Saeco GranAroma Deluxe SM6680 - Qahva mashinasi PHILIPS - Bepul foydalanuvchi qo'llanmasi

FOYDALANUVCHI QO'LLANMASI Saeco GranAroma Deluxe SM6680 PHILIPS

Muammolarni bartaraf qilish 350

Texnik xususiyatlar 355

Muvofiqlik deklaratsiyasi 356

Wi-Fi 356

Mashina ko'rinishi (Rasm A)

A1 Donlar idishining qopqog'i

A2 Birlamchi yanchilgan qahva bo'linmasining qopqog'i

A3 Boshqaruv paneli

A4 Kabel rozetkasi

A5 Tomchi novi

A6 Tomchi novini yechish dastagi

A7 HygieSteam konteyner

A8 Sut naychasi tutqichi bilan HygieSteam qopqog'i

A9 Balandligi sozlanadigan qahva va sut chiqarish jo'mragi

A10 Ichki kapuchinator

A11 Vilkali quvvat shnuri

A12 Maydalashni sozlash murvati (tafsilotlar uchun www.saeco.com/care manziliga kiring)

A13 Qahva donlari idishi

A14 Damlash guruhi (tafsilotlar uchun www.saeco.com/care manziliga kiring)

A15 Xizmat ko'rsatish eshigi

A16 Suv idish

A17 Qahva quyqasi idishi

A18 Qahva quyqasi idishining old paneli

A19 Tomchi novining qopqog'i

A20 "Tomchi novi to'ldi" indikatori

Aksessuarlar

A21 Sut konteyneri

A22 Sut naychasi

A23 Tozalash cho'tkasi

A24 Moylash nayi

A25 AquaClean suv filtri

A26 O'Ichovli qoshiq

A27 Suv qattiqligini tekshiruvchi qog'oz kesmasi

Boshqaruv paneli

B rasmda barcha belgilarning sharhi berilgan. Quyida siz tavsiflarni topishingiz mumkin.

B1 Yoqish/O'chirish selektor tugmachasi

B2 Ichimliklar

B3 Ichimliklar menyusi

B4 Shaxsiy profillar

B5 Mashina sozlamalari

B6 Holat menyusi

Muqaddima

To'liq avtomatik Saeco qahva mashinasini xarid qilganingiz bilan qutlaymiz! Saeco taklif qiladigan onlayn qo'llab-quvvatlashdan to'liq foydalanish maqsadida, mashinangizni ro'yxatdan o'tkazish uchun unga o'rnatilgan Wi-Fi ulanish orqali boshqaruv panelidan foydalanishingiz yoki

www.saeco.com/MyCoffeeMachine veb-saytiga tashrif buyurib, mahsulotingizni shu yerda ro'yxatdan o'tkazishingiz mumkin.

Mashinadan ilk foydalanishdan avval, alohida xavfsizlik bukletini diqqat bilan o'qib chiqing va keyinchalik murojaat qilish uchun uni saqlab qo'ying.

To'liq avtomatik Saeco qahva mashinangiz, qahva tayyorlash mahoratingizni yaxshilash uchun Wi-Fi tarmog'iga ulanish imkonini beradi.

Mashinangizni Wi-Fi tarmog'iga ulash orqali siz quyidagilarga ega bo'lasiz:

• foydalanuvchi mahoratini yaxshilash uchun dasturiy ta'minotning muntazam yangilanishidan bahramand bo'lish
• do'kon funksiyasidan foydalanish, agar mamlakatingizda mavjud bo'lsa
• aksessuarlarni to'Idirib qo'yish uchun mashinangizni Amazon hisobingizga ulashingiz mumkin, agar bu funksiya mamlakatingizda mavjud bo'lsa
• ovozli boshqaruvdan foydalanish uchun uyingizdagi Alexa qurilmasiga ulash, agar bu funksiya mamlakatingizda mavjud bo'lsa

Izoh: Bu mashina qahva bilan sinalgan. U yaxshilab tozalangan bo'lsa ham, unda qahva qoldiqlari qolib ketgan bo'lishi mumkin. Lekin biz ushbu mashina mutlaqo yangi ekanini kafolatlaymiz.

Mashinani yoqish

"Yoq" belgisini bosing va boshqaruv panelidagi bosqichma-bosqich ko'rsatmalarga amal qiling.

Endi ulangan funksiyalar bilan ishlashga tayyorsiz.

Mashina ovozli boshqaruv orqali o'chirib yoqilganida va mashina biroz muddat nofaol bo'lib, o'chirilganida avtomatik chayish siklini bajaradi. Mashinaning atrof-muhiti xavfsiz ekaniga ishonch hosil qiling.

Maxsus funksiyalar

Maxsus funksiya Maqsad

	CoffeeMaestro bilan sozlamalarni o'zingiz o'zgartirish o'rniga ichimliklaringiz uchun tayyor ta'm profilini (Delicato, Intenso, Forte) tanlash orqali qahvangizni moslashtirishingiz mumkin.
	HygieSteam funksiyasi mikroorganizmlarni yo'q qilish orqali sut tizimini avtomatik tozalaydi: undan kapuchino yoki boshqa sutli ichimliklarni damlagandan keyin foydalaning.
	Chidamli yanchgichimiz juda qattiq va mustahkam bo'lishi uchun 100% keramikadan tayyorlangan. Uni 12 ta daraja yordamida didingizga moslashingiz mumkin.
	Texnik xizmat paneli sizga foydali axborot beradi va AquaClean kam qolgani kabi holat haqidagi axborotni eslatadi.

Ichimliklar damlash

Umumiy bosqichlar

Ichimlik damlash uchun quyidagi oddiy amallarni bajaring.

i "2x" belgisini bosish barcha ichimliklar uchun ishlamaydi.

4 Ichimlikni tanlaganingizdan keyin boshqariladigan chiziqlarni yuqoriga va pastga surish orqali sozlamalarni xohishingizga moslashingiz mumkin.

5 Tanlangan ichimlikni damlashni boshlash uchun start/stop▶belgisini bosing.

Karamellangan yoki xushbo'ylantirilgan qahva donlarini ishlatmang.

Ichimlik parametrlari yuzasidan yordam

Muayyan ichimlik parametri haqida qo'shimcha axborot olish uchun elementni 3 soniya bosib turing.

- Maxsus ichimliklar uchun mashina avval sut, keyin esa qahva quyadi. Boshqa bir qator ichimliklar uchun buning teskarisi, mashina avval qahva, keyin esa sut quyadi.

- Mashina dastlabki belgilangan miqdorda quyishidan avval sut quyishni to'xtatmoqchi bo'lsangiz, start/stop▶belgisini bosing.

- Mashina ishni yakunlagunicha (sut va qahva) tayyor ichimlik quyishni to'xtatmoqchi bo'lsangiz, start/stop-belgisini bosib turing.

Sut quyilishi bilanoq "HygieSteam Shot" funksiyasi amalga oshiriladi. Mashina ichki sut tizimini tez chayish uchun ichidan bug'o'tkazadi. Sut naychasining metall qismi qizishi mumkin. Kuyish xavfidan saqlanish uchun sovishiga imkon bering.

Maslaxat: Sutli ichimliklarni tayyorlash uchun oddiy sut karton qutisidan ham foydalanishingiz mumkin. Metal sut naychasini bevosita sut qutisiga joylang.

Yanchilgan qahvadan qahva damlash

Yanchilgan qahvadan qahva damlash uchun quyidagi oddiy amallarni bajarishingiz kerak.

Bu mashina ichimlik xususiyatlarini sizning istagingizga qarab o'zgartirish va o'zgartirilgan ichimlikni shaxsiy profilga saqlab qo'yish imkonini beradi. O'z belgingiz va profil nomingizni tanlashingiz mumkin.

CoffeeMaestro bilan tezlashtiring

Mashinangiz barcha sozlamalarni alohida o'zgartirish o'rniga CoffeeMaestro funksiyasi bilan ta'm profillarini tanlash imkoniyati taklif qiladi. Delicato, Intenso va Forte orasidan tanlashingiz mumkin. CoffeeMaestro ta'm profilini tanlash uchun:

1 O'zingizga yoqqan ichimlik belgisini bosing (Rasm 4).
2 CoffeeMaestro belgisini qayta-qayta bosing (Rasm 5).
- Endi ichimlikning asosiy sozlamalari mos ravishda o'zgartirildi.
3 Ichimlik damlashni boshlash uchun start/stop-belgisini bosing.

CoffeeEqualizer Touch funksiyasi bilan ichimligingizni moslashtiring

Ichimlikni tanlaganingizdan keyin CoffeeEqualizer Touch funksiyasi avtomatik faollashib, sizga ichimlik sozlamalarini o'zgartirish imkonini beradi. Yordam funksiyasini faollashtirish va keyingi axborotlarni olish uchun displaydagi elementlarning har birini bosing.

CoffeeEqualizer Touch funksiyasi bilan quyidagi sozlamalarni rostlay olasiz:

1 Ifor kuchliligi
6 Ko'pik miqdori
2 Qahva miqdori
7 1 yoki 2 finjon tayyorlashni qaror qilishingiz ham mumkin
3 Sut miqdori
8 Birinchi qahva yoki sut quyish tartibi
4 Suv miqdori
5 Ichimlik harorati

Izoh: Sozlanadigan parametrlar tarkibi qaysi ichimlikni tanlaganingizga bog'liq.

Sevimli ichimliklaringizni profilda saqlash

Bu mashina ichimlik xususiyatlarini istagingizga qarab sozlash va o'zgartirilgan ichimlikni shaxsiy profilga saqlab qo'yish imkonini beradi. Profil tanlashingiz va profillar yordamida retsept saqlashingiz mumkin.

Profil belgisi yordamida profil yaratishingiz va ichimlik qo'shishingiz mumkin.

1 Asosiy menyudagi profil belgisini bosing (Rasm 6).
2 Plyus belgisini bosing (Rasm 7).
3 Ismingizni yozing va sevimli belgingizni tanlang.
4 Ichimlik qo'shishga tayyorsiz. O'zingizga yoqqan ichimlik belgisini bosing.
5 CoffeeEqualizer Touch yoki CoffeeMaestro funksiyasi orqali ichimlikni moslashtiring.
6 Uni shaxsiy profilingizga saqlash uchun "Profilga saqlash" tugmasini bosing (Rasm 8).

Qo'shimcha quyish (ExtraShot)

Mashinangiz qahva va sutli ichimliklaringizga, masalan, o'tkirroq qahva ichmoqchi bo'lsangiz, qo'shimcha Ristretto quyish imkoniyatini taklif qiladi.

1 Finjonni jo'mrak tagiga qo'ying.
2 Ichimlikni tanlash uchun bir marta bosiladigan ichimliklar belgilarining birini bosing (Rasm 4).
3 O'tkirlikning yuqori darajasini sozlash uchun sozlanuvchi panelni yuqoriga suring va keyin ExtraShot funksiyasini tanlang (Rasm 9).
4 Keyin ichimlik damlashni boshlash uchun start/stop▶belgisini bosing.
5 Mashina ishni yakunlagunicha ichimlik quyishni to'xtatmoqchi bo'lsangiz, start/stop▶■ belgisini yana bosing.

i Qo'shimcha quyish funksiyasi barcha ichimliklar uchun ishlamaydi.

Mashina sozlamalarini o'zgartirish

Aksariyat mashina sozlamalarini Sozlamalar belgisini bosib, ekrandagi ko'rsatmalarga amal qilish orqali sozlashingiz mumkin.

Onlayn yordam xizmati (savol-javob, videolar va hokazo) uchun ushbu buklet muqovasidagi QR kodni skanerlang yoki www.saeco.com/care sahifasiga kiring.

Suv qattiqligini sozlash

Maqbul unumdorlik va mashinaning xizmat muddatini uzaytirish maqsadida, suvning qattiqlik sozlamasini, mintaqangizdagi suvning qattiqlik darajasiga rostlashni tavsiya qilamiz. Bu mashinani qasmoqdan tez-tez tozalashdan ham saqlaydi. Suv qattiqligining birlamchi sozlamasi 4 ta: qattiq suv.

Mintaqangizdagi suvning qattiqlik darajasini aniqlab olish uchun qutidagi suv qattiqligini tekshirish kesmasidan foydalaning:

1 Suv qattiqligini tekshirish kesmasini jo'mrak suviga botiring yoki uni jo'mrak tagida 1 soniya tutib turing (Rasm 10).
2 1 daqiga kuting. Tekshirish kesmasidagi qizil rangga bo'yalgan kataklarning soni suvning qattiqligini anglatadi (Rasm 11).

Mashinani haqiqiy suv qattiqligiga sozlang:

1 Sozlamalar ✿ belgisini bosing va "Suv qattiqligi" bandini tanlash uchun chapdan o'ngga aylantiring.
2 Suv qattiqligi darajasini tanlang. Displeyda tanlangan qizil kataklarning soni, tekshirish kesmasidagi qizil rangga bo'yalgan kataklarning soniga teng bo'lishi lozim (Rasm 12).
3 Suv qattiqligining to'g'ri darajasini sozlagach, tasdiqlash uchun tasdiqlash √ belgisini bosing.

Yanchish sozlamasini o'zgartirish

Qahva doni idishi ichidagi yanchishni sozlash dastagi bilan qahva qattiqligini almashtirishingiz mumkin. Yanchish sozlamasi quyiroq bo'lsa, qahva donlari maydaroq yanchiladi va qahva o'tkirroq bo'ladi. Tanlashingiz mumkin bo'lgan 12 ta turli yanchish sozlamasi mavjud.

Mashina qahva donlarining eng yaxshi ta'mini chiqarishga sozlangan. Shu sababli 100-150 finjon (taxminan 1 oy foydalanish) qahva damlamasdan yanchish sozlamasini o'zgartirmaslikni tavsiya qilamiz.

i Ta'mdagi farqni to'liq his qilishingizdan avval 2-3 ta qahva damlashingiz kerak bo'ladi.

A Yanchgich shikastlanishining oldini olish maqsadida, yanchishni sozlash murvatini bitta buraganda, bir qadamdan ortiq buramang.

1 Asosiy menyudagi Sozlamalar belgisini bosing.
2 "Yanchgich" tugmasini bosing.
3 Amallarni bajarish videosini tomosha qiling.

Zavod sozlamalariga qaytarish

Mashina ichimliklarning birlamchi sozlamasini istalgan vaqtda tiklash imkoniyatini taqdim qiladi.

1 Sozlamalar belgisini bosing.
2 "Birlamchi sozlamalar" bandini tanlash uchun chapdan o'ngga aylantiring. Tasdiqlash √ belgisini bosish orqali tasdiqlang.
- Sozlamalar endi asliga qaytarildi.

i Quyidagi birlamchi sozlamalar asliga qaytarildi: suv qattiqligi, kutish rejimi vaqti, displey yorqinligi, tovush, old tomondan yoritish, profillar, o'lchovlar/birliklar, bosh ekran sozlamalari, Wi-Fi tarmoq axborotlari, dasturni yangilanish tanlovlari, Saeco hisob ma'lumotlari, Amazon hisob ma'lumotlari.

AquaClean suv filtri

Mashinangizda AquaClean funksiyasi yoqilgan. Qahvangiz ta'mini saqlab qolish uchun AquaClean suv filtrini suv idishiga qo'yishingiz mumkin. Bu mashinangizda qasmoq to'planishini kamaytirib, qasmoqdan tozalashga bo'Igan talabni pasaytiradi. AquaClean suv filtrini mahalliy yoki onlayn dilerdan yoki vakolatli xizmat markazlaridan xarid qilishingiz mumkin.

AquaClean filtrining holat indikatori

AquaClean filtrining holati doim "Holat" menyusida foiz sifatida chiqib turadi.

• AquaClean filtri holati 10% yoki undan kam bo'lsa, har safar mashinani yoqqaningizda ekran xabarni 2 soniya ko'rsatadi. Bu xabar yangi filtr xarid qilishni tavsiya qiladi.
• Agar filtrning holati 0% bo'lsa, har safar mashinani yoqqaningizda mashina sizdan AquaClean filtrini almashtirishni so'raydi.

AquaClean suv filtrini faollashtirish (5 daq.)

i Mashina, filtr suv idishga qo'yilganini avtomatik aniqlamaydi. Shu bois o'rnatilgan har bir yangi AquaClean filtrini "Holat" menyusiga kirib faollashtirishingiz talab qilinadi.
i Mashina filtrni faollashtirish xabarini ko'rsatishni to'xtatganida ham AquaClean suv filtrini hamon faollashtira olasiz, biroq avval mashinani qasmoqdan tozalashingiz kerak bo'ladi.
i AquaClean suv filtridan foydalanishni boshlashingizdan avval, mashinangiz qasmoqdan to'liq tozalangan bo'lishi zarur.

AquaClean suv filtrini faollashtirishdan avval uni quyida tavsiflanganidek suvga botirish orqali tayyorlab olish lozim. Agar bunday qilmasangiz, mashinaga suv o'rniga havo kirib qolish ehtimoli mavjud. Bu o'z o'rnida juda ko'p shovqin chiqishiga va mashina qahva damlashda to'sqinlikka uchrashiga olib kelishi mumkin.

1 "Holat" belgisini bosib, "AquaClean" bandini tanlash uchun chapdan o'ngga aylantiring.
2 Faollashtirish ekrani chiqqanida tasdiqlash √ belgisini qayta bosing. Ekrandagi ko'rsatmalarga rioya qiling.

AquaClean suv filtrini almashtirish (5 daq.)

Filtrdan 95 litr suv o'tgandan keyin filtr ishlamay qoladi. AquaClean holati indikatori 0 foizga tushib, filtrni yangisiga almashtirish kerakligini eslatadi. Agar AquaClean suv filtrini vaqtida almashtirmasangiz, hamon filtrni almashtirishingiz mumkin, lekin dastlab mashinani qasmoqdan tozlashingiz kerak bo'ladi.

AquaClean holat indikatori 0 foizga tushib ketganida yoki mashina sizga AquaClean filtrini almashtirishni eslatganida:

1 eski AquaClean suv filtrini chiqaring.
2 yangi filtrni "AquaClean suv filtrini faollashtirish (5 daq.)" bobida tavsiflanganidek o'rnatib, faollashtiring.

i AquaClean suv filtrini, hatte mashina almashtirish zarurligini ko'rsatmasa ham, har 3 oyda almashtiring.

Damlash guruhini chiqarish va kiritish

Ekranda "Holat" menyusiga kiring va "Damlash guruhini tozalash" bandini tanlang yoki kiritish va tozalashni qanday amalga oshirishga oid batafsil video ko'rsatmalarni www.saeco.com/care sahifasida tomosha qilish mumkin.

Mashinadan damlash guruhini chiqarish

1 Suv idishni chiqaring va xizmat ko'rsatish eshigini oching (Rasm 13).

2 PUSH tutqichini (Rasm 14) bosing va damlash guruhini mashinadan chiqarish uchun tutqichni torting (Rasm 15).

Mashinadan damlash guruhini olib tashlaganingizda tomchi novi va qahva quyqasi konteynerini bo'shating.

Damlash guruhini qayta joylash

Damlash guruhini mashinaga qayta kiritishdan avval, u to'g'ri o'rnashganiga ishonch hosil qiling.

1 Damlash guruhi to'g'ri o'rnashganini tekshiring. Damlash guruhining sariq silindridagi ishora belgisi, qora ishora belgisi bilan va N belgisi bilan tekislanishi kerak (Rasm 16).
- Agar ular tekislanmagan bo'lsa, richagni, u damlash guruhi asosiga teginmaguncha pastga bosing (Rasm 17).
2 Damlash guruhini, u yonlardagi (Rasm 18) yo'naltirish relslari bilan tiq etmaguncha mashina ichiga itaring (Rasm 19). PUSH tugmasini bosmang.
3 Xizmat ko'rsatish eshigini yoping va suv idishni oz o'rniga joylang.

Tozalash va xizmat ko'rsatish

Mashinangiz sizga tozalash va profilaktikani qachon amalga oshirishni maslahat beradi.

Muntazam tozalash va xizmat ko'rsatish ishlari, mashinangizni a'lo holatda saqlashga yordam beradi va qahva barqaror yetkazib turilsa, qahvaning yaxshi ta'mini uzoq vaqt ta'minlaydi.

Mashinaning barcha ajraladigan qismlarini qachon va qanday tozalashning batafsil tavsifini olish uchun quyidagi jadvalga qarang. Batafsil ma'lumotni va video ko'rsatmalarni www.saeco.com/care sahifasidan topishingiz mumkin. Qaysi qismlarni idish yuvish mashinasida tozalash mumkinligi bilan tanishish uchun C rasmga qarang.

Element Qachon tozalanadi Boshqaruv panelida qanday topish mumkin/

Nima qilish kerak

AquaClean filtri Mashina sizdan so’raganida yoki har uch oyda.	HOLAT->TOZALASH->AQUACLEAN. AquaClean filtrini faollashtirish uchun ko’rsatmalarni bajaring.
i Mashina, filtr suv idishga qo’yilganini avtomatik aniqlamaydi. Shu bois o’rnatilgan har bir yangi AquaClean filtrini, “Holat” menyusiga kirib faollashtirishingiz talab qilinadi.
i AquaClean filtridan foydalanishni boshlashingizdan avval mashinangiz qasmoqdan to’liq tozalangan bo’lishi zarur.
i AquaClean filtrini, hatte mashina almashtirish zarurligini ko’rsatmasa ham, har 3 oyda almashtiring.
Damlash guruhi Har haftada HOLAT -> SAMARADORLIK -> DAMLASH GURUHINI TOZALASH. Damlash guruhini olib tashlash va tozalash uchun ko’rsatmalarni bajaring.
i Mashinadan damlash guruhini olib tashlaganingizda tomchi novi va qahva quyqasi konteynerini bo’shating.
i Damlash guruhini mashinaga qayta surishingizdan avval u to’g’ri joylashganini tekshiring. Damlash guruhi yonidagi sariq silindr qora strelka va N bilan tekislanishi kerak (Rasm 16).

Element Qachon tozalanadi Boshqaruv panelida qanday topish mumkin/

	Nima qilish kerak
	Har oyda HOLAT -> SAMARADORLIK -> QAHVA MOYINIKETKAZISH. Damlash guruhidan qahva moyiqoldiqlarini avtomatik ketkazish uchunmustaqil tozalash jarayoni bosqichlarinibajaring.
Sut tizimi/ichki kapuchinator	Har kunlik foydalanishdan keyin HOLAT -> HYGIESTEAM. Sut tizimini tozalashuchun mustaqil tozalash jarayoni bosqichlarinibajaring. Metal sut naychasini sut naychasitutqichiga joylashdan oldin uning tashqiqismini nam mato bilan arting.
	Har haftada Ichki kapuchinatorni chiqarib oling vaqismlarga ajrating. Barcha qismlarni jo'mraktagida ozgina idish yuvish suyuqligi bilanchaying.
	Har oyda HOLAT -> HYGIESTEAM -> SUTDAN CHUQURTOZALASH. Sut tizimini tozalash uchunmustaqil tozalash jarayoni bosqichlarinibajaring.
Sut konteyneri Har haftada Sut konteynerini qismlarga ajrating (Rasm 20)va sut naychasi shtifti yordamida sharni suribchiqaring (Rasm 21). Sut konteynerining barchaqismlarni jo'mrak tagida yoki idish yuvishmashinasida tozalang.
HygieSteam konteyneri (sutnaychasi tutqichi)	Har haftada yoki mashina sizgaeslatganida	Mashinadan HygieSteam konteynerinichiqaring (Rasm 22) va HygieSteam qopqog'inichiqaring (Rasm 23). HygieSteam konteyneri vaqopqoqni jo'mrak tagida yoki idish yuvishmashinasida tozalang. Konteyneri havodaquriting va ularni qayta mashinaga joylang.
Yanchilgan qahvabo'linmasi	To'silmaganini ko'rish uchunyanchilgan qahva bo'linmasinihar hafta tekshiring	Mashinani tarmoqdan uzing va damlashguruhini chiqaring. Yanchilgan qahvabo'linmasining qopqog'ini oching va uningichiga qoshiq dastasini kiriting. Tiqilib qolganqahva pastga tushmaguncha, dastani tepagava pastga yuriting (Rasm 24). Qarangwww.saeco.com/carebatafsil video yo'riqlar.
Qahva quyqasi idishi Mashina xabar berganida, qahvaquyqasi idishini bo'shating. Unihar hafta tozalang		Mashina yoqilgan mahalda, qahva quyqasidishini chiqaring. Uni ozgina idish yuvishsuyuqligi bilan jo'mrak tagida yoki idish yuvishmashinasida tozalang.Izoh: Qahva quyqasi idishing in old panelinidish yuvish mashinasida yuvish mumkin emas.

Element Qachon tozalanadi Boshqaruv panelida qanday topish mumkin/

		Nima qilish kerak
Tomchi novi Tomchi novini har kuni yoki"tomchi novi to’lgan” qizil indikatori tomchi novidan qalqib chiqishi bilanoq bo’shating (Rasm 25). Tomchi novini har hafta tozalang		Tomchi novini chiqaring (Rasm 26) va uni ozgina idish yuvish suyuqligi bilan jo’mrak tagida yoki idish yuvish mashinasida tozalang.
Damlash guruhini moylash	Har 2 oyda Damlash guruhini qadoqlangan moylash materiali bilan moylang (Qarang: 'Damlash guruhini moylash'). Qarangwww.saeco.com/care batafsil video yo’riqlar.
Suv idish Har haftada Suv idishni jo’mrak tagida chaying.
Mashina old qismi Har haftada Abraziv bo’Imagan mato bilan tozalang.
Mashinani qasmoqdan tozalash	Mashina sizdan qasmoqdan tozalashni so’raganida	HOLAT -> QASMOQDAN TOZALASH.Mashinani qasmoqdan tozalash uchun ko’rsatmalarni bajaring. Qasmoqdan tozalash zarur bo’lganida mashina uni qasmoqdan tozalashni so’raydi, boshlash uchun OK tugmasini bosing va ko’rsatmalarni bajaring.

Damlash guruhini tozalash

Damlash guruhini muntazam tozalash ichki konturlarni qahva qoldiqlari bilan tiqilib qolishdan saqlaydi. Ekranda "Holat" menyusiga kiring va "Damlash guruhini tozalash" bandini tanlang yoki kiritish va tozalashni qanday amalga oshirishga oid yordamchi videolarni tomosha qilish uchun www.saeco.com/care manziliga kiring.

Damlash guruhining jo'mrak tagida tozalash

1 "Holat" belgisini bosing va "Damlash guruhini tozalash" bandini tanlash uchun chapdan o'ngga aylantiring.
2 Tasdiqlash uchun tasdiqlash belgisini bosing va ekrandagi ko'rsatmalarga amal qiling.

Damlash guruhini qahva moyini ketkazish tabletkasi bilan tozalash.

Faqat Philips qahva moyini ketkazish tabletkasini ishlating.

1 "Holat" belgisini bosing va "Damlash guruhini tozalash" bandini tanlash uchun chapdan o'ngga aylantiring.
2 Tasdiqlash uchun tasdiqlash belgisini bosing va ekrandagi ko'rsatmalarga amal qiling.

Damlash guruhini moylash

Mashinangiz samaradorligini yaxshilash maqsadida qismlar silliq harakatlanayotganiga ishonch hosil qilish uchun damlash guruhini har 2 oyda moylab turishingizni maslahat beramiz.

1 Damlash guruhining porsheniga (kulrang qism) ingichka qilib moy surting (Rasm 27).
2 Damlash guruhining tag qismidagi valga (kulrang qism) ingichka qilib moy surting (Rasm 28).
3 Ikki yon tarafdagi yordamchi relslarga ingichka qilib moy surting (Rasm 29).

Ichki kapuchinator uchun tozalash dasturlari

i Mashina sizga ichki kapuchinatorni qachon tozalashni aytadi.

Mashinada ichki kapuchinatorni tozalash uchun uchta dastur mavjud:

• "HygieSteam Shot": mashina sutli ichimlikni tayyorlash davomida ichki kapuchinatorni tez chayish uchun uning ichidan bug' o'tkazadi.
• "HygieSteam": mashina ichki sut tizimini bug' bilan yaxshilab chayadi. HygieSteam konteyneri mashinaga to'g'ri joylangan (Rasm 30) va biriktirilganini tekshiring (Rasm 31). Sut naychasi tutqichiga sut naychasini joylang (Rasm 32) va ekrandagi ko'rsatmalarga amal qiling.
• "Sutdan chuqur tozalash": Ichki sut tizimini yaxshilab tozalash uchun Philips sut zanjirini tozalash vositasi bilan "Sutdan chuqur tozalash" jarayonini amalga oshiring.

Jo'mrak tagida ichki kapuchinatorni tozalash

1 Ichki kapuchinator eshigini oching (Rasm 33).
2 Ichki kapuchinatorni pastga tortish orqali uni chiqaring (Rasm 34).
3 Ichki kapuchinator yuqori qismidan quyi qismini tortish orqali uni qismlarga ajrating (Rasm 35).
4 Barcha qismlarini ajrating (Rasm 36) va ularni jo'mrak tagida tozalang.
5 Ichki kapuchinatorni qayta yig'ing.
6 Ichki kapuchinatorni qayta joyiga qo'yish uchun uni tik holatda qo'ying va teshiklarni mashinadagi ikkita naychaga moslang. Keyin ichki kapuchinatorni joyiga mahkamlangunigacha yuqoriga harakatlantiring (Rasm 1).
7 Eshikni yoping.

Batafsil video ko'rsatmalar uchun www.saeco.com/care sahifasiga kiring.

Qasmoqdan tozalash jarayoni

Faqat Philips qasmoqdan tozalash vositasidan foydalaning. Hech qanday holatda sulfat kislota, gidroxlorid kislota, sulfamik kislota yoki sirka kislotasi (sirka) asosidagi qasmoqdan tozalash vositasidan foydalanmang, chunki bu mashinangizdagi suv aylanishiga zarar yetkazishi mumkin va qasmoqni to'g'ri eritib yubormaydi. Philips qasmoqdan tozalash vositasini ishlatmaslik, sizga berilgan kafolat bekor qilinishiga olib keladi. Jihozni qasmoqdan tozalash amalga oshmasligi ham sizga berilgan kafolatni bekor qiladi. Philips qasmoqdan tozalash vositasini mahalliy yoki onlayn dilerdan yoki vakolatli xizmat markazlaridan xarid qilishingiz mumkin.

1 Mashina sizdan uni qasmoqdan tozalashni so'raganida boshlash uchun tasdiqlash √ tugmasini bosing. Mashinani ogohlantirishisiz qasmoqdan tozalashni boshlash uchun "Holat" belgisini bosing va "Qasmoqdan tozalash" bandini bosing.

2 Tomchi novi, qahva quyqasi idishi va HygieSteam idishini (Rasm 22) olib tashlang, ularni bo'shating va qaytarib joyiga qo'ying.

3 Suv idishni chiqaring va uni bo'shating. Keyin AquaClean filtrini olib tashlang.

4 Philips qasmoqdan tozalash vositasining butun idishini suv idishiga soling va keyin uni CALC CLEAN darajasigacha suv bilan to'Idiring (Rasm 37). Keyin suv idishni mashinaga qayta joylang.

5 Qahva dispenseri tagiga katta idish (1,5 litr) qo'ying.

6 HygieSteam konteyneri mashinaga to'g'ri joylangan (Rasm 30) va biriktirilganini tekshiring (Rasm 31). Sut naychasini sut naychasi tutqichiga joylang.

7 Qasmoqdan tozalash jarayonini boshlash uchun ekrandagi ko'rsatmalarga amal qiling. Qasmoqdan tozalash jarayoni taxminan 30 daqiqa davom etadi va qasmoqdan tozalash siklidan va chayish siklidan iborat bo'ladi.

8 Qasmoqdan tozalash jarayoni yakunlangach, suv idish va suv konturini chayishingiz kerak. Ekrandagi ko'rsatmalarga rioya qiling.

9 Suv idishga yangi AquaClean filtrini joylang va uni faollashtiring (Qarang: 'AquaClean suv filtrini faollashtirish (5 daq.)').

Maslaxat: AquaClean filtridan foydalanish, qasmoqdan tozalash zaruratini kamaytiradi!

Qasmoqdan tozalash jarayoni to'xtatilsa, nima qilish kerak

Boshqaruv panelidagi on/off belgisini bosib, qasmoqdan tozalash jarayonidan chiqib ketishingiz mumkin. Agar qasmoqdan tozalash jarayoni jarayon to'liq yakunlashidan avval to'xtatilsa, suv idish yoki suv konturida biroz qasmoqdan tozalash suyuqligi qolgan bo'lishi mumkin. Bu holatda quyidagini bajaring:

1 Suv idishni bo'shating va uni yaxshilab chaying.
2 Suv idishini uning CALC CLEAN indikatorigacha toza suv bilan to'Idiring va mashinani qaytadan yoqing. Mashina qiziydi va avtomatik chayish siklini bajaradi.
3 Har qanday ichimlikni damlashdan avval qo'lda chayish siklini amalga oshiring. Oddiy usulda chayish siklini bajarishdan avval suv idishning yarmiga qaynoq suv quying va yanchilgan qahva solmasdan 2 finjon yanchilgan qahva damlash amalini bajaring.

Izoh: Agar qasmoqdan tozalash jarayoni yakunlanmagan bo'lsa, mashina tez orada boshqa qasmoqdan tozalashni talab qiladi.

Xatolik kodlari

Quyida siz mustaqil bartaraf qila oladigan muammolarning xatolik kodlari ro'yxatini topishingiz mumkin. Video ko'rsatmalarni www.saeco.com/care sahifasidan olishingiz mumkin. Agar boshqa xatolik kodi paydo bo'lsa, mamlakatingizdagi mijozlarga yordam xizmati markaziga murojaat qiling. Aloqa tafsilotlari uchun kafolat varaqasiga qarang.

Xatolik Muammo Ehtimoliy yechim kodi

01 Qahva voronkasi to'silgan.	Mashinani o'chirib, tarmoqdan uzing. Damlash guruhini chiqaring.Keyin yanchilgan qahva bo'linmasining qopqog'ini oching va uning ichiga qoshiq dastasini kiriting. Tiqilib qolgan qahva pastga tushmaguncha dastani tepaga va pastga suring. Bu saytga kiring:www.saeco.com/caremanziliga kiring.
03 Damlash guruhi kirlangan yoki yaxshi moylanmagan.	Mashinani o'chiring. Damlash guruhini toza suv bilan chaying, uni havoda quriting va keyin uni moylang (Qarang: 'Damlash guruhini moylash'). "Damlash guruhining tozalash" bobiga qarang yoki ushbu manzilga kiring:www.saeco.com/caremanziliga kiring.Keyin mashinani qaytadan yoqing.
04 Damlash guruhi to'g'ri o'rnashmagan.	Mashinani o'chiring. Damlash guruhini chiqaring va qaytadan kiriting. Damlash guruhini mashinaga qayta kiritishdan avval u to'g'ri o'rinda ekaniga ishonch hosil qiling. "Damlash guruhiga ishlov berish" bobiga qarang yoki ushbu saytga kiring:www.saeco.com/caremanziliga kiring. Keyin mashinani qaytadan yoqing.
05 Suv konturida havo bor. Mashinani o'chirib yoqish orqali qayta ishga tushiring. Agar bu ish bersa, 2-3 finjon qaynoq suv quyib oling. Agar uzoq vaqt davomida qasmoqdan tozalamagan bo'lsangiz, shuni amalga oshiring.

Xatolik Muammo Ehtimoliy yechim kodi

	AquaClean suv filtrio'rnatish avval to'g'ritayyorlamagan yokitiqilib qolgan.	AquaClean filtrini chiqaring va qahva damlashga qayta urining.Agar bu ish bersa, AquaClean suv filtrini qaytib joyiga qo'yishdanavval u to'g'ri tayyorlanganiga ishonch hosil qiling (Qarang:'AquaClean suv filtrini faollashtirish (5 daq.)'). AquaClean suvfiltrini suv idishga qaytib joylang. Agar bu hamon ish bermasa,demak filtr tiqilib qolgan bo'lishi mumkin va u almashtirilishilozim.
11 Mashina xona haroratigamoslashishi kerak		Mashinaga transportdagi/tashqaridagi haroratdan xonaharoratiga moslashish imkonini bering. Mashinani 30 daqiqagao'chiring va qaytadan yoqing. Agar bu ish bermasa,mamlakatingizdagi mijozlar yordam xizmati markaziga murojaatqiling. Aloqa tafsilotlari uchun kafolat varaqasiga qarang.
14 Mashina qizib ketgan. Mashinani o'chiring va 30 daqiqadan keyin qayta yoqing.
19 Mashina tarmoqqato'g'ri ulanmagan.		Quvvat kabelining kichik vilkasi mashinaning orqa tarafidagirozetkaga to'g'ri ulanganiga ishonch hosil qiling.

Aksessuarlarga buyurtma berish

Mashinani tozalashda, jumladan, qasmoqdan tozalashda faqat Philips profilaktika mahsulotlarini ishlating. Bu mahsulotlarni onlayn dilerdan yoki vakolatli xizmat markazlaridan Amazon Smart Reorders xizmatini yoqish orqali xarid qilish mumkin.

i Amazon Smart Reorders xizmatidan foydalana olish uchun dastlab ushbu xizmatni Amazon orqali yoqishingiz kerak. Keyin Amazon hisobingizni Saeco hisobingizga ulash uchun mashinangiz ekranidagi ko'rsatmalarga amal qiling. Bu bosqichlarni yakunlaganingizdan keyin Amazon Smart Reorder xizmatidan foydalanishingiz mumkin.
i Mashinaning boshqaruv panelidagi "Do'kon" menyusida mahalliy dilerlardagi Philips profilaktika mahsulotlari va aksessuarlarini ko'rishingiz mumkin.

Ehtiyot qismlarning to'liq ro'yxatini onlayn olish uchun mashinangiz turining raqamini kiriting. Turi raqamini xizmat ko'rsatish eshigi ichida topish mumkin.

Profilaktika mahsulotlari va tur raqamlari:

• Qasmogdan tozalash eritmasi CA6700
• AquaClean filtri CA6903
• Damlash guruhining moylash materiali HD5061
• Qahva moyini ketkazish tabletkasi CA6704
