Uv Sanitizer HX6907 - I pakategorizuar PHILIPS - Manual falas për përdoruesin

MANUAL I PËRDORUESIT Uv Sanitizer HX6907 PHILIPS

Shqip Informacion i rëndësishëm sigurie Përdoreni produktin vetëm për qëllimin e synuar. Lexojeni me kujdes këtë informacion të rëndësishëm përpara përdorimit të produktit, baterive dhe aksesorëve të tij dhe ruajeni për referencë në të ardhmen. Keqpërdorimi mund të shkaktojë rrezik ose lëndime të rënda. RREZIK - Mbajeni higjienizuesin larg ujit. Mos e vendosni apo ruani pajisjen në një vend nga ku mund të bjerë ose të tërhiqet në vaskë ose lavaman. - Mos e zhytni higjienizuesin në ujë apo në një lëng tjetër. - Pas pastrimit, sigurohuni që higjienizuesi të jetë plotësisht i thatë përpara ta lidhni me prizën e murit. PARALAJMËRIME - Kjo pajisje mund të përdoret nga fëmijë dhe nga persona me aftësi të kufizuara fizike, ndijore ose mendore ose me mungesë përvoje e njohurish, nëse mbikëqyren apo udhëzohen për ta përdorur pajisjen në mënyrë të sigurt dhe nëse i kuptojnë rreziqet që paraqiten. Pastrimi dhe mirëmbajtja nga përdoruesi nuk duhet të bëhet nga fëmijët pa mbikëqyrje. - Fëmijët nuk duhet të luajnë me pajisjen. - Mbajeni higjienizuesin larg fëmijëve në çdo kohë. - Ndaloni përdorimin e higjienizuesit nëse llamba e dritës UV qëndron e ndezur kur dera është e hapur. Drita UV mund të jetë e dëmshme për syrin dhe lëkurën e njeriut. - Pajisja nuk përmban pjesë të cilave mund t'u kryhet servis nga përdoruesi. Nëse pajisja dëmtohet, ndërpriteni përdorimin dhe kontaktoni qendrën e kujdesit ndaj klientit në shtetin (shih 'Garancia dhe mbështetja') tuaj. Nëse kordoni është i dëmtuar, ndërroni karikuesin dhe/ose higjienizuesin me një të ri. - Mos e përdorni higjienizuesin në ambiente të jashtme ose pranë sipërfaqeve të nxehta. - Për të shmangur rrezikun, ndërrojeni gjithmonë higjienizuesin me një tjetër origjinal. - Mos përdorni koka furçe të ndryshme nga ato që rekomandon "Philips Sonicare". - Nëse keni probleme mjekësore, konsultohuni me mjekun përpara përdorimit të pajisjes. - Kjo është një pajisje kujdesi personal dhe nuk synohet të përdoret nga pacientë të shumtë në klinika apo institucione dentare. - Karikojeni, përdoreni dhe ruajeni produktin në temperaturë nga 0°C deri në 40°C.89 Shqip KUJDES - Përdoreni higjienizuesin vetëm me ekranin mbrojtës në vend. - Llamba e dritës UV e higjienizuesit është e nxehtë gjatë ciklit të higjienizimit dhe menjëherë pas tij. Mos e prekni llambën e dritës UV kur është e nxehtë. - Nëse higjienizuesi është përdorur për 3 cikle pastrimi UV radhazi, fikeni për të paktën 30 minuta përpara se të filloni një cikël tjetër pastrimi UV. - Mos pastroni asnjë pjesë të produktit në enëlarëse. Fushat elektromagnetike (EMF) Pajisja Philips është në përputhje me të gjitha standardet dhe rregulloret në fuqi për ekspozimin ndaj fushave elektromagnetike. Hyrje Ju përgëzojmë për blerjen tuaj dhe mirë se vini në "Philips"! Për të përfituar plotësisht nga mbështetja që ofron "Philips", regjistrojeni produktin në www.philips.com/welcome. Përshkrim i përgjithshëm (fig. 1) 1 Tasti ndezje/fikje 2 Hapja e derës 3 Dritarja 4 Karikuesi i furçës elektrike "Sonicare" 5 Kordoni Higjienizimi i kokave të furçës Me higjienizuesin UV ju mund ta pastroni kokën e furçës pas çdo përdorimi. Shënim: Drita UV mund të jetë e dëmshme për syrin dhe lëkurën e njeriut.

Pas larjes me furçë, shpëlajeni kokën e furçës dhe shkundni ujin e tepërt (Fig. 3). Paralajmërim: Mos e vendosni kapakun e udhëtimit në kokën e furçës gjatë higjienizimit.

Vendoseni gishtin në hapjen e derës në pjesën e sipërme të higjienizuesit dhe hapni derën (Fig. 4).

