HX9911/88 - Brosse a dents PHILIPS - Notice d'utilisation et mode d'emploi gratuit

MODE D'EMPLOI HX9911/88 PHILIPS

Hyrje Mirësevini në familjen e "Philips Sonicare"! Kjo furçë dhëmbësh ju bën të mundur të arrini heqjen më të mirë të cipës, dhëmbë më të bardhë dhe mishra më të shëndetshëm. Duke përdorur kombinimin e teknologjisë me tinguj delikatë dhe funksionet e zhvilluara dhe të vërtetuara klinikisht të "Sonicare", mund të keni besimin e plotë se do të merrni pastrimin më të mirë, çdo herë. Mbështetje të mëtejshme dhe regjistrimin e produktit mund t'i gjeni në: www.philips.com/support

Informacion i rëndësishëm sigurie Përdoreni produktin vetëm për qëllimin e synuar. Lexojeni me kujdes këtë informacion të rëndësishëm përpara përdorimit të produktit, baterive dhe aksesorëve të tij dhe ruajeni për referencë në të ardhmen. Keqpërdorimi mund të shkaktojë rrezik ose lëndime të rënda.

Mbajeni bazamentin e karikimit dhe/ose kutinë e karikimit për udhëtim larg ujit. Pas pastrimit, sigurohuni që bazamenti i karikimit dhe/ose kutia e karikimit për udhëtim të jenë plotësisht të thata përpara se t'i lidhni me prizën e murit. Kjo pajisje mund të përdoret nga fëmijë dhe nga persona me aftësi të kufizuara fizike, ndijore ose mendore ose me mungesë përvoje e njohurish, nëse mbikëqyren apo udhëzohen për ta përdorur pajisjen në mënyrë të sigurt dhe nëse i kuptojnë rreziqet që paraqiten. Pastrimi dhe mirëmbajtja nga përdoruesi nuk duhet të bëhet nga fëmijët pa mbikëqyrje. Fëmijët nuk duhet të luajnë me pajisjen. Përdorni vetëm aksesorë ose pjesë konsumi "Philips". Përdorni vetëm karikuesin që vjen me produktin. Nëse ofrohet, përdorni vetëm kabllon origjinale USB dhe njësinë USB të furnizimit me energji.

Pajisja nuk përmban pjesë të cilave mund t'u kryhet servis nga përdoruesi. Nëse pajisja dëmtohet, ndërpriteni përdorimin dhe kontaktoni qendrën e kujdesit ndaj klientit në shtetin tuaj. Nëse kordoni është i dëmtuar, ndërroni karikuesin me një të ri. Mos e përdorni bazamentin e karikimit dhe/ose kutinë e karikimit për udhëtim në ambiente të jashtme ose pranë sipërfaqeve të nxehta. Mos pastroni asnjë pjesë të produktit në enëlarëse. Kjo pajisje është menduar vetëm për pastrimin e dhëmbëve, mishrave të dhëmbëve dhe gjuhës. Ndaloni përdorimin e kokës së furçës me fije të shtypura ose të përthyera. Ndërroni kokën e furçës çdo 3 muaj ose më përpara nëse shfaqen shenja konsumimi. Shmangni kontaktin e drejtpërdrejtë me produktet që përmbajnë vajra esenciale ose vaj kokosi. Kontakti mund të çojë në shkuljen e fijeve të furçës. Ndërpriteni përdorimin e pajisjes dhe konsultohuni me dentistin/mjekun tuaj nëse pas përdorimit keni gjakosje të tepërt, nëse gjakosja vazhdon edhe pas 1 jave përdorimi ose nëse keni shqetësime ose dhimbje. Nëse keni kryer ndërhyrje kirurgjike në gojë ose në mishrat e dhëmbëve gjatë 2 muajve të kaluar, konsultohuni me dentistin tuaj përpara se të përdorni pajisjen. Nëse keni një stimulues kardiak ose pajisje tjetër të implantuar, kontaktoni mjekun ose prodhuesin e pajisjes së implantuar përpara përdorimit. Nëse keni probleme mjekësore, konsultohuni me mjekun përpara përdorimit të pajisjes. Kjo është një pajisje kujdesi personal dhe nuk synohet të përdoret nga pacientë të shumtë në klinika apo institucione dentare.

Udhëzimet e sigurisë për bateritë -

Përdorni vetëm aksesorë dhe pjesë konsumi origjinale "Philips". Përdorni vetëm njësinë e ndashme të furnizimit me energji TCAxxxx dhe/ose CBAxxxx. Përdorni vetëm baterinë e karikueshme që vjen me produktin.

