ПАЙДАЛАНУШЫ НҰСҚАУЛЫҒЫ EB-P4520 SAMSUNG
Құрылғының сыртқы көрінісі
▶ EB-P4520:
▶ EB-U2510:
Батареяны зарядтау
Өнімді бірінші рет пайдалану алдында немесе өнім ұзақ уақыт бойы пайдаланылмаса, батареяны зарядтаңыз.
1. Өнімді зарядтағышқа жалғаңыз.
Зарядтағыш өнімге дұрыс жалғанған кезде, батарея индикаторының шамдары жанып, жыпылықтайды.
2. Өнім толық зарядталған кезде, оны зарядтағыштан ажыратыңыз.
Батареяны зарядтау кезіндегі кеңестер мен сақтық шаралары
Тек өз өніміңізге арналған және Samsung мақұлдаған зарядтағыш пен кабельді пайдаланыңыз. Сәйкес келмейтін зарядтағыш пен кабель ауыр жарақатқа немесе өнімнің зақымдалуына себеп болуы мүмкін.
- Зарядтағышты дұрыс жалғамау өнімді қатты зақымдауы мүмкін. Ұқыпсыз пайдалану салдарынан туған ақауларға кепілдік қолданылмайды.
- Тек өніммен бірге берілген USB Type-C кабелін пайдаланыңыз. Micro USB кабелі пайдаланылса, өнім зақымдалуы мүмкін.
- Зарядтағыш порты дымқыл кезде өнімді зарядтайтын болсаңыз, өнім зақымдалуы мүмкін. Өнімді зарядтау алдында зарядтағыш портын жақсылап кептіріңіз.
- Өнімді зарядтағышпен (бөлек сатылады) зарядтауға болады.
- Өнімнің екі зарядтау порты бар, кез келген портты пайдаланып, өнім мен басқа құрылғыларды зарядтауға болады.
- Зарядтаған кезде, тиімді зарядтауға кепілдік беретін және мақұлданған зарядтағышты пайдаланғаныңыз дұрыс.
- Компьютер сияқты зарядтағыштан ерекшеленетін қуат көзін пайдалану токтың ең төмен жылдамдығы себебінен зарядтау жылдамдығының төмендеуіне әкеліп соқтыруы мүмкін.
- Өнім зарядталып жатқанда, оны пайдалануға болады, бірақ батареяны толық зарядтауға ұзағырақ уақыт кетуі мүмкін.
- Зарядтау кезінде өнім қызып кетуі мүмкін. Бұл қалыпты жағдай және өнімнің қызмет мерзіміне немесе өнімділігіне әсер етпеуі керек. Егер батарея әдеттегіден ыстығырақ болса, зарядтағыш зарядтауды тоқтатуы мүмкін.
- Нақты сыйымдылығы (Вт·сағ) шығыс тогы мен батареяның кернеуі бойынша өлшенеді. Ол шығыс қуатына, жалғанған құрылғы тізбегінің конфигурациясына және пайдалану жағдайларына байланысты өнімде көрсетілген сыйымдылықтан (Вт·сағ) ерекшеленуі мүмкін.
- Өнім дұрыс зарядталмай жатса, өнім мен зарядтағышты Samsung қызмет көрсету орталығына немесе өкілетті қызмет көрсету орталығына апарыңыз.
Қалған батарея қуатын тексеру
Батареяның индикатор шамдары батарея қалған қуатын көрсетеді.
Батарея деңгейі түймесін немесе Батарея деңгейі / Сымсыз зарядтауды күту түймесін басу арқылы батареяның қалған қуатын тексеріңіз. Қалған батарея қуатына байланысты батареяның индикатор шамдары жанып, өшеді.
| Kalfan 6atapea kuatb 6atapeaynu, indikator wambl |
| 70–100% | • 6atapeaynu, tept indikator wambl jkanadbl |
| 40–70% | • 6atapeaynu, yw indikator wambl jkanadbl |
| 20–40% | • 6atapeaynu, eki indikator wambl jkanadbl |
| 5–20% | • 6atapeaynu, 6ir indikator wambl jkanadbl |
| 0–5% | • 6atapeaynu, 6ir indikator wambl jkypblktaidbl |
- Батареяның индикатор шамдары дұрыс жұмыс істемесе немесе дұрыс танылмаса, зарядтағышты ажыратып, қайта жалғаңыз.
