үстіне апару арқылы қолданбаны толық экран көрінісінде ашу.

: PENUP ұсынған кескіндерге S Pen қаламының көмегімен түстер қосу. Күнтізбеде жазу Күнтізбе қолданбасын ашып, экранда жазу немесе сурет салу. Жедел пернелерді қосу: әуе пәрмені панеліне жиі пайдаланылатын қолданбалардың таңбашаларын қосу. Әуе пәрмені белгішесі Әуе пәрменінің панелі жабық болған кезде, Әуе пәрмені белгішесі экранда көрсетіліп тұрады. Әуе пәрмені панелін S Pen қаламымен белгішені түрту арқылы ашуға болады.Жылжыту үшін белгішесін жаңа орынға сүйреңіз.Әуе пәрмені белгішесі экранда пайда болмаса, Парам-р қолданбасын ашып, Қосымша мүмкіндіктер

S Pen тармағын түртіп, содан кейін Әуе пәрмені белгішесін көрсету қосқышын белсендіріңіз.Әуе әрекеттері мүмкіндігіне қолдау көрсететін қолданбаларды пайдаланған кезде, S Pen қаламын Әуе пәрмені белгішесінің үстіне апару арқылы әрбір қолданбаның қолжетімді әрекеттерін көруге болады.

9S Pen қаламын пайдалану

Қаламмен таңдау S Pen түймесін басып тұрып, S Pen қаламын мәтіннің немесе элементтер тізімінің үстіне сүйреу арқылы бірнешеуін таңдаңыз. Сонымен қатар таңдалған элементтерді немесе мәтінді басқа қолданбаға көшіріп, қоюға немесе оларды басқалармен бөлісуге болады. Экр.өшіру жазбасы Экранды қоспай-ақ, оның үстіне жазу арқылы жазбаларды жылдам жасауға болады.Экран өшірулі тұрған кезде S Pen қаламын экранның үстіне апарып, Pen түймесін басыңыз.Жазып болған соң Сақтау түймесін түрткенде немесе S Pen қаламын S Pen зарядтағышына қайта салған кезде, жазбаңыз Samsung Notes қолданбасына сақталады.Жазбаны Samsung Notes қолданбасында сақтау.Бетті кеңейту.Сызықтың қалыңдығын өзгерту.Өшіргіш Қаламның түсін өзгерту. Егер бұл мүмкіндік белсендірілмесе, Парам-р қолданбасын ашып, Қосымша мүмкіндіктер

S Pen опциясын түртіп, содан кейін Экр.өшіру жазбасы қосқышын түртіп белсендіріңіз.

10S Pen қаламын пайдалану

Қаламмен орындалатын әрекеттер Мобильді құрылғыға Bluetooth Low Energy (BLE) арқылы қосылған S Pen қаламын пайдалану арқылы қолданбаларды қашықтан басқарыңыз.Мысалы, Pen түймесін басып тұрып, камера сияқты қолданбаларды жылдам ашуыңызға болады. Сонымен қатар түймені бір рет басып, камера қолданбасымен суретке түсіре аласыз. Музыка ойнатқан кезде, Pen түймесін басып тұрып S Pen қаламын жоғары көтеру немесе төмен түсіру арқылы дыбыс деңгейін арттыруға немесе азайтуға болады.Әуе әрекеттері мүмкіндігін пайдалану үшін S Pen қаламын зарядтау қажет. Қосымша ақпаратты Батареяны зарядтау бөлімінен қараңыз. S Pen қаламымен суретке түсіру Құрылғыны алыс жерге қойып суретке түсіретін болсаңыз да, таймерді пайдаланбай-ақ, Pen түймесін басу арқылы суретке оңай түсіре аласыз. Парам-р қолданбасын ашып, Қосымша мүмкіндіктер

Қаламмен орындалатын әрекеттер тармағын, содан кейін сол мүмкіндікті белсендіретін қосқышты түртіңіз. Камера қолданбасын іске қосыңыз. 3 Суретке түсіру үшін Pen түймесін бір рет басыңыз.

Бірнеше фотосурет түсіру үшін Pen түймесін басып тұрыңыз. Түсіру режимін ауыстыру үшін Pen түймесін басып тұрып, қаламды солға немесе оңға қарай жылжытыңыз. Камералар арасында ауысу үшін Pen түймесін екі рет басыңыз. Пайдаланатын қолданбаларды немесе мүмкіндіктерді өзгерту S Pen мүмкіндігімен пайдаланғыңыз келген қолданбаны, мүмкіндікті немесе әрекеттерді өзгертуге болады. Парам-р қолданбасын іске қосып, Қосымша мүмкіндіктер

Қаламмен орындалатын әрекеттер тармағын түртіңіз. S Pen қаламын бастапқы күйге қайтару S Pen қаламында байланыс ақауы пайда болса немесе S Pen қаламы жиі ажырайтын болса, S Pen қаламын бастапқы күйге қайтарып, оны қайта жалғаңыз.Әуе әрекеттерін реттеу экранын ашып,

S Pen-ді жұптан ажырату түймесін түртіңіз.

