WIRELESS PREMIUM HEADSET LEVEL ON EO-PN900 - Kufje SAMSUNG - Manual falas për përdoruesin

Lloji i produktit	Kufje audio pa tel
Marka	Samsung
Modeli	EO-PN900
Teknologjia e lidhjes	Bluetooth
Autonomia e vlerësuar	Deri në 10 orë
Bateria	Litium-jon i rikarikueshëm
Porta e karikimit	Micro USB
Pesha e përafërt	Rreth 200 g
Lloji i kufjeve	Mbi vesh (on-ear)
Mikrofoni i integruar	Po
Komandat	Luaj/Pauzë, volum, telefonata
Gama e temperaturës së përdorimit	5°C deri në 35°C
Gama e temperaturës së ruajtjes	0°C deri në 45°C
Mirëmbajtja	Pastroni me një leckë të butë dhe të thatë
Përputhshmëria	Pajisje Bluetooth
Aksesorët e përfshirë	Kabllo karikimi, manual
Siguria	Mos përdorni në volum të lartë; shmangni lagështirën
Riparueshmëria	Dërgojeni në një qendër të autorizuar Samsung

Pyetjet më të shpeshta - WIRELESS PREMIUM HEADSET LEVEL ON EO-PN900 SAMSUNG

Si të karikoni kufjet Samsung EO-PN900?

Përdorni kabllon micro USB të furnizuar. Lidheni atë me kufjet dhe me një karikues USB të miratuar nga Samsung. Drita tregon karikimin.

Si të lidhni kufjet me një telefon?

Aktivizoni Bluetooth-in në kufje (mbajeni të shtypur butonin e ndezjes) dhe në telefon. Zgjidhni 'Samsung EO-PN900' nga lista e pajisjeve.

Çfarë të bëni nëse zëri është i ulët ose i shtrembëruar?

Kontrolloni volumin në kufje dhe në pajisjen burimore. Sigurohuni që kufjet janë të karikuara mirë. Largojini ato nga burimet e ndërhyrjeve.

A mund të përdor kufjet nën shi ose duke vrapuar?

Jo, kufjet nuk janë të papërshkueshme nga uji. Shmangni çdo kontakt me lagështirën për të parandaluar dëmtimet dhe rreziqet e goditjes elektrike.

Si të pastroni kufjet?

Përdorni një leckë të butë dhe të thatë. Mos përdorni produkte kimike, tretës ose leckë të lagësht. Pastroni kontaktet e baterisë me pambuk.

Bateria shkarkohet shpejt, çfarë të bëj?

Sigurohuni që i karikoni plotësisht kufjet. Shmangni lënien e tyre në karikim për më shumë se një javë. Nëse problemi vazhdon, kontaktoni një qendër të autorizuar Samsung.

A mund ta zëvendësoj baterinë vetë?

Jo, bateria nuk është e zëvendësueshme nga përdoruesi. Për çdo zëvendësim, dërgojeni kufjet në një qendër shërbimi të autorizuar Samsung.

A është e sigurt të përdor kufjet gjatë vozitjes?

Nuk rekomandohet përdorimi i kufjeve gjatë vozitjes ose ngasjes së biçikletës, pasi mund të shpërqendrojë dhe është i ndaluar në disa zona. Preferoni telefonatat me duar të lira të integruara në automjet.

Kufjet nuk ndizen, çfarë të bëj?

Kontrolloni karikimin e baterisë. Lidheni kufjet me karikuesin për të paktën 30 minuta. Nëse ende nuk funksionon, rivendosni duke mbajtur butonin e ndezjes për 10 sekonda.

Si të asgjësoni kufjet në fund të jetës?

Mos i hidhni me mbeturinat shtëpiake. Vendosini në një pikë grumbullimi për mbetje elektronike. Bateria duhet të riciklohet veçmas.

MANUAL I PËRDORUESIT WIRELESS PREMIUM HEADSET LEVEL ON EO-PN900 SAMSUNG

Mosrespektimi i paralajmërimeve dhe rregullave të sigurisë mund të shkaktojë lëndime serioze ose vdekje.

Mos përdorni kabllo elektrike ose spina dhe priza elektrike të liruara.

Lidhjet jo të forta mund të shkaktojnë goditje elektrike ose zjarr.

Mos e prekni kabllin e rrymës me duar të lagura ose mos e shkëputni karikuesin duke e tërhequr kabllin.

Nëse veproni kështu mund t'ju kapë rryma.

Mos e përthyni dhe mos e dëmtoni kabllon elektrike.

Nëse veproni kështu mund të shkaktoni goditje elektrike ose zjarr.

Përdorni bateri, karikues, aksesorë dhe mjete të aprovuara nga prodhuesi.

• Përdorimi i baterive ose karikuesve gjenerikë mund të shkurtojë jetën e pajisjes tuaj ose të shkaktojë që pajisja të mos funksionojë mirë. Ato mund të shkaktojnë gjithashtu zjarr ose të bëjnë që bateria të shpërthejë.
• Përdorni karikues dhe bateri të aprovuara nga Samsung të projektuar posaçërisht për pajisjen tuaj. Bateritë dhe karikuesit e papërshtatshëm mund të shkaktojnë lëndime serioze ose dëmtime në pajisjen tuaj. Samsung nuk mban përgjegjësi për sigurinë e përdoruesit kur përdor aksesorë ose pajisje që nuk janë miratuar nga Samsung.

Mos e rrezoni ose përplasni karikuesin apo pajisjen.

Mbajeni dhe vendoseni pajisjen dhe karikuesin me kujdes.

Asnjëherë mos e vendosni baterinë ose pajisjen në zjarr. Asnjëherë mos e vendosni baterinë ose pajisjen pranë pajisjeve të nxehëse, si furra mikrovalë, soba ose radiatorë. Pajisja mund të shpërthejë kur mbinxehet. Ndiqni të gjitha rregullat lokale për të hedhur baterinë ose pajisjen e përdorur. - Asnjëherë mos e shtypni ose shponi pajisjen. Shmangni ekspozimin e pajisjes në presion të lartë të ajrit të jashtëm, e cila mund të çojë në qark të shkurtër të brendshëm dhe mbinxehje.

Mbrojeni pajisjen, baterinë dhe karikuesin nga dëmtimet.

• Mos e ekspozoni pajisjen dhe baterinë në temperatura shumë të ftohta ose shumë të nxehta.
• Temperaturat ekstreme mund të dëmtojnë pajisjen dhe të ulin kapacitetin e karikimit dhe jetën e pajisjes dhe baterisë.
• Mos lejoni që bateria të bjerë në kontakt me objekte metalike, pasi kjo mund të krijojë një lidhje me terminalet + dhe - të baterisë tuaj dhe mund të shkaktojë dëmtime të përhershme ose të përkohshme të baterisë.
• Mos përdorni kurrë një ngarkues ose bateri të dëmtuar.

Mos e ruani pajisjen tuaj pranë ose në ngrohës, mikrovalë, pajisje gatimi me nxehtësi ose enë nën presion.

Bateria mund të rrjedhë. Pajisja juaj mund të mbinxehet dhe të shkaktojë zjarr.

Mos e përdorni ose ruani pajisjen në vende me përqendrime të larta pluhuri ose materiale fluturuese në ajër.

Pluhuri ose materialet e huaja mund të shkaktojnë që pajisja juaj të keqfunksionojë dhe të shkaktojnë zjarr ose goditje elektrike.

Mos e lejoni fishen universale dhe fundin e vogël të karikuesit që të bien në kontakt me materiale përçuese, si lëngje, pluhur, pluhur metalik dhe maja lapsi.

Materialet përçuese mund të shkaktojnë një qark të shkurtër ose gërryerje të terminaleve, të cilat mund të rezultojnë në shpërthim ose zjarr.

Mos e kafshoni ose thithni pajisjen ose baterinë.

Nëse veproni kështu, mund të dëmtoni pajisjen ose të shkaktoni shpërthim ose zjarr. Fëmijët ose kafshët mund të gëlltisin pjesë të vogla. Nëse pajisja përdoret nga fëmijë, sigurohuni që po e përdorin atë siç duhet.

Mos futni pajisjen apo aksesorët e furnizuar në veshë, ose gojë. Duke bërë kështu, ju mund të shkaktoni asfiksi ose dëmtime serioze.

Mos përdorni bateri me jone litiumi (Li-ion), të cilat janë të dëmtuara me rëndë.

Përdorimi i kësaj baterie Li-ion, kontaktoni me qendrën e shërbimit të autorizuar më të afërt.

Kujdes

Mosrespektimi i lajmërimeve dhe rregullave të sigurisë mund të shkaktojë lëndime ose dëmtime të pronës.

Mos e përdorni pajisjen tuaj pranë pajisjeve të tjera elektronike.

• Pjesa më e madhe e pajisjeve elektronike përdor sinjale në frekuenca radioje. Pajisja juaj mund të ndërhyjë në funksionimin normal të pajisjeve të tjera elektronike.
• Përdorimi i lidhjes LTE për të dhënat mund të shkaktojë ndërhyrje në pajisje të tjera, si pajisjet audio dhe telefonat.

Mos e përdorni pajisjen në një spital, ose në aeroplan, ose në pajisje me motorë të cilat mund të ndërhyjnë nga frekuencat e radios.

• Nëse është e mundur, shmangni përdorimin e pajisjes tuaj brenda një rrezeje 15 cm pranë stimuluesve kardiakë, pasi pajisja mund të ndërhyjë në funksionimin normal të stimuluesit.
• Për të minimizuar mundësinë e interferencës me një peismaker, përdoreni pajisjen tuaj vetëm në anën e trupit tuaj që është në të kundërt me peismakerin.
• Nëse përdorni pajisje mjekësore, kontaktoni me prodhuesin e pajisjes para se të përcaktoni nëse pajisja do të ndikohet ose jo nga frekuencat radio të lëshuara nga pajisja.
• Në aeroplan, përdorimi i pajisjeve elektronike mund të interferojë me instrumentet elektronike të navigimit. Sigurohuni që pajisja është e fikur gjatë ngritjes dhe zbritjes. Pas ngritjes, mund ta përdorni pajisjen në modalitetin fluturim nëse lejohet nga personeli i aeroplanit.
• Pajisjet elektronike në makinën tuaj mund të keqfunksionojnë, për shkak të interferencës së radios nga pajisja juaj. Kontaktoni me prodhuesin për më shumë informacion.

Mos e ekspozoni pajisjen në tymra ose avuj të dendur.

Nëse veproni kështu, mund të dëmtoni pjesën e jashtme të pajisjes ose ta bëni që të keqfunksionojë.

Nëse përdorni një aparat dëgjimi, kontaktoni me prodhuesin për informacion rreth frekuencave të radios.

Frekuenca e radios e nxjerrë nga pajisja juaj mund të ndikojë te disa aparate dëgjimi. Para se të përdorni pajisjen tuaj, kontaktoni me prodhuesin për të përcaktuar nëse aparati juaj i dëgjimit do të ndikohet nga frekuencat e radios të nxjerra nga pajisja juaj.

Mos e përdorni pajisjen pranë pajisjeve ose aparateve që lëshojnë frekuenca radio, të tilla si sistemet e zërit dhe kullat e radios.

Frekuencat e radios mund të bëjnë që pajisja juaj të keqfunksionojë.

Fikeni pajisjen në mjedise ku ekziston mundësia e shpërthimit.

• Në vend që të hiqni baterinë, fikeni pajisjen tuaj në mjedise ku ekziston mundësia e shpërthimit. Gjithmonë zbatoni rregullat, udhëzimet dhe sinjalizimet në mjedise ku ekziston mundësia e shpërthimit. Mos e përdorni pajisjen në pika karburanti (stacione karburanti), pranë karburanteve ose lëndëve kimike, ose në zona shpërthyese.
• Mos ruani dhe mos transportoni lëngje të ndezshme, gaze ose materiale shpërthyese në të njëjtin vend me pajisjen, pjesët ose aksesorët e saj.

Nëse vini re aroma ose tinguj të çuditshëm që vijnë nga pajisja juaj ose bateria, ose nëse shikoni tym apo lëngje që dalin nga pajisja ose bateria, menjëherë mos e përdorni më pajisjen dhe çojeni në një Qendër Shërbimi Samsung.

Nëse nuk veproni kështu mund të shkaktoni zjarr ose shpërthim.

Veproni në përputhje me të gjitha paralajmërimet dhe rregullat e sigurisë për sa i përket përdorimit të pajisjeve celulare gjatë drejtimit të mjetit.

Gjatë drejtimit të automjetit, drejtimi i sigurt i tij është përgjegjësia juaj e parë. Mos e përdorni kurrë pajisjen tuaj celulare gjatë drejtimit të automjetit, nëse kjo gjë ndalohet me ligj. Për sigurinë tuaj dhe sigurinë e të tjerëve, përdorni gjykimin tuaj dhe mbani mend këshillat e mëposhtme:

Njihuni me pajisjen tuaj dhe veçoritë e saj praktike, si çelja e shpejtë dhe rithirrja. Këto veçori ju ndihmojnë të ulni kohën e nevojshme për të kryer apo marrë telefonata në pajisjen tuaj celulare. - Mbajeni pajisjen në vende ku arrihet lehtë. Sigurohuni që të hapni pajisjen tuaj wireless pa hequr sytë nga rruga. Nëse merrni një telefonatë në një moment të papërshtatshëm, lini që të përgjigjet sekretaria telefonike për ju. - Përdorni thirrjet në kushte trafiku të rënduar apo me mot të keq. Shiu, bubullima, bora, akulli dhe trafiku i rënduar shfaqin rreziqe. - Mos shënoni dhe mos kërkoni për numra telefoni. Shënimi i një liste "detyrash" ose kërkimi në librin e adresave mund t'ju heqë vëmendjen nga përgjegjësia juaj kryesore e drejtimit të sigurt të automjetit. Telefononi kur duhet dhe vlerësoni trafikun. Telefononi kur nuk jeni në lëvizje ose përpara se të futeni në trafik. Përpiquni t'i planifikoni telefonatat kur vetura juaj do të jetë e ndaluar. - Mos u angazhoni në biseda stresuese ose emocionuese që mund t'ju heqin vëmendjen nga rruga. Tregojini personit me të cilin po flisni që po ngisni makinën dhe shmangni bisedat që mund t'ju shpërqendrojnë vëmendjen nga rruga.

Kujdesuni dhe përdoreni pajisjen tuaj celulare siç duhet.

Mbajeni pajisjen të thatë.

Lëngëtia the langjt mund të dëmtojnë pajisjet elektronike në pajisjen tuaj. - Mos e ndizni pajisjen tuaj nëse është e lagur. Nëse pajisja juaj është e ndezur tashmë, menjëherë fikeni dhe hiqni baterinë (nëse pajisja nuk fiket ose nuk mund ta hiqni baterinë, lëreni siç është). Atëherë, thajeni pajisjen me peshqir dhe dorëzojeni në një qendër shërbimi. Lëngjet i ndryshojnë ngjyrën e etiketës së posaçme që tregon dëmtimin e brendshëm të pajisjes. Dëmtimi i pajisjes tuaj nga uji mund ta bëjë të pavlefshme garancinë e prodhuesit.

Ruajeni pajisjen tuaj vetëm mbi sipërfaqe të sheshta.

Nëse pajisja juaj bie, ajo mund të dëmtohet.

Mos e ruani pajisjen tuaj në vende shumë të nxehta ose shumë të ftohta. Rekomandohet përdorimi i pajisjes në temperatura nga 5°C në 35°C.

• Mos e vendosni pajisjen në vende shumë të nxehta si për shembull brenda në makinë gjatë verës. Nëse veproni kështu mund të bëni që ekrani të keqfunksionojë, të shkaktoni dëmtime pajisjes, ose të bëni që bateria të shpërthejë. Mos e ekspozoni pajisjen tuaj në dritën e diellit për periudha të zgjatura kohore mbi kroskotin e një makine, për shembull.
• Ruajeni baterinë në temperatura nga 0°C deri në 45°C.

Mos e mbani pajisjen bashkë me objekte metalike, si për shembull monedha, çelësa dhe varëse.

Pajisja juaj mund të gërvishtet ose të keqfunksionojë. - Nëse terminalet e baterisë bien në kontakt me objekte metalike, kjo mund të shkaktojë zjarr.

Mos e ruani pajisjen pranë fushave magnetike.

Pajisja juaj mund të pësojë avari ose bateria mund të shkarkohet nëse ekspozohet në fusha magnetike. - Kartat me shirita magnetikë, si kartat e kreditit, kartat e telefonit, librezat dhe lejet plastike të kalimit mund të dëmtohen nga fushat magnetike.

Mos përdorni pajisjen apo aplikacionet tuaja për pak kohë nëse është e tejnxehur.

Ekspozimi i zgjatur i lëkurës suaj tek një pajisje e nxehur mund të shkaktojë simptoma djegieje në një temperaturë të ulët, siç janë pjesë të skuqura dhe pigmentim.

Mos e përdorni pajisjen me kapakun e pasmë të hequr.

Bateria mund të bjerë nga pajisja, e cila mund të shkaktojë dëmtime ose keqfunksionime.

Nëse pajisja juaj ka një dritë kamore, mos e përdorni për të mbyllur sytë e njerëzve ose kafshëve.

Përdorimi i cipës së pranë syve mund të shkaktojë humbje të përkohshme shikimi ose të dëmtojë sytë.

Përdorni kujdes kur ekspozoheni ndaj dritave vezulluese

Gjatë përdorimit të pajisjes, lini disa drita ndezur në dhomë dhe mos e mbani ekranin shumë afër syve tuaj. Mund të ndodhin kriza serioze të shikimit kur ekspozoheni ndaj dritave të forta gjatë shikimit të videove ose gjatë lojërave me lojëra të bazuara në flash për një periudhë kohore të gjatë. Nëse ndieni parehati, ndaloni menjëherë përdorimin e pajisjes. - Nëse ndonjë i afërmi juaj ka provuar kriza ose të fikët gjatë përdorimit të një pajisjeje të tillë, konsultohuni me një mjek përpara se ta përdorni pajisjen. Nëse ndjeni parehati, si përdredhje spazma muskujsh, ose i çorientuar, mos e përdorni pajisjen dhe konsultohuni me mjekun. Për të shmangur lodhjen e syve, bëni pushime të shpeshta kur përdorni pajisjen.

Pakësoni rrezikun e dëmtimeve nga lëvizjet e përsëritura

Mbroni dëgjimin dhe veshët kur përdorni kufje

Ekspozimi i tepërt ndaj tingujve të lartë mund të shkaktojë dëmtime në dëgjim. Ekspozimi ndaj tingujve të lartë gjatë ecjes mund t'ju heqë vëmendjen dhe të bëhet shkak për aksidente.

Gjithmonë ulni volumin përpara se të futni kufjet në burimin e zërit dhe përdorni nivelin minimal të volumit të nevojshëm për të dëgjuar bisedën apo muzikën. - Në ambiente të thata, në kufje mund të grumbullohet elektricitet statik. Shmangni përdorimin e kufjeve në ambiente të thata ose prekni objekte metalike për të shkarkuar elektricitetin statik përpara se të lidhni kufjet me pajisjen. - Mos përdorni kufje kur drejtoni makinën, motorin ose biçikletën. Nëse veproni kështu mund të shpërqendroni vëmendjen tuaj dhe të shkaktoni një aksident, ose mund të jetë e jashtëligjshme në varësi të vendit.

Bëni kujdes kur përdorni pajisjen gjatë ecjes apo lëvizjes

Gjithmonë jini të vetëdijshëm për rrethanat ku ndodheni dhe shmangni lëndimin tuaj ose të të tjerëve. - Sigurohuni që kablli i kufjes të mos ngatërrohet në krahët ose në objektet pranë.

Mos e mbani pajisjen në xhepat e pasme apo përreth kyçit të dorës

Mund të lëndoheni ose të dëmtoni pajisjen nëse bini.

Mos vizatoni apo vendosni ndonjë afishe në pajisjen tuaj

Ngjyra apo afisheja mund të pengojë pjesën lëvizëse dhe të pengojë operimin e duhur. - Nëse jeni alergjik nga boja ose pjesët metalike të pajisjes, mund të keni kruajtje, ekzemë ose ënjtje të lëkurës. Nëse ndodh kjo, mos e përdorni pajisjen dhe konsultohuni me një mjek.

Mos e përdorni pajisjen nëse është thyer ose e prishur

Xhami i thyer ose i plasaritur mund të dëmtojë duart tuaja ose fytyrën tuaj. Dërgojeni pajisjen në qendrën e shërbimit Samsung për riparim.

Instalojini me kujdes aparatet dhe pajisjet celulare.

• Sigurohuni që asnjë copë ushqimi apo pije të mos jetë e instaluar në automjetin tuaj në mënyrë të pasigurt.
• Mos e përdorni pajisjen dhe aksesorët pranë ose brenda një vendi ku është vendosur airbagu. Pajisjet wireless që nuk janë instaluar si duhet mund të shkaktojnë dëmtime serioze kur airbagët hapen papritur.

Mos e rrëzoni pajisjen tuaj dhe as mos i shkaktoni asaj goditje.

Pajisja juaj mund të dëmtohet ose të keqfunksionojë. Nëse përkulet apo deformohet, pajisja mund të dëmtohet dhe pjesë të saj të pësojnë avari.

Siguroni jetëgjatësi maksimale të baterisë dhe të karikuesit.

Mos e karikoni pajisjen tuaj për më shumë se një javë, pasi karikimi i tepërt mund të shkurtojë jetën e baterisë. - Me kalimin e kohës, pajisja e papërdorur do të shkarkohet dhe duhet të karikohet përsëri para se të përdoret. - Shkëputeni karikuesin nga burimet e energjisë kur nuk e përdorni. - Përdoreni baterinë vetëm për qëllimet e tyre të caktuara. Lënia e baterive të përdorura për një kohë të gjatë mund të ulë jetëgjatësinë dhe performancën e tyre. Gjithashtu mund të shkaktojë që bateritë të keqfunksionojnë, të shpërthejnë apo të shkaktojnë zjarr.

• Ndiqni të gjitha udhëzimet në këtë manual për të siguruar jetëgjatësinë e gjatë të pajisjes dhe baterisë tuaj. Dëmtimet ose performanca e dobët e shkaktuar nga mosrespektimi i paralajmërimeve dhe udhëzimeve mund të evitojë garancinë dhe reputacionin. Pajisja juaj mund të vishet me kalimin e kohës. Disa pjesë dhe riparime mbulohen nga garancia brenda periudhave të vlefshmërisë, por jo dëmtimet ose prishjet e shkaktuara nga përdorimi i aksesorëve të paaprovuar.

Kur përdorni pajisjen, mos harroni.

• Mbajeni pajisjen vertikalisht, siç do të mbanit telefonin e zakonshëm. Flisni direkt në mikrofon.

Mos e çmontoni, mos e ndryshoni apo riparoni pajisjen tuaj.

• Ndryshimet apo modifikimet mbi pajisjen tuaj mund ta bëjnë të pavlefshme garancinë e prodhuesit. Nëse pajisja juaj ka nevojë për shërbim, çojeni në një Qendër Shërbimi Samsung. Mos e çmontoni ose mos e shponi baterinë, pasi kjo mund të shkaktojë shpërthim ose zjarr.
• Fikeni pajisjen para se të hiqni baterinë. Nëse e hiqni baterinë me pajisjen të ndezur, kjo mund të bëjë që pajisja të keqfunksionojë.

Kur e pastroni pajisjen, mos harroni.

• Fshijeni pajisjen apo karikuesin me peshqir ose gomë.
• Pastroni terminalet e baterisë me një top pambuku ose një peshqir.
• Mos përdorni kimikate apo solucione larëse. Nëse veproni kështu, mund të çngjyrosni ose të gërryeni sipërfaqen e jashtme të pajisjes ose të shkaktoni goditje elektrike ose zjarr.

Mos e përdorni pajisjen për funksione të tjera nga përdorimi i synuar.

Pajisja juaj mund të keqfunksionojë.

Mos shqetësoni të tjerët kur përdorni pajisjen në publik.

Lejoni vetëm personelin e kualifikuar që të kryejë shërbimin e pajisjes suaj.

Lejimi i personelit të pakualifikuar për kryerjen e shërbimit në pajisjen tuaj mund të çojë në dëmtimin e pajisjes dhe do ta bëjë të pavlefshme garancinë nga prodhuesi.

Mbajini me kujdes kartat SIM, kartat e memories ose kabllot.

Kur futni një kartë ose lidhni një kabllo pajisjeje tuaj, sigurohuni që karta është futur ose kablli është lidhur në anën e duhur. - Mos e hiqni kartën ndërkohë që pajisja është duke transferuar ose duke marrë informacion, sepse kjo mund të çojë në humbjen e të dhënave dhe/ose në dëmtimin e kartës ose pajisjes. - Mbrojini kartat nga tronditjet e forta, elektriciteti statik dhe zhurma elektrike që buron nga pajisjet e tjera. - Mos i prekni kontaktet ngjyrë ari ose terminalet me gishta ose me objekte metalike. Nëse bëhet pis, pastrojeni kartën me një copë leckë. - Vendosja e kartës ose lidhja e kabllit me forcë ose në mënyrë të gabuar mund të shkaktojë dëtime në xhepin multifunksional ose në pjesë të tjera të pajisjes.

Siguroni lidhjen me shërbimet e emergjencës.

Telefonatat e urgjencës nga pajisja juaj mund të mos jenë të mundura në disa zona ose rrethana. Para se të udhëtoni në zona të largëta ose të pazhvilluara, planifikoni një mënyrë alternative për të kontaktuar personelin e shërbimit të emergjencës.

Mbrojini të dhënat tuaja personale dhe parandaloni rrjedhjet ose keqpërdorimin e informacioneve sensitive.

Gjatë përdorimit të pajisjes tuaj, sigurohuni që të krijoni kopje rezervë të të dhënave të rëndësishme. Samsung nuk është përgjegjës për humbjen e çdo të dhëne. - Kur e flakni pajisjen tuaj, krijoni kopje rezervë të të dhënave dhe pastaj rivendosni pajisjen tuaj për të parandaluar keqpërdorimin e informacionit tuaj personal. - Lexoni me kujdes ekranin e licencës kur shkarkoni aplikacione. Keni kujdes veçanërisht me aplikacionet që kanë qasje në shumë funksione ose në një sasi të konsiderueshme të dhënash tuaja personale. - Kontrolloni llogaritë tuaja rregullisht për përdorime të paautorizuara ose të dyshimta. Nëse gjeni ndonjë shenjë të keqpërdorimit të informacioneve tuaja personale, kontaktoni ofruesin tuaj të shërbimit që të fshini ose ndryshoni informacionin e llogarisë suaj. - Nëse pajisja juaj është humbur ose vjedhur, ndryshoni fjalëkalimet në llogaritë tuaja në mënyrë që të mbroni informacionet tuaja personale. - Shmangni përdorimin e aplikacioneve nga burime të panjohura dhe bllokoni pajisjen tuaj me një model, fjalëkalim ose PIN.

Të mos shpërndahet materiali i mbrojtur me të drejtë autori.

Mos i shpërndani materialet e mbrojtura nga e drejta e autorit pa lejen e pronarit. Në këtë mënyrë mund të shkelni ligjet e së drejtës së pronësisë. Prodhuesi nuk mban përgjegjësi për çfarëdo pasoje juridike që kanë ardhur si rrjedhojë nga përdorimi i paligjshëm i përdoruesit të materialeve të mbrojtura nga e drejta e autorit.

Malware dhe viruset

Për të mbrojtur pajisjen nga malware dhe viruset, zbatoni këto këshilla përdorimi. Mosrespektimi i tyre mund të shkaktojë dëmtime ose humbje të të dhënave të cilat mund të mos mbulohen nga shërbimi i garancisë.

• Mos shkarkoni aplikacione të panjohura.
• Mos vizitoni faqe interneti të pabesueshme. Fshini mesazhet e dyshimta ose email-et nga dërguesit e panjohur. Vendosni një fjalëkalim dhe ndryshojeni atë rregullisht. Çaktivizoni veçoritë si për shembull Bluetooth, kur nuk i përdorni. Nëse pajisja sillet në mënyrë jonormale, hapni një program antivirus për të kontrolluar për infeksione.
• Hapni një program antivirus në pajisjen tuaj përpara se të hapni aplikacione dhe dosjet e sapo-shkarkuara.
• Instaloni programe antivirus në kompjuterin tuaj dhe hapini rregullisht për të kontrolluar për infeksione.
• Mos bëni ndryshime në cilësimet e regjistrit ose të modifikoni sistemin operativ të pajisjes.

Hedhja e këtij produkti sipas rregullave

(Hedhja e Pajisjeve Elektrike dhe Elektronike)

(E aplikueshme në shtetet me sisteme të veçanta grumbullimi)

Ky shenim mbi produkt, aksesor ose literaturë tregon që produkti dhe aksesorët e tij elektronikë (p.sh. karikuesi, kufjet, kablloja USB) nuk duhet të hidhen bashkë me mbeturinat e

tjera shtëpiake.

Për të parandaluar dëmtimin e mundshëm të mjedisit ose të shëndetit të njerëzve nga hedhja e pakontrolluar e mbeturinave, ju lutemi që t'i ndani këto sende nga llojet e tjera të mbeturinave dhe t'i ricikloni ato me përgjegjësi për të nxitur ripërdorimin e vazhdueshëm të burimeve materiale.

Përdoruesit shtëpiakë duhet të kontaktojnë ose shitësin me pakicë nga i cili e kanë blerë këtë produkt, ose zyrën e qeverisjes së tyre lokale, për të dhëna rreth vendit dhe mënyrës së dërgimit të këtyre sendeve për riciklim që respekton mjedisin.

Përderisa e bizneseve duhet të kontaktojnë furnizuesin e tyre dhe të shqyrtojnë termat dhe kushtet e kontratës së blerjes. Ky produkt dhe aksesorët e tij elektronik, kur të hidhen, nuk mund të përzihen me mbeturina të tjera komerciale.

Flakja korrekte e baterive të këtij produkti

(E zbatueshme në shtetet me sisteme të veçanta grumbullimi)

Kjo shenjë mbi bateri, manual apo paketim tregon se bateritë e këtij produkti në fund të jetës së tyre nuk duhet të flaken bashkë me mbeturinat e tjera shtëpiake. Aty ku

shenohen, simbolet Hg, Cd apo Pb tregojnë se bateria përmban Merkur, Kadmium, ose Plumb në nivele më të larta se vlerat referuese të Direktivës 2006/66 të KE. Nëse bateritë nuk flaken në mënyrë të përshtatshme, këto substanca mund të shkaktojnë dëm ndaj shëndetit të njerëzve ose ndaj ambientit.

Për të mbrojtur burimet natyrore dhe për të promovuar ripërdorimin e materialit, ju lutemi të ndani bateritë nga llojet e tjera të mbeturinave dhe t'i ricikloni ato me anë të sistemit tuaj lokal të rikthimit të baterive.

Flakja korrekte e baterive të këtij produkti

(E zbatueshme në shtetet me sisteme të veçanta grumbullimi)