- Өнімге жалғанған құрылғыға байланысты батареяның индикатор шамдары басқаша жұмыс істеуі мүмкін.
Сымсыз зарядтау күйін тексеру (EB-U2510)
Индикатор шамының түсін қарау арқылы өнімнің сымсыз зарядтау күйін тексеріңіз.
| Тусі Күйі | |
| Уздіксіз қызыл болып жанады | Сымсыз зарядтау |
| Жасыл болып жанады | Сымсыз зарядтау аякталды |
| Қызыл → жасыл → сары түспен жыпылықтау (бір рет) | Сымсыз зарядтаудың күту күйі |
- Зарядтау индикаторының шамы дұрыс жұмыс істемесе немесе дұрыс танылмаса, зарядтағыңыз келген құрылғыны өнімнен ажыратып, өнімге қайта қосыңыз.
- Зарядтағыңыз келген құрылғыға байланысты зарядтаудың индикатор шамы басқаша жұмыс істеуі мүмкін.
Өнімді пайдалану
Құрылғыларды зарядтау
Кабельдің көмегімен зарядтау
1 USB кабелінің бір ұшын өнімнің зарядтау портына жалғаңыз. Содан кейін USB кабелінің екінші ұшын мобильді құрылғының көп мақсатты ұяшығына жалғаңыз.
2 Мобильді құрылғы толығымен зарядталған болса, USB кабелін өнімнен және мобильді құрылғыдан ажыратыңыз.
- Зарядтағыштың көп мақсатты ұяшығы және зарядтағыңыз келген құрылғы micro USB түрінде болса, бөлек сатылатын USB қосқышын пайдаланыңыз.
- Зарядтау шарттарына байланысты зарядтау уақыты әртүрлі болуы мүмкін.
- Жылдам зарядтауды бастау үшін жылдам зарядтауға қолдау көрсететін құрылғыны өнімге жалғаңыз.
- Өнімге жалғанған құрылғы зарядталмаса, USB құрылғысын өнімнен ажыратып, қайта жалғаңыз.
- Өнім қосалқы сыртқы батарея болып табылады. Ол кейбір құрылғыларды толық зарядтамауы мүмкін.
- Өнімге тым жоғары не төмен температура әсер етсе немесе қате орын алса, батареяның индикатор шамдары жыпылықтайды. Құрылғыны өнімнен ажыратып, қайта жалғаңыз.
Өнімде кірістірілген сымсыз индукциялық зарядтау шарғысы бар. Сымсыз зарядтауға қолдау көрсететін құрылғыларды зарядтауға болады.
Зарядтағыңыз келген құрылғының экраны болса, болжалды зарядтау уақыты құрылғы экранында пайда болады. Қалған болжалды зарядтау уақыты зарядтау ортасына байланысты нақты уақыттан өзгеше болуы мүмкін. Зарядтау шарттарына байланысты нақты зарядтау уақыты әртүрлі болуы мүмкін.
1 Батарея деңгейі / Сымсыз зарядтауды күту режимі түймесін басыңыз.
2 Зарядтағыңыз келген құрылғыны өнімге, құрылғының сымсыз индукциялық зарядтау шарғысын өнімнің зарядтау портының ортасына қойыңыз. Белгілі бір құрылғы керек-жарақтары не тысы болса, сымсыз зарядтау ойдағыдай жұмыс істемеуі мүмкін. Тұрақты түрде сымсыз зарядтау үшін құрылғыдан тысын немесе керек-жарабын зарядтайтын кезде алып тастағаныңыз дұрыс.
3 Толығымен зарядтағаннан кейін, құрылғыны өнімнен ажыратыңыз.
Сымсыз зарядтауға қатысты сақтық шаралары
Сақтық шараларын орындамаған жағдайда, құрылғы дұрыс зарядталмауы, қызып кетуі немесе телефон мен карталар зақымдалуы мүмкін.
- Телефонның кредит картасын немесе радиожиілікті анықтау (RFID) картасын (тасымалдау картасы не кілт картасы сияқты) телефонның артқы жағы мен телефон тысының арасына қойып, телефонды өнімге қоймаңыз.
- Металл заттар және магниттер сияқты өткізгіш материалдар телефон мен өнім арасына қойылған жағдайда, телефонды өнімге қоймаңыз.
- Өнім сымсыз зарядтаудың күту режиміне өткеннен кейін шамамен 1 минут ішінде сымсыз зарядтау басталмаса, сымсыз зарядтаудың күту режимі аяқталады.
- Өнім желі сигналы төмен болатын жерлерде қолданылған кезде, желі қосылымы ажырауы мүмкін.
Пайдалану бойынша ескертпелер
Өнімді пайдалану бойынша сақтық шаралары
Қауіпсіз әрі дұрыс пайдалану үшін өнімді пайдаланбас бұрын осы нұсқаулықты оқып шығыңыз.
- Суреттер нақты өнімнен ерекшеленуі мүмкін. Мазмұн алдын ала ескертусіз өзгертілуі мүмкін.
Нұсқаулық белгішелер
Ескерту: өзіңіздің немесе басқалардың жарақат алуына әкелуі мүмкін жағдайлар
Абайлаңыз: өнімді немесе басқа жабдықты зақымдауы мүмкін жағдайлар
Ескертпе: ескертулер, пайдалану туралы кеңестер немесе қосымша ақпарат
Орама құрамы мен аксессуарлар бойынша ескертпелер
Өнім қорабында мына заттар бар екенін тексеріңіз:
• ΘΗΜ - USB кабелі • Жылдам бастау нұсқаулығы
- Өніммен бірге берілген элементтер және кез келген қолжетімді аксессуарлар аймаққа немесе тасымалдаушыға байланысты әртүрлі болуы мүмкін.
- Берілген элементтер тек осы өнімге арналған және басқа құрылғылармен үйлесімді болмауы мүмкін.
- Сыртқы түрі мен сипаттамалары ескертусіз өзгертілуі мүмкін.
- Қосымша қосалқы құралдарды Samsung веб-сайтынан сатып алуға болады. Сатып алу алдында олардың өніммен үйлесімді екенін тексеріңіз.
- Samsung мақұлдаған аксессуарларды пайдаланыңыз. Бекітілмеген қосалқы құралдарды пайдалану кепілдікте қамтылмаған өнімділік мәселелерін және ақаулықтарды тудыруы мүмкін.
- Барлық қосалқы керек-жарақтың қолжетімділігі тек өндіруші компанияларға байланысты болады. Қолжетімді қосалқы құралдар туралы қосымша ақпарат Samsung веб-сайтында ұсынылған.
Авторлық құқық
Бұл нұсқаулық халықаралық авторлық құқықтар туралы заңдармен қорғалған.
Бұл нұсқаулықтың ешбір бөлігін кез келген түрде немесе электрондық не механикалық кез келген әдіс, соның ішінде фотокөшіру, жазу не кез келген ақпарат сақтау орнында және шығарып алу жүйесінде сақтау арқылы көшіруге, таратуға, аударуға немесе тасымалдауға болмайды.
Сауда белгілері
- SAMSUNG және SAMSUNG логотипі — Samsung Electronics Co., Ltd. компаниясының тіркелген сауда белгілері.
- Барлық басқа сауда белгілері және авторлық құқықтар тиісті иелерінің меншігі болып табылады.
EAC
Кіріспе нұсқаулық
Құрылғы бөліктерінің сызбасы
▶ EB-P4520:
