HES 150T - Poste à souder Herkules - Ókeypis notendahandbók

NOTENDAHANDBÓK HES 150T Herkules

Hætta! - Raflost frá suðuskautinu getur verið lífshættulegt

Hætta! - Innöndun á suðureyk getur verið heilsuskaðandi

Hætta! - Suðuneistar geta valdið sprengingum og geta valdið bruna

Hætta! - Suðulogi getur verið skaðlegur augum og húð.

Hætta! - Rafsegulsvið getur truflað virkni hjartagangráða

Hætta! Hætta vegna rafi osts

Hætta!

Við notkun á tækjum eru ýmis öryggisatriði sem fara verður eftir til þess að koma í veg fyrir slys og skaða. Lesið því notandaleiðbeiningarnar / öryggisleiðbeiningarnar vandlega. Geymið allar leiðbeiningar vel þannig að ávallt sé hægt að grípa til þeirra ef þörf er á. Látið notandaleiðbeiningarnar / öryggisleiðbeiningarnar ávallt fylgja með tækinu ef það er afhent öðrum. Við tökum enga ábyrgð á slysum eða skaða sem hlotist getur af notkun sem ekki er nefnd í þessum notandaleiðbeiningum eða öryggisleiðbeiningum.

1. Öryggisleiðbeiningar

Viðeigandi öryggisleiðbeiningar eru að finna í meðfylgjandi skjali!

Hætta!

Lesið öryggisleiðbeiningar og aðrar leiðbeiningar sem fylgja þessu tæki. Ef ekki er farið eftir öryggisleiðbeiningunum og öðrum leiðbeiningum getur myndast hætta á raflosti, bruna og/eða alvarlegum slysum. Geymið öryggisleiðbeiningarnar og notandaleiðbeiningarnar vel til notkunar í framtíðinni.

Öryggisatriði:

a) Hætta vegna raflosts: Raflost frá suðupinnanum getur verið lífshættulegt. Sjóðið ekki í snjó eða rigningu. Notið þurra einangrandi vinnuvettlinga. Snertið ekki suðupinnann með berum höndum. Notið ekki blauta eða skemmda vinnuvettlinga. Hlífið sjálfum ykkur frá raflosti með því að einangra verkstykkið. Opnið ekki hús tækisins. b) Hættur vegna suðureyks: Innöndun á suðureyk getur verið heilsuskaðandi. Haldið höfðinu ekki í reyknum. Notið tækið á opnum stöðum. Notið loftræstingu til þess að fjarlægja reykinn. c) Hættur vegna suðuneista: Suðuneistar geta valdið sprengingum og geta valdið bruna. Haldið eldfimum efnum fjarri því svæði sem að soðið er á. Sjóðið ekki nærri eldfimum efnum. Suðuneistar geta valdið bruna. Hafið slökkvitæki tilbúið á nánd og einhvern sem fylgist með og getur strax notað slökkvitækið. Sjóðið ekki í tunnur eða einhverskonar lokuð ílát eða þessháttar. d) Hættur vegna suðuloga: Suðulogi getur verið skaðlegur augum og húð. Notið húfu og öryggisgleraugu. Notið heyrnahlífar og klæðnað með háum kraga. Notið suðuhjálma

og viðeigandi gler sem eru í góðu ásigkomulagi. Notið fullan líkamshlífðarútbúnað.

e) Hættur vegna rafsegulsviða: Suðustraumur myndar rafsegulsvið. Notið ekki saman með ígræddum lækningartækjum. Setjið suðuleiðslur aldrei utan um líkamann. Leggið suðuleiðslur þannig að þær liggi saman.

2.1 Tækislýsing (myndir 1)

1. Suðuhaldfang
2. Jarðtengingarklemma
3. Stillihjól fyrir suðustraum
4. Höfuðrofi
5. Viðvörunarljós vegna ofhitunar
6. Suðustraumskvarði
7. Burðarhaldfang

2.2 Innihald

Vinsamlegast yfirfarið hlutinn og athugið hvort allir hlutir fylgi með sem taldir eru upp í notandaleiðbeiningunum. Ef að hluti vantar, hafið þá tafarlaust, eða innan 5 vinnudaga eftir kaup á tæki, samband við þjónustuboð okkar eða þá verslun sem tækið var keypt í og hafið með innkaupanótuna. Vinsamlegast athugið töflu aftast í leiðbeiningunum varðandi hluti sem eru ábyrgðir.

• Opnið umbúðirnar og takið tækið varlega út úr umbúðunum.
• Fjarlægið umbúðirnar og læsingar umbúða / tækis (ef slíkt er til staðar).
• Athugið hvort að allir hlutir fylgi með tækinu.
• Yfirfarið tækið og aukahluti þess og athugið hvort að flutningaskemmdir séu að finna. Geymið umbúðirnar ef hægt er þar til að ábyrgðartímabil hefur runnið út.

Hætta!

Tækið og umbúðir þess eru ekki barnaleikföng! Börn mega ekki leika sér með plastpoka, filmur og smáhluti! Hætta er á að hlutir geti fests í hálsi og einnig hætta á köfnun!

Rafsuðutæki • Notandaleiðbeiningar - Öryggisleiðbeiningar

IS

3. Tilætluð notkun

Með rafsuðutækinu er hægt að sjóða í mismunandi gerðir málma með því að nota mismunandi þar til gerða rafsuðupinna.

Þetta tæki má einungis nota í þau verk sem það er framleitt fyrir. Öll önnur notkun sem fer út fyrir tilætlaða notkun er ekki tilætluð notkun. Fyrir skaða og slys sem til kunna að verða af þeim sökum, er eigandinn / notandinn ábyrgur og ekki framleiðandi tækisins.

Vinsamlegast athugið að tækin okkar eru hvorki framleidd né hönnuð fyrir notkun í atvinnuskyni, í iðnaði eða notkun sem bera má saman við slíka notkun. Við tökum enga ábyrgð á tækinu, sé það notað í iðnaði, í atvinnuskyni eða í tilgangi sem á einhvern hátt jafnast á við slíka notkun.

4. Merkingar og tæknilegar upplýsingar

EN 60974-6

Evrópustaðall varðandi rafsuðu og aðrar suður með takmörkuðum notkunartíma (liður 6).

Merki fyrir rafsuðutæki sem eru ætluð til þess að nota við suður í rýmum þar sem ríkir aukin rafmagnshætta.

~ 50 Hz

Riðstraumur og mæligildi tíðni [Hz]

U ₀

Spenna án álags [V]

100A/22,0 V

Hámarks suðustraumur og viðeigandi stuðluð vinnuspenna [A/V]

∅

Pvermál elektróðu [mm]

U ₂

Suðuspenna [V]

I₂

Suðustraumur [A]

t

Meðal álagstími [s]

t

Meðal hlétími [s]

Rafmagnsinntak; Fjöldi fasa og riðstraummerki og mæligildi tíðni

U ₁

Spenna [V]

I_1max

Hæsta mæligildi netstraums [A]

I_1eff

Virknigildi hæsta netstraums [A]

IP 21 S

Öryggisgerð

H

Einangrunarflokkur

Tækið er neistahelt eftir staðlinum EG 2004/108/EG

Spennutenging: 230 V ~ 50 Hz Suðustraumur (A) við cos φ = 0,73: 40-100

mm 1,6 2,0 2,5	2,5
I2 230 V 40 55 80	100
tw (s) 230 V 490 2	33 118	79
tr (s) 230 V 601 5	71 570	628

Spenna í óvirku ástandi (V): 48

Geta: 4 kVA við 80 A cos φ = 0,73

Öryggi (A): 16

Suðutímar gilda við 40°C umhverfishita.

5. Suða undirbúin

Jarðtenging (-) (2) á að vera tengd beint við verkstykkið eða við það undirlag sem verkstykkið stendur á.

Athugið, gangið úr skugga um að beint og gott samband sé við verkstykkið. Forðist því lakkaða fleti og/eða einangraða. Rafsuðuhaldarinn er búinn sérstakri klemmu sem er gerð til þess að halda rafsuðupinnanum.

Nota á ætið rafsuðuhjálm á meðan soðið er. Hann hlífir augum fyrir ljósi og geislum og gerir það kleift að horfa í geislann til þess að geta soðið vel.

6. Soðið

Eftir að gengið hefur verið úr skugga um að allar tengingar séu réttar og nægilega góðar getur suða hafist: setjið óhulda hluta rafsuðupinnans í klemmuna (1) og tengið jarðtenginguna (-) (2) við verkstykkið.

Gangið úr skugga um að góð tenging sé frá jarðtengingu í verkstykkið. Kveikið á tækinu með höfuðrofanum (4) og verið viss um að suðustraumurinn sé rétt stilltur eða stillið hann með stillihjólinu (3). Straumurinn fer eftir suðupinna sem notaður er.

Haldið suðuhjálminum fyrir andlitinu og nuddið rafsuðupinnanum við verkstykkið eins og kveikt sé á eldspýtu. Þetta er besta leiðin til þess að byrja suðu. Prófið fyrst að sjóða í prufustykki og sjáið hvort að rafsuðupinninn sé sá rétti og að straumurinn sé rétt stilltur.

Elektróða ∅ (mm) ...... Suðustraumur (A)

1,6....40 A

2 40-80A

2,5 60-100A

Varúð!

Sláið ekki verkstykkið með rafsuðupinnanum (elektróðunni), hann getur skemmst og erfiðað upphaf næstu suðu.

Strax og að suða hefur hafist, reynið þá að halda fjarlægð við verkstykkið sem er sú sama og þvermál elektróðunnar. Halda ætti þessu millibili til lengdar og ávallt á meðan soðið er. Halli pinnans í vinnuátt ætti að vera á milli 20 og 30 gráður.

Notið ávallt töng til þess að fjarlægja notaðan rafsuðupinna eða til þess að færa til vinnustykki sem var verið að sjóða. Athugið vinsamlegast að pinnahaldarann (1) verður að leggja frá sér þannig að hann einangri. Berja ætti vinnustykkið fyrst eftir að það hefur náð að kólna vel. Ef að soðið er í beinu áframhaldi af annarri suðu verður að berja af enda eldri suðunnar áður en byrjað er aftur að sjóða.

7. Ofhitunaröryggi

Rafsuðutækið er búið öryggi við ofhitun sem hlífir tækinu ef það hitnar of mikið. Ef þetta öryggi virkist kviknar á aðvörunarljósi (5) á tækinu. Látið þá rafsuðutækið kólna í góða stund.

8. Skipt um rafmagnsleiðslu

Hætta!

Ef rafmagnsleiðsla þessa tækis er skemmd, verður að láta framleiðanda, viðurkenndan þjónustuaðila eða annan fagaðila skipta um hana til þess að koma í veg fyrir tjón.

9. Hreinsun, umhirða og pöntun varahluta

Hætta!

Takið tækið úr sambandi við straum áður en það er þrifið.

9.1 Hreinsun

• Haldið hlífum, loftrifum og mótorhúsi tækisins eins lausu við ryk og óhreinindi og hægt er. Þurrkið af tækinu með hreinum klút eða blásið af því með háþrýstilofti.
• Við mælum með því að tækið sé hreinsað eftir hverja notkun.
• Hreinsið tækið reglulega með rökum klút og örlitilli sápu. Notið ekki hreinsilegi eða ætandi efni; þessi efni geta skemmt plastefni tækisins. Gangið úr skugga um að það komist ekki vatn inn í tækið. Ef vatn kemst inn í rafmagnsverkfæri, eykst hætta á raflosti.

9.2 Umhirða

Inni í tækinu eru engir aðrir hlutir sem þarf að hirða.

9.3 Pöntun varahluta:

Þegar varahlutir eru pantaðir ættu eftirfarandi atriði að vera tilgreind:

Gerð tækis • Gerðarnúmer tækis • Númer tækis • Varahlutanúmer þess varahlutar sem panta á

Verð og upplýsingar eru að finna undir www.isc-gmbh.info

Þetta tæki er afhent í umbúðum sem hlífa tækinu fyrir skemmdum við flutninga. Þessar pakkningar eru endurnýtanlegar eða hægt er að endurvinna þær. Þetta tæki og aukahlutir þess eru úr mismunandi efnum eins og til dæmis málmi og plastefnum. Skemmd tæki eiga ekki heima í venjulegu heimilissorpi. Til þess að tryggja rétta förgun á þessu tæki ætti að skila því til þar til gerðra sorpmóttökustöðva. Ef þér er ekki kunnugt um þessháttar sorpmóttökustöðvar ættir þú að leita til bæjarskrifstofu varðandi upplýsingar.

11. Geymsla

Geymið tækið og aukahluti þess á dimmum, þurrum og frostlausum stað þar sem börn ná ekki til. Kjörhitastig geymslu er á milli 5 og 30 °C. Geymið rafmagnsverkfæri í upprunalegum umbúðum.

Sérstök skilyrði fyrir lönd Evrópubandalagsins:

Kastið ekki notuðum rafmagnstækjum í venjulega ruslatunnu.

Samkvæmt reglugerð fyrir Evrópu 2012/19/EU um gömul rafmagnstæki og samkvæmt breytingum í lagasetningu hverrar þjóðar sambandsins verður að safna raftækjum aðskilið og koma þeim í sérstaka endurvinnslu í þágu umhverfisverndar.

Í staðinn fyrir að senda tækin til baka er eigandi þeirra hvattur til að vinna að því að rétt endurvinnsla eigi sér stað þegar hann afsalar sér tækinu sem eigandi. Það er mögulegt að afhenda tækið til sérstakrar söfnunarstofnunar, sem sér um endurvinnslu tækisins samkvæmt lögum hinna ýmsu þjóða um endurvinnslu og sorp. Þetta á samt ekki við um viðbótarhluti, sem innihalda ekki rafmagnshluta.

Eftirprentun eða önnur fjölprentun fylgiskjala og leiðarvísa vörunnar, líka í úrdrætti, er ekki leyfileg nema skriflegt samþykki frá iSC GmbH komi til.

Það er áskilið að tæknilegar breytingar séu leyfðar.

Þjónustuupplýsingar

Við höfum faglega þjónustuaðila í öllum þeim löndum sem ábyrgðarskírteini er gefið út í og er heimilisfang þeirra gefið upp í ábyrgðarskírteininu. Þessir þjónustuaðilar eru til staðar fyrir þig varðandi viðgerðir, pantanir varahluta og íhluta.

Athuga verður að sumir eftirtaldir hlutir tækisins eru hlutir sem notast upp við notkun eða á annan náttúrulegan hátt og/eða eftirfarandi hlutir eru nauðsynlegir vegna notkunar eða slits.

Grein Dæmi
Slithlutir* Suðuhaldfang Jarðklemma
Notkunarefni/hlutir sem notast upp*
Hlutir sem vantar

* verða ekki endilega að fylgja!

Vegna galla eða bilana biðjum við þig um að hafa samband við okkur og skrá það á netinu undir www.isc-gmbh.info. Vinsamlegast athugið að lýsa biluninni nákvæmlega og svarið endilega eftirfarandi spurningum:

Virkaði tækið fyrst eða var það bilað strax frá upphafi? - Varð þér vart við eitthvað óvenjulegt áður en bilunin kom til (greining bilunar)? • Hvaða bilun lýsir sér í tækinu samkvæmt þinni skoðun (aðalbilun)? Lýsið biluninni.

Ábyrgðarskírteini

Kæri viðskiptavinur,

Vörur okkar eru framleiddar undir ströngu gæðaeftirliti. Ef að tækið virkar þrátt fyrir það ekki fullkomlega, þykir okkur það mjög leitt og biðjum þig endilega um að hafa samband við þjónustuaðila okkar. Heimilisfang er að finna neðar á þessu ábyrgðarskjali. Þú getur einnig haft samband við verslunina þar sem að tækið var keypt. Varðandi gildi ábyrgðarskírteinisins gildir eftirfarandi:

1. Þetta ábyrgðarskírteini lýsir aukalegri ábyrgð sem að neðan nefndur framleiðandi ábyrgist viðskiptavinum sínum umfram þær ábyrgðir sem reglur og lög gefa kröfur um. Þín almenna lagalega ábyrgð helst ósnert þrátt fyrir þessa ábyrgðaliði. Ábyrgðarþjónusta okkar er þér að kostnaðarlausu.
2. Ábyrgðin nær eingöngu yfir galla á nýju tæki sem þú hefur fest kaup á sem var framleitt af neðangreindum framleiðanda. Ábyrgðin nær einungis yfir galla sem eru vegna efnisgalla eða framleiðslugalla og takmarkast við okkar ákvörðun um að endurbæta gallann eða skipta út tækinu. Vinsamlegast athugið að tækin okkar eru hvorki framleidd né hönnuð fyrir notkun í atvinnuskyni, í iðnaði eða notkun sem bera má saman við slíka notkun. Ábyrgðarsamningurinn fellur úr gildi ef að tækið er notað innan ábyrgðartímans í atvinnuskyni eða annan slíkan sambærilegan hátt.
3. Ábyrgð okkar gildir ekki yfir

- Skemmdir á tæki sem til verða vegna þess að ekki hefur verið farið eftir leiðbeiningum varðandi samsetningu þess, rangrar uppsetningar, ef að ekki hefur verið farið eftir notandaleiðbeiningunum (til dæmis ef að tækið hefur verið tengt við ranga rafspennu eða rafstraum) eða ef að ekki hefur verið farið eftir leiðbeiningum tækis varðandi umhirðu og öryggi þess eða ef að tækið hefur verið notað undir óeðlilegum náttúruáhrifum eða vegna of lítillar umhirðu og þjónustu.

- Skemmdir á tæki, sem til verða vegna misnotkunar eða óviðeigandi notkunar (til dæmis of mikið álag á tæki eða ef að notaðir eru rangir íhlutir eða aukahlutir), ef að utanaðkomandi hlutir komast inn í tækið (eins og til dæmis sandur, steinar eða ryk, flutningaskemmdir), vegna rangnotkunar eða utanaðkomandi álags (eins og til dæmis skemmdir við það að tækið fellur niður).

- Skemmdir á tæki eða hlutum tækisins, sem til verða vegna notkunar þess eða vegna annarra utanaðkomandi eðlilegra uppnotkunar.

1. Ábyrgðartíminn er 60 mánuðir sem byrjar við dagsetningu kaups á tæki. Tilkynna verður um skemmdir eða galla á tæki áður en að ábyrgðin fellur úr gildi og innan tveggja vikna eftir að skemmdin er fundin. Ábyrgð tækisins fellur úr gildi eftir að ábyrgðartímabilið er útrunnið. Ef að gert er við tæki eða því skipt út vegna ábyrgðar, leiðir það ekki til þess að ábyrgðartímabilið lengist og ekki gildir ný ábyrgð á nýja tækinu eða varahlutunum sem settir hafa verið í það. Þetta gildir einnig um þjónustu sem hefur verið framkvæmd til staðar.
2. Til þess að fá ábyrgðarþjónustu, hafið þá samband við: www.isc-gmbh.info. Ef að skemmdin á tækinu er innan ábyrgðarramma þess færð þú umsvifalaust viðgert eða nýtt tæki í stað þess gamla.

Varðandi hluti sem notast upp og hluti sem vantar bendum við á takmarkanir ábyrgðar þessa tækis sem eru í notandaleiðbeiningunum.