Sonicare ExpertClean 7300 HX9641 - Diş fırçası PHILIPS - Pulsuz istifadəçi təlimatı

İSTİFADƏÇİ TƏLİMATNAMƏSİ Sonicare ExpertClean 7300 HX9641 PHILIPS

Azərbaycanca Giriş Philips Sonicare ailəsinə xoş gəlmişsiniz! Diş ərpinin daha yaxşı təmizlənməsi, daha bəyaz dişlər və daha sağlam damaqlar - hamısı barmaqlarınızın ucunda. Sonicare-in zərif səs texnologiyası, habelə klinik cəhətdən işlənilib hazırlanmış və təsdiqlənmiş xüsusiyyətləri ilə hər dəfə mümkün olan ən yaxşı təmizliyi əldə etdiyinizə əmin ola bilərsiniz. Daha çox dəstək və məhsul qeydiyyatı üçün bu səhifəyə daxil olun: www.philips.com/support Təhlükəsizliklə bağlı vacib məlumat Məhsulu yalnız təyinatı üzrə istifadə edin. Məhsulu və onun batareya, aksesuarlarını istifadə etməzdən əvvəl bu vacib məlumatları diqqətlə oxuyun və gələcəkdə istinad etmək üçün saxlayın. Yanlış istifadə təhlükələrə və ya ciddi xəsarətlərə səbəb ola bilər. Xəbərdarlıqlar - Adapterləri və UB dezinfeksiyaedicisini sudan uzaq saxlayın. - Təmizlədikdən sonra doldurma qabını və/və ya dezinfeksiyaedicini rozetkaya taxmazdan əvvəl tamamilə quruduğuna əmin olun. - Bu cihaz uşaqlar və fiziki, hissiyyat və ya əqli qabiliyyətləri zəif olan, yaxud cihazın istifadəsi ilə bağlı təcrübə və biliyi olmayan insanlar tərəfindən o zaman istifadə oluna bilər ki, onlara cihazın təhlükəsiz istifadəsinə dair təlimat verilib və ya təhlükəsiz istifadəni təmin etmək üçün nəzarət altında olacaqlar, yaxud əlaqədar təhlükələr barədə məlumatlandırılıblar. Nəzarət olmadan uşaqlara təmizlik və ya istifadəçi baxımını həyata keçirmək icazəsi verilməməlidir. - Uşaqlar cihazla oynamamalıdırlar. - Yalnız orijinal Philips aksesuarları və ya istehlak materiallarından istifadə edin. Yalnız məhsulun üzərində verilən doldurma qabını istifadə edin. Təchiz edilibsə, yalnız orijinal USB kabeli və USB enerji təchizatı qurğusundan istifadə edin.30 Azərbaycanca - Bu cihazda istifadəçinin təmir edə biləcəyi hissələr yoxdur. Cihaz zədələnibsə, ondan istifadəni dayandırın və ölkənizdəki Müştəriyə Xidmət Mərkəzi ilə əlaqə saxlayın. Yalnız şnurlu cihazlar: Şnur zədələnibsə, adapter və ya dezinfeksiyaedicisini yenisi ilə əvəzləyin. - Doldurma qabından və/yaxud dezinfeksiyaedici məhluldan çöldə və ya isti səthlərin yaxınlığında istifadə etməyin. - Məhsulun hər hansı hissəsini qabyuyan maşında təmizləməyin. - Bu cihaz yalnız dişləri, damağı və dili təmizləmək üçün hazırlanıb. - Dezinfeksiyaedici vasitəni həmişə uşaqların əli çatmayan yerdə saxlayın. - Qapı açıq olduqda UB lampası yanırsa, dezinfeksiyaedici vasitədən istifadəni dayandırın. UB lampa şüaları insan gözünə və dərisinə zərər verə bilər. - Dezinfeksiyaedici vasitəni yalnız qoruyucu ekran üçün işlədin. - Qızdıqda UB dezinfeksiyaedicisinin UB lampasına toxunmayın. - Fırça başlığının xovları zədələnib və ya əyilibsə, ondan istifadəni dayandırın. Köhnəlmə əlamətləri üzə çıxsa, fırça başlığını hər 3 aydan bir və ya daha tez-tez dəyişdirin. - Tərkibində efir yağları və ya kokos yağı olan məhsullarla birbaşa təmasdan çəkinin. Bu cür təmas tüklərin yerindən çıxmasına səbəb ola bilər. - İstifadədən sonra həddən artıq qanama olsa, qanama 1 həftəlik istifadədən sonra yenə də davam etsə və ya narahatlıq, yaxud ağrı hiss etsəniz, cihazdan istifadəni dayandırın və stomatoloqunuz/həkiminiz ilə məsləhətləşin. - Ötən 2 ay ərzində ağız və diş əti əməliyyatı keçirmisinizsə, bu cihazı istifadə etməzdən əvvəl stomatoloqunuz ilə məsləhətləşin.31 Azərbaycanca - Əgər sizdə kardiostimulyator və ya başqa implantasiya edilmiş cihaz varsa, istifadə etməzdən əvvəl həkiminizlə və ya implantasiya edilmiş cihazın istehsalçısı ilə əlaqə saxlayın. - Sağlamlıq problemləriniz varsa, bu cihazı istifadə etməzdən əvvəl həkiminiz ilə məsləhətləşin. - Cihaz şəxsi gigiyena cihazıdır və stomatoloji praktikada və ya müəssisədə çoxsaylı xəstələrdə istifadə üçün nəzərdə tutulmayıb. Batareya təhlükəsizliyinə dair təlimatlar - Bu cihazda yalnız təcrübəli şəxslər tərəfindən çıxarılmalı olan batareyalar var - Məhsulu yalnız təyinatı üzrə istifadə edin. Məhsulu və onun batareya, aksesuarlarını istifadə etməzdən əvvəl bu məlumatları diqqətlə oxuyun və gələcəkdə istinad etmək üçün saxlayın. Yanlış istifadə təhlükələrə və ya ciddi xəsarətlərə səbəb ola bilər. Verilən aksesuarlar müxtəlif məhsullar üçün fərqli