Sonicare HX7106 - Diş çotgasy PHILIPS - Mugt ulanyjy gollanmasy

ULANYJY GOLLANMASY Sonicare HX7106 PHILIPS

- Diňe hakyky Philips esbaplaryny ýa-da sarp ediş materiallaryny ulanyň. Eger berlen bolsa, diňe original USB kabelini we USB tok üpjünçilik bloguny ulanyň. - Bu enjamda ulanyjynyň tehniki hyzmat edip biljek şaýlary ýokdur. Eger enjama zeper ýetse, ony ulanmagy bes ediň we ýurduňyzdaky Müşderi goldawy merkezine ýüz tutuň. USB kabele zeper ýeten bolsa, ony ulanmagy bes ediň. - Zarýadnikleri suwdan uzakda saklaň. - Arassalanyňyzdan soň zarýad berijileri we syýahat wagtynda zarýad beriş çehollaryny birikdirmezden ozal olaryň doly gurandygyna göz ýetiriň. - Enjamy çagalar, şeýle hem enjamy howpsuz görnüşde ulanmak boýunça gözükdirijiler berlen ýa-da howpsuz ulanmak boýunça gözegçilik astyndaky we degişli howplar özlerine mälim edilen ýagdaýynda fiziki, duýgurlyk ýa- da zehin ukyplary pes ýa-da tejribesi we bilimi bolmadyk şahslar hem ulanyp biler. Çagalar gözegçilik astynda däl wagty enjamda arassaçylyk we ulanyjy tarapyndan geçirilmäge degişli abatlaýyş işlerini geçirmeli däl. - Çagalaryň önüm bilen oýnamazlygyny üpjün etmek üçin olary gözegçilikde saklamaly. - Önümiň hiç bir bölegini gap-gaç ýuwujyda arassalamaň. - Adapterleri we zarýad berijileri açyk howada ýa-da gyzdyrylýan üstleriň ýakynynda ulanmaň. - Bu enjam diňe dişleri, diş etini we dili arassalamak üçin dizaýn edilendir. - Gyllary mynjyran ýa-da eplenen çotga nasadkasyny ulanmagy bes ediň. Nasadkany her 3 aýdan ýa-da könelme alamatlary ýüze çyksa, ondan hem ir çalşyryň.500 Türkmençe - Düzüminde efir ýaglary ýa-da kokos ýagy bar bolan önümler bilen gönümel galtaşdyrmaň. Galtaşma gyllaryň gopmagyna eltip biler. - Ulanmagyň maksimum beýikligi 4500 metrdir.

