Galaxy M01s - Smartfon SAMSUNG - Pulsuz istifadəçi təlimatı

İSTİFADƏÇİ TƏLİMATNAMƏSİ Galaxy M01s SAMSUNG

Təhlükəsizlik məlumatı Cihazdan istifadə etmədən əvvəl bu vacib təhlükəsizlik məlumatını oxumağınız xahiş edilir. Burada cihazlar barədə ümumi təhlükəsizlik məlumatı əks etdirilib və sizin cihazınıza aid olmayan məzmun ehtiva edilə bilər. Özünüzə və başqalarına dəyə biləcək xəsarətin qarşısını almaq və cihazınızı zədələnmədən qorumaq üçün xəbərdarlıq və ehtiyat tədbirləri ilə bağlı məlumatlara əməl edin.Cihaz dedikdə məhsul və onun batareyası, doldurma qurğusu, məhsulla birlikdə təchiz edilən elementlər və Samsung tərəfindən təsdiqlənmiş məhsul aksessuarları nəzərdə tutulur. Xəbərdarlıq Təhlükəsizliklə bağlı xəbərdarlıqlara və qaydalara əməl etməmək ciddi xəsarətə və ya ölümə səbəb ola bilər Zədələnmiş enerji naqillərindən və ya taxıclarından, ya da boşalmış taxıc yuvalarından istifadə etməyinTəhlükəsizliyi təmin edilməmiş qoşulmalar cərəyan vurmasına və ya yanğına səbəb ola bilər.Yaş əl və ya bədənin digər yaş hissələri ilə cihaza, enerji naqillərinə, taxıclara və ya taxıc yuvalarına toxunmayınBu, cərəyan vurmasına səbəb ola bilər.Enerji naqilini ayırarkən həddindən artıq güc tətbiq edərək çəkməyinBu, cərəyan vurmasına və ya yanğına səbəb ola bilər.Enerji naqilini əyməyin və zədələməyinBu, cərəyan vurmasına və ya yanğına səbəb ola bilər.Azərbaycan (latin)

Cihaz doldurularkən ondan yaş əllərlə istifadə etməyin Bu, cərəyan vurmasına səbəb ola bilər. Doldurma qurğusunun müsbət və mənfi klemmalarını birbaşa birləşdirməyin Bu, yanğına və ya ciddi xəsarətə səbəb ola bilər. Tufan vaxtı cihazınızdan açıq havada istifadə etməyin Bu, cərəyan vurmasına və ya cihazda nasazlığa səbəb ola bilər. İstehsalçı tərəfindən təsdiqlənmiş batareya, doldurma qurğusu, aksessuar və məhsullardan istifadə edin

• Adi batareya və ya doldurma qurğularından istifadə etmək cihazınızın istismar müddətini qısalda və ya nasazlığın yaranmasına səbəb ola bilər. Həmin cihazlar həm də yanğına və ya batareyanın partlamasına səbəb ola bilər.

• Yalnız xüsusi olaraq cihazınız üçün tərtib edilmiş, Samsung tərəfindən təsdiqlənmiş batareya, doldurma qurğusu və naqildən istifadə edin. Uyğun olmayan batareya, doldurma qurğusu və naqil ciddi xəsarətlərə və ya cihazın zədələnməsinə səbəb ola bilər.

• Samsung tərəfindən təsdiqlənməmiş aksessuar və ya məhsullardan istifadə edildikdə Samsung istifadəçinin təhlükəsizliyinə görə məsuliyyət daşımır. Cihazı arxa ciblərinizdə və ya bel nahiyənizdə daşımayın

• Cihaza həddindən çox təzyiq tətbiq edildikdə o, zədələnə, partlaya və ya yanğına səbəb ola bilər.

• Toqquşduqda və ya yıxıldıqda xəsarət ala bilərsiniz. Cihazı yerə salmayın və ya onu həddindən artıq zərbəyə məruz qoymayın

• Bu, cihazı və ya batareyanı zədələyə, cihazda nasazlığa səbəb ola və ya onun istismar müddətini qısalda bilər.

• Bu, həmçinin həddindən artıq qızmaya, alışmaya, yanğına və ya başqa təhlükələrə səbəb ola bilər.Azərbaycan (latin)

Cihaz və doldurma qurğusundan ehtiyatla istifadə edin və onu ehtiyatla atın

• Heç vaxt batareya və ya cihazı yanğına atmayın. Heç vaxt batareya və ya cihazı mikrodalğalı soba, soba və ya radiator kimi qızdırıcı cihazların üzərinə və ya içinə qoymayın. Cihaz həddindən çox qızdıqda partlaya bilər. İstifadə edilmiş batareya və ya cihazı atarkən bütün yerli normativlərə əməl edin.

• Heç vaxt cihazı əzməyin və ya deşməyin.

