4400 Series EP4444 - Makinë kafeje PHILIPS - Manual falas për përdoruesin

MANUAL I PËRDORUESIT 4400 Series EP4444 PHILIPS

Shqip Shqip Përmbajtja Përmbledhje e makinës (fig. A)______________________________________________________________ 329 Paneli i kontrollit__________________________________________________________________________ 329 Hyrje ____________________________________________________________________________________ 330 Përpara përdorimit të parë _________________________________________________________________ 331 Përgatitja e pijeve _________________________________________________________________________ 332 Personalizimi i pijeve ______________________________________________________________________ 334 Rregullimi i cilësimeve të makinës ___________________________________________________________ 335 Heqja dhe vendosja e grupit të përgatitjes ___________________________________________________ 336 Pastrimi dhe mirëmbajtja __________________________________________________________________ 337 Filtri i ujit "AquaClean" ____________________________________________________________________ 339 Procedura e pastrimit të çmërsit (30 min.) ____________________________________________________ 340 Porositja e aksesorëve _____________________________________________________________________ 341 Diagnostikimi ____________________________________________________________________________ 341 Specifikimet teknike_______________________________________________________________________ 347 Përmbledhje e makinës (fig. A) A1 Paneli i kontrollit A10 Dera e servisit A2 Mbajtësi i filxhanit A11 Etiketa e të dhënave me numrin e llojit A3 Foleja e kafesë së bluar paraprakisht A12 Depozita e ujit A4 Kapaku i enës së kokrrave të kafesë A13 Gryka e ujit të nxehtë A5 Gryka e rregullueshme e kafesë A14 Ena e mbetjeve të kafesë A6 Priza për kordonin elektrik A15 Paneli i përparmë i enës së mbetjeve të kafesë A7 Çelësi për cilësimin e bluarjes A16 Kapaku i vasketës së pikimit A8 Ena e kokrrave të kafesë A17 Vasketa e pikimit A9 Grupi i Përgatitjes A18 Treguesi «Vasketa e pikimit plot» Aksesorët A19 Kordoni elektrik A22 Luga matëse A20 Tubetë me graso A23 Shirit për testimin e fortësisë së ujit A21 Filtri i ujit "AquaClean" A24 LatteGo (ena e qumështit) Paneli i kontrollit Për këtë aparat ekspresi ekzistojnë disa versione, me panele kontrolli të ndryshme. Secili version përmban një numër lloji. Numrin e llojit mund ta gjeni në etiketën e të dhënave në pjesën e brendshme të derës së shërbimit (Fig. A11). Mund ta gjeni numrin e llojit edhe duke prekur ikonën Cilësimet dhe duke zgjedhur "Mbështetja".330 Shqip Për një përmbledhje të të gjithë butonave dhe ikonave, referojuni figurës C dhe D. Më poshtë do të gjeni përshkrimin. Përdorni shigjetat lart dhe poshtë për të lëvizur në ekran dhe prekni ikonën "OK" për të përzgjedhur ose konfirmuar zgjedhjen tuaj. Të gjitha llojet (Fig. C/D) C1/D1 Ikonat e pijeve me një prekje C4. Ikonat e navigimit (lart, poshtë, pas, ok) C7. Menyja e pastrimit C2/D2. Menyja me më shumë pije C5. Ekrani C8. Profilet personale C3 Butoni i ndezjes/fikjes C6. Cilësimet e aparatit C9. Butoni i ndezjes/fikjes vetëm seria 4000 (Fig. C) C1 Ikonat e pijeve me një prekje: Espresso (Ekspres), Coffee (Kafe), Americano (Amerikano), Iced Coffee (Kafe e Ftohtë), Cappuccino (Kapuçino), Latte Macchiato (Makiato me Qumësht) vetëm seria 5000 (Fig. D) D1 Ikonat e pijeve me një prekje: Espresso (Ekspres), Coffee (Kafe), Americano (Amerikano), Cappuccino (Kapuçino), Latte Macchiato (Makiato me Qumësht), Iced Coffee (Kafe e Ftohtë), Iced Latte (Kafe me Qumësht e Ftohtë) Hyrje Ju përgëzojmë për blerjen e makinerisë të kafesë plotësisht automatike «Philips»! Për të përfituar plotësisht nga ndihma që ne ofrojmë, regjistrojeni produktin në www.philips.com/welcome. Lexoni me kujdes broshurën e veçantë të sigurisë para se të përdorni makinën për herë të parë dhe ruajeni atë për referencë në të ardhmen. Për t'ju ndihmuar që të filloni dhe të merrni maksimumin nga makineria juaj, ne ofrojmë ndihmë në disa mënyra. Në kuti mund të gjeni: 1 Manuali i përdorimit me udhëzime përmes figurave dhe informacione më të detajuara lidhur me pastrimin dhe mirëmbajtjen. 2 Broshurën e veçantë të sigurisë me udhëzime për përdorimin e makinerisë në mënyrë të sigurt. 3 Për ndihmë online (ky manual përdorimi i zgjeruar, pyetjet më të shpeshta, videot etj.), skanoni kodin QR në kopertinën e kësaj broshure për të shkarkuar aplikacionin ose vizitoni faqen www.philips.com/coffee-care. Për këtë aparat ekspresi ekzistojnë disa versione, të gjitha me karakteristika të ndryshme. Secili version përmban një numër lloji. Numrin e llojit mund ta gjeni në etiketën e të dhënave në pjesën e brendshme të derës së shërbimit (shihni Fig. A11). Kjo makineri është testuar me kafe. Ndonëse është pastruar me kujdes, mund të ketë mbetje kafeje. Megjithatë, ju garantojmë se makina është absolutisht e re. Makineria rregullon automatikisht sasinë e kafesë së bluar që përdoret për të bërë kafenë me shijen më të përsosur. Përgatisni fillimisht 5 kafe për t'i dhënë mundësi makinerisë të përfundojë procedurën e vetëpërshtatjes. Sigurohuni që të shpëlani LatteGo (ena e qumështit) përpara përdorimit për herë të parë.331 Shqip Shqip Përpara përdorimit të parë Montimi i LatteGo332 Shqip Përgatitja e pijeve Hapa të përgjithshëm 1 Mbushni depozitën e ujit me ujë rubineti dhe mbushni enën e kokrrave të kafesë me kokrra kafeje. 2 Futni spinën e vogël në prizën që ndodhet në pjesën e pasme të makinës. Futni spinën elektrike në prizë. 3 Shtypni butonin e ndezjes/fikjes për të ndezur makinën.

Kur të gjitha dritat e ikonave të pijeve ndizen vazhdimisht, makina është gati për përdorim. 4 Vendosni një filxhan nën grykën e rregullueshme për nxjerrjen e kafesë. Rrëshqitni lart ose poshtë grykën e nxjerrjes së kafesë për të rregulluar lartësinë e saj me madhësinë e filxhanit apo të gotës që po përdorni (Fig. 2). Përgatitja e kafesë me kokrra kafeje 1 Për të përgatitur një kafe, prekni ikonën e pijes që dëshironi ose prekni ikonën "More Drinks (Më shumë pije)".