LUKMANÇYLYK DUÝDURYŞLARY

- Eger ulanyşdan soň çendenaşa ganama ýüze çyksa, ganama ulanyşdan 1 hepde geçensoň ýüze çykmaga dowam etse ýa-da bimazalyk ýa-da agyry duýsaňyz, enjamy ulanmagy bes ediň we stomatolog/lukman bilen maslahatlaşyň. - Eger öňki 2 aýda agyz ýa-da diş eti operasiýasyny geçiren bolsaňyz, bu enjamy ulanmazdan öň stomatologyňyz bilen maslahatlaşyň. - Eger size kardiostimulýator ýa-da başga bir implant enjam goýlan bolsa, ulanmazdan öň lukmanyňyza ýa-da implant enjamyň öndürijisine ýüz tutuň. - Eger lukmançylyk taýdan şübhelenseňiz, bu enjamy ulanmazdan öz lukmanyňyz bilen maslahatlaşyň. - Bu önüm şahsy ideg enjamy bolup, stomatologik klinikada ýa-da edarada birnäçe näsagda ulanmak üçin niýetlenilmeýär. BATAREÝIŇ HOWPSUZLYGY BOÝUNÇA GÖZÜKDIRIJILER - Bu enjamda diňe professional işgärler tarapyndan aýrylmaly batareýalar bar. - Bu önümi diňe onuň niýetlenilýän maksady üçin ulanyň. Önümi we onuň batareýalaryny hem-de esbaplaryny ulanmazdan ozal, şu maglumaty üns bilen okaň hem-de geljekde gollanmak üçin ýygnap goýuň. Nädogry ulanmak howplara ýa-da agyr şikeslere eltip bilýär. Enjam bilen üpjün edilýän esbaplar dürli önümlerde dürli bolup biler. - Diňe hakyky Philips esbaplaryny we sarp ediş materiallaryny ulanyň. - Önümi we batareýleri otdan uzakda saklaň we olary günüň göni düşýän şöhlesine ýa-da ýokary temperaturalara sezewar etmäň. - Eger önüm adatdan daşary gyzsa ýa-da ys çykarsa, onuň reňki üýtgese ýa- da zarýad almagy üçin adatdakysyndan köp wagt gerek bolsa, onda önümi ulanmagy we oňa zarýad bermegi bes ediň we Philips-e ýüz tutuň. - Önümleri we olaryň batareýlerini mikrotolkunly ojaklaryň ýa-da induksiýaly ojaklaryň içine salmaň. - Batareýleriň gyzmagynyň ýa-da zäherli ýa-da howply maddalary çykarmagynyň öňüni almak üçin önümi ýa-da batareýleri açmaň, olarda üýtgeşme etmäň, olary deşmäň ýa-da olara zeper ýetirmäň. Batareýlerde gysga utgaşma etmäň, olara aşa zarýad bermäň ýa-da ters tarapdan zarýad bermäň.501 Türkmençe - Bu enjamda çalşyryp bolmaýan batareýalar bardyr. Batareýanyň hyzmat möhleti gutaranda, enjamy talabalaýyk görnüşde zyňmak gerek, Gaýtadan işlemek baradaky bölüme serediň. - Diňe Philips HX6110 bilen zarýad beriň giriş derejeleri: 4,75-5,25V hemişelik akym, 1,5W. - Önüme 0 °C bilen 40 °C temperatura aralygynda zarýad beriň we şol aralykda ulanyň. - Batareýalar aýrylanyndan soň olarda tötänleýin gysga utgaşmanyň emele gelmeginiň öňüni almak üçin batareýanyň klemmalarynyň metal zada (mysal üçin, teňňeler, saç tokalary, ýüzükler) galtaşmagyna ýol bermäň. Batareýalaryň daşyna alýumin folga oramaň. Batareýleri zibile zyňmazdan ozal olaryň klemmalaryna ýelmeşýän plýonka ýelmäň ýa-da batareýleri plastik haltajyga salyň. - Bu enjamda zarýad berip bolýan litiý-ion batareýjik bar. TÄZEDEN DIKELDIŞE BERILMELI ÝA-DA TALABALAÝYK ZYŇYLMALY. Saklamagyň we daşamagyň şertleri Temperatura -20°C bilen +60°C arasy (-4°F bilen 140°F arasy). Elektromagnit meýdanlary (EMF) Bu Phillips enjamy elektromagnit meýdanlaryna sezewar bolmak bilen baglanyşykly hereket edýän ähli standartlara we düzgünnamalara laýyk gelýär. Radio enjam direktiwasy Şunlukda, Philips radioenjam görnüşi (Bluetooth, NFC) bilen enjamlaşdyrylan elektrikli diş çotgalarynyň Direktiwa 2014/53/EU bilen ylalaşyklydygyny yglan edýär. - Degişli önümlerdäki Bluetooth radioýygylyk interfeýsi 2,4 GHz ýygylykda işleýär. - Bluetooth enjamynyň maksimal çykyş kuwwatlygy 3 dBm. - Degişli önümlerdäki NFC radioýygylyk interfeýsi 13,56 MHz ýygylykda işleýär. - Enjamyň geçirýän maksimal RÝ kuwwatlygy 30,16 dBm. ÝB-niň laýyklyk deklarasiýasynyň doly teksti şu aşakdaky internet salgysynda elýeterlidir: www.philips.com/support Bellik: Dürli modelleriň aýratynlyklary dürlüçe bolup bilýär. Käbir modeller Bluetooth ýa-da NFC bilen enjamlaşdyrylmadyk bolup biler.