• Cihazı yüksək xarici təzyiqə məruz qoymayın, bu, daxili qısa qapanmaya və həddindən artıq qızmaya səbəb ola bilər. Cihazı, batareyanı və doldurma qurğusunu zədələnməkdən qoruyun

• Cihaz və batareyanızı çox soyuq və ya çox isti temperatura məruz qoymayın.

• Ekstremal temperatur cihazı zədələyə və cihazın, batareyanın dolma tutumunu və istismar müddətini qısalda bilər.

• Batareyanın müsbət və mənfi klemmalarını birbaşa birləşdirməyin və onların metal əşyalara təmas etməsinə imkan verməyin. Bu, batareyada nasazlığa səbəb ola bilər.

• Örtüyü soyulmuş və ya zədələnmiş naqildən, eləcə də zədələnmiş, nasazlığı olan doldurma qurğusu və ya batareyadan istifadə etməyin. Cihazınızı qızdırıcı, mikrodalğalı soba, bişirmə avadanlığı və ya yüksək təzyiq konteynerlərinə yaxın və ya onların içində saxlamayın

• Batareya sıza bilər.

• Cihazınız həddindən çox qıza və yanğına səbəb ola bilər. Cihazınızı yüksək miqdarda toz və ya hava ilə daşınan maddələr olan ərazilərdə istifadə etməyin və saxlamayın Toz və ya kənar maddələr cihazınızın zədələnməsinə səbəb ola və yanğın və ya cərəyan vurması ilə nəticələnə bilər.Azərbaycan (latin)

Çoxfunksiyalı yuvanın və doldurma qurğusunun kiçik ucluğunun maye, toz, metal tozu və karandaş qrifeli kimi keçirici maddələrə təmas etməsinə imkan verməyin. Çoxfunksiyalı yuvaya sivri uclu alətlərlə toxunmayın və ya onu zərbəyə məruz qoymayın Keçirici materiallar qısa qapanmaya və ya klemmaların korroziyasına səbəb ola bilər, bu da partlayış və ya yanğın ilə nəticələnə bilər. Simsiz doldurma qurğusundan istifadə etdikdə cihazla simsiz doldurma qurğusu arasına metal əşyalar, maqnitlər və maqnit zolaqlı kartlar kimi kənar materiallar qoymayın Cihaz müvafiq qaydada dolmaya və ya həddinən artıq qıza bilər. Cihaz və ya batereyanı dişləməyin və sormayın

• Bu, cihazı zədələyə və ya partlayışa, yanğına səbəb ola bilər.

• Uşaqlar və ya heyvanlar kiçik hissələrdən boğula bilərlər.

• Uşaqlar cihazdan istifadə edərsə, düzgün qaydada istifadə etdiklərindən əmin olun. Cihazı və ya təchiz edilmiş aksesuarları gözə, qulağa və ya ağıza salmayın Bu, boğulma və ya ciddi xəsarətə səbəb ola bilər. Zədələnmiş və ya sızdıran Litium İon (Li-Ion) batareyasından istifadə etməyin Li-Ion batareyasının təhlükəsiz atılması üçün ən yaxındakı səlahiyyətli xidmət mərkəzi ilə əlaqə saxlayın.Azərbaycan (latin)

Diqqət Təhlükəsizliklə bağlı ehtiyat tədbirlərinə və qaydalara əməl etməmək xəsarətə və ya əmlakın zədələnməsinə səbəb ola bilər Cihazınızdan digər elektron cihazların yanında istifadə etməyin

• Əksər elektron cihazlar radio tezlik siqnallarından istifadə edir. Cihazınız digər elektron cihazların işləməsinə mane ola bilər.

• LTE data bağlantısından istifadə audio avadanlıq və telefonlar kimi digər cihazların işləməsinə mane ola bilər. Cihazınızdan xəstəxanada, təyyarədə və ya radio tezliyin təsirinə məruz qala biləcək avtomobil texnikasında istifadə etməyin

• Cihazınız kardiostimulyatorun işləməsinə mane ola biləcəyi üçün mümkün olduqda cihazınızı ondan 15 sm məsafədə saxlayın.

• Kardiostimulyatorun işləməsində yarana biləcək maneəni minimuma endirmək üçün cihazınızdan yalnız bədəninizin kardiostimulyatora əks olan tərəfində istifadə edin.

• Tibbi avadanlıqdan istifadə edirsinizsə, cihazınızdan istifadə etmədən əvvəl avadanlıq istehsalçısı ilə əlaqə saxlayıb, cihazın buraxdığı radio tezliyin avadanlığa təsirinin olub-olmayacağını müəyyənləşdirin.

• Təyyarədə olduqda elektron cihazlardan istifadə təyyarənin elektron naviqasiya alətlərinə təsir edə bilər. Hava yolu şirkətinin təqdim etdiyi qaydalara və təyyarə heyətinin təlimatlarına əməl edin. Cihazdan istifadəyə icazə verilən məqamlarda ondan yalnız uçuş rejimində istifadə edin.