Tashmë mund ta rregulloni pijen sipas shijes suaj personale. Përdorni shigjetat lart dhe poshtë për të rregulluar fortësinë e kafesë. Prekni ikonën "OK" nëse dëshironi të rregulloni cilësime të tjera. 2 Shtypni butonin e ndezjes/fikjes në çdo moment për të nisur përgatitjen e pijes së zgjedhur. 3 Për të ndaluar nxjerrjen e kafesë para se makina të përfundojë, shtypni sërish butonin e ndezjes/fikjes . Për të përgatitur 2 kafe njëherësh, prekni dy herë ikonën e pijes ose zgjidhni ikonën "2x" duke lëvizur në shiritin e dedikuar. Mos përdorni kokrra kafeje të karamelizuara apo aromatike. Përgatitja e pijeve me bazë qumështi me LatteGo (ena e qumështit) LatteGo përbëhet nga një enë qumështi, një skelet dhe një kapak për ruajtje. Për të evituar rrjedhjet, sigurohuni që skeleti dhe ena e qumështit të jenë montuar siç duhet përpara se të mbushni enën e qumështit. 1 Për të montuar LatteGo, fillimisht vendosni fillimisht pjesën e sipërme të enës së qumështit poshtë grepit të pjesës së sipërme të skeletit (Fig. 8). Më pas vendosni pjesën e poshtme të enës së qumështit. Do të dëgjoni një kërcitje kur të fiksohet në vend (Fig. 9). Shënim: Sigurohuni që ena e qumështit dhe skeleti të jenë të pastra përpara se t'i bashkoni. 2 Anoni paksa LatteGo dhe vendoseni në grykën e ujit të nxehtë (Fig. 10). Më pas puthiteni derisa të fiksohet në vend (Fig. 11). 3 Mbusheni LatteGo me qumësht (Fig. 12). Mos e mbushni enën e qumështit përtej treguesit të nivelit maksimal. Nëse keni personalizuar sasinë e qumështit, mund t'ju duhet të mbushni enën e qumështit me më shumë ose më pak qumësht seç tregohet për këtë pije në LatteGo. Përdorni gjithmonë qumësht që sapo është nxjerrë nga frigoriferi për rezultate optimale. 4 Vendosni një filxhan në vasketën e pikimit. 5 Prekni ikonën e pijeve me bazë qumështi që dëshironi ose ikonën "More Drinks (Më shumë pije)" për të zgjedhur një pije tjetër

Tashmë mund ta përshtatni pijen sipas preferencës suaj.333 Shqip Shqip 6 Shtypni butonin e ndezjes/fikjes .

Kur përgatisni kapuçino, flat white (ekspres me pakëz qumësht të shkumëzuar), latte macchiato (makiato me qumësht), iced cappuccino (kapuçino e ftohtë) ose iced latte (kafe me qumësht e ftohtë), aparati nxjerr fillimisht qumështin dhe pastaj kafenë. Kur përgatisni caffè latte (kafe me qumësht), café au lait, iced caffè latte (kafe me qumësht e ftohtë), ose iced café au lait (café au lait e ftohtë), aparati nxjerr fillimisht kafenë dhe pastaj qumështin.

Për të ndaluar nxjerrjen e qumështit para se makina të ketë nxjerrë sasinë e paracaktuar, shtypni butonin e ndezjes/fikjes . 7 Për të ndaluar nxjerrjen e të gjithë pijes (qumështi dhe kafeja) para se makina të ketë përfunduar, shtypni dhe mbani shtypur butonin e ndezjes/fikjes . Përgatitja e pijeve të ftohta Kafeja përgatitet me ujë të ngrohtë. Përgatiteni me kuba akulli për rezultate optimale. 1 Merrni një gotë dhe mbushni dy të tretat me kuba akulli. 2 Vendosni gotën nën grykën për nxjerrjen e kafesë. 3 Prekni ikonën e kafes së ftohtë.

Tashmë mund ta përshtatni pijen sipas shijes që preferoni. Ne rekomandojmë të përdorni forcën e aromës 3. 4 Shtypni butonin e ndezjes/fikjes . 5 Për të ndaluar nxjerrjen e kafesë para se makina të përfundojë, shtypni sërish butonin e ndezjes/fikjes . 6 Për një shije të veçantë kafeje të ftohtë, mbusheni me qumësht të ftohtë. Dozë shtesë (ExtraShot) Makina ju ofron mundësinë për të shtuar një dozë shtesë "Ristretto (Kafe të shkurtër)" në kafe dhe në pijet me qumësht, për shembull nëse dëshironi të pini një kafe më të fortë. 1 Vendosni një filxhan nën grykën 2 Prekni një prej ikonave të pijeve me një prekje për të zgjedhur një pije ose prekni ikonën "More Drinks (Më shumë pije)" për të zgjedhur një pije. 3 Përdorni shigjetën lart për të caktuar fuqinë në nivelin më të lartë dhe më pas zgjidhni funksionin "ExtraShot (Dozë shtesë)". 4 Prekni ikonën "OK" nëse dëshironi të personalizoni cilësimet e tjera. Më pas shtypni ikonën "Start/Stop" (Ndiz/Fik) për të nisur përgatitjen e pijes. 5 Për të ndaluar nxjerrjen e të gjithë pijes para se makina të ketë përfunduar, shtypni sërish ikonën "Start/Stop" (Ndiz/Fik) . Kur zgjidhni funksionin "ExtraShot (Dozë shtesë)", mund të përgatitni vetëm një kafe. Përgatitja e kafesë me kafe të bluar paraprakisht Mund të zgjidhni të përdorni kafe të bluar paraprakisht në vend të kokrrave, për shembull, nëse preferoni një lloj tjetër kafeje ose kafe dekafeinato. 1 Hapni kapakun e enës së kafesë të bluar paraprakisht dhe hidhni një lugë matëse të niveluar të mbushur me kafe të bluar paraprakisht në të (Fig. 14). Më pas, mbyllni kapakun. 2 Prekni një prej ikonave të pijeve me një prekje ose prekni ikonën "Më shumë pije" për të zgjedhur një pije tjetër. 3 Zgjidhni funksionin e kafesë së bluar paraprakisht. Mund ta bëni këtë gjë në 2 mënyra të ndryshme:334 Shqip

përdorni shigjetën poshtë për të caktuar fuqinë në nivelin më të ulët dhe më pas zgjidhni funksionin e bluarjes paraprake.

shtypni ikonën Cilësimet dhe përdorni shigjetën poshtë për të zgjedhur funksionin e bluarjes paraprake. 4 Për të ndaluar nxjerrjen e kafesë para se aparati të ketë përfunduar, shtypni sërish butonin e ndezjes fikjes . Kur zgjidhni funksionin e kafesë së bluar paraprakisht: - ruhet automatikisht. - ju mund të përgatisni vetëm një kafe në çdo përdorim. - ju nuk mund të zgjidhni një fortësi arome të ndryshme. Nxjerrja e ujit të nxehtë 1 Nëse është i montuar, hiqni LatteGo. 2 Vendosni një filxhan nën grykën e ujit të nxehtë. 3 Prekni ikonën "More Drinks (Më shumë pije)" dhe përdorni shigjetat lart dhe poshtë për të zgjedhur ujin e nxehtë. 4 Përdorni shigjetat lart dhe poshtë për ta rregulluar sasinë dhe/ose temperaturën e ujit të nxehtë sipas preferencës suaj. 5 Shtypni butonin e ndezjes/fikjes .