Nasadkany metal walyň üstüne ol aňryk baryp direýänçä dözümli basyň. Bellik: Nasadka bilen tutawajyň arasynda çalaja boşluk görmek adaty ýagdaýdyr. Philips Sonicare diş çotgaňyzy ulanmak Eger Sonicare diş çotgaňyzy birinji gezek ulanýan bolsaňyz, elektriksiz diş çotgasyny ulanýan wagtyňyzdakydan has köp titreme duýsaňyz, ol adaty ýagdaýdyr. Ilkinji gezek ulanýanlaryň gaty basyp ulanmagy adaty ýagdaýdyr. Diňe çalaja basyş ediň we diş çotgasynyň özüniň çotgalamagyna ýol beriň. Iň gowy tejribe üçin, aşakdaky diş çotgalama görkezmelerini berjaý ediň. Täze Sonicare elektrikli diş çotgaňyza geçmegiňize kömegi deger ýaly, ilkibaşda 1-2 hepdeläp pes sazlama ulanyň, şondan soň has ýokary sazlama geçiň.504 Türkmençe Çotgalama görkezmeleri

Diş çotgasynyň gyllaryny çalaja (45 gradus burçda) dişlere ýerleşdiriň. Gyllar diş eti çyzygyna ýeter ýa-da ondan biraz geçer ýaly edip, dözümli basyň. Bellik: Çotganyň ortasyny hemişe dişleriňize degrip saklaň.

Gyllary emaý bilen dişleriň üstünde we diş eti çyzygynda saklaň. Gyllar dişleriň arasyna ýeter ýaly edip, çalaja öňe-yza hereket etdirip, dişleriňizi çotgalaň. Bu hereketi çotgalama döwräňiziň dowamynda dowam ediň. Bellik: Gyllar çalaja hüžžerip durmalydyr. El bilen ulanylýan diş çotgasynda bolşy ýaly, gazalap çotgalamak maslahat berilmeýär. Bellik: Juda gaty bassaňyz, tutawajyň titremesindäki üýtgeme size duýduryş berýär.505 Türkmençe

Öňdäki dişleriň iç ýüzlerini arassalamak üçin, çotganyň tutawajyny ýarym ýokaryk egiň we her dişe birnäçe dik örtüşýän çotgalama urgusyny ediň.

Türkmençe Ýygjamlyklar (diňe 5300) Ýygjamlyk sazlamalary Elektrikli diş çotgaňyz 2 dürli ýygjamlyk bilen gelýär: - Ýokary ýygjamlyk - Pes ýygjamlyk Bellik: Iň oňat netijeler üçin ýokary ýygjamlygy maslahat berýäris. Islenilýän ýygjamlygy elde saýlamak üçin diş çotgasy işläp durka çotgalamaga başlanandan ýa-da dowam etdirileninden soň 2 sekundyň içinde togy açýan/öçürýän düwmäni basmak arkaly opsiýalaryň birinden beýlekisine geçiriň. BrushSync tehnologiýasy BrushSync tehnologiýasy nasadkanyň mikroçip ulanýan tutawaç bilen aragatnaşyk etmegine mümkinçilik berýär. Nasadkanyň aşagyndaky simwoly onuň şu tehnologiýa bilen enjamlaşdyrylandygyny görkezýär. BrushSync tehnologiýasy şu mümkinçiligi berýär: - Nasadkany çalşyrmagy ýatladyş - BrushSync tertibi we ýygjamlygy jübütleme Bellik: BrushSync tertibini jübütlemegiň elýeterliligi diş çotgaňyzyň modeline bagly bolup durýar. Philips Sonicare size BrushSync tehnologiýasy bar bolan köp dürli akylly nasadkalary hödürleýär. Diş çotgasy nasadkalarynyň doly assortimentine göz gezdirmek we özüňize iň laýyk nasadkany tapmak üçin, goşmaça maglumat alar ýaly www.philips.com/toothbrush-heads salgysyna gidiň. Aýratynlyklar - Basyş sensory seslenmesi - BrushPacer - SmarTimer - EasyStart - Nasadkany çalşyrmagy ýatladyş - Nasadka tertibi jübütlemesi508 Türkmençe Basyş sensory seslenmesi Sonicare diş çotgaňyz diş etleriňizi we dişleriňizi zeperden goramak üçin, çotgalaýan wagtyňyz ulanýan basyşyňyzy ölçeýär. Juda gaty bassaňyz, tutawaç tä basyşy azaldýançaňyz öz titremesini we sesini üýtgeder. Bellik: Önümiňiz Basyş sensory seslenmesi işjeňleşdirilen görnüşde gelýär. Bu aýratynlygy deaktiwirlemek üçin (ser. “Aýratynlyklary işjeňleşdirmek ýa-da deaktiwirlemek”). BrushPacer

Täze akylly nasadkany birinji gezek dakanyňyzda, tutawaç sizde BrushSync tehnologiýaly Philips nasadkasynyň bardygyny tanaýar we nasadkanyň könelmegini yzarlamaga başlaýar.