• Cihazınızın buraxdığı radio dalğaların təsiri ilə avtomobilinizdəki elektron cihazlarda nasazlıq yarana bilər. Ətraflı məlumat üçün istehsalçı ilə əlaqə saxlayın.Azərbaycan (latin)

Cihazı kəskin tüstü və ya dumana məruz qoymayın Bu, cihazın xarici hissəsini zədələyə və ya nasazlığa səbəb ola bilər. Eşitmə aparatından istifadə edirsinizsə, radio dalğaların təsiri barədə məlumat əldə etmək üçün istehsalçı ilə əlaqə saxlayın Cihazınızın buraxdığı radio tezlik bəzi eşitmə aparatlarının işləməsinə mane ola bilər. Cihazınızdan istifadə etmədən əvvəl eşitmə aparatınızın cihazınızın buraxdığı radio tezliklərin təsirinə məruz qalıb-qalmayacağını müəyyənləşdirmək üçün istehsalçı ilə əlaqə saxlayın. Cihazınızdan səs sistemləri və ya radio qüllələri kimi radio tezliklər buraxan cihazların və ya qurğuların yanında istifadə etməyin Radio tezliklər cihazınızda nasazlığa səbəb ola bilər. Partlayış ehtimalı olan yerlərdə cihazı söndürün

• Partlayış ehtimalı olan yerlərdə batareyanı çıxarmaq əvəzinə cihazınızı söndürün.

• Partlayış ehtimalı olan yerlərdə qaydalara, təlimatlara və işarələrə həmişə əməl edin.

• Cihazınızdan yanacaq doldurma məntəqələrində, yanacaq və ya kimyəvi maddələrə yaxın yerlərdə və ya partlayış olan yerlərdə istifadə etməyin.

• Alışan mayeləri, qazları və ya partlayıcı maddələri cihaz, onun hissələri və ya aksesuarları ilə eyni yerdə saxlamayın və ya onlarla birlikdə daşımayın. Cihazın hər hansı hissəsi sınarsa, tüstüləyərsə və ya yanma qoxusu gələrsə, cihazdan istifadəni dərhal dayandırın. Cihazdan yalnız Samsung Xidmət Mərkəzində təmir edildikdən sonra yenidən istifadə edin

• Sınmış şüşə və ya akril əllərinizi və ya üzünüzü zədələyə bilər.

• Cihaz tüstüləyərsə və ya ondan yanma qoxusu gələrsə, bu, batareyanın partlamasına və ya yanğına səbəb ola bilər.Azərbaycan (latin)

Nəqliyyat vasitəsi idarə edərkən mobil cihazla bağlı bütün təhlükəsizlik xəbərdarlıqlarına və qaydalara əməl edin Sükan arxasında olduqda nəqliyyat vasitəsini təhlükəsiz qaydada idarə etmək başlıca məsuliyyətinizdir. Qanunla qadağan edildiyi halda sükan arxasında ikən mobil cihazınızdan istifadə etməyin. Həm özünüzün, həm də digərlərinin təhlükəsizliyi üçün düzgün qərar verin və aşağıdakı məsləhətləri unutmayın:

• Cihazınız və onun sürətli nömrəyığma və təkrar nömrəyığma kimi rahat funksiyaları ilə yaxından tanış olun. Bu funksiyalar mobil cihazınız ilə zəng etmək və ya zəng qəbul etmək kimi əməliyyatlara sərf edilən vaxtı azaldır.

• Cihazınızı rahatlıqla əlçatan olan yerə qoyun. Gözlərinizi yoldan ayırmadan simsiz cihazınızdan istifadə edə biləcəyinizdən əmin olun. Uyğunsuz vaxtda zəng gəldikdə səsli poçtun cavablandırmasını təmin edin.

• Tıxac vaxtı və ya təhlükəli hava şəraitlərində zəngləri dayandırın. Yağış, sulu qar, qar, buz və tıxac təhlükəli ola bilər.

• Qeydlər götürməyin, telefon nömrələri axtarmayın. "Görüləcək işlər" siyahısına qeydlər yazmaq və ya ünvan kitabçasını vərəqləməq fikrinizi ən vacib öhdəliyiniz olan təhlükəsiz idarəetmədən yayındıra bilər.

• Nömrəni ehtiyatla yığın və yol hərəkətinə diqqət yetirin. Zəngləri hərəkət etmədikdə və ya yola çıxmadan əvvəl edin. Avtomobiliniz dayandığı zaman zənglər etməyi planlaşdırın.