Uji i nxehtë nxirret nga gryka e ujit të nxehtë (Fig. 15). 6 Për të ndaluar nxjerrjen e ujit të nxehtë para se aparati të përfundojë, shtypni sërish butonin e ndezjes/fikjes. Personalizimi i pijeve Makina ju lejon të rregulloni cilësimet e një pijeje sipas preferencës suaj dhe ta ruani pijen e rregulluar në një profil personal. Profilet e ndryshme kanë ngjyra të ndryshme. Pasi të keni zgjedhur një pije duke prekur një prej ikonave të pijeve me një prekje ose duke prekur ikonën "Më shumë pije", ju mund të bëni sa më poshtë: 1 rregulloni fortësinë e aromës përmes ikonave lart dhe poshtë (Fig. 5). Ekzistojnë 5 nivele fortësie, më i ulëti është më i lehti dhe më i larti është më i forti. 2 rregulloni sasinë (Fig. 16) e kafesë dhe/ose të qumështit përmes ikonave lart dhe poshtë. Ekzistojnë 5 nivele sasish për secilin nga cilësimet. Sapo aparati të ketë përfunduar së përgatituri pijen, cilësimet që keni zgjedhur do të ruhen automatikisht në profilin që zgjidhni. Zgjidhni një profil Mund të zgjidhni një profil dhe të ruani një recetë duke përdorur Profilet e mia të zgjedhjes së kafesë (My Coffee Choice Profiles). 1 Prekni vazhdimisht ikonën e profileve për të zgjedhur një nga profilet me ngjyra. Të gjitha profilet kanë ngjyra të ndryshme. 2 Zgjidhni një pije duke prekur një prej ikonave të pijeve me një prekje ose duke prekur ikonën "More Drinks (Më shumë pije)". 3 Rregulloni cilësimet e pijes sipas shijes suaj të preferuar. 4 Shtypni butonin e ndezjes/fikjes për të përgatitur pijen që zgjodhët

Cilësimet tuaja të reja tani janë ruajtur në profilin me ngjyrë që zgjodhët.335 Shqip Shqip Mund ta riktheni gjithmonë makinën në gjendjen fillestare (shih 'Rikthimi në cilësimet fillestare'). Profili i vizitorit Makina juaj është e pajisur me një profil vizitori. Ikona e profilit çaktivizohet kur zgjidhet profili i vizitorit. Kurzgjidhni këtë profil, keni ende mundësi t'i personalizoni cilësimet sipas preferencës suaj, por recetat epërgatitura nuk do të ruhen. Rregullimi i cilësimeve të makinës Caktimi i fortësisë së ujit Për një performancë optimale dhe për një jetëgjatësi më të madhe të makinës, ju këshillojmë tërregulloni cilësimin e fortësisë së ujit sipas nivelit të fortësisë së ujit në rajonin tuaj. Kjo gjithashtuparandalon nevojën për pastrimin e shpeshtë të çmërsit nga makina. Cilësimi i parazgjedhur për fortësinë eujit është 4: ujë i fortë. Përdorni shiritin për testimin e fortësisë së ujit, i cili gjendet në kuti, për të përcaktuar fortësinë e ujit në rajonin tuaj: 1 Zhytni shiritin e testimit të fortësisë së ujit brenda në ujin e rubinetit ose mbajeni nën ujin e rubinetit për 1 sekondë (Fig. 17). 2 Prisni 1 minutë. Numri i katrorëve në shiritin e testimit që marrin ngjyrë të kuqe tregojnë fortësinë (Fig.

Vendosni makinën në fortësinë e duhur të ujit: 1 Prekni ikonën "Settings (Cilësimet)" dhe përdorni shigjetat lartë dhe poshtë për të zgjedhur "Water hardness (Fortësinë e ujit)". Më pas, shtypni ikonën "OK" për ta konfirmuar. 2 Përdorni shigjetat lart dhe poshtë për të zgjedhur nivelin e fortësisë së ujit. Numri katrorëve të kuq të zgjedhur në ekran duhet të jetë i njëjtë me numrin e katrorëve të kuq në shiritin (Fig. 19) e testimit. 3 Pasi të keni vendosur fortësinë e duhur të ujit, prekni ikonën "OK" për ta konfirmuar. Rregullimi i cilësimeve të bluarjes Fortësinë e kafesë mund ta ndryshoni nëpërmjet çelësit për cilësimin e bluarjes brenda enës së kokrrave tëkafesë. Sa më i ulët cilësimi i bluarjes, aq më imët bluhen kokrrat e kafesë dhe aq më e fortë është kafeja.Mund të zgjidhni ndër 12 cilësime të ndryshme të bluarjes.Makina është konfiguruar që të përftojë shijen më të mirë nga kokrrat e kafesë. Prandaj, ju këshillojmë që tërregulloni cilësimet e bluarjes pasi të keni përgatitur 100-150 filxhanë (përafërsisht 1 muaj përdorim). Cilësimet e bluarjes mund t'i rregulloni vetëm kur aparati të jetë duke bluar kokrrat e kafesë. Diferencënmund ta ndjeni plotësisht pasi të keni përgatitur 2 deri në 3 pije. Për të parandaluar dëmtimin e bluesit, mos e rrotulloni çelësin për cilësimin e bluarjes më shumë se njëdhëmbëzim çdo herë. 1 Vendosni një filxhan nën grykën e rregullueshme për nxjerrjen e kafesë.2 Hapni kapakun e enës së kokrrave të kafesë. 3 Prekni ikonën "espresso (ekspres)" dhe më pas shtypni butonin e ndezjes/fikjes. 4 Kur bluesi fillon bluarjen, shtyni poshtë çelësin për cilësimin e bluarjes dhe rrotullojeni majtas ose djathtas. (Fig. 20)336 Shqip Rregullimi i cilësimeve të tjera të makinës Duke prekur ikonën "Settings (Cilësimet)" , mund të përshtatni cilësimet e mëposhtme të makinës:

Fortësia e ujit: mund të zgjidhni midis 5 niveleve në përputhje me fortësinë e ujit në rajonin tuaj;

Koha e gatishmërisë: mund të zgjidhni 15, 30, 60 ose 180 minuta

Ndriçimi i ekranit: mund të zgjidhni të ulët, të mesëm dhe të lartë.

Tingulli: mund të aktivizoni apo çaktivizoni tingullin sinjalizues të aparatit.

Temperatura: mund të zgjidhni midis 3 temperaturave të përgatitjes për kafenë tuaj

Ndriçimi i përparmë (vetëm për serinë 5500): mund të zgjidhni "gjithmonë ndezur", "ndezur gjatë përgatitjes" ose "gjithmonë fikur".

Njësia matëse: mund të zgjidhni midis ml. ose oz.

Aktivizimi i profilit: mund të aktivizoni ose të çaktivizoni profile.

Shpëlarja në çastin e ndezjes: mund të aktivizoni apo çaktivizoni një cikël shpëlarjeje automatik kur ndizni aparatin.

Ndriçimi i pasmë i ekranit: mund të aktivizoni apo çaktivizoni ndriçimin e pasmë në butonat e pijeve. Rikthimi në cilësimet fillestare Makina ju ofron mundësinë ta riktheni në cilësimet fillestare në çdo moment. 1 Prekni ikonën "Settings (Cilësimet)" . 2 Përdorni ikonat lart dhe poshtë për të zgjedhur "Factory settings (Cilësimet fillestare)". Konfirmoni duke prekur ikonën "OK". 3 Shtypni butonin e ndezjes/fikjes për të konfirmuar se dëshironi të riktheni cilësimet.

Cilësimet po rikthehen. Cilësimet e mëposhtme janë rikthyer në gjendjen fillestare: fortësia e ujit, koha e gatishmërisë, ndriçimi, ndriçimi i pasmë i ekranit, shpëlarja gjatë ndezjes, tingujt, temperatura, ndriçimi i përparmë, profilet. Heqja dhe vendosja e grupit të përgatitjes Për video udhëzuese të detajuara për mënyrën se si të hiqni, vendosni dhe pastroni grupin e përgatitjes, shkoni te www.philips.com/coffee-care. Heqja dhe vendosja e grupit të përgatitjes nga makina 1 Fikni makinën. 2 Hiqni depozitën e ujit dhe hapni derën e servisit (Fig. 21). 3 Shtypni çelësin (Fig. 22) "PUSH (SHTY)" dhe tërhiqni dorezën e grupit të përgatitjes për ta hequr atë nga makina (Fig. 23). Rivendosja e grupit të përgatitjes Para se ta vendosni sërish me rrëshqitje grupin e përgatitjes në makinë, sigurohuni që të jetë në pozicionin e duhur. 1 Kontrolloni që grupi i përgatitjes të jetë në pozicionin e duhur. Shigjeta e cilindrit të verdhë në anë të grupit të përgatitjes duhet të jetë në vijë të drejtë me shigjetën e zezë dhe "N" (Fig. 24).

Nëse nuk janë në vijë të drejtë, shtyjeni poshtë levën derisa të bjerë në kontakt me bazën e grupit (Fig.

25) të përgatitjes.337

Shqip Shqip 2 Vendosni sërish me rrëshqitje grupin e përgatitjes në makinë përgjatë shinave udhëzuese në anë (Fig. 26) derisa të bllokohet në vend me një klik (Fig. 27). Mos e shtypni butonin "PUSH (SHTY)". 3 Mbyllni derën e servisit dhe vendosni sërish depozitën e ujit. Pastrimi dhe mirëmbajtja Pastrimi dhe mirëmbajtja e rregullt bën që makina juaj të jetë në gjendje optimale dhe siguron që kafeja juaj të ketë një shije të mirë për një kohë të gjatë dhe të ketë rrjedhje të vazhdueshme. Këshillohuni me tabelën më poshtë për një përshkrim të detajuar për kohën dhe mënyrën e pastrimit të të gjitha pjesëve të çmontueshme të makinës. Në faqen www.philips.com/coffee-care mund të gjeni informacione më të detajuara dhe video udhëzuese. Shikoni figurën B për një përmbledhje se cilat pjesë mund të pastrohen manualisht ose në lavastovilje. Pjesë të çmontueshme Kur ta pastroni Si ta pastroni Grupi i përgatitjes Çdo javë Hiqni grupin e përgatitjes nga makina (shih 'Heqja dhe vendosja e grupit të përgatitjes'). Shpëlajeni atë me ujë rubineti (shih 'Pastrimi i grupit të përgatitjes me ujë rubineti'). Çdo muaj Pastroni grupin e përgatitjes me tabletën «Philips» për heqjen e vajit të kafesë (shih 'Pastroni grupin e përgatitjes me tableta për heqjen e vajit të kafesë.'). Foleja e kafesë së bluar paraprakisht Kontrolloni çdo javë folenë e kafesë së bluar paraprakisht për të parë nëse është e bllokuar. Hiqni makinën nga priza dhe hiqni grupin e përgatitjes. Hapni kapakun e enës së kafesë së bluar paraprakisht dhe futni bishtin e lugës në të. Lëvizni bishtin lart e poshtë derisa kafeja e bluar që është bllokuar të bjerë poshtë (Fig. 28). Shkoni te www.philips.com/coffee-care për udhëzime të detajuara me video. Ena e mbetjeve të kafesë Boshatisni enën e mbetjeve të kafesë kur të udhëzoheni nga makina. Pastrojeni çdo javë. Hiqeni enën e mbetjeve të kafesë kur makina është e ndezur. Shpëlajeni atë me ujë rubineti e me pak detergjent enësh ose lajeni në enëlarëse. Paneli i përparmë i enës së mbetjeve të kafesë (Fig. A15) nuk mund të lahet me enëlarëse. Vasketa e pikimit Boshatisni çdo ditë vasketën e pikimit ose sapo treguesi "Vasketa e pikimit plot" me ngjyrë të kuqe të shfaqet përmes vasketës së pikimit (Fig. 29). Pastroni vasketën e pikimit çdo javë. Hiqni vasketën (Fig. 30) e pikimit dhe shpëlajeni atë me ujë rubineti e me pak detergjent enësh. Ju mund ta lani në lavastovilje edhe vasketën e pikimit. Paneli i përparmë i enës së mbetjeve të kafesë (Fig. A15) nuk mund të lahet me enëlarëse. LatteGo Pas çdo përdorimi Fillimisht pastroni LatteGo teksa është i montuar në aparat duke përdorur programin "Quick milk clean" (shih 'Pastrimi i shpejtë i LatteGo'). Atëherë hiqeni atë nga aparati dhe shpëlajeni me ujë rubineti ose lajeni në lavastovilje.338 Shqip Pjesë të çmontueshme Kur ta pastroni Si ta pastroni Lubrifikimi i grupit të përgatitjes Çdo 2 muaj Shikoni tabelën e lubrifikimit dhe lubrifikoni grupin e përgatitjes me grason e Philips (shih 'Lubrifikimi i grupit të përgatitjes'). Depozita e ujit Çdo javë Shpëlani depozitën e ujit me ujë rubineti. Pjesa e përparme e makinës Çdo javë Pastrojeni me leckë të butë. Pastrimi i grupit të përgatitjes Pastrimi i rregullt i grupit të përgatitjes parandalon grumbullimin e mbetjeve të kafesë në qarqet e brendshme. Vizitoni faqen www.philips.com/coffee-care për video udhëzuese se si të hiqni, vendosni dhe pastroni grupin e përgatitjes. Pastrimi i grupit të përgatitjes me ujë rubineti 1 Hiqni grupin (shih 'Heqja dhe vendosja e grupit të përgatitjes') e përgatitjes. 2 Shpëlajeni mirë me ujë grupin e përgatitjes. Pastroni me kujdes filtrin (Fig. 31) e sipërm të grupit të përgatitjes. 3 Lëreni grupin e përgatitjes të thahet përpara se ta vendosni në vend. Mos e thani grupin e përgatitjes me leckë për të parandaluar grumbullim e fibrave brenda grupit të përgatitjes. Pastroni grupin e përgatitjes me tableta për heqjen e vajit të kafesë. Përdorni vetëm tableta "Philips" për heqjen e vajit të kafesë. 1 Prekni ikonën "Pastro" dhe përdorni shigjetat lart dhe poshtë për të zgjedhur "Brew group clean (Pastrimi i grupit të përgatitjes)". 2 Prekni ikonën "OK" për të konfirmuar dhe pastaj ndiqni udhëzimet në ekran. Lubrifikimi i grupit të përgatitjes Për të përmirësuar performancën e makinës, ju sugjerojmë të lubrifikoni grupin e përgatitjes çdo 2 muaj për të siguruar që pjesët lëvizëse të vazhdojnë të lëvizin lehtësisht. 1 Vendosni një shtresë të hollë grasoje mbi pistonin (pjesa gri) e grupit (Fig. 32) të përgatitjes. 2 Vendosni një shtresë të hollë grasoje përreth boshtit (pjesa gri) në pjesën e poshtme të grupit (Fig. 33) të përgatitjes. 3 Vendosni një shtresë të hollë grasoje te shinat udhëzuese në të dyja anët (Fig. 34). Pastrimi i LatteGo (ena e qumështit) Pastrimi i shpejtë i LatteGo 1 Sigurohuni që LatteGo të jetë vendosur siç duhet në aparat (Fig. 10). 2 Vendosni një filxhan nën grykën. 3 Prekni ikonën "Pastroni" dhe përdorni shigjetat lart dhe poshtë për të zgjedhur programin "Quick milk clean". 4 Prekni ikonën "OK" për të konfirmuar dhe pastaj ndiqni udhëzimet në ekran për të pastruar qumështin që mund të ketë mbetur brenda sistemit të qumështit.

Nga sistemi i qumështit do të nxirren spërka të vogla uji të nxehtë. 5 Ruani LatteGo me qumështin e mbetur në frigorifer.339 Shqip Shqip Pastrimi i plotë i LatteGo 1 Hiqni LatteGo nga aparati (Fig. 35). 2 Zbrazni qumështin e mbetur. 3 Shtypni butonin e lëshimit dhe hiqni enën e qumështit nga skeleti i LatteGo (Fig. 36). 4 Pastroni të gjitha pjesët në lavastovilje ose me ujë rubineti të vakët dhe pak detergjent të lëngshëm enësh. Filtri i ujit "AquaClean" Makina juaj është e pajisur me "AquaClean". Ju mund ta vendosni filtrin e ujit "AquaClean" në depozitën e ujit për të ruajtur shijen e kafesë. Ai gjithashtu ul nevojën për pastrimin e çmërsit duke pakësuar gëlqeren e krijuar në makinën tuaj. Mund të blini një filtër uji "AquaClean" nga shitësi juaj lokal, në qendrat e autorizuara të shërbimit ose në internet në adresën www.philips.com/parts-and-accessories. Treguesi i statusit të filtrit "AquaClean" Kur "AquaClean" është aktiv, statusi i filtrit "AquaClean" është gjithmonë i dukshëm në ekran si përqindje.

Nëse statusi i filtrit "AquaClean" është 10% ose më pak, në ekran shfaqet një mesazh për 2 sekonda sa herë që ndizni makinën. Ky mesazh ju këshillon të blini një filtër të ri.

Nëse statusi i filtrit është 0%, makina ju kërkon të ndërroni filtrin "AquaClean" sa herë që ndizni makinën. Aktivizimi i filtrit të ujit «AquaClean» (5 min.) Makina nuk e dikton automatikisht që në depozitën e ujit është vendosur një filtër. Prandaj, duhet të aktivizoni çdo filtër të ri uji "AquaClean" që instaloni në menynë "Clean (Pastro)". Kur makina nuk e shfaq më mesazhin e aktivizimit të filtrit, mund ta aktivizoni ende një filtër uji "AquaClean", por fillimisht duhet të pastroni çmërsin nga makina. Makina duhet të jetë plotësisht pa gëlqere përpara se të nisni ta përdorni filtrin e ujit "AquaClean". Përpara se të aktivizoni filtrin e ujit "AquaClean", ai duhet të parapërgatitet duke e njomur me ujë, siç përshkruhet më poshtë. Nëse nuk e bëni këtë, në vend të ujit në makinë mund të futet ajër, çka bën shumë zhurmë dhe nuk e lejon makinën që të përgatisë kafe. 1 Prekni ikonën "Clean (Pastro)" dhe përdorni shigjetat lart dhe poshtë për të zgjedhur "AquaClean". 2 Prekni ikonën "OK" për ta konfirmuar. 3 Prekni sërish ikonën "OK" kur të shfaqet ekrani i aktivizimit. Ndiqni udhëzimet në ekran. 4 Shkundeni filtrin për rreth 5 sekonda (Fig. 37). 5 Zhyteni filtrin përmbys në një kanë me ujë të ftohtë dhe shkundeni/shtypeni atë (Fig. 38). 6 Futeni filtrin vertikalisht në bashkuesin e filtrit në depozitën e ujit. Shtypeni derisa të arrijë në pikën më të ulët të mundshme (Fig. 39). 7 Mbushni depozitën me ujë të pastër dhe vendoseni atë sërish në makinë. 8 Nëse është i montuar, hiqni LatteGo. 9 Vendosni një tas nën grykën e ujit të nxehtë. 10 Shtypni butonin e ndezjes/fikjes për të nisur procesin e aktivizimit. 11 Nga gryka e ujit të nxehtë do të dalë ujë i nxehtë për 1 minutë. 12 Filtri tashmë është aktivizuar me sukses.340 Shqip Ndërrimi i filtrit të ujit "AquaClean" (5 min.) Filtri nuk do të funksionojë më pasi përmes tij të kenë kaluar 95 litra ujë. Treguesi i statusit të "AquaClean" bie në 0% për t'ju kujtuar të ndërroni filtrin. Për sa kohë që në ekran shfaqet treguesi i statusit "AquaClean", mund ta ndërroni filtrin pa qenë nevoja që fillimisht ta pastroni makinën nga çmërsi. Nëse nuk e ndërroni në kohë filtrin e ujit "AquaClean", treguesi i "AquaClean" fiket pas njëfarë kohe. Në këtë rast keni ende mundësi ta ndërroni filtrin, por fillimisht duhet të pastroni makinën nga çmërsi. Kur treguesi i statusit të "AquaClean" bie në 0% ose kur makina ju kujton të ndërroni filtrin "AquaClean": 1 nxirrni filtrin e vjetër të ujit "AquaClean". 2 instaloni një filtër të ri dhe aktivizojeni atë siç përshkruhet në kapitullin "Aktivizimi i filtrit të ujit "AquaClean" (5 min.)". Ndërroni filtrin e ujit "AquaClean" të paktën çdo 3 muaj, edhe nëse makina nuk tregon ende se duhet ndërruar. Procedura e pastrimit të çmërsit (30 min.) Përdorni vetëm pastrues çmërsi "Philips". Mos përdorni në asnjë rrethanë një pastrues çmërsi me bazë acidi sulfurik, acidi klorhidrik, acidi sulfurik ose acetik (uthull) pasi mund të dëmtojnë qarkun e ujit të aparatit tuaj dhe nuk do ta tresin siç duhet çmërsin. Garancia juaj është e pavlefshme nëse nuk përdorni pastruesin e çmërsit "Philips". Garancia juaj është gjithashtu e pavlefshme nëse nuk pastroni pajisjen nga çmërsi. Mund të blini nga interneti solucionin për pastrimin e çmërsit Philips në faqen www.philips.com/coffee-care. Në ekran do të shfaqet një mesazh kur të lindë nevoja për pastrimin e çmërsit nga aparati. 1 Prekni ikonën e pastrimit në ndërfaqen e përdoruesit dhe zgjdhni "Pastrimi i çmërsit" në meny. 2 Ndiqni udhëzimet në ekran. 3 Nëse është i montuar, hiqni LatteGo. 4 Hiqni vasketën e pikimit dhe enën e mbetjeve të kafesë, boshatisini ato dhe vendosni sërish në vend. 5 Hiqni depozitën e ujit është boshatiseni atë. Më pas, hiqni filtrin e ujit «AquaClean». 6 Zbrazni të gjithë shishen «Philips» për pastrimin e çmërsit në depozitën e ujit dhe pastaj mbusheni me ujë deri te treguesi «Calc Clean (Pastrimi i Çmërsit)» (Fig. 40). Pastaj vendoseni sërish në makinë. 7 Vendosni një enë të madhe (1,5 l) nën grykën e nxjerrjes së kafesë dhe nën grykën e ujit. 8 Shtypni butonin e ndezjes/fikjes për të nisur procesin e pastrimit të çmërsit. Procesi i pastrimit të çmërsit zgjat rreth 30 minuta dhe përbëhet nga cikli i pastrimit të çmërsit dhe cikli i shpëlarjes. 9 Prisni derisa aparati të ndalojë së nxjerri ujin. Në ekran do të shfaqet një mesazh kur të lindë nevoja për të mbushur depozitën e ujit. Procesi i pastrimit të çmërsit përfundon kur aparati ndalon së nxjerri ujë. 10 Instaloni dhe aktivizoni një filtër të ri uji AquaClean në depozitën e ujit.

Kur të përfundojë procesi i pastrimit të çmërsit, aparati ju kujton të instaloni filtrin e ri AquaClean (shih 'Ndërrimi i filtrit të ujit "AquaClean" (5 min.)'). Këshillë: Përdorimi i filtrit "AquaClean" ul nevojën për pastrimin e çmërsit! Çfarë duhet të bëni nëse ndërpritet procedura e pastrimit të çmërsit Mund të dilni nga procedura e pastrimit të çmërsi duke shtypur butonin e ndezjes/fikjes në panelin e kontrollit. Nëse ndërpritet procedura e pastrimit të çmërsit përpara se të përfundojë plotësisht, veproni si më poshtë: 1 Boshatisni dhe shpëlani mirë depozitën e ujit. 2 Mbushni depozitën e ujit me ujë të pastër deri në treguesin e nivelit «Calc / Clean (Pastrimi i Çmërsit)» dhe ndizeni sërish makinerinë.341 Shqip Shqip 3 Përpara se të përgatisni çfarëdo pije, kryeni një cikël shpëlarjeje manuale. Për të kryer ciklin e shpëlarjes manuale, fillimisht mbushni depozitën e ujit deri në gjysmë me ujë të nxehtë duke zgjedhur vazhdimisht funksionin e ujit të nxehtë dhe pastaj përgatisni 2 filxhanë me kafe të bluar paraprakisht pa shtuar kafe të bluar. Nëse procedura e pastrimit të çmërsit nuk ka përfunduar, makineria do të kërkojë sa më parë një tjetër procedurë pastrimi të çmërsit. Porositja e aksesorëve Për ta pastruar makinën nga çmërsi dhe papastërtitë, përdorni vetëm produktet "Philips" për mirëmbajtjen. Këto produkte mund t'i blini nga shitësi juaj lokal, në qendrat e autorizuara të shërbimit ose në internet në faqen www.philips.com/parts-and-accessories. Për të gjetur në internet një listë të plotë të pjesëve të këmbimit, vendosni numrin e modelit të makinës suaj. Numrin e modelit mund ta gjeni në pjesën e brendshme të derës së servisit. Produktet e mirëmbajtjes dhe numrat e llojit:

Solucion për pastrimin e çmërsit CA6700

Graso për grupin e përgatitjes HD5061

Tableta për heqjen e vajit të kafesë CA6704 Filtrat Brita nuk përputhen me këtë aparat. Diagnostikimi Ky kapitull përmbledh problemet më të zakonshme që mund të hasni me makinën. Videot udhëzuese dhe një listë e plotë e pyetjeve të shpeshta gjenden në adresën www.philips.com/coffee-care. Nëse nuk mund ta zgjidhni problemin, kontaktoni me qendrën e kujdesit ndaj klientit në shtetin tuaj. Për të dhënat e kontaktit, shikoni fletëpalosjen e garancisë. Ikonat paralajmëruese Ikona paralajmër uese Zgjidhja Në ekran shfaqet ikona "depozita e ujit është bosh". - Depozita e ujit është pothuajse bosh. Mbushni depozitën me ujë të pastër deri në treguesin e nivelit maksimal. - Depozita e ujit nuk është në vend. Vendoseni sërish depozitën e ujit. Në ekran shfaqet ikona "shtoni kokrra kafeje". - Mbusheni enën e kokrrave të kafesë.342 Shqip Ikona paralajmër uese Zgjidhja Në ekran shfaqet ikona "zbrazni enën e mbetjeve të kafesë". - Ena e mbetjeve të kafesë është plot. Hiqeni dhe zbrazni enën e mbetjeve të kafesë kur makina është e ndezur. Prisni 5 sekonda përpara se ta vendosni sërish. Në ekran shfaqet ikona "vendosni grupin e përgatitjes". - Grupi i përgatitjes nuk është në vend ose nuk është pozicionuar siç duhet. Hiqni grupin e përgatitjes dhe sigurohuni që është bllokuar në vend. Për udhëzime hap pas hapi, shikoni kapitullin "Heqja dhe vendosja e grupit të përgatitjes". Kodet e gabimit Më poshtë mund të gjeni një listë të kodeve të gabimeve që shfaqin probleme të cilat mund t'i zgjidhni vetë. Mund të gjeni video udhëzuese në faqen www.philips.com/coffee-care. Nëse shfaqet një tjetër kod gabimi, kontaktoni me qendrën e kujdesit ndaj klientit të "Philips" në shtetin tuaj. Për të dhënat e kontaktit, shikoni fletëpalosjen e garancisë. Kodi i gabimit Problemi Zgjidhja e mundshme 01 Është bllokuar hinka e kafes. Fikeni makinën dhe hiqeni nga priza. Hiqni grupin e përgatitjes. Më pas, hapni kapakun e enës së kafesë të bluar paraprakisht dhe fusni bishtin e lugës. Lëvizni bishtin lart e poshtë derisa kafeja e bluar që është bllokuar të bjerë poshtë. Vizitoni www.philips.com/coffee-care për udhëzime të detajuara me video. 03 Grupi i përgatitjes është i papastër ose nuk është lyer mirë me graso. Fikni makinën. Shpëlani grupin e përgatitjes me ujë të pastër, lëreni të thahet dhe më pas lubrifikojeni atë. Shikoni kapitullin "Pastrimi i grupit të përgatitjes" ose vizitoni www.philips.com/coffee-care për udhëzime të detajuara me video. Më pas, ndizeni sërish makinën. 04 Grupi i përgatitjes nuk është në pozicionin e duhur. Fikni makinën. Hiqni grupin e përgatitjes dhe rivendoseni atë. Sigurohuni që grupi i përgatitjes të jetë në pozicionin e duhur përpara se ta vendosni. Shikoni kapitullin "Përdorimi i grupit të përgatitjes" ose vizitoni www.philips.com/coffee-care për udhëzime të detajuara me video. Më pas, ndizeni sërish makinën. 05 Në qarkun e ujit ka hyrë ajër. Rinisni makinën duke e fikur dhe e ndezur sërish atë. Nëse kjo funksionon, përgatisni 2-3 filxhanë me ujë të nxehtë. Pastroni makinën nga çmërsi nëse nuk e keni pastruar për një kohë të gjatë. Filtri "AquaClean" nuk ishte përgatitur siç duhet përpara instalimit ose është i bllokuar. Hiqni filtrin AquaClean dhe përpiquni të përgatisni një kafe sërish. Nëse kjo funksionon, sigurohuni që filtri "AquaClean" të jetë përgatitur siç duhet përpara se ta vendosni sërish. Vendosni sërish filtrin "AquaClean" në depozitën e ujit. Nëse as kjo nuk funksionon, filtri mund të jetë i bllokuar dhe ka nevojë të ndërrohet.343 Shqip Shqip Kodi i gabimit Problemi Zgjidhja e mundshme 11 Aparati duhet të përshtatet me temperaturën e ambientit Jepini pak kohë makinës të përshtatet nga temperatura gjatë transportit/e jashtme me temperaturën e ambientit. Fikeni makinën për 30 minuta dhe më pas ndizeni sërish. Nëse kjo nuk funksionon, kontaktoni qendrën e kujdesit ndaj klientit në shtetin tuaj. Për të dhënat e kontaktit, shikoni fletëpalosjen e garancisë. 14 Makina është mbinxehur. Fikeni aparatin dhe më pas ndizeni sërish pas 30 minutash. 19 Makina nuk është futur siç duhet në prizë. Sigurohuni që spina e vogël e kordonit elektrik të jetë lidhur siç duhet me prizën në pjesën e pasme të makinës. Tabela e zgjidhjes së problemeve Ky kapitull përmbledh problemet më të zakonshme që mund të hasni me makinën. Videot udhëzuese dhe një listë e plotë e pyetjeve të shpeshta gjenden në adresën www.philips.com/coffee-care. Nëse nuk mund ta zgjidhni problemin, kontaktoni me qendrën e kujdesit ndaj klientit në shtetin tuaj. Për të dhënat e kontaktit, shikoni fletëpalosjen e garancisë. Problemi Shkaku Zgjidhja Brenda makinës sime të re të kafes ka mbetje kafeje. Kjo makineri është testuar me kafe. Ndonëse është pastruar me kujdes, mund të ketë mbetje kafeje. Megjithatë, ju garantojmë se makina është absolutisht e re. Vasketa e pikimit mbushet shpejt/mbetet gjithmonë pak ujë në vasketën e pikimit. Kjo është normale. Makina përdor ujë për të shpëlarë qarkun e brendshëm dhe grupin e përgatitjes. Uji rrjedh përmes sistemit të brendshëm drejt e te vasketa e pikimit. Boshatisni çdo ditë vasketën e pikimit ose sapo treguesi "Vasketa e pikimit plot" me ngjyrë të kuqe të shfaqet përmes kapakut të vasketës së pikimit. Këshillë: vendosni një filxhan nën grykën për të mbledhur ujin e shpëlarjes që del prej saj. Ikona "Empty coffee grounds container (Boshatis enën e mbetjeve të kafesë)" mbetet e ndezur. Keni boshatisur enën e mbetjeve të kafesë kur aparati ishte i fikur ose e keni rivendosur shumë shpejt. Zbrazni gjithmonë enën e mbetjeve të kafesë kur aparati është i ndezur. Hiqni enën e mbetjeve të kafesë, prisni të paktën 5 sekonda dhe pastaj vendoseni sërish. Makina ju kërkon të boshatisni enën e mbetjeve të kafesë edhe pse ena nuk është e mbushur plot. Makina nuk e rivendosi matësin herën e fundit që boshatisët enën e mbetjeve të kafesë. Prisni gjithmonë rreth 5 sekonda kur rivendosni enën e mbetjeve të kafesë. Në këtë mënyrë, numëruesi i mbetjeve së kafesë do të zerohet dhe numërimi i mbetjeve të kafesë do të bëhet siç duhet. Zbrazni gjithmonë enën e mbetjeve të kafesë kur aparati është i ndezur. Nëse e zbrazni enën e mbetjeve të kafesë kur aparati është i fikur, numëruesi i mbetjeve të kafesë nuk do të rivendoset.344 Shqip Problemi Shkaku Zgjidhja Ena e mbetjeve të kafesë është e tejmbushur dhe ikona "Empty coffee grounds container (Boshatis enën e mbetjeve të kafesë)" nuk u shfaq në ekran. E hoqët vasketën e pikimit pa boshatisur enën e mbetjeve. Kur hiqni vasketën e pikimit, boshatisni edhe enën e mbetjeve të kafesë edhe nëse ka pak mbetje kafeje. Kjo bën që numëruesi i mbetjes së kafesë të zerohet dhe mbetjet e kafesë të numërohen siç duhet. Nuk heq dot grupin e përgatitjes. Grupi i përgatitjes nuk është në pozicionin e duhur. Rivendoseni makinën në mënyrën e mëposhtme: mbyllni derën e servisit dhe vendosni sërish depozitën e ujit. Fikni aparatin, ndizeni sërish dhe prisni që të ndizen dritat në ikonat e pijeve. Provoni sërish të hiqni grupin e përgatitjes. Për udhëzime hap pas hapi, shikoni kapitullin "Heqja dhe vendosja e grupit të përgatitjes". Nuk e vendos dot grupin e përgatitjes. Grupi i përgatitjes nuk është në pozicionin e duhur. Rivendoseni makinën në mënyrën e mëposhtme: mbyllni derën e servisit dhe vendosni sërish depozitën e ujit. Lëreni pa vendosur grupin e përgatitjes. Fikeni aparatin dhe hiqeni nga priza. Prisni për 30 sekonda dhe pastaj vendoseni sërish aparatin në prizë dhe ndizeni, dhe prisni që të ndizen dritat në ikonat e pijeve. Më pas, vendosni grupin e përgatitjes në pozicionin e duhur dhe futeni sërish në makinë. Për udhëzime hap pas hapi, shikoni kapitullin "Heqja dhe vendosja e grupit të përgatitjes". Kafeja është e ujshme. Grupi i përgatitjes është i papastër ose duhet të lubrifikohet. Hiqni grupin (shih 'Heqja dhe vendosja e grupit të përgatitjes nga makina') e përgatitjes, shpëlajeni me ujë rubineti dhe lëreni të thahet. Pastaj lubrifikoni pjesët lëvizëse (shih 'Lubrifikimi i grupit të përgatitjes'). Makina po kryen procedurën e vetëpërshtatjes. Kjo procedurë nis automatikisht kur e përdorni makinën për herë të parë, kur ndryshoni llojin e kokrrave të kafesë ose pas një periudhe të gjatë mospërdorimi. Përgatisni fillimisht 5 filxhanë kafeje për të lejuar makinën të përfundojë procedurën e vetëpërshtatjes. Bluesi është vendosur në një cilësim bluarje shumë të trashë. Vendosni bluesin në një cilësim bluarje më të imët (të ulët). Përgatisni 2 deri në 3 pije që të mund ta ndjeni plotësisht diferencën. Kafeja nuk është mjaftueshëm e nxehtë. Temperatura e caktuar është shumë e ulët. Vendosni temperaturën në cilësimin maksimal. Për të rregulluar temperaturën, shtypni ikonën "Cilësimet".345 Shqip Shqip Problemi Shkaku Zgjidhja Cikli automatik i shpëlarjes është i çaktivizuar. Aktivizoni ciklin automatik të shpëlarjes duke shtypur "Settings (Cilësimet)" "Cilësimet". Kur aktivizohet ky cilësim, aparati nxehet dhe kryen një cikël automatik shpëlarjeje kur e ndizni atë. Temperatura e pijes ulet kur filxhani është i ftohtë. Ngrohni paraprakisht filxhanët duke i shpëlarë me ujë të nxehtë. Temperatura e pijes ulet kur shtohet qumësht. Pavarësisht nëse shtoni qumësht të nxehtë apo të ftohtë, temperatura e kafesë ulet gjithmonë kur shtohet qumësht. Ngrohni paraprakisht filxhanët duke i shpëlarë me ujë të nxehtë. Kafeja nuk del ose del shumë ngadalë. Filtri i ujit "AquaClean" nuk ishte përgatitur siç duhet për instalim. Hiqni filtrin "AquaClean" dhe hidhni pak ujë të nxehtë. Nëse kjo funksionon, filtri "AquaClean" nuk ishte instaluar siç duhet. Riinstaloni dhe aktivizoni filtrin "AquaClean" dhe ndiqni të gjitha hapat në kapitullin "Filtri i ujit "AquaClean"". Pas një periudhe të gjatë mospërdorimi, duhet ta përgatisni sërish filtrin e ujit "AquaClean" dhe të mbushni 2-3 filxhanë me ujë të nxehtë. Filtri i ujit "AquaClean" është i bllokuar. Ndërroni filtrin e ujit "AquaClean" çdo 3 muaj. Një filtër që nuk është ndërruar për më shumë se 3 muaj mund të bllokohet. Bluesi është vendosur në një cilësim bluarje shumë të imët. Vendosni bluesin në një cilësim me bluarje më të trashë (të lartë). Kini parasysh se kjo do të ndikojë në shijen e kafesë. Grupi i përgatitjes është i papastër. Hiqni grupin e përgatitjes dhe shpëlajeni nën ujin e rubinetit (shih 'Pastrimi i grupit të përgatitjes me ujë rubineti'). Gryka për nxjerrjen e kafesë është e papastër. Pastroni grykën për nxjerrjen e kafesë dhe vrimat e saj me një pastrues pipëze ose gjilpërë. Foleja e kafesë së bluar paraprakisht është e bllokuar Fikni makinën dhe hiqni grupin e përgatitjes. Hapni kapakun e enës së kafesë së bluar paraprakisht dhe futni bishtin e lugës në të. Lëvizni bishtin lart e poshtë derisa kafeja e bluar që është bllokuar të bjerë poshtë (Fig. 28). Qarku i makinës është i bllokuar nga gëlqerja. Pastroni çmërsin e makinës me një pastrues çmërsi "Philips". Gjithmonë pastroni çmërsin kur jua kujton makina.346 Shqip Problemi Shkaku Zgjidhja Qumështi nuk shkumohet. LatteGo nuk është montuar siç duhet. Sigurohuni që ena e qumështit të jetë montuar siç duhet në skeletin e LatteGo ("klikoni") (shih 'Montimi i LatteGo'). Ena e qumështit dhe/ose skeleti i LatteGo janë të papastër. Çmontoni LatteGo dhe shpëlani të dyja pjesët me ujë rubineti ose lajini në lavastovilje. Lloji i qumështit të përdorur nuk është i përshtatshëm për të shkumuar. Lloje të ndryshme qumështit krijojnë sasi dhe cilësi të ndryshme të shkumës. Ne kemi testuar llojet e mëposhtme të qumështit të cilat kanë dhënë rezultate të mira të shkumës së qumështit: qumësht lope gjysmë i skremuar ose i paskremuar dhe qumësht pa laktozë. Rrjedh qumësht nga pjesa fundore e enës së qumështit LatteGo. Skeleti dhe ena e qumështit nuk janë montuar siç duhet. Fillimisht vendosni pjesën e sipërme të enës së qumështit poshtë grepit të pjesës së sipërme të skeletit. Më pas vendosni pjesën e poshtme të enës së qumështit. Do të dëgjoni një kërcitje kur të fiksohet në vend. Ena e qumështit dhe/ose skeleti i LatteGo janë të papastër. Çmontoni LatteGo dhe shpëlani të dyja pjesët me ujë rubineti ose lajini në lavastovilje. Duket se makina ka rrjedhje. Makina përdor ujë për të shpëlarë qarkun e brendshëm dhe grupin e përgatitjes. Ky ujë rrjedh përmes sistemit të brendshëm drejt e te vasketa e pikimit. Kjo është normale. Boshatisni çdo ditë vasketën e pikimit ose sapo treguesi "Vasketa e pikimit plot" të shfaqet përmes kapakut të vasketës së pikimit. Këshillë: vendosni një filxhan nën grykën për të grumbulluar ujin e shpëlarjes dhe për të ulur sasinë e ujit në vasketën e pikimit. Vasketa e pikimit është e tejmbushur dhe po derdhet, gjë që bën të duket sikur makina ka rrjedhje. Boshatisni çdo ditë vasketën e pikimit ose sapo treguesi "Vasketa e pikimit plot" të shfaqet përmes kapakut të vasketës së pikimit. Depozita e ujit nuk është vendosur plotësisht, uji po rrjedh nga depozita e ujit dhe po futet ajër në makinë. Sigurohuni që depozita e ujit të jetë në pozicionin e duhur: hiqeni dhe rivendoseni duke e shtyrë sa më shumë që të mundeni. Grupi i përgatitjes është i papastër/bllokuar. Shpëlani grupin e përgatitjes. Makina nuk është vendosur në një sipërfaqe horizontale. Vendosni makinën në një sipërfaqe horizontale që vasketa e pikimit të mos derdhet dhe treguesi "Vasketa e pikimit plot" të funksionojë si duhet.347 Shqip Shqip Problemi Shkaku Zgjidhja Nuk mund të aktivizojë filtrin e ujit "AquaClean" dhe makina kërkon pastrim të çmërsit. Filtri nuk është instaluar apo ndërruar në kohë pas shfaqjes së kujtuesit "AquaClean" në ekran. Kjo do të thotë se aparati nuk është më i pastruar plotësisht nga çmërsi. Fillimisht pastroni makinën nga çmërsi dhe pastaj instaloni filtrin e ujit "AquaClean". Filtri i ri i ujit nuk përshtatet. Po përpiqeni të instaloni një filtër të ndryshëm nga filtri i ujit "AquaClean" i "Philips". Në makinë mund të montohet vetëm filtri i ujit "AquaClean" i "Philips". Unaza plastike e filtrit të ujit "AquaClean" nuk është në vend. Vendosni sërish në vend unazën plastike të filtrit të ujit "AquaClean". Makina po bën shumë zhurmë. Është normale që makina juaj të bëjë pak zhurmë gjatë përdorimit. Nëse makina fillon të bëjë një zhurmë tjetër, pastroni grupin e përgatitjes dhe lubrifikojeni atë (shih 'Lubrifikimi i grupit të përgatitjes'). Filtri i ujit "AquaClean" nuk ishte përgatitur siç duhet dhe tani ka hyrë ajër në makinë. Hiqni filtrin e ujit AquaClean nga depozita e ujit dhe përgatiteni siç duhet për përdorim përpara se ta vendosni sërish në vend. Për udhëzime hap pas hapi, shikoni kapitullin «Filtri i ujit AquaClean». Depozita e ujit nuk është vendosur plotësisht dhe ka hyrë ajër në makinë. Sigurohuni që depozita e ujit të jetë në pozicionin e duhur: hiqeni dhe rivendoseni duke e shtyrë sa më shumë që të mundeni. Specifikimet teknike Prodhuesi ka të drejtë të përmirësojë specifikat teknike të produktit. Të gjitha sasitë e paracaktuara janë të përafërta. Përshkrimi Vlera Përmasa (gj x l x th) 246 x 377 x 434 mm Pesha 7.5 - 8 kg Gjatësia e kordonit elektrik 1200 mm Depozita e ujit 1,8 litra Kapaciteti i enës së kokrrave të kafesë 275 g Kapaciteti i enës së mbetjeve të kafesë 12 mbetje kafeje Kapaciteti i LatteGo (ena e qumështit) 250 ml Gjatësia e rregullueshme e grykës 88 - 145 mm Tensioni nominal - Specifikimet elektrike - Ushqyesi elektrik Shikoni etiketën e të dhënave në pjesën e brendshme të derës së servisit (fig. A11)Slovenščina