ola bilər. - Yalnız orijinal Philips aksesuarları və istehlak materiallarından istifadə edin. Yalnız TCBxxxx, HX6100, HX6110, HX6160 və ya WAAxxxx çıxarıla bilən enerji təchizatı blokundan istifadə edin. - Məhsulu və batareyaları oddan uzaq saxlayın və onları birbaşa günəş işığı və ya yüksək temperatura məruz qoymayın. - Məhsul anormal şəkildə qızar və ya qoxu gələrsə, rəngini dəyişər və ya şarj normaldan daha uzun müddət davam edərsə, məhsulu istifadə etməyi, həmçinin şarj etməyi dayandırın və Philips ilə əlaqə saxlayın. - Məhsulları və onların batareyalarını mikrodalğalı soba və ya induksiyalı ocaqlara qoymayın. - Batareyaların qızmaması və ya zəhərli, təhlükəli maddələr buraxmaması üçün məhsulu və ya batareyanı açmayın, dəyişdirməyin, deşməyin, zədələməyin və ya sökməyin. Batareyanın qısa qapanmasına, həddindən artıq və ya əks şarj edilməsinə yol verməyin.32 Azərbaycanca - Bu cihazda təmir oluna bilən hissələr yoxdur. Batareyanın istismar müddəti başa çatdıqda, cihaz lazımi qaydada atılmalıdır (təkrar emal bölməsinə baxın). - Batareyalar zədələnərsə və ya sızdırarsa, onların dəri və ya gözlə təmasından çəkinin. Bu baş verərsə, dərhal su ilə yaxşıca yuyun və həkimə müraciət edin. - Batareyalarla işləyərkən əllərinizin, məhsulun və batareyaların quru olduğundan əmin olun. - Batareyaların çıxarıldıqdan sonra ani qısaqapanmanın qarşısını almaq üçün batareya terminallarının metal əşya ilə (məsələn, sikkələr, saç tokaları, üzüklər) təmas etməsinə yol verməyin. Batareyaları alüminium folqa ilə bükməyin. Batareya terminallarını atmazdan əvvəl onları bantlayın və plastik torbalara qoyun. - Məhsulu 0 °C və 40 °C aralığında olan temperaturda şarj edin və istifadə edin. Saxlama və daşınma şərtləri Temperatur -10°C - 60°C. Elektromaqnit sahələr (EMS) Bu Philips cihazı elektromaqnit sahələrin təsirinə məruz qalma ilə əlaqədar bütün tətbiq olunan standartlar və qaydalara uyğundur. Radio Avadanlığı Direktivi Bununla, Philips radio avadanlıq növü ilə (Bluetooth, NFC) təchiz edilmiş elektrik diş fırçalarının 2014/53/Aİ Direktivinə uyğun olduğunu bəyan edir. - Müvafiq məhsullarda Bluetooth radio tezliyi interfeysi 2,4 GHz tezliyində işləyir. - Bluetooth cihazının maksimum çıxış gücü 3 dBm-dir. - Müvafiq məhsullarda NFC radio tezliyi interfeysi 13,56 MHz tezliyində işləyir. - Cihazın ötürdüyü maksimum RT gücü 30,16 dBm-dir. Aİ uyğunluq bəyannaməsinin tam mətni aşağıdakı internet ünvanında əlçatandır: www.philips.com/support Qeyd: Xüsusiyyətlər müxtəlif modellərə görə fərqlənə bilər. Bəzi modellər Bluetooth və ya NFC ilə təchiz edilməyə bilər.33 Azərbaycanca Məhsulda aşağıdakı simvollar görünə bilər: Operator Təlimatını oxuyun: Ayrıla bilən enerji təchizatı hissəsi:"xxxxxx" istifadə olunacaq təsdiqlənmiş şarj cihazlarının model nömrəsini göstərir. (TCBxxxx, HX6100, HX6110, HX6160 və ya WAAxxxx) İstifadə Təyinatı Sonicare ExpertClean elektrik diş fırçaları diş çürüməsini azaltmaq, ağız sağlamlığını yaxşılaşdırmaq və qorumaq məqsədilə dişlərdəki diş ərpini və qida qalıqlarını təmizləmək üçün nəzərdə tutulub. Sonicare ExpertClean elektrik diş fırçaları fərdi istifadə üçün nəzərdə tutulub. Uşaqlar böyüklərin nəzarəti altında istifadə etməlidir. Philips Sonicare (Şək. 1.) 1 Tutacaq 2 Yandırın/söndürün düyməsi 3 İntensivlik göstəricisi 4 Rejim/intensivlik düyməsi 5 Rejim göstəricisi 6 Fırça başlığını dəyişdirmək üçün xatırladıcı 7 Batareya göstəricisi Aksesuarlar: 8 Fırça başlığının qapağı 9 Smart fırça başlığı (başlıqları) 10 BrushSync simvolu 11 Şarj stendi 12 Portativ qab 13 Şarj etmə funksiyalı portativ qab 14 USB-A divar adapteri 15 USB-A kabeli34 Azərbaycanca 16 UB desinfeksiyaedicisi və adapter Qeyd: Qutuya daxil edilmiş aksesuarlar satın alınmış modelə görə fərqlənə bilər. Sonicare tətbiqi - Başlamaq Əlaqəli təcrübə təmin etmək üçün Sonicare tətbiqi diş fırçanız ilə əlaqələndirilir. Diş fırçanızı Sonicare tətbiqi hesabına qoşmaqla bunları edə biləcəksiniz: - Fırçalamanızın təkmilləşməsini izləyin - Ağız sağlamlığınızı yaxşılaşdırmaq üçün fərdiləşdirilmiş ipucuları və təsirli tövsiyələr əldə edin - Bütün üstünlüklərə daxil olun və davamlı təkmilləşdirmələr əldə edin Tətbiq mobil cihazların geniş çeşidi ilə uyğun gəlir. Sonicare tətbiqindən istifadəyə başlamaq üçün:

Tətbiqi açın və addımları yerinə yetirin.