• Fikrinizi dağıda biləcək stresli və ya emosional söhbətlər etməyin. Danışdığınız şəxsə sükan arxasında olduğunuzu bildirin və diqqətinizi yoldan yayındıra biləcək söhbətləri davam etdirməyin. Müvafiq qaydada cihazınıza qulluq göstərin və ondan istifadə edin Cihazınızı quru saxlayın

• Nəm və maye cihazınızın hissələrini və ya elektron sxemlərini zədələyə bilər.Azərbaycan (latin)

• Cihazınız yaş olduqda onu yandırmayın. Cihazınız artıq yanılıdrsa, dərhal onu söndürün və batareyanı çıxarın (cihaz sönmədikdə və ya batareyanı çıxara bilmədikdə olduğu kimi saxlayın). Sonra cihazı dəsmal ilə qurulayın və onu xidmət mərkəzinə aparın.

• Bu cihazın daxili maye indikatorları var. Cihazınızın su ilə zədələnməsi istehsalçı zəmanətini keçərsiz edə bilər. Cihazınızı yalnız yastı səthlərə qoyun Cihazınız düşərsə, zədələnə bilər. Cihazdan mühit temperaturu 0 °C-35 °C aralığında olan məkanlarda istifadə etmək olar. Cihazı mühit temperaturu -20 °C-50 °C aralığında olan məkanlarda saxlaya bilərsiniz. Cihazı tövsiyə edilən temperatur diapazonunda istifadə etməmək və ya saxlamamaq cihazı zədələyə və ya batareyanın istismar müddətini qısalda bilər

• Cihazı yay vaxtı avtomobilin içi kimi çox isti yerlərdə saxlamayın. Bu, ekranda nasazlığa, cihazın zədələnməsinə və ya batareyanın partlamasına səbəb ola bilər.

• Cihazınızı uzun müddət birbaşa düşən günəş şüasına məruz qoymayın (məsələn, avtomobilin cihaz panelində).

• Batareyası çıxarıla bilən cihazların batareyası mühit temperaturu 0 °C-45 °C aralığında olan məkanlarda ayrıca saxlanıla bilər. Cihazınızı qəpik, açar və boyunbağı kimi metal əşyalarla birlikdə saxlamayın

• Cihazınız cızıla və ya nasaz işləyə bilər.

• Batareya klemmalarının metal əşyalara təmas etməsi yanğına səbəb ola bilər. Cihazınızı maqnit sahələrə yaxın yerlərdə saxlamayın

• Maqnit sahələrə məruz qaldığı üçün cihazınız nasaz işləyə və ya batareyası boşala bilər.

• Maqnit zolaqlı kartlar, o cümlədən kredit kartları, telefon kartları, bank kartları və keçid biletləri maqnit sahələrin təsiri ilə zədələnə bilər.Azərbaycan (latin)

Cihaz həddindən çox qızdıqda ona təmas etməyin. Buna əməl etməmək aşağı temperatur yanıqlarına, qızartıya və dəri piqmentasiyasına səbəb ola bilər

• Cihazdan uzun müddət istifadə etdikdə həddindən çox qızmasına diqqət edin və dəri ilə uzun müddət təmasından çəkinin.

• Cihazınız doldurularkən və ya enerji mənbəyinə qoşulu olduğu zaman onun üzərində oturmayın və dərinizlə uzun müddət birbaşa təmas halında saxlamayın.

• Yüksək temperatura dözümlülük fərddən asılı olaraq dəyişir. Uşaqların, yaşlıların və məhdudiyyəti olan insanların cihazdan istifadəsi ilə bağlı xüsusilə diqqətli olun. Cihazınızdan arxa qapağı çıxarılmış vəziyyətdə istifadə etməyin Batareya cihazdan düşə bilər, bu da zərər və ya nasazlıqla nəticələnə bilər. Kamera linzasını birbaşa düşən gün işığı kimi güclü işıq mənbəyinə məruz qoymamaq üçün diqqətli olun Kamera linzası birbaşa düşən gün işığı kimi güclü işıq mənbəyinə məruz qaldıqda kameranın təsvir sensoru zədələnə bilər. Zədələnmiş təsvir sensorunu təmir etmək olmur və şəkillərdə nöqtə və ya ləkələrə səbəb olur. Cihazınızda kamera işığı və ya fənər varsa, ondan insanların və ya ev heyvanlarının gözlərinə yaxın məsafədə istifadə etməyin Kamera işığından gözlərə yaxın məsafədə istifadə etmək görmə qabiliyyətinin müvəqqəti itməsinə və ya gözlərin zədələnməsinə səbəb ola bilər. Yanıb-sönən işıqlara məruz qalarkən ehtiyatlı olun

• Cihazınızdan istifadə edərkən otaqda bir qədər işığın olmasını təmin edin və ekranı gözlərinizə çox yaxın tutmayın.

• Uzun müddət videolar izlədikdə və ya Flash əsaslı oyunlar oynadıqda bu cür yanıb-sönən işığa məruz qalmaq ürəkkeçməyə və ya gözün qaralmasına səbəb ola bilər. Narahat hiss etdikdə cihazdan istifadəni dərhal dayandırın.Azərbaycan (latin)

• Qohumlarınızdan biri bənzər cihazdan istifadə zamanı ürəkkeçmə və ya göz qaralması ilə üzləşibsə, cihazdan istifadə etmədən əvvəl həkimə müraciət edin.