Karikojeni dhe përdoreni produktin në temperaturë nga 5°C deri në 40°C. Mbajeni produktin dhe bateritë larg zjarrit dhe mos i ekspozoni ato në dritën e drejtpërdrejtë të diellit apo ndaj temperaturave të larta. Nëse produkti mbinxehet ose lëshon erë, ndryshon ngjyrë apo nëse karikimi zgjat më shumë se zakonisht, ndërpriteni përdorimin dhe karikimin e produktit dhe kontaktoni me "Philips". Për të shmangur mbinxehjen e baterive ose çlirimin e substancave toksike apo të rrezikshme, mos e hapni, modifikoni, shponi, dëmtoni apo çmontoni produktin ose baterinë. Mos shkaktoni qark të shkurtër, mos i mbingarkoni dhe mos i karikoni në drejtim të kundërt bateritë. Nëse bateritë janë dëmtuar apo pikojnë, shmangni kontaktin me lëkurën ose sytë. Nëse ju ndodh diçka e tillë, shpëlahuni menjëherë me ujë dhe kërkoni ndihmën mjekësore.

Fushat elektromagnetike (EMF) Pajisja Philips është në përputhje me të gjitha standardet dhe rregulloret në fuqi për ekspozimin ndaj fushave elektromagnetike.

Direktiva për radiopajisjet Nëpërmjet këtij dokumenti, "Philips" deklaron se furçat e dhëmbëve elektrike të pajisura me ndërfaqen e radiofrekuencës ("Bluetooth" ose "BrushSync") janë në përputhje me Direktivën 2014/53/BE. - Radiofrekuenca e "Bluetooth": 2,4 GHz - Fuqia maksimale e radiofrekuencës së "Bluetooth": 3 dBm - Radiofrekuenca e NFC: 13,56 MHz - Fuqia maksimale e radiofrekuencës së NFC: -26 dBm Teksti i plotë i deklaratës së konformitetit të BE-së jepet në adresën e mëposhtme të internetit: www.philips.com/support

Përdorimi i synuar Furçat elektrike të dhëmbëve "Sonicare DiamondClean 9000" synohen për heqjen e cipës që krijohet dhe

mbetjeve ushqimore nga dhëmbët, për të pakësuar prishjen e dhëmbëve dhe për të përmirësuar e mirëmbajtur shëndetin oral. Furçat elektrike të dhëmbëve "Sonicare DiamondClean 9000" synohen për përdorim personal. Përdorimi nga fëmijët duhet të kryhet nën mbikëqyrjen e të rriturve.

"Philips Sonicare" juaj (Fig. 1.) 1 2 3 4 5 6 7

Doreza Butoni i ndezjes/fikjes Treguesi i intensitetit Butoni i modalitetit/intensitetit Treguesi i modalitetit Drita e rikujtesës për ndërrim të kokës së furçës Llamba e baterisë Aksesorët: 8 Kapaku i kokës së furçës 9 Kokat inteligjente të furçës 10 Simboli "BrushSync" 11 Gota e karikimit 12 Baza e ngarkimit 13 Bazamenti i karikimit 14 Kutia për udhëtim 15 Kutia e karikimit për udhëtim 16 Ushqyesi USB(-A) Shënim: Aksesorët e përfshirë mund të ndryshojnë në bazë të modelit të blerë. Në produkt mund të shfaqen simbolet e mëposhtme: Lexoni manualin e përdorimit.

450 Shqip Pjesa e çmontueshme e furnizimit me energji: "xxxxxx" tregon numrin e modelit të karikuesve të miratuar që do të përdoren.