Diş fırçanızı tətbiq ilə əlaqələndirin.

Tətbiqdə hesabınızı yaradın. Ən son təkmilləşdirmələrə və xüsusiyyətlərə daxil olmaq üçün tələb olunarsa, avadanlıq-proqram təminatı yeniləməsini tamamlayın.

Diş fırçanızdan müntəzəm olaraq tətbiqlə əlaqə halında istifadə edin. Diş fırçanızı tətbiq ilə mütəmadi sinxronizasiya etdiyiniz halda, ağız sağlamlığınızı təkmilləşdirməyə yardım edəcək yeniləmələr əldə edəcəksiniz.

Mütəmadi sinxronizasiya edin.

Məlumatların optimal şəkildə köçürülməsi üçün telefonunuzu diş fırçanıza yaxın tutun. Manual olaraq sinxronizasiya etmək üçün: Tətbiqin xüsusiyyətlərindən/üstünlüklərindən faydalanmaq üçün diş fırçanızı hər iki həftədən bir tətbiq ilə əlaqələndirin/qoşun. Avtomatik sinxronizasiya etmək üçün: Tətbiqi quraşdırarkən məkan icazəsini yandırın. Məkan icazələrini35 Azərbaycanca yandırmaqla, telefonunuz diş fırçanızın nə vaxt əlaqə diapazonunda olduğunu bilir və ən son fikir, həmçinin tövsiyələri təmin etmək üçün fırçalama məlumatlarınızı tətbiqdə yeniləmək imkanına malik olur. Qeyd: Tətbiqdən istifadə edərkən telefonunuzda Bluetooth-un yandırıldığından əmin olun, bunun vasitəsilə iş fırçanız fırçalama məlumatlarınızı tətbiqə ötürə və yeniləyə bilir. Fırçalama məlumatlarınızın niyə toplandığı haqqında suallarınız varsa, tətbiqin quraşdırılma prosesi zamanı əlçatan olan Sonicare Məxfilik Bildirişini nəzərdən keçirdiyinizə əmin olun. Tətbiqin xüsusiyyətləri Sonicare elektrik diş fırçanız smart sensorlar ilə təchiz edilib. Bunun məqsədi sizi aşağıdakılar da daxil olmaqla fırçalama vərdişləriniz haqqında rəy ilə təmin etməkdir: - Gündəlik fırçalama sessiyaları - Hər fırçalama sessiyası zamanı sərf edilən vaxt - Tətbiq edilən fırçalama təzyiqi - Fərdiləşdirilmiş ipucuları və təsirli tövsiyələr - Fırça başlığını dəyişdirmək üçün xatırladıcı işıq (faktiki istifadə əsasında) Sonicare tətbiqi smart sensorlar tərəfindən verilən məlumatları toplayır və fırçalama vərdişlərinizi mütəmadi olaraq izləyir. Başlamaq Əlavə edilmiş fırça başlığı

Fırça başlığını elə düzün ki, tükcüklər tutacağın qabaq hissəsi ilə eyni istiqamətə yönəlsin.36 Azərbaycanca

Fırça başlığını dayanana qədər metal valın üzərinə möhkəm basın. Qeyd: Fırça başlığı ilə tutacağın arasında kiçik boşluğun görünməsi normaldır. Philips Sonicare diş fırçasından istifadə Sonicare diş fırçanızı ilk dəfə istifadə edirsinizsə, elektriksiz diş fırçasından istifadə etdikdən daha çox vibrasiya hiss etməyiniz normal haldır. İlk dəfə istifadəçilərin çox təzyiq göstərməsi normal haldır. Yalnız yumşaq şəkildə təzyiq tətbiq edin və diş fırçasının sizin yerinizə fırçalamasına şərait yaradın. Daha yaxşı təcrübə üçün aşağıda göstərilən fırçalama ilə bağlı təlimatlara əməl edin. Yeni Sonicare elektrikli diş fırçasından yenicə istifadəyə etməyə başlamısınızsa, ilk 1-2 həftə aşağı parametr seçib daha sonra daha yüksək parametrə keçin. Fırçalama təlimatları

Fırçanın tükcüklərini isladın və az miqdarda diş pastası əlavə edin.

Diş fırçasının xovunu dişlərin üzərində kiçik bucaq altında (45 dərəcə) yerləşdirin. Xovun diş ətinə və ya diş ətinin bir qədər altına çatması üçün bərk sıxın. Qeyd: Həmişə fırçanın mərkəzinin dişlər ilə təmas etdiyindən əmin olun.37 Azərbaycanca

Philips Sonicare-i yandırmaq üçün yandırın/söndürün düyməsinə basın.

Tükcükləri dişlərə və diş ətinə yerləşdirilən yumşaq bir şəkildə tutun. Dişlərinizi yüngül irəli-geri hərəkətlərlə fırçalayın ki, daha uzun xovlar dişlərinizin arasına çata bilsin. Bütün fırçalama müddəti ərzində bu hərəkəti davam etdirin. Qeyd: Tükcüklər acza işıqlanmalıdır. Əl ilə idarə olunan diş fırçası ilə etdiyiniz kimi ovuşdurmaq tövsiyə olunmur. Qeyd: Həddən artıq çox təzyiq tətbiq etdiyiniz zaman tutacaqda titrəyiş dəyişikliyi və fırçanın başlığının dəyişdirilməsini xatırladan kəhrəba rəngdə yanıb- sönən işıq sizə xəbərdarlıq edəcəkdir.