• Əzələ spazmı və ya dezoriyentasiya kimi narahatlıqlar hiss etsəniz, cihazdan istifadəni dərhal dayandırın və həkimə müraciət edin.

• Göz yorğunluğunun qarşısını almaq üçün cihazdan istifadə edərkən tez-tez fasilə edin. Təkrarlanan hərəkətdən qaynaqlanan zədə riskini azaldın Düymələrə basmaq, sensor ekranda barmaqlarınızla simvollar çəkmək kimi təkrarlanan əməliyyatlar yerinə yetirdikdə əllərinizdə, boynunuzda, çiyinlərinizdə və bədəninizin digər hissələrində bəzən narahatlıq hiss edə bilərsiniz. Cihazınızdan uzun müddət istifadə etdikdə cihazı rahat şəkildə saxlayın, düymələrə astaca basın və tez-tez fasilə edin. Bu cür istifadə zamanı və ya bundan sonra narahatlığınız davam edərsə, cihazdan istifadəni dayandırın və həkimə müraciət edin. Qarnituradan istifadə edərkən eşitmə qabiliyyətinizi və qulaqlarınızı qoruyun

• Yüksək səs səviyyəsinə həddindən çox məruz qalmaq eşitmə qabiliyyətinin zədələnməsinə səbəb ola bilər.

• Yeriyərkən yüksək səs səviyyəsinə məruz qalmaq diqqətinizi yayındıra və qəzaya səbəb ola bilər.

• Qulaqlıqları audio mənbəyinə qoşmadan əvvəl səs səviyyəsini hər zaman azaldın, söhbəti və ya musiqini eşitmək üçün zəruri olan minimum həddə səs səviyyəsindən istifadə edin.

• Quru mühitlərdə qarnitarurada statik elektrik enerjisi toplana bilər. Quru mühitlərdə qarnituradan istifadə etməyin və ya qarnituranı cihaza qoşmadan əvvəl statik elektrik enerjisini boşaltmaq üçün metal əşyaya toxunun.

• Nəqliyyat vasitəsi idarə edərkən qarnituradan istifadə etməyin. Bu, diqqətinizi yayındıraraq qəzaya səbəb ola və ya regionunuzdan asılı olaraq qeyri-qanuni ola bilər.Azərbaycan (latin)

Gəzərkən və ya hərəkət edərkən cihazdan istifadə zamanı ehtiyatlı olun

• Özünüzə və başqalarına xəsarət vurmamaq üçün həmişə ətrafa diqqət edin.

• Qarnitura naqilinin qollarınıza və ya yaxınlıqdakı əşyalara dolaşmadığından əmin olun. Cihazınızı rəngləməyin və ya ona stikerlər yapışdırmayın

• Rəng və stikerlər hərəkətli hissələri qapaya və düzgün işləməsinə mane ola bilər.

• Cihazın rəngli və ya metal hissələrinə qarşı allergiyanız varsa, bu, dərinizin qaşınmasına, şişməsinə və ya ekzemaya səbəb ola bilər. Bu baş verdikdə cihazdan istifadəni dayandırın və həkiminizə müraciət edin. Mobil cihazları və avadanlıqları ehtiyatla quraşdırın

• Mobil cihazların və nəqliyyat vasitənizdə quraşdırılan əlaqədar avadanlıqların möhkəm bərkidildiyindən əmin olun.

• Cihazınızı və aksessuarları təhlükəsizlik yastığı yerləşən hissəyə yaxın və ya onun içinə qoymayın. Təhlükəsizlik yastığı qəfil şişdikdə müvafiq qaydada quraşdırılmayan simsiz avadanlıqlar ciddi xəsarətə səbəb ola bilər. Cihazınızı yerə salmayın və ya onu zərbəyə məruz qoymayın

• Cihazınız zədələnə və ya nasaz işləyə bilər.

• Cihazınız əyilsə və ya deformasiyaya uğrasa, zədələnə bilər və ya hissələrində nasazlıq yarana bilər. Batareya və doldurma qurğusunun istismar müddətinin maksimum olmasını təmin edin

• Batareyalardan uzun müddət istifadə etmədikdə onlarda nasazlıq yarana bilər.

• Vaxt keçdikdə istifadə edilməmiş cihaz boşalır və istifadədən əvvəl yenidən doldurulmalı olur.

• İstifadə edilmədikdə doldurma qurğusunu enerji mənbəyindən ayırın.

• Batareyadan yalnız təyinatı üzrə istifadə edin.Azərbaycan (latin)

• Cihaz və batareyanın maksimum istismar müddətini təmin etmək üçün bu təlimat kitabçasındakı bütün təlimatlara əməl edin. Xəbərdarlıq və təlimatlara əməl etməmə nəticəsində yaranan zədə və ya aşağı məhsuldarlıq istehsalçı zəmanətini keçərsiz edə bilər.