Aplikacioni "Sonicare" – Hapat e parë Aplikacioni "Sonicare" çiftohet me furçën tuaj të dhëmbëve për t'ju ofruar një përvojë të lidhur. Aplikacioni përputhet me një gamë të gjerë të telefonave inteligjentë iPhone dhe Android™. Për të filluar përdorimin e aplikacionit "Sonicare": 1 Shkarkoni aplikacionin "Sonicare" në telefonin tuaj. 2 Sigurohuni që "Bluetooth" i telefonit të jetë i aktivizuar. 3 Merrni furçën e dhëmbëve për t'u siguruar që është aktive (dritat janë të ndezura). 4 Hapni aplikacionin dhe ndiqni hapat. 5 Çiftoni furçën e dhëmbëve me aplikacionin. 6 Krijoni llogarinë tuaj nëpërmjet aplikacionit. Nëse ju kërkohet, përfundoni përditësimin e firmuerit për të shfrytëzuar përmirësimet dhe funksionet më të fundit. 7 Lajini dhëmbët rregullisht me furçën të lidhur me aplikacionin. Nëse e sinkronizoni rregullisht furçën e dhëmbëve me aplikacionin, do të merrni përditësime për t'ju ndihmuar me përmirësimin e shëndetit oral. 8 Sinkronizoni rregullisht. 9 Për transferim optimal të të dhënave, mbajeni telefonin afër furçës së dhëmbëve. Për ta sinkronizuar manualisht: Çiftoni/lidhni furçën e dhëmbëve me aplikacionin çdo dy javë për të përfituar nga funksionet/kapacitetet e aplikacionit. Për të sinkronizuar automatikisht: Lejo lejen e vendndodhjes gjatë konfigurimit të aplikacionit. Duke lejuar lejen e vendndodhjes, telefoni juaj e di se kur është në diapazonin e lidhjes së furçës suaj të dhëmbëve dhe mund të rifreskojë të dhënat e larjes së dhëmbëve në aplikacion për të ofruar statistikat dhe rekomandimet më të fundit.

Shënim: Sigurohuni që "Bluetooth" i telefonit të jetë i aktivizuar kur përdorni aplikacionin në mënyrë që furça e dhëmbëve të transferojë dhe përditësojë të dhënat e larjes në aplikacion. Nëse keni pyetje se pse grumbullohen të dhënat tuaja të larjes, sigurohuni të shikoni Deklaratën e privatësisë së "Sonicare", e cila ofrohet gjatë procesit të konfigurimit të aplikacionit.

Funksionet e aplikacionit Furça elektrike e dhëmbëve "Sonicare" është e pajisur me sensorë inteligjentë për të të ofruar reagim rreth zakoneve të larjes së dhëmbëve, duke përfshirë: - Seancat e përditshme të larjes së dhëmbëve - Kohën e çdo seance larjeje - Presionin e ushtruar gjatë larjes - Rikujtuesin për ndërrimin e kokës së furçës (në bazë të përdorimit aktual) Aplikacioni "Sonicare" mbledh të dhënat e ofruara nga sensorët inteligjentë dhe monitoron zakonet tuaja të larjes së dhëmbëve me kalimin e kohës.

Hapat e parë 1 Drejtvijoni kokën e furçës që fijet e furçës të jenë në një drejtim me pjesën e përparme të dorezës.

2 Shtyjeni kokën e furçës fort mbi boshtin metalik derisa të mos shtyhet më tutje. Shënim: Është diçka normale të shikoni një hapësirë të vogël ndërmjet kohës së furçës dhe dorezës.

Përdorimi i furçës "Philips Sonicare" Nëse është hera e parë që përdorni furçën tuaj të dhëmbëve "Sonicare", është normale të ndjeni më shumë dridhje sesa kur përdorni një furçë joelektrike. Zakonisht,

452 Shqip përdoruesit për herë të parë ushtrojnë shumë presion. Ushtroni vetëm presion të lehtë dhe lëreni furçën t'jua lajë dhëmbët. Për përvojën më të mirë, ndiqni udhëzimet e mëposhtme për larjen e dhëmbëve. Për t'ju ndihmuar të kaloni te furça e re elektrike e dhëmbëve "Sonicare", përdorni një cilësim më të ulët gjatë 1-2 javëve të para, më pas kaloni në një cilësim më të lartë.

Udhëzime për larjen e dhëmbëve 1 Njomni fijet e furçës dhe vendosni një sasi të vogël paste dhëmbësh.

2 Vendosni fijet e furçës mbi dhëmbë në një kënd të vogël (45 gradë). Shtyjini fort në mënyrë që fijet të arrijnë vijën e mishrave të dhëmbëve ose pak nën vijën e mishrave të dhëmbëve. Shënim: Mbajeni qendrën e furçës gjithmonë në kontakt me dhëmbët. 3 Për të ndezur Philips Sonicare shtypni butonin e ndezjes/fikjes.