Wagtyň geçmegi bilen, ulanýan basyşyňyz we nasadkany ulanan jemi wagtyňyz esasynda, tutawaç nasadkany çalşyrmagyň amatly wagtyny kesgitlemek üçin, onuň könelmegini yzarlaýar. Bu aýratynlyk dişleriňize iň gowy arassalamagy we idegi üpjün etmekligi kepillendirýär.

Şunuň bilen bilelikde:511 Türkmençe Eger batareýa görkezijisiniň çepdäki LED-iniň 2 gezek ýaşyl reňkde ýanyp sönenini görseňiz we çaladan gata 3 signal eşitseňiz, onda ol aýratynlyk işjeňleşen bolýar. ÝA-DA Eger batareýa görkezijisiniň çepdäki LED-iniň 1 gezek sary reňkde ýanyp sönenini görseňiz we gatydan çala 3 signal eşitseňiz, onda ol aýratynlyk deaktiwirlenen bolýar. Zarýad beriş we batareýa ýagdaýy Bu Philips Sonicare diş çotgasy doly zarýad berlen batareýde ortaça 42 sany çotgalama seansy üçin niýetlenilmek bilen, her seans 2 minut diýlip hasaplanylýar (günde iki gezek ulanylsa, 21 gün). Batareýa görkezijisi 2 minutlyk çotgalama seansy gutaranda, diş çotgasyny sägindireniňizde ýa-da ol zarýad alyp durka batareýa ýagdaýyny görkezýär. Bellik: Ilkinji gezek ulanmazdan öň, batareýa doly zarýad bermek 24 sagada çenli çekip biler, ýöne Philips Sonicare diş çotgasyny doly zarýad almanka-da ulanyp bilersiňiz. Zarýad alýar Zarýadnikde zarýad bermek

Tutawajy zarýadnige ýerleşdiriň.

Batareýi görkeziji we çyraly halka ak reňkde ýanýar, tutawaç iki gezek sesli duýduryş berýär we tutawaçdaky hemme çyralar tutawajyň aşagyndan ýokarlygyna ýanýar.

Batareýa görkezijisiniň ýanyp sönýän çyrasy tutawajyň zarýad alýandygyny görkezýär.

Tutawaç zarýad berijide wagty we batareýiň zarýady doly bolsa, batareýi görkezijiniň diod çyralary ýaşyl reňkde ýanyp-öçüp başlaýar. Batareý dolanynda ýaşyl çyra 30 sekuntlap ýanyp durýar, soňra öçýär.513 Türkmençe Batareýa ýagdaýy Batareýa ýagdaýy (tutawaç toga dakylgy zarýadnigiň üstünde dur) Tutawaç zarýadnigiň üstünde goýlanda, batareýa görkezijisi batareýa derejesini görkezýär. Batareýa ýagdaýy Ýanyp sönýän LED- leriň sany LED reňki Pes 1 Ýanyp sönýän ýaşyl Bölekleýin doly 2 Ýanyp sönýän ýaşyl Doly 3 Dolýança ýaşyl reňkde ýanyp sönýär, soňra 30 sekunt ýaşyl reňkde ýanýar we sönýär Batareýa ýagdaýy (tutawaç toga dakylan zarýadnigiň üstünde däl wagty) Diş çotgasy oýa wagty, tutawajyň aşagyndaky batareýa görkezijisi batareýanyň derejesini görkezýär. Batareýa ýagdaýy LED-leriň sany LED reňki Doly 3 Ýanyp duran ýaşyl Bölekleýin doly 2 Ýanyp duran ýaşyl Orta pes 1 Ýanyp duran ýaşyl Pes Çotgalamadan soň 1 bilen 3 gezek bipleme Sary reňkde ýanyp sönýär Boş 5 sesli duýduryşyň 2 toplumy bilen 1 Sary reňkde ýanyp sönýär Bellik: Energiýa tygşytlamak üçin, batareýa görkezijisi ulanylmaýan wagty öçer. Bellik: Batareýanyň zarýady doly çökende, diş çotgasy öçýär. Diş çotgasyny zarýadnige ýerleşdirip, zarýad beriň. Bellik: Batareýanyň zarýadyny hemişe doly saklamak üçin, diş çotgaňyzy ulanmaýan wagtyňyz zarýadnikde goýuň.514 Türkmençe Arassalamak Diş çotgasynyň tutawajy