• Cihazınız vaxt keçdikcə köhnələ bilər. Bəzi hissələr və təmir işləri zəmanət keçərli olduğu müddət ərzində zəmanətlə qarşılanır, lakin təsdiq edilməmiş aksesuarlardan istifadənin səbəb olduğu zədə və ya korlanma halları zəmanətlə qarşılanmır. Cihazdan istifadə edərkən aşağıdakıları nəzərə alın

• Cihazı ənənəvi telefonda olduğu kimi şaquli vəziyyətdə tutun.

• Birbaşa mikrofona danışın. Cihazınızı hissələrə ayırmayın, dəyişiklik etməyin və ya təmir etməyin

• Cihazınıza edilən hər hansı dəyişiklik və düzəlişlər istehsalçı zəmanətini keçərsiz edə bilər. Cihazınızın texniki qulluğa ehtiyacı olarsa, onu Samsung Xidmət Mərkəzinə aparın.

• Batareyanı hissələrə ayırmayın və ya deşməyin, çünki bu, partlayışa və ya yanğına səbəb ola bilər.

• Batareyanı hissələrə ayırmayın, təkrar istifadə etməyin.

• Batareyanı çıxarmadan əvvəl cihazı söndürün. Cihaz yanılı ikən batareyanı çıxarsanız, cihazda nasazlıq yarana bilər. Cihazı təmizləyərkən aşağıdakıları nəzərə alın

• Cihazı və ya doldurma qurğusunu dəsmal və ya silgi ilə silin.

• Batareya klemmalarını pambıq və ya dəsmal ilə silin.

• Kimyəvi maddə və ya yuyucu vasitələrdən istifadə etməyin. Bu, cihazın xarici səthinin rənginin dəyişməsinə və ya korlanmasına, cərəyan vurmasına səbəb ola bilər.

• Cihazın toz, tər, mürəkkəb, yağ və kosmetika, antibakterial sprey, əl təmizləyici, yuyucu vasitələr və həşəratlara qarşı vasitələr kimi kimyəvi məhsullara məruz qalmasının qarşısını alın. Cihazın xarici və daxili hissələri zədələnə və ya məhsuldarlıq aşağı düşə bilər. Cihazınız yuxarıda sadalanan maddələrdən hər hansı birinə məruz qalarsa, onu təmizləmək üçün lifsiz yumşaq parçadan istifadə edin.Azərbaycan (latin)

Cihazdan nəzərdə tutulandan kənar məqsədlər üçün istifadə etməyin Cihazınızda nasazlıq yarana bilər. Cihazdan ictimai yerdə istifadə etdikdə başqalarını narahat etməyin Yalnız ixtisaslı işçilərin cihazınıza texniki qulluq göstərməsinə icazə verin Cihazınıza ixtisassız işçilərin texniki qulluq göstərməsinə icazə vermək cihazınızın zədələnməsinə səbəb ola və istehsalçı zəmanətini keçərsiz edə bilər. SIM kart, yaddaş kartı və ya naqillərdən ehtiyatla istifadə edin

• Cihazınıza kart taxdıqda və ya naqil qoşduqda kartın düzgün yerə taxıldığından, naqilin isə düzgün yerə qoşulduğundan əmin olun.

• Məlumatlar ötürərkən və ya məlumatlara daxil olarkən kartı çıxarmayın. Bu, verilənlərin itməsinə və/və ya kartın, cihazın zədələnməsinə səbəb ola bilər.

• Kartları güclü zərbələrdən, statik elektrik enerjisindən və digər cihazların elektrik siqnallarından qoruyun.

• Barmaqlarınız və ya metal əşyalar ilə qızılı rəngli kontakt səthinə və ya klemmalara toxunmayın. Çirkli olarsa, kartı yumşaq parça ilə silin.

• Güc tətbiq edərək və ya uyğunsuz formada kartı taxmaq və ya naqili qoşmaq cihazın çoxfunksiyalı yuvasını və ya digər hissələrini zədələyə bilər. Fövqəladə hal xidmətlərinə giriş imkanını təmin edin Bəzi ərazilərdə və ya bəzi şərtlər altında cihazınızdan fövqəladə zənglər etmək mümkün olmaya bilər. Uzaq və ya inkişaf etməmiş ərazilərə səyahət etmədən əvvəl fövqəladə hal üzrə xidmət heyəti ilə əlaqə saxlamağın alternativ metodunu planlaşdırın. Şəxsi məlumatlarınızı qoruyun və həssas məlumatların sızmasının və ya sui-istifadəsinin qarşısını alın

• Cihazınızdan istifadə edərkən vacib məlumatların ehtiyat nüsxəsini çıxarın. Samsung verilənlərin itməsinə görə məsuliyyət daşımır.