4 Prekni lehtë dhëmbët dhe vijën e mishrave të dhëmbëve me fijet e furçës. Lajini dhëmbët me lëvizje të vogla prapa dhe para në mënyrë që fijet e furçës të futen midis dhëmbëve. Vazhdoni me këtë lëvizje gjatë gjithë ciklit të larjes së dhëmbëve. Shënim: Fijet e furçës duhet të hapen pak nga jashtë. Nuk rekomandohet t'i fërkoni fort siç do të bënit me një furçë dhëmbësh manuale. Shënim: Nëse ushtroni shumë presion, ju do të sinjalizoheni me një ndryshim në dridhjet nga doreza

dhe rikujtesa për ndërrimin e kokës së furçës që pulson në ngjyrë portokalli. 5 Për të pastruar sipërfaqet e brendshme të dhëmbëve të përparmë, anojeni dorezën e furçës në drejtim gjysmë për lart dhe kryeni disa lëvizje vertikale njëra mbi tjetrën në çdo dhëmb. 6 Pasi të keni përfunduar ciklin e pastrimit me furçë, mund të vazhdoni edhe për pak kohë duke larë sipërfaqet e bluarjes së ushqimit te dhëmbët dhe në zonat ku shfaqen njolla. Gjithashtu, mund të lani edhe gjuhën, duke e mbajtur furçën e dhëmbëve të ndezur ose të fikur, sipas dëshirës. Shënim: Furça e dhëmbëve "Philips Sonicare" është e sigurt për t'u përdorur në aparate ortodontike (kokat e furçës konsumohen më shpejt kur përdoren në aparate ortodontike) dhe në restaurime dentare (mbushje, kurora, faseta) nëse ato janë ngjitur siç duhet dhe nuk janë dëmtuar.

BrushPacer Për të siguruar larjen e njëtrajtshme të dhëmbëve në të gjithë gojën, ndajeni këtë të fundit në 6 seksione duke përdorur funksionin "BrushPacer". "BrushPacer" ndan kohën e larjes në 6 segmente të barabarta dhe tregon se kur duhet të kaloni në zonën tjetër. Segmentet tregohen me një pauzë të shkurtër në dridhje. Furça e dhëmbëve ndalon automatikisht në fund të seancës së larjes. Shënim: Mund të shtohen segmente shtesë kur përdorni modalitetet "White+" ose "Gum Health".

Modalitetet Furça juaj elektrike e dhëmbëve është e pajisur me 4 modalitete të ndryshme: "Clean", "White+", "Gum Health" dhe "Deep Clean+". Në bazë të kokës së furçës inteligjente që përdor, modaliteti dhe intensiteti optimal do të zgjidhen automatikisht nga teknologjia "BrushSync". Për të ndryshuar modalitetet, shtypni butonin e modalitetit/intensitetit kur doreza është e fikur.

454 Shqip Clean dhe Deep Clean+

Heqja e cipës dhe Heqja e cipës dhe njollave në masazhimi i sipërfaqe mishrave

Clean: Lani secilin Lani secilin segment për 20 segment për 20 sekonda sekonda,

Lani secilin segment për 20 sekonda,

Deep Clean+: Lani secilin segment për 30 sekonda*

më pas lani segmentet 7, 8, 9 dhe 10 për 20 sekonda secili

më pas lani segmentet 7 dhe 8 për 20 sekonda secili

Shëndeti i mishrave të dhëmbëve

Shënim: Kur lani dhëmbët me aplikacionin "Philips Sonicare" në modalitetin "Deep Clean+", koha e larjes do të jetë 2 minuta kur është e lidhur me aplikacionin dhe 3 minuta kur nuk është e lidhur me aplikacionin.

Intensitetet Furça e dhëmbëve elektrike vjen me 3 cilësime të ndryshme të intensitetit: - intensitet i ulët (një shirit) - intensitet mesatar (dy shirita) - intensitet i lartë (tre shirita) Kur bashkohet me dorezën, koka e furçës inteligjente zgjedh automatikisht intensitetin e rekomanduar. Nëse doni të kaloni në një intensitet tjetër, ju mund ta bëni këtë duke shtypur butonin e modalitetit/intensitetit ndërkohë që lani dhëmbët. Intensiteti nuk ndryshohet dot për sa kohë që doreza është e fikur apo në pushim.

Teknologjia "BrushSync" Teknologjia "BrushSync" mundëson që koka e furçës të komunikojë me dorezën duke përdorur një mikroçip. Simboli në pjesën e poshtme të kokës së furçës tregon se koka e furçës është e pajisur me këtë teknologji. Teknologjia "BrushSync" mundëson: - Rikujtesa për ndërrimin e kokës së furçës - Çiftimi i modalitetit "BrushSync" "Philips Sonicare" ofron një gamë të gjerë të kokave të furçës inteligjente, të pajisura me teknologjinë "BrushSync". Për të zbuluar gamën e plotë të kokave të furçës së dhëmbëve dhe për të gjetur kokën e furçës që është më e përshtatshme për ju, shkoni te www.philips.com/toothbrush-heads për më shumë informacion.

Sinjalizimi i sensorit të presionit BrushPacer SmarTimer EasyStart Rikujtesa për ndërrimin e kokës së furçës

Çiftimi i modalitetit të kokës së furçës

Sinjalizimi i sensorit të presionit Furça juaj e dhëmbëve "Sonicare" mat presionin që ushtroni kur lani dhëmbët për t'i mbrojtur mishrat dhe dhëmbët nga dëmtimi. Nëse ushtroni presion të tepërt, doreza ndryshon dridhjen e saj dhe ikona e rikujtesës për ndërrimin e kokës së furçës pulson në ngjyrë portokalli derisa të pakësoni presionin. Shënim: Sensori i presionit vjen i aktivizuar me produktin. Për të çaktivizuar këtë funksion (shih «Aktivizimi ose çaktivizimi i funksioneve»).

BrushPacer "BrushPacer" është një kohëmatës me intervale që ju ndihmon në larjen e njëtrajtshme të dhëmbëve në të gjithë gojën duke e ndarë atë në 6 seksione.

SmarTimer "SmarTimer" tregon se cikli i larjes së dhëmbëve ka përfunduar duke e fikur automatikisht furçën në fund të ciklit të larjes. Dentistët profesionistë rekomandojnë që dhëmbët të lahen për jo më pak se 2 minuta, dy herë në ditë. Shënim: Nëse e shtypni butonin e ndezjes/fikjes pasi keni filluar ciklin e larjes, furça e dhëmbëve ndalon. Pas një ndalese prej 30 sekondash, "SmarTimer" rivendoset.

EasyStart Shënim: Për të aktivizuar "EasyStart". (shih «Aktivizimi ose çaktivizimi i funksioneve») Ky model i "Philips Sonicare" vjen me funksionin "EasyStart" të çaktivizuar. Funksioni "EasyStart" e rrit me kujdes fuqinë gjatë 14 larjeve të para për t'ju ndihmuar që të mësoheni me larjen e dhëmbëve me "Philips Sonicare". Funksioni "EasyStart" funksionon me të gjitha modalitetet.

Mohimi i përgjegjësive Kur furça e dhëmbëve "Philips Sonicare" përdoret në studime klinike, ajo duhet të përdoret në intensitet të lartë dhe me dorezën të karikuar plotësisht dhe funksionin "EasyStart" të çaktivizuar.

Rikujtesa për ndërrimin e kokës së furçës "Philips Sonicare" është i pajisur me teknologjinë "BrushSync" që gjurmon konsumimin e kokës së furçës suaj. Shënim: Kjo veçori funksionon vetëm me kokat e furçave inteligjente "Philips Sonicare" me teknologjinë "BrushSync". 1 Kur vendosni një kokë të re furçe inteligjente për herë të parë, doreza e njeh që keni një kokë furçe "Philips" nëpërmjet teknologjisë "BrushSync" dhe fillon të gjurmojë konsumimin e kokës së furçës. 2 Me kalimin e kohës, në bazë të presionit që ushtroni dhe të kohës totale të përdorimit të kokës së furçës, doreza gjurmon konsumin e kokës së furçës për të përcaktuar kohën optimale për ndërrimin e kokës së furçës. Ky funksion garanton pastrim dhe kujdes optimal për dhëmbët tuaj. 3 Kur treguesi i rikujtesës për ndërrimin e kokës së furçës ndizet në ngjyrë portokalli, duhet të ndërroni kokën e furçës. Shënim: Të gjitha kokat e furçës inteligjente ofrohen me funksionin e rikujtesës për ndërrimin e kokës së furçës të aktivizuar. Për të çaktivizuar rikujtesën për ndërrimit të kokës së furçës, shihni "Aktivizimi ose çaktivizimi i funksioneve".

Çiftimi i modalitetit të kokës së furçës Kokat e furçës me teknologjinë "BrushSync" janë të pajisura me një mikroçip, i cili komunikon me dorezën dhe e çifton atë automatikisht me modalitetin dhe intensitetin e rekomanduar. Shënim: Nëse ndryshoni modalitetet/intensitetin, koka e furçës do të kujtojë cilësimin e fundit të përdorur.

Aktivizimi ose çaktivizimi i funksioneve Mund të aktivizoni apo çaktivizoni funksionet e mëposhtme të furçës suaj të dhëmbëve: - EasyStart - Rikujtesa për ndërrimin e kokës së furçës - Sinjalizimi i sensorit të presionit Shënim: Rikujtesën për ndërrimin e kokës së furçës mund ta aktivizoni ose çaktivizoni vetëm kur në dorezë është vendosur një kokë furçe inteligjente.