Ön dişlərin içəri səthlərini təmizləmək üçün fırça tutacağını yarı şaquli şəkildə əyin və hər dişin üzərində üst-üstə düşən bir neçə şaquli fırçalama vuruşları edin.

Fırçalama müddəti tamamladıqdan sonra dişlərinizin çeynəmə səthlərini və ləkələrin meydana gəldiyi yerləri fırçalamaq üçün əlavə vaxt sərf edə bilərsiniz. İstədiyiniz kimi diş fırçası yanılı və ya sönülü vəziyyətdə dilinizi fırçalaya bilərsiniz. Qeyd: Philips Sonicare diş fırçanız əgər breketlər (fırça başlıqları breket üzərində istifadə edildikdə daha tez köhnəlir), diş modifikasiyaları və diş doldurma materialları (plomblar, taclar, vinirlər) düzgün yerləşdirilib və ya zədələnməyibsə, onlar üzərində istifadə üçün təhlükəsizdir.38 Azərbaycanca BrushPacer Bütün dişlərin bərabər fırçalandığından əmin olmaq üçün BrushPacer funksiyası vasitəsilə ağız boşluğunuzu 6 hissəyə bölün. "BrushPacer" fırçalama müddətini altı bərabər seqmentə bölür və növbəti sahəyə nə vaxt keçməli olduğunuzu göstərir. Seqmentlər qısa fasilə ilə titrəyişdə əks olunur. Fırçalama sessiyasının sonunda diş fırçası avtomatik olaraq dayanır. Qeyd: "White+" və ya "Gum Health" rejimlərindən istifadə etdiyinizdə əlavə zaman tətbiq oluna bilər. Rejimlər Elektrik diş fırçanız 4-ə qədər müxtəlif rejim ilə təchiz edilib: Clean, Deep Clean+, Gum Health və White+ (yalnız xüsusi modellərdə). İstifadə etdiyiniz smart fırça başlığı üzrə optimal rejim və intensivlik BrushSync texnologiyası vasitəsilə avtomatik seçiləcək. Rejimi manual olaraq dəyişdirmək üçün diş fırçası sönülü olarkən rejim/intensivlik düyməsinə basın. Hər bir rejim bütün fırça başlıqları ilə işləyir. Clean və Deep Clean+ Gum Health White+ Faydası Diş ərpinin təmizlənməsi Diş ərpinin təmizlənməsi və diş ətinin masaj edilməsi Diş ərpinin və dişdəki ləkələrin təmizlənməsi Tövsiyə olunan intensivlik səviyyəsi Yüksək Yüksək Yüksək Ümumi fırçalama müddəti Təmizləmə: 2 dəqiqə Deep Clean+: 3 dəqiqə* 3 dəqiqə 20 saniyə 2 dəqiqə 40 saniyə39 Azərbaycanca Clean və Deep Clean+ Gum Health White+ Necə fırçalamalı Təmizləmə: Hər bir seqmenti 20 saniyə fırçalayın. Deep clean+: Hər bir seqmenti 30 saniyə fırçalayın.* Hər bir seqmenti 20 saniyə fırçalayın, sonra isə 7,8,9 və 10-ci seqmentlərin hər birini 20 saniyə fırçalayın. Hər bir seqmenti 20 saniyə fırçalayın, sonra isə 7 və 8-ci seqmentlərin hər birini 20 saniyə fırçalayın. *Qeyd: Philips Sonicare tətbiqini "Deep Clean+" rejimində istifadə edən zaman fırçalama müddəti tətbiqə qoşulu halda 2 dəqiqə, tətbiqə qoşulmadıqda isə 3 dəqiqə olacaqdır İntensivliklər Elektrik diş fırçanız 3 müxtəlif intensivlik parametri ilə təchiz edilib: - aşağı intensivlik (bir panel) - orta intensivlik (iki panel) - yüksək intensivlik (üç panel)40 Azərbaycanca Tutacağa taxıldıqda smart fırça başlığı avtomatik olaraq tövsiyə edilən intensivliyi seçəcək/İntensivliyi dəyişmək isəyirsinizsə, bunu fırçalama zamanı rejim/intensivlik düyməsini sıxaraq edə bilərsiniz. Tutacaq sönülü və ya dayandırılmış vəziyyətdə ikən intensivlik dəyişdirilə bilməz. BrushSync texnologiyası "BrushSync" texnologiyası fırça başlığının mikroçip vasitəsilə tutacaq ilə birlikdə işləməsinə imkan verir. Fırça başlığının aşağısındakı simvolu onun bu texnologiya ilə təchiz edilmiş fırça başlığı olduğunu göstərir. "BrushSync" texnologiyası aşağıdakıları aktivləşdirir: - Fırça başlığını dəyişdirmək üçün xatırladıcı - BrushSync rejiminin əlaqələndirilməsi BrushSync texnologiyası ilə təchiz edilmiş Philips Sonicare geniş smart fırça başlıqları spektrini təklif edir. Fırça başlıqlarımızın bütün çeşidlərini araşdırmaq və istəyinizə uyğun fırça başlığını tapmaq məqsədilə daha çox məlumat üçün www.philips.com/toothbrush-heads ünvanına keçin. Xüsusiyyətlər - Təzyiq sensorunun əks-əlaqəsi - BrushPacer - SmarTimer - EasyStart - Fırça başlığını dəyişdirmək üçün xatırladıcı - Fırça başlığı rejiminin əlaqələndirilməsi Təzyiq sensorunun əks-əlaqəsi Damaqlarınızı və dişlərinizi zədələnmədən qorumaq üçün Sonicare diş fırçanız fırçalama zamanı tətbiq etdiyiniz təzyiqi ölçür. Həddən artıq təzyiq tətbiq etsəniz, tutacaq titrəyişini dəyişəcək və siz təzyiqi azaldana qədər fırça başlığının dəyişdirilməsini xatırladan tutacağın üzərindəki işıq kəhrəba rəngində yanıb-sönəcəkdir.41 Azərbaycanca Qeyd: Təzyiq Sensoru məhsulda aktivləşdirilmiş olur. Bu funksiyanı deaktiv etmək üçün (bax "Xüsusiyyətləri aktivləşdirmə və ya deaktivləşdirmə"). BrushPacer BrushPacer funksiyası bütün dişlərin bərabər fırçalandığından əmin olmaq üçün ağız boşluğunuzu 6 hissəyə bölməyə kömək edən interval taymeridir. SmarTimer SmarTimer fırçalama müddətinin sonunda diş fırçasını avtomatik söndürməklə fırçalama müddətinin tamamlandığını göstərir. Diş həkimləri dişləri gündə iki dəfə ən azı 2 dəqiqə fırçalamağı tövsiyə edirlər. Qeyd: Fırçalama müddətinə başladıqdan sonra yandırıb/söndürmə düyməsini bassanız, diş fırçası fasilə verəcək. 30 saniyəlik fasilədən sonra SmarTimer yenidən işə düşür. EasyStart Bu Philips Sonicare modeli deaaktivləşdirilmiş EasyStart xüsusiyyəti ilə təchiz olunmuşdur. Philips Sonicare-in fırçalama gücünə öyrəşməyinizə kömək etmək üçün EasyStart xüsusiyyəti ilk 14 fırçalama zamanı gücü ehmalca artırır. EasyStart xüsusiyyəti bütün rejimlər ilə işləyir. Məsuliyyətdən imtina Philips Sonicare diş fırçası klinik tədqiqatlarda istifadə edildikdə tutacaq tam şarj edilməli və EasyStart xüsusiyyəti sönülü olmaqla yüksək intensivlikdə istifadə edilməlidir. EasyStart funksiyasını aktivləşdirmək üçün (bax "Xüsusiyyətləri aktivləşdirmə və ya deaktivləşdirmə"). Fırça başlığını dəyişdirmək üçün xatırladıcı Philips Sonicare fırça başlığınızın aşınmasını izləyən BrushSync texnologiyası ilə təchiz edilmişdir.42 Azərbaycanca Qeyd: Bu xüsusiyyət yalnız BrushSync texnologiyası ilə təchiz edilmiş Philips Sonicare smart fırça başlıqları ilə işləyir.