• Cihazınızı atarkən bütün məlumatların ehtiyat nüsxəsini çıxarın və şəxsi məlumatlarınızın sui-istifadəsinin qarşısını almaq üçün cihazınızı sıfırlayın.Azərbaycan (latin)

• Proqramlar yükləyərkən icazələr ekranını diqqətlə oxuyun. Xüsusilə də, bir çox funksiyalara və ya xeyli miqdarda şəxsi məlumata giriş imkanı olan proqramlarla bağlı diqqətli olun.

• İcazəsiz və ya şübhəli istifadə ilə bağlı hesablarınızı müntəzəm olaraq yoxlayın. Şəxsi məlumatlarınızdan sui-istifadə ilə bağlı nəsə aşkarlasanız, hesab məlumatlarınızı silmək və dəyişmək üçün xidmət təchizatçısı ilə əlaqə saxlayın.

• Cihazınız itərsə və ya oğurlanarsa, şəxsi məlumatlarınızı qorumaq üçün hesablarınızdakı parolları dəyişin.

• Naməlum mənbələrdən olan proqramlardan istifadə etməyin və cihazınızı naxış, parol və ya PIN-kod ilə kilidləyin. Müəllif hüququ ilə qorunan materialları paylamayın Məzmun sahiblərinin icazəsi olmadan müəllif hüququ ilə qorunan materialları paylamayın. Bu, müəllif hüquqlarını poza bilər. İstehsalçı istifadəçinin müəllif hüququ olan materiallardan qanunsuz istifadənin səbəb olduğu hüquqi məsələlərə görə məsuliyyət daşımır. Zərərli proqram və viruslar Cihazınızı zərərli proqram və viruslardan qorumaq üçün bu istifadə ipucularına əməl edin. Bunlara əməl etməmək ziyan və ya məlumatların itməsi ilə nəticələnə bilər, bu da zəmanətlə qarşılanmaya bilər

• Naməlum proqramları yükləməyin.

• Etibarsız veb-saytlara daxil olmayın.

• Naməlum şəxslərdən göndərilən şübhəli mesaj və ya e-poçt məktublarını silin.

• Parol təyin edin və onu müntəzəm olaraq dəyişin.

• İstifadə edilmədikdə Bluetooth kimi simsiz funksiyaları qeyri-aktiv edin.

• Cihaz qeyri-normal işlədikdə infeksiyanı yoxlamaq üçün antivirus proqramını işə salın.

• Yeni yüklənmiş proqram və faylları istifadə etməkdən əvvəl cihazınızda antivirus proqramını işə salın.Azərbaycan (latin)

• İnfeksiyanın olub-olmadığını yoxlamaq üçün kompüterinizdə antivirus proqramları quraşdırın və onları müntəzəm olaraq işə salın.

• Reyestr parametrlərini redaktə etməyin, cihazın əməliyyat sistemini dəyişdirməyin. Xüsusi Udma Əmsalı (SAR) sertifikasiyası ilə bağlı məlumat Ətraflı məlumat üçün www.samsung.com/sar ünvanına daxil olun və model nömrəsi ilə cihazınızı axtarın. Bu məhsulun düzgün utilizasiyası (Elektrik və Elektron Avadanlıqların Tullantıları) Məhsul, aksesuar və ya yazılı materiallar üzərindəki bu nişan məhsul və onun elektron aksesuarlarının (məsələn, doldurma qurğusu, qarnitura, USB naqili) digər məişət tullantıları ilə birlikdə atılmamalı olduğunu göstərir. Nəzarətsiz tullantıların mühitə və ya insan səhhətinə dəyə biləcək ziyanının qarşısını almaq üçün bu məhsulları digər növ tullantılardan ayırın və material resurslarının davamlı yenidən istifadəsini təşviq etmək üçün onların təkrar istehsalına imkan yaradın. Adi istifadəçilər ekoloji cəhətdən təhlükəsiz təkrar istehsal məqsədilə bu məhsulları haraya və necə apara biləcəkləri barədə məlumat almaq üçün ya bu məhsulu aldıqları pərakəndə satıcı ilə, ya da yerli hökumət idarəsi ilə əlaqə saxlamalıdırlar. Bizneslə məşğul olan istifadəçilər malı göndərən tərəflə əlaqə saxlamalı və satınalma müqaviləsinin şərt və müddəalarına baxmalıdırlar. Bu məhsul və onun elektron aksesuarları atılarkən digər ticari tullantılar ilə qarışdırılmamalıdır.Azərbaycan (latin)

Bu məhsuldakı batereyaların düzgün utilizasiyası Batareya, təlimat kitabçası və ya qablaşdırmanın üzərindəki bu nişan bu məhsuldakı batareyanın istismar müddəti bitdikdən sonra digər ev əşyaları ilə birlikdə atılmamalı olduğunu göstərir. Kimyəvi element simvolları olan Hg, Cd və ya Pb işarələrinin olması o deməkdir ki, batareyada 2006/66 EC Direktivində göstərilən səviyyədən yüksək miqdarda civə, kadmium və ya qurğuşun var. Məsuliyyətdən imtina Bu cihaz vasitəsilə əlçatan olan bəzi məzmun və xidmətlər üçüncü tərəflərə aiddir və müəllif hüququ, patent, ticarət nişanı və/və ya digər əqli mülkiyyət hüquqları ilə qorunur. Bu cür məzmun və xidmətlər yalnız qeyri-kommersiya məqsədli şəxsi istifadəniz üçün təmin edilir. Məzmun sahibi və ya xidmət təchizatçısı tərəfindən icazə verilməyən tərzdə heç bir məzmun və ya xidmətdən istifadə edə bilməzsiniz. Yuxarıda qeyd edilənləri məhdudlaşdırmadan, müvafiq məzmun sahibinin və ya xidmət təchizatçısının açıq-aydın icazəsi olmadan bu cihaz vasitəsilə təqdim edilən hər hansı məzmun və ya xidmətləri hər hansı bir üsul və ya vasitə ilə dəyişə, kopyalaya, yenidən nəşr edə, yükləyə, dərc edə, ötürə, tərcümə edə, sata, törəmə işlərini hazırlaya, istismar edə və ya paylaya bilməzsiniz. "ÜÇÜNCÜ TƏRƏF MƏZMUN VƏ XİDMƏTLƏRİ "OLDUĞU KİMİ" TƏMİN EDİLİR. SAMSUNG HƏR HANSI MƏQSƏDLƏ BU CÜR TƏMİN EDİLƏN HEÇ BİR MƏZMUN VƏ YA XİDMƏTƏ GÖRƏ AÇIQ-AYDIN VƏ YA DOLAYI ŞƏKİLDƏ ZƏMANƏT VERMİR. SAMSUNG BÜTÜN DOLAYI ZƏMANƏTLƏRİ, O CÜMLƏDƏN SATIŞ İMKANI VƏ YA HANSISA MƏQSƏDƏ UYĞUNLUQ ZƏMANƏTLƏRİNİ AÇIQ-AŞKAR İNKAR EDİR. SAMSUNG BU CİHAZ VASİTƏSİLƏ ƏLÇATAN EDİLƏN HƏR HANSI MƏZMUN VƏ YA XİDMƏTİN DƏQİQLİYİNƏ, ETİBARLILIĞINA, ZAMANLILIĞINA, QANUNİLİYİNƏ VƏ YA TAMLIĞINA ZƏMANƏT VERMİR VƏ SAMSUNG SƏHLƏNKARLIQ DA DAXİL OLMAQLA, MÜQAVİLƏ ÜZRƏ HÜQUQ POZUNTUSU İLƏ BAĞLI OLUB- OLMAMASINDAN ASILI OLMAYARAQ, HEÇ BİR HALDA HƏR HANSI MƏZMUN VƏ YA XİDMƏTDƏ ƏKS ETDİRİLƏN MƏLUMATDAN QAYNAQLANAN VƏ YA ONUNLA ƏLAQƏDAR OLAN VƏ YA SİZİN, YA DA ÜÇÜNCÜ TƏRƏFİN MƏZMUN VƏ YA XİDMƏTDƏN İSTİFADƏSİNİN SƏBƏB OLDUĞU HƏR HANSI BİRBAŞA, DOLAYI, TƏSADÜFİ, XÜSUSİ VƏ YA GÖZLƏNİLƏN ZİYANA, VƏKİL RÜSUMLARI, XƏRC VƏ YA DİGƏR ZƏRƏRLƏRƏ GÖRƏ HEÇ BİR MƏSULİYYƏT DAŞIMIR (BU ZƏRƏRLƏRİN MÜMKÜNLÜYÜ BARƏDƏ BİLDİRİLMİŞ OLSA BELƏ)".Azərbaycan (latin)

Üçüncü tərəf xidmətləri istənilən vaxt ləğv edilə və ya dayandırıla bilər və Samsung hər hansı məzmun və ya xidmətin müəyyən müddət ərzində əlçatan olacağına dair heç bir bəyanat və ya zəmanət vermir. Məzmun və xidmətləri Samsung-un idarə etmədiyi şəbəkə və ötürmə qurğuları vasitəsilə üçüncü tərəflər ötürür. Bu məsuliyyətdən imtina müddəasının ümumiliyini məhdudlaşdırmadan Samsung bu cihaz vasitəsilə əlçatan edilən hər hansı məzmun və ya xidmətin təxirə salınması və ya dayandırılması üzrə məsuliyyətdən açıq-aydın imtina edir. Samsung məzmun və xidmətlərlə əlaqədar müştəri xidmətləri üzrə məsuliyyət və ya öhdəlik daşımır. Məzmun və ya xidmətlərlə bağlı xidmət üzrə hər hansı sual və ya sorğular birbaşa məsul məzmun və xidmət təchizatçılarına ünvanlanmalıdır.