Nasadkany aýryň we metal wally ýeri hem-de düwmeleri ýyly suw bilen ýuwup durlaň. Tutawaçdaky we düwmeleriň töweregindäki diş pastasynyň galyndylaryny azyndan hepdede bir gezek aýyrýandygyňyza göz ýetiriň, ýöne iň gowusy her gezek ulanyşdan soň aýyrmak bolup durýar. Seresap boluň: Metal waldaky ýa-da düwmeleriň töweregindäki rezin dykyzlandyryjyny ýiti zatlar bilen arassalamaň, sebäbi beýtmek zeper ýetirip biler.

Tutawajy ýumşak mata ýa-da süpürgiç bilen guradyň. Nasadka

Zarýadnigiň ýüzüni çygly mata bilen süpüriň.515 Türkmençe

Zarýad berijini ýumşak mata ýa-da süpürgiç bilen guradyň. Syýahat çeholy Syýahat çeholyny arassalamak üçin ýyly suw bilen ýuwup durlaň we çygly mata bilen arassalaň, howada guramagyna maý beriň. Saklamak Eger önümi uzak wagtlap ulanmajak bolsaňyz, ony rozetkadan sogrup arassalaň we gönümel gün şöhlesi düşmeýän salkyn, gury ýerde saklaň. Çalşyrmak Optimal netijeleri almak üçin, Philips Sonicare nasadkalaryny her 3 aýdan çalşyryp duruň. Diňe Philips Sonicare ätiýaçlyk nasadkalaryny ulanyň. Model belgisiniň ýerini tapmak Model belgisi (mysal üçin, HX740x) üçin Philips Sonicare diş çotgasynyň tutawajynyň aşagyna serediň. Näsazlyklary düzetmek (ROW) Bu bölümde enjamda iň köp ýüze çykmagy mümkin meseleler gysgaça ele alynýar. Aşakdaky maglumatlaryň kömegi bilen meseläni çözüp bilmeseňiz, ýygy soralýan soraglaryň sanawyny görmek üçin www.philips.com/support salgysyna giriň we model belgiňizi giriziň ýa-da öz ýurduňyzdaky Müşderiler bilen işleşmek boýunça merkeze ýüz tutuň. Mesele Ähtimal sebäbi Çözgüdi Nasadkany doly dakyp bilmeýärin. Nasadka bilen tutawajyň arasynda boşluk bolýar. Ol boşluk adaty zatdyr, ol nasadkanyň talabalaýyk titremegi üçin zerurdyr. Nasadka dogry möçberde titreme döredip bilmek üçin hereket edip bilýän bolmaly. Philips Sonicare diş çotgamyň titremesi öňküsünden gowşak. Nasadka tutawajyň korpusyna gaty ýakyn. Nasadkany tutawaçdan aýryň we ony biraz boşluk goýup, metal wala täzeden ýerleşdiriň. (1-2mm).516 Türkmençe Mesele Ähtimal sebäbi Çözgüdi Diş çotgasy işlemegini bes edýär. Batareý çöken. Diş çotgasynyň tutawajyna zarýadnikde zarýad beriň. Diş çotgama zarýad berdim, ýöne ol diňe sähelçe wagt işleýär. Diş çotgasynyň tutawajy zarýadnikde dik goýulmadyk, şonda ol zarýad almaýar. Tutawajy zarýadnigiň bazasynda dik goýuň we zarýadnigi toga dakyň. KEPILLIK ÇÄKLENDIRMELERI Kepillige degişli däl zatlar: - Çotga nasadkalaryny we irrigator nasadkalaryny öz içine alýan agyz nasadkalarynda. - Ygtyýar berilmedik ätiýaçlyk şaýlaryň ýa-da ygtyýar berilmedik çotga nasadkalarynyň ulanylmagy sebäpli ýüze çykan zeper. - Nädogry ulanmaklyk, maksadyna laýyk ulanylmazlyk, geleňsizlik, modifikasiýalar ýa-da ygtyýar berilmedik abatlama sebäpli ýüze şykan zeper. - Adaty könelme, şol sanda jaýryklar, çyzyklar, iýilmeler, reňkiň üýtgemegi ýa- da solmagy.