Vendosni kokën e furçës në një nga 2 dhëmbëzat në higjienizues me fijet e furçës të drejtuara nga llamba e dritës (Fig. 5). Shënim: Kokat zëvendësuese bashkuese të furçës Philips Sonicare pastrojini vetëm në higjienizues. Higjienizuesi UV është i projektuar për t'iu përshtatur të gjitha kokave bashkuese të furçës "Sonicare".90 Shqip

Sigurohuni që higjienizuesi të lidhet me prizën e rrymës me tensionin e duhur.

Mbylleni derën dhe shtypni butonin e gjelbër të ndezjes/fikjes një herë për të zgjedhur ciklin e pastrimit UV (Fig. 6). - Higjienizuesi është në punë kur drita ndriçon përmes dritares. Shënim: Ju mund ta ndizni higjienizuesin vetëm nëse dera është mbyllur mirë. Shënim: Higjienizuesi ndalon nëse e hapni derën gjatë ciklit të higjienizimit. Shënim: Cikli i higjienizuesit zgjat për 10 minuta dhe më pas fiket automatikisht. Karikimi i furçës suaj elektrike "Sonicare" Shënim: Karikuesi juaj është i përputhshëm vetëm me furçat e dhëmbëve "Philips Sonicare" që kanë një vrimë karikimi në pjesën e poshtme (Fig. 7).

Vendosni dorezën në karikues.

Shihni manualin e furçës së dhëmbëve për treguesin dhe statusin e karikimit. Shënim: Shihni udhëzimet dhe kohët e karikimit të furçës elektrike "Sonicare" në manualin e furçës së dhëmbëve. Pastrimi i higjienizuesit Paralajmërim: Mos e zhytni higjienizuesin në ujë ose mos e shpëlani në rubinet. Paralajmërim: Mos e pastroni higjienizuesin kur llamba e dritës UV është e nxehtë. Për efikasitet, rekomandohet që higjienizuesi të pastrohet çdo javë.

Hiqeni higjienizuesin nga priza.

Nxirreni vasketën e pikimit direkt jashtë (Fig. 8). Shpëlajeni vasketën e pikimit dhe fshijeni me një leckë të njomë.

Pastroni të gjitha sipërfaqet e brendshme me leckë të lagur.

Hiqeni ekranin mbrojtës në pjesën e përparme të llambës së dritës UV. Për të hequr ekranin, kapni skajet pranë kunjave, shtypni lehtë dhe nxirrni ekranin mbrojtës (Fig. 9).

Hiqni llambën e dritës UV. Për të hequr llambën e dritës, kapeni dhe nxirreni nga mbajtësja metalike.

Pastroni ekranin mbrojtës dhe llambën e dritës UV me një leckë të njomë.91 Shqip

Futeni sërish llambën e dritës UV. Për të rifutur llambën, bashkërenditni fundin e llambës me mbajtësen metalike dhe shtyjeni llambën në mbajtëse.

Futeni sërish ekranin mbrojtës. Për të rifutur ekranin, bashkërenditni dhëmbëzat në ekran me vrimat në sipërfaqen reflektive pranë llambës së dritës UV. Shtyjeni ekranin direkt në vrima në higjienizues.

Vendoseni sërish vasketën e pikimit në higjienizuesin UV.

Pas pastrimit, sigurohuni që higjienizuesi të jetë plotësisht i thatë përpara ta fusni në prizë. Ruajtja Nëse nuk do ta përdorni për një kohë të gjatë produktin, hiqeni atë nga priza, pastrojeni dhe ruajeni në një vend të freskët dhe të thatë, larg dritës së drejtpërdrejtë të diellit. Zëvendësimi Llambat e ndërrimit UV ofrohen nga qendra e shërbimit ndaj klientit e "Philips Sonicare". Vizitoni:www.philips.com/support për të kontaktuar qendrën tuaj lokale të kujdesit ndaj klientit të "Philips". Garancia dhe mbështetja Për informacion mbi produktin, mbështetje dhe udhëzime në internet për përdoruesin, vizitoni: www.philips.com/support ose lexoni fletëpalosjen e garancisë ndërkombëtare. Kushtet e garancisë ndërkombëtare nuk mbulojnë sa më poshtë: - Dëmtimin e shkaktuar nga përdorimi i pjesëve të paautorizuara të ndërrimit. - Dëmtimin e shkaktuar nga keqpërdorimi, abuzimi, pakujdesia, modifikimi ose riparimi i paautorizuar. - Konsumimin e zakonshëm, duke përfshirë ciflosjet, gërvishtjet, gërryerjet, çngjyrimin ose zbehjen. - Llamba e dritës UV. Riciklimi - Llamba e dritës UV e higjienizuesit përmban merkur. Mos e hidhni llambën e dritës UV me mbeturinat normale të shtëpisë në fund të jetëgjatësisë së saj. Dorëzojini në pikë zyrtare grumbullimi për riciklim.92 Shqip - Zbatoni rregulloret e shtetit tuaj për grumbullimin e veçuar të produkteve elektrike dhe elektronike. Hedhja e duhur ndihmon në parandalimin e pasojave negative për mjedisin dhe shëndetin e njeriut.Slovenščina