11S Pen қаламын пайдалану

S Pen қаламын іздеу S Pen қаламы жоғалып қалса, оның орналасқан жерін бақылап, оңай табуға болады.Парам-р қолданбасын ашып, Қосымша мүмкіндіктер

Менің S Pen қаламымды табу тармағын түртіңіз.Экранда SmartThings қолданбасы ашылып, S Pen қаламының орналасқан жері көрсетіледі. Параметрлер S Pen қаламының әртүрлі параметрлерін өзгертіңіз.Парам-р қолданбасын ашып, Қосымша мүмкіндіктер

S Pen тармағын түртіңіз. Қаламмен орындалатын әрекеттер: Pen түймесін басқанда немесе Pen түймесін басып тұрып, S Pen қаламын бұлғағанда орындалатын әрекеттерді орнату. Қосымша ақпаратты Қаламмен орындалатын әрекеттер бөлімінен қараңыз. Экр.өшіру жазбасы: S Pen қаламын жабық экрандағы жазба күйіне орнату. Қосымша ақпаратты Экр.өшіру жазбасы бөлімінен қараңыз. Жазбаларды жылдам жасау: Pen түймесін басып тұрып, экранды екі рет түрту арқылы жаңа жазба жасау күйіне орнату. Әуеден көру режимі: S Pen қаламын әуеден көру мүмкіндігін пайдалану күйіне орнату. Мазмұнды алдын ала қарау немесе ақпаратты қалқымалы терезеден көру үшін S Pen қаламын экрандағы элементтің үстіне апарыңыз. Апару барысында меңзерді көр-у: S Pen қаламын экранның үстіне апарған кезде S Pen қаламының меңзерін көрсету күйіне орнату. Жедел пернелер: әуе пәрмені панеліне жиі пайдаланылатын қолданбалардың таңбашаларын қосу. Әуе пәрмені белгішесін көрсету: әуе пәрмені панелін ашатын қалқымалы белгішені көрсету. Қосымша ақпаратты Әуе пәрмені белгішесі бөлімінен қараңыз. Ауа команд. Қалам түймесімен ашу: S Pen қаламын экранның үстіне апарып, Pen түймесін басқан кезде Әуе пәрмені панелін ашу күйіне орнату. Дыбыстар: S Pen қаламын пайдаланған кезде, мысалы жазу кезінде дыбыстарды белсендіру. Менің S Pen қаламымды табу: S Pen қаламын іздеу мүмкіндігін іске қосу. Қосымша ақпаратты S Pen қаламын іздеу бөлімінен қараңыз. S Pen қалам-ы пайд-у кеңестері: аудару немесе ұлғайту сияқты әртүрлі мүмкіндіктерді пайдалану әдісін көру. S Pen туралы: S Pen қаламының нұсқасы мен нормативтік ақпаратын көру. Бізге хабарласыңыз: сұрақ қойыңыз немесе ең жиі қойылатын сұрақтарды қараңыз.

Ақаулықтарды жою Samsung сервис орталығына хабарласпай тұрып, келесі шешімдерді қолданып көріңіз. Кейбір жағдайлар S Pen қаламыңызға қолданылмауы мүмкін. S Pen қаламы құрылғысы қосылмайды Батарея заряды толығымен таусылған кезде S Pen қаламы қосылмайды. S Pen қаламын қоспай тұрып, батареяны толық зарядтаңыз. S Pen қаламы қатып қала береді немесе түзелмейтін қате туындайды S Pen қаламы қатып қалса және жауап бермей жатса, оны қайта іске қосу Pen түймесі мен қосылым түймесін бірге 7 секундтан ұзағырақ басып тұрыңыз. Батарея дұрыс зарядталмайды (Samsung бекіткен зарядтағыштар

Зарядтағыштың дұрыс қосылып тұрғанына көз жеткізіңіз. Батареяның қуаты сатып алғаннан кейінгі сәтке қарағанда тез

S Pen қаламын немесе батареяны тым суық немесе тым ыстық температураға жеткізбеңіз, оның тиімді заряды төмендеуі мүмкін. Батарея тозады және пайдалы заряд уақыт өте келе азая береді. Bluetooth жақсы істемейді Егер S Pen қаламы табылмаса немесе байланыс мәселелері не өнімділік ақаулары пайда болса, келесі әрекетті орындап көріңіз: S Pen қаламының іздеуге және қосылуға дайын тұрғанына көз жеткізіңіз. S Pen қаламы мен екінші Bluetooth құрылғысы максималды Bluetooth ауқымының (10 м) ішінде екеніне көз жеткізіңіз.Егер жоғарыдағы кеңестер ақаулықты шешуге көмектеспесе, Samsung сервис орталығына хабарласыңыз.

13Авторлық құқық Copyright © 2021 Samsung Electronics Co., Ltd. Бұл нұсқаулық халықаралық авторлық құқықтар туралы заңдармен қорғалған. Бұл нұсқаулықтың ешбір бөлігін кез келген түрде немесе кез келген әдіс, электрондық немесе механикалық, соның ішінде, фотокөшіру, жазу немесе кез келген ақпараттық қоймада және шығарып алу жүйесінде сақтау арқылы көшіруге, таратуға, аударуға немесе тасымалдауға болмайды. Сауда белгілері

SAMSUNG және SAMSUNG логотипі — Samsung Electronics Co., Ltd. компаниясының тіркелген сауда белгілері.

— Bluetooth SIG корпорациясының әлемдегі тіркелген сауда белгісі.

Барлық басқа сауда белгілері және авторлық құқықтар тиісті иелерінің меншігі болып табылады.