Yeni ağıllı fırça başlığını ilk dəfə qoşarkən tutacaq sizin BrushSync texnologiyası ilə təchiz olunmuş Philips fırça başlığınızın olduğunu tanıyır və fırça başlığının aşınmasını izləməyə başlayır.

Zamanla tətbiq etdiyiniz təzyiqə və diş fırçasının ümumi istifadə vaxtına əsasən, tutacaq fırça başlığını dəyişdirmək üçün optimal vaxtı müəyyən etmək məqsədilə fırça başlığının aşınmasını izləyəcək. Bu xüsusiyyət sizə dişlərinizin ən yaxşı şəkildə təmizlənməsi və qulluğu üçün zəmanət verir.

Fırça başlığınının dəyişdirilməsi üçün xatırladıcı işığı sarı rəngdə yandıqda, fırça başlığınızı dəyişdirməlisiniz. Qeyd: Bütün smart fırça başlıqlarında fırça başlığını dəyişdirmə xatırladıcısı aktivləşdirilmiş olur. Fırça başlığını dəyişdirmə xatırladıcısını qeyri-aktiv etmək üçün "Xüsusiyyətləri aktivləşdirmə və ya deaktivləşdirmə" bölməsinə baxın. Fırça başlığı rejiminin əlaqələndirilməsi BrushSync texnologiyasına malik fırça başlıqları tutacaqla rabitə yaradan və onu avtomatik olaraq tövsiyə olunan rejim və intensivliklə əlaqələndirən mikroçiplə təchiz edilib. "BrushSync" texnologiyasına malik fırça başlıqlarının əksəriyyəti Təmizləmə rejiminə avtomatik qoşulacaq. Xüsusi üstünlüklərə malik fırça başlıqları müvafiq rejimə (mövcud olduqda) qoşulacaq, nümunələrə aşağıdakılar daxildir: - G3 Premium Gum Care: "Gum Health" rejimi - W3 Premium White və ya W(c) DiamondClean (kompakt): "White+" rejimi Qeyd: Tövsiyə olunan parametrdən rejimi/intensivliyi dəyişməyi seçsəniz, fırça başlığı növbəti fırçalama sessiyalarında seçdiyiniz parametri xatırlayacaq.43 Azərbaycanca Xüsusiyyətləri aktivləşdirmə və ya deaktivləşdirmə Diş fırçanızın aşağıdakı xüsusiyyətlərini aktivləşdirə və ya deaktivləşdirə bilərsiniz: - EasyStart - Fırça başlığını dəyişdirmək üçün xatırladıcı - Təzyiq sensorunun əks-əlaqəsi Qeyd: Fırça başlığını dəyişdirmə xatırladıcısını yalnız smart fırça başlığı tutacağa taxılı olduqda aktivləşdirə və ya deaktivləşdirə bilərsiniz. Tutacaq vasitəsilə: Addım 1: Tutacağı qoşulmuş şarj cihazına/portativ doldurma qabına qoyun. Addım 2: Yandırın/söndürün düyməsinə bu müddət ərzində basıb saxlayın: EasyStart Fırça başlığını dəyişdirmək üçün xatırladıcı Təzyiq sensorunun əks- əlaqəsi 3 saniyəyə qədər 5 saniyəyə qədər 7 saniyəyə qədər

Addım 3: Bunu eşitdiyiniz zaman yandırın/söndürün düyməsini buraxın: 1 səs siqnalı 1 səs siqnalı və ardınca 2 səs siqnalı 1, 2 səs siqnalı və ardınca 3 səs siqnalı

Bununla yanaşı: Batareya göstəricisinin sol LED işığının 2 dəfə yaşıl rəngdə yanıb-söndüyünü görsəniz və aşağıdan yuxarıya doğru 3 səs eşitsəniz, deməli, funksiya aktivləşdirilib.44 Azərbaycanca YAXUD Batareya göstəricisinin sol LED işığının bir dəfə sarı rəngdə yanıb-söndüyünü görsəniz və yüksəkdən aşağıya doğru 3 səs eşitsəniz, deməli, funksiya deaktivləşdirilib. UB dezinfeksiyaedici vasitə Qeyd: Qutuya daxil edilmiş aksesuarlar satın alınmış modelə görə fərqlənə bilər. UB dezinfeksiyaedici vasitə ilə hər istifadədən fırça başınızı təmizləyə bilərsiniz. Aşaöıdakı hallarda dezinfeksiyaedicini elektrik şəbəkəsindən ayırın, istifadəni dayandırın və Müştəri Xidmətinə zəng edin: - Qapı açıq olduqda UB lampa yanılı qalır. - Pəncərə sınıb və ya dezinfeksiyaedicidə yoxdur. - Dezinfeksiyaedici işləyərkən tüstü və ya yanıq qoxusu yayır. Qeyd: UB lampa şüaları insan gözünə və dərisinə zərər verə bilər. Bu cihaz hər zaman uşaqların əli çatmayan yerdə saxlanılmalıdır.

Fırçaladıqdan sonra fırça başlığını yaxalayın və artıq suyu silkələyin. Xəbərdarlıq: Fırça başlığı dezinfeksiyaedici vasitədə təmizlənərkən fırça başlığının qapağının fırçanın başında olmadığından əmin olun.

Barmağınızı dezinfeksiyaedici vasitənin üzərindəki qapı başlığına qoyun və qapını çəkib açın.45 Azərbaycanca

Fırça başlığını dezinfeksiyaedici vasitənin 2 dirəyindən birinə, tükcükləri lampaya baxacaq şəkildə yerləşdirin. Qeyd: Yalnız üzərinə Philips Sonicare yapışdırılmış fırça başlıqlarını dezinfeksiyaedici vasitədə təmizləyin. Qeyd: Üzərinə Philips Sonicare for Kids yapışdırılmış fırça başlıqlarını dezinfeksiyaedici vasitədə təmizləməyin.

Qapını bağlayın və UB təmizləmə dövrünü seçmək üçün yaşıl yandır/söndür düyməsini bir dəfə basın. Qeyd: dezinfeksiyaedici vasitəni yalnız qapı düzgün bağlandığı halda işə sala bilərsiniz. Qeyd: əgər dezinfeksiya dövrü zamanı qapını açsanız, dezinfeksiyaedici vasitə fəaliyyətini dayandırır. Qeyd: Dezinfeksiya dövrü 10 dəqiqə davam edir və sonra avtomatik olaraq dayanır. Suyun səviyyəsini göstərildiyi yerdə işıq yanarsa, deməli dezinfeksiyaedici vasitə işləyir. Doldurma və batareya statusu Bu Philips Sonicare diş fırçası tam doldurulmuş batareya ilə hər sessiya 2 dəqiqə davam edən ən azı 28 fırçalama sessiyası təmin etmək üçün nəzərdə tutulmuşdur (gündə iki dəfə istifadə edildikdə 14 gün). Batareya səviyyəsinin göstəricisi siz 2 dəqiqəlik fırçalama sessiyasını tamamladığınız, tutacağı dayandırdığınız zaman və ya şarj edilərkən batareyanın statusunu göstərir. Qeyd: Batareyanın ilk dəfə tam şarj olunması 24 saata qədər davam edə bilər, lakin Philips Sonicare diş fırçasını tam şarj etmədən də istifadə edə bilərsiniz. Doldurma Doldurma bazasında doldurma və ya UB dezinfeksiyaedici vasitə

Adapter və ya dezinfeksiyaedicini elektrik rozetkasına taxın.46 Azərbaycanca

Tutacağı adapter və ya dezinfeksiyaediciyə yerləşdirin. - Tutacağın düzgün yerləşdirildiyini təsdiqləmək üçün tutacaq 2 qısa siqnal verir. - Batareya göstəricisinin yanıb-sönən işığı diş fırçasının şarj edildiyini göstərir. - Tutacaq şarj alətinin üzərində tam şarj olduqda batareya göstəricisi 30 saniyə ərzində yaşıl rəngdə yanır, sonra isə sönür. Şarj edilmə xüsusiyyəti ilə təchiz olunmuş portativ qab Qeyd: Qutuya daxil edilmiş aksesuarlar satın alınmış modelə görə fərqlənə bilər.

Əlavə edilmiş USB kabelini 5V-lik sabit cərəyanı olan girişə qoşun: - Təmin edilmiş USB adapteri. - UL siyahısında qeyd edilmiş və ya fərdi kompüter üçün ANSI/UL 60950-1 ilə sertifikatlaşdırılmış standart USB konnektoru. - UL siyahısında qeyd edilmiş və ya USB çıxış portu ilə birlikdə ANSI/UL 60950-1 LPS ilə təsdiqlənmiş enerji təchizatı. - UL siyahısında qeyd edilmiş və ya sertifikatlaşdırılmış 1310 Class 2 enerji təchizatı. Vacib: Divar adapteri cihazın aşağısında qeyd olunmuş elektrik göstəricilərinə uyğun gələn təhlükəsiz əlavə aşağı gərginlik mənbəyi olmalıdır.

Tutacağı portativ doldurma qabına yerləşdirin. - Tutacağın düzgün yerləşdirildiyini təsdiqləmək üçün tutacaq 2 qısa siqnal verir. - Batareya göstəricisinin yanıb-sönən işığı diş fırçasının şarj edildiyini göstərir.

Doldurma funksiyalı portativ qab diş fırçanız tam dolana qədər onu dolduracaq. - Tutacaq tam dolduqda batareya göstəricisi 30 saniyə ərzində yaşıl rəngdə yanır, sonra isə sönür. Qeyd: Tutacağı doldurma qutusu ilə şarj etmək, şarj cihazında olduğundan daha uzun müddət çəkə bilər.47 Azərbaycanca Batareya vəziyyəti Batareya vəziyyəti (tutacaq qoşulmuş şarj cihazında/portativ doldurma qabında olduqda) Tutacaq doldurma qurğusuna və ya doldurma funksiyalı portativ qabına yerləşdirildikdə batareya göstəricisi batareya səviyyəsini göstərəcək. Batareya vəziyyəti Yanıb-sönən LED işıqların sayı LED işığın rəngi Aşağı 1 Yanıb-sönən yaşıl Qismən dolu 2 Yanıb-sönən yaşıl Dolub 3 Şarj olana qədər yaşıl rəngdə, sonra 30 saniyə ərzində tünd yaşıl rəngdə işıq yanıb-sönür, sonra isə sönür. Batareya vəziyyəti (tutacaq qoşulmuş şarj cihazında/portativ doldurma qabında olmadıqda) Diş fırçasını işlətdiyiniz zaman onun aşağısındakı batareya işığı batareyanın vəziyyətini göstərəcək. Batareya vəziyyəti LED işıqların sayı LED işığın rəngi Dolub 3 Sabit yaşıl Qismən dolu 2 Sabit yaşıl Aşağı 1 Sabit yaşıl Boş 1 səs siqnalı Sarı rəngdə yanıb-sönür Qeyd: Enerjiyə qənaət etmək üçün istifadə edilmədikdə batareyanın işığı sönəcək. Qeyd: Batareya tamamilə boşaldıqda, diş fırçası sönür. Diş fırçasını doldurmaq üçün şarj cihazının üzərinə yerləşdirin. Qeyd: Batareyanı hər zaman tam dolu saxlamaq üçün istifadə etmədiyiniz zaman diş fırçanızı doldurma cihazının üstündə saxlaya bilərsiniz.48 Azərbaycanca Təmizlik Diş fırçasının tutacağı

Fırça başlığını çıxarın və metal val sahəsini isti su ilə yuyun. Hər hansı qalıq diş pastasını çıxardığınızdan əmin olun. Diqqət: Metal valın üzərindəki rezin möhürü iti cisimlərlə itələməyin, çünki bu, zədələnə bilər.

Tutacağın bütün səthini nəm bir parça ilə silin. Qeyd: Artıq suyu çıxarmaq üçün çanağı tutacağa toxundurmayın. Fırça başlığı

Hər istifadədən sonra fırça başlığını və tükcükləri yaxalayın.

Fırça başlığını tutacaqdan çıxarın və fırça başlığını ən azı həftədə bir dəfə ilıq su ilə yuyun. Portativ qapağı tələb olunan qədər yuyun. Doldurma cihazı

Təmizləməzdən əvvəl doldurma cihazını şəbəkədən ayırın.

Doldurma cihazının bütün səthini nəm bir parça ilə silin. Portativ qab Portativ qabın içərisini təmizləmək üçün isti su ilə yuyun və nəm parça istifadə edin. Şarj etmə funksiyalı portativ qab

Təmizləməzdən əvvəl şarj cihazını və portativ qabı şəbəkədən ayırın.

Şarj cihazının və portativ qabın bütün səthini nəm bir parça ilə silin. UB dezinfeksiyaedici vasitə Xəbərdarlıq: Dezinfeksiyaedici vasitəni suda, yaxud kranın altında yaxalamayın.49 Azərbaycanca Xəbərdarlıq: UB lampasına isti olduqda dezinfeksiyaedici vasitəni təmizləməyin. Optimal effektivlik üçün dezinfeksiyaedici vasitənizi həftəlik təmizləməyiniz tövsiyə olunur.

Dezinfeksiyaedici vasitəni rozetkadan ayırın.

Damcılama qabını düz şəkildə kənara çəkin. Damcılama qabını yuyun və nəm parça ilə təmizləyin.

Bütün daxili səthləri nəm parça ilə təmizləyin.

UB lampasının qarşısındakı qoruyucu ekranı çıxarın. Ekranı çıxarmaq üçün tutacaqların kənarlarından tutun, qoruyucu ekranı ehmalca sıxın və çıxarın.

UB lampasını çıxarın. Lampanı çıxarmaq üçün onu tutun və metal qapaqdan çıxarın.

Qoruyucu ekranı və UB lampasını nəm parça ilə təmizləyin.

UB lampasını yenidən daxil edin. Lampanı yenidən daxil etmək üçün lampanın altını metal qapaq ilə düzləndirin və lampanı sıxacın içərisinə doğru itələyin.

Qoruyucu ekranı yenidən daxil edin. Ekranı yenidən daxil etmək üçün ekrandakı dirəkləri UB lampasının yanında əks etdirən səthdəki yuvalarla nizamlayın. Ekranı birbaşa dezinfeksiyaedici vasitənin yuvalarına tərəf itələyin.

Damcılama qabını UB dezinfeksiyaedici vasitəsinə yerləşdirin.

Təmizlədikdən sonra dezinfeksiyaedici vasitəni şəbəkəyə birləşdirməzdən öncə onun tamamilə quruduğundan əmin olun. Saxlanma Məhsulu uzun müddət istifadə etməyəcəksinizsə, onu elektrik rozetkasından çıxarın, təmizləyin və birbaşa günəş işığının düşmədiyi sərin və quru yerdə saxlayın.50 Azərbaycanca Dəyişdirmə Optimal nəticə əldə etmək üçün Philips Sonicare fırça başlıqlarını hər 3 aydan bir dəyişdirin. Fırça başlıqlarını dəyişdirmək üçün yalnız Philips Sonicare istifadə edin. Model nömrəsinin yerləşməsi Model nömrəsi (HX9600) üçün Philips Sonicare diş fırçasının tutacağına baxın Zəmanət və dəstək Məlumat və ya dəstəyə ehtiyacınız varsa, www.philips.com/support veb-saytına daxil olun və ya beynəlxalq zəmanət bukletini oxuyun. Zəmanət məhdudiyyətləri Zəmanətə daxil olmayan hallar: - Ağız daxili əlavələr, o cümlədən diş fırçası başlıqları və ucluqlar. - İcazə verilməyən əvəzedici hissələrin və ya icazə verilməyən başlıqların istifadəsi nəticəsində dəyən ziyan. - Yanlış istifadə, sui-istifadə, laqeydlik, dəyişikliklər və ya icazəsiz təmir nəticəsində dəyən ziyan. - Çatlar, cızıqlar, aşınmalar, rəng dəyişikliyi və ya solma daxil olmaqla normal köhnəlmə. - UB lampası. Təkrar emal - Bu simvol elektrik məhsulları və batareyaların normal məişət tullantıları ilə birlikdə atılmamalı olduğunu bildirir. - Ayrı-ayrı elektrik məhsulları və batareyaların toplanması üçün ölkənizin qaydalarına əməl edin. - Dezinfeksiyaedici vasitənin UB lampası civə ehtiva edir. İstismar müddəti bitdikdən sonra UB lampasını adi məişət tullantıları ilə birlikdə atmayın. Onu təkrar emal üçün rəsmi toplama məntəqəsinə təhvil verin.51 Azərbaycanca Yenidən doldurula bilən batareyanın çıxarılması Daxili şarj edilə bilən batareya yalnız cihaz atıldıqda ixtisaslı mütəxəssis tərəfindən çıxarılmalıdır. Batareyanı çıxarmazdan əvvəl batareyanın tamamilə boş olduğundan əmin olun. Cihazı açanda və yenidən şarj edilə bilən batareyanı atarkən bütün zəruri ehtiyat tədbirlərinə riayət edin. Gözlərinizi, əllərinizi, barmaqlarınızı və işlədiyiniz səthi qoruduğunuzdan əmin olun. Batareyalarla işləyərkən əllərinizin, məhsulun və batareyaların quru olduğundan əmin olun. Batareyaların çıxarıldıqdan sonra ani qısaqapanmanın qarşısını almaq üçün batareya terminallarının metal əşyalarla (məsələn, sikkələr, saç tokaları, üzüklər) təmas etməsinə yol verməyin. Batareyaları alüminium folqa ilə bükməyin. Batareya terminallarını atmazdan əvvəl onları bantlayın və plastik torbalara qoyun. Yenidən doldurula bilən batareyanı çıxarmaq üçün sizə dəsmal və ya parça, çəkic və düz başlıqlı (standart) vintaçan lazımdır. Aşağıda göstərilən proseduru yerinə yetirərkən əsas təhlükəsizlik tədbirlərinə əməl edin.

Yenidən doldurula bilən batareyanın yükünü boşaltmaq üçün tutacağı doldurma cihazından çıxarın, diş fırçasını yandırın və dayanana qədər işləməsinə imkan verin. Bu addımı diş fırçasını artıq yandıra bilməyənə qədər təkrarlayın.

Fırça başlığını çıxarıb, atın. Tutacağı dəsmal və ya parçailə tamamilə örtün.52 Azərbaycanca

Bir əlinizlə tutacağın yuxarı hissəsindən tutun və tutacaq yuvasının aşağı tərəfindən 0,5 düym yuxarı vurun. Sonluqdakı qapağıçıxarmaq üçün hər 4 tərəfə çəkiclə möhkəm vurun. Qeyd: Daxili keçid bağlantılarını ayırmaq üçün tutacağın sonuna bir neçə dəfə vurmalı ola bilərsiniz.

Sonluqdakı qapağı diş fırçasının tutacağından çıxarın. Sonluqdakı qapaq yuvadan asanlıqla çıxmasa, çıxana qədər 3-cü addımı təkrarlayın.

Tutacağı tərsinə tutaraq dəstəyi sərt bir səthdə aşağıya doğru basın. Daxili komponentlər yuvadan asanlıqla çıxmasa, onlar çıxana qədər 3-cü addımı təkrarlayın.

Vintaçanı batareya və daxili komponentlərin altındakı qara çərçivənin arasına qoyun. Sonra isə qara çərçivəninalt tərəfini ayırmaq üçün vintaçanı batareyadan uzaqlaşdırın.

Batareyanı yaşıl çap dövrə lövhəsinə birləşdirən metal paneli ayırmaq üçün vintaçanı batareyanın alt hissəsi ilə qara çərçivənin arasına qoyun. Bu, batareyanın aşağı sonluğunu çərçivədən ayıracaq.53 Azərbaycanca

Batareyanı tutun və ikinci metal batareya panelini ayırmaq üçün onu daxili komponentlərdən uzaqlaşdırın. Diqqət: Barmaqlarınıza xəsarət yetirməmək üçün batareya panellərinin iti kənarlarına diqqət yetirin.

Batareyanın qalıq doldurulmasının qarşısını almaq üçün batareya kontaktlarını lent ilə örtün. Artıq yenidən doldurula bilən batareya təkrar emal edilə bilər, məhsulun qalan hissəsi isə müvafiq şəkildə atılır. Qeyd: İstismar müddəti bitdikdən sonra cihazı adi məişət tullantıları ilə birlikdə atmayın, təkrar emal üçün rəsmi toplama məntəqəsinə təhvil verin. Beləliklə, ətraf mühiti qorumağa yardım etmiş olursunuz.Čeština