Hapi 1: Vendosni dorezën në mbajtësen e karikimit ose në gotën e karikimit. Hapi 2: Shtypni dhe mbani shtypur butonin e ndezjes/fikjes për:

Rikujtesa për ndërrimin e kokës së furçës

Sinjalizimi i sensorit të presionit

Hapi 3: Lëshojeni butonin e ndezjes/fikjes kur të dëgjoni: 1 tingull

1 tingull dhe pastaj 2 tinguj

1 tingull, 2 tinguj dhe pastaj 3 tinguj

Së bashku me: Nëse shihni se treguesi i baterisë pulson 2 herë dhe dëgjoni 3 tone, nga i ulët në të lartë, atëherë funksioni është aktivizuar.

OSE Nëse shihni se treguesi i baterisë pulson 1 herë në ngjyrë portokalli dhe dëgjoni 3 tone, nga i lartë në të ulët, atëherë funksioni është aktivizuar.

Karikimi dhe statusi i baterisë Kjo furçë e dhëmbëve "Philips Sonicare" është projektuar për të ofruar të paktën 28 seanca larje dhëmbësh, ku

460 Shqip secila prej tyre zgjat 2 minuta (14 ditë nëse përdoret dy herë në ditë) me një bateri të karikuar plotësisht. Treguesi i baterisë tregon statusin e baterisë kur përfundoni seancën e larjes 2-minutëshe, kur vendosni furçën e dhëmbëve në pauzë ose kur ajo është duke u karikuar. Shënim: Mund të duhen deri në 24 orë që bateria të karikohet plotësisht përpara përdorimit të parë, por ju mund ta përdorni furçën e dhëmbëve "Philips Sonicare" përpara se ajo të jetë karikuar plotësisht.

Karikimi Karikimi në bazamentin e karikimit 1 Vendoseni kordonin e bazës së karikimit në një prizë elektrike. 2 Vendosni mbajtësen e karikimit ose në gotën e karikimit në bazën e karikimit. 3 Vendosni dorezën në mbajtësen e karikimit ose në gotën e karikimit. - Treguesi i baterisë ndizet dhe doreza lëshon tinguj dy herë. Kjo tregon se furça e dhëmbëve po karikohet. 4 Karikuesi do ta karikojë furçën e dhëmbëve derisa të karikohet plotësisht. Doreza është në karikim kur treguesi i baterisë pulson. Kur doreza të jetë karikuar plotësisht, treguesi i baterisë ndizet për 30 sekonda dhe më pas fiket.

Karikimi me kutinë për udhëtim Shënim: Aksesorët e përfshirë mund të ndryshojnë në bazë të modelit të blerë. 1 Merrni kabllon USB nga pjesa e poshtme e kutisë së karikimit për udhëtim. 2 Lidhni kutinë e karikimit për udhëtim nëpërmjet kabllos USB me fuqinë hyrëse 5 V DC nga:

Ushqyesi USB i ofruar një lidhës USB standarde kompjuteri personal në listën "UL" ose e certifikuar sipas ANSI/UL 60950-1 - një furnizim me energji me portë dalëse USB në listën "UL" ose i certifikuar sipas ANSI/UL 60950-1 ose - një furnizim me energji i kategorisë 2 1310 në listën "UL" ose i certifikuar. 3 Vendoseni dorezën në kutinë për udhëtim. Kutia për udhëtim e karikon furçën e dhëmbëve derisa të karikohet plotësisht.

Statusi i baterisë Statusi i baterisë (doreza e lidhur me karikuesin ose në kutinë e karikimit për udhëtim) Kur doreza është e vendosur në karikues ose në kutinë e karikimit për udhëtim, treguesi i baterisë tregon nivelin e baterisë.

Ndizet për 30 sekonda dhe më pas fiket

Statusi i baterisë (kur doreza nuk është e vendosur në karikues ose në kutinë e karikimit për udhëtim) Kur furça e dhëmbëve është aktive, treguesi i baterisë në pjesën e poshtme të dorezës tregon nivelin e baterisë.

Pulson në ngjyrë portokalli

Doreza lëshon 3 tinguj pas larjes së dhëmbëve

Pulson në ngjyrë portokalli

Doreza lëshon 2 grupe me 5 tinguj pas larjes së dhëmbëve

Shënim: Për të kursyer energji, treguesi i baterisë do të fiket kur nuk është në përdorim. Shënim: Kur bateria është shkarkuar plotësisht, furça e dhëmbëve fiket. Për të karikuar furçën e dhëmbëve, vendoseni atë në karikues. Shënim: Për ta mbajtur baterinë të karikuar plotësisht gjatë gjithë kohës, mund ta mbani furçën e dhëmbëve në karikues kur nuk e përdorni.

Pastrimi Doreza e furçës së dhëmbëve 1 Hiqni kokën e furçës dhe shpëlajeni zonën e boshtit metalik me ujë të ngrohtë. Sigurohuni që të hiqni mbetjet e pastës së dhëmbëve. Kujdes: Mos ushtroni forcë mbi gominën e boshtit metalik me objekte të mprehta, pasi mund ta dëmtoni. 2 Fshijeni të gjithë sipërfaqen e dorezës me leckë të njomë. Shënim: Mos e trokisni dorezën në lavaman për të hequr ujin e tepërt.

Koka e furçës 1 Shpëlani kokën dhe fijet e furçës pas çdo përdorimi. 2 Hiqni kokën e furçës nga doreza dhe shpëlajeni bashkuesin e kokës së furçës me ujë të ngrohtë të paktën një herë në javë. Shpëlajeni kapakun e kokës së furçës sa herë të jetë e nevojshme.

Ngarkuesi 1 Hiqeni ngarkuesin nga priza përpara se ta pastroni. 2 Fshijeni sipërfaqen e ngarkuesit me leckë të njomë.

Kutia për udhëtim Shpëlajeni me ujë të ngrohtë dhe përdorni një leckë të njomë për të pastruar brenda kutisë për udhëtim.

Kutia e karikimit për udhëtim 1 Hiqeni kutinë e karikimit për udhëtim nga priza përpara se ta pastroni. 2 Përdorni një leckë të njomë për të fshirë sipërfaqen e kutisë për udhëtim.

Ruajtja Nëse nuk do ta përdorni për një kohë të gjatë produktin, hiqeni atë nga priza, pastrojeni dhe ruajeni në një vend të freskët dhe të thatë, larg dritës së drejtpërdrejtë të diellit.

Zëvendësimi Për të arritur rezultate optimale, ndërrojini kokat e furçës "Philips Sonicare" çdo 3 muaj. Përdorni vetëm koka zëvendësuese furçe Philips Sonicare.

Diagnostikimi Ky kapitull përmbledh problemet më të shpeshta që mund të hasni me pajisjen. Nëse mund ta zgjidhni problemin me informacionet më poshtë, vizitoni www.philips.com/support për një listë të pyetjeve më të shpeshta ose kontaktoni qendrën e kujdesit ndaj klientit në shtetin ku ndodheni.

Problemi Nuk mund ta lidh plotësisht kokën e furçës. Ka një hapësirë mes kokës së furçës dhe dorezës.

Zgjidhja Kjo është normale. Një hapësirë e vogël është e nevojshme për të lejuar lëvizjen, në mënyrë që të krijohen dridhjet e nevojshme për të pastruar dhëmbët tuaj.

Dridhja e furçës së dhëmbëve "Philips Sonicare" është më pak e fuqishme se më parë.

Koka e furçës është shumë afër me trupin e dorezës.

Hiqni kokën e furçës nga doreza dhe ricaktojeni në boshtit metalik duke lënë një hapësirë të vogël. (1-2 mm)

Karikoni dorezën e furçës së dhëmbëve në karikues.

E kam karikuar furçën e dhëmbëve, por punon vetëm për një kohë të shkurtër.

Doreza e furçës së dhëmbëve nuk është e vendosur vertikalisht në karikues, duke shkaktuar moskarikim.

Vendoseni dorezën në pozicionin vertikal në bazamentin e karikimit dhe sigurohuni që karikuesi të jetë i lidhur.

Furça e dhëmbëve ndalon së punuari.

Bateria është shkarkuar. Karikoni dorezën e furçës së dhëmbëve në karikues.

Gjetja e numrit të modelit Shikoni në pjesën e poshtme të dorezës së furçës së dhëmbëve "Philips Sonicare" për numrin e modelit (HX99XX).

Garancia dhe mbështetja Nëse ju nevojitet informacion ose mbështetje, ju lutemi vizitoni www.philips.com/support ose lexoni fletëpalosjen e garancisë ndërkombëtare.

PËRJASHTIMET NGA GARANCIA Çfarë nuk mbulohet nga garancia: - Aksesorët për brenda gojës, duke përfshirë kokat dhe grykëzat e furçës. - Dëmtimin e shkaktuar nga përdorimi i pjesëve të ndërrimit ose kokave të furçës të paautorizuara. - Dëmtimin e shkaktuar nga keqpërdorimi, abuzimi, pakujdesia, modifikimi ose riparimi i paautorizuar. - Konsumimin e zakonshëm, duke përfshirë ciflosjet, gërvishtjet, gërryerjet, çngjyrimin ose zbehjen.

Ky simbol do të thotë që produktet elektrike dhe bateritë nuk duhet të hidhen me mbeturinat normale të shtëpisë. Zbatoni rregulloret e shtetit tuaj për grumbullimin e veçuar të produkteve elektrike dhe baterive.

Heqja e baterisë së ringarkueshme PËRMBAN BATERI TË KARIKUESHME ME JONE LITIUMI. DUHET TË ASGJËSOHET NË MËNYRËN E DUHUR. Bateria e karikueshme e integruar duhet të hiqet vetëm nga një profesionist i kualifikuar kur pajisja hidhet. Para se të hiqni baterinë, sigurohuni që ajo të jetë shkarkuar plotësisht.

Merrni masat e nevojshme paraprake kur përdorni veglat për të hapur pajisjen dhe kur hidhni baterinë e rikarikueshme. Sigurohuni të mbroni sytë, duart, gishtat dhe sipërfaqen mbi të cilën punoni. Kur administroni bateritë sigurohuni që duart tuaja, produkti dhe bateritë të jenë të thata. Për të shmangur ndonjë qark të shkurtër të baterive pas heqjes, mos i lini kontaktet e baterive të takojnë me sende metalike (p.sh. monedha, karfica, unaza). Mos i mbështillni bateritë me fletë alumini. Mbrojuani kontaktet me ngjitëse ose vendosini bateritë në një qese plastike përpara se t'i hidhni.

Heqja e baterisë së rikarikueshme Për të hequr baterinë e ringarkueshme ju nevojitet një peshqir ose leckë, si dhe një çekiç dhe një kaçavidë me kokë të rrafshët (standarde). Zbatoni masat paraprake bazë të sigurisë gjatë ndjekjes së procedurës së përshkruar më poshtë.

466 Shqip 1 Për të shkarkuar ngarkesat nga bateria e rikarikueshme, hiqni dorezën nga karikuesi, ndizni furçën e dhëmbëve dhe lëreni të punojë derisa të ndalojë. Përsëriteni këtë hap derisa furça e dhëmbëve të mos ndizet më. 2 Hiqeni kokën e furçës dhe hidheni. Mbulojeni të gjithë dorezën me një peshqir ose leckë.

3 Mbani majën e dorezës me njërën dorë dhe godisni folenë e dorezës 0,5 inç mbi skajin fundor. Godisni fort me një çekiç në të 4 anët për të nxjerrë kapakun fundor.

Shënim: Mund t'ju duhet të godisni disa herë në skajin fundor për të thyer bashkueset e brendshme.

4 Hiqni kapakun fundor nga doreza e furçës së dhëmbëve. Nëse kapaku fundor nuk shkëputet lehtësisht nga foleja, përsëriteni hapin 3 derisa ai të shkëputet.

5 Shtyni boshtin për poshtë mbi një sipërfaqe të fortë duke e mbajtur dorezën përmbys. Nëse pjesët e brendshme nuk hiqen lehtësisht nga foleja, përsëriteni hapin 3 derisa këto pjesë të shkëputen.

6 Futni kaçavidën midis baterisë dhe skeletit të zi në pjesën e poshtme të pjesëve të brendshme. Më pas, shkëputni kaçavidën nga bateria për të thyer pjesën e poshtme të skeletit të zi. 7 Futni kaçavidën midis pjesës së poshtme të baterisë dhe skeletit të zi për të thyer gjuhëzën metalike që lidh baterinë me qarkun elektrik të gjelbër. Ky veprim do të shkëpusë skajin fundor të baterisë nga skeleti. 8 Kapni baterinë dhe hiqeni nga pjesët e brendshme për të thyer gjuhëzën e dytë metalike të baterisë. Kujdes: Ruhuni nga skajet e mprehta të gjuhëzave të baterisë për të mos lënduar gishtat. 9 Mbuloni me shirit ngjitës kontaktet e baterisë për të shmangur qarqet e shkurtra elektrike nga ngarkesa e mbetur e baterisë. Tani bateria e karikueshme mund të riciklohet dhe pjesa e mbetur e produktit mund të asgjësohet në mënyrën e duhur. Shënim: Mos e hidhni pajisjen me mbeturinat normale shtëpiake në fund të jetëgjatësisë së tij, por dorëzojeni në një pikë zyrtare grumbullimi për riciklim. Duke vepruar kështu, ju ndihmoni në ruajtjen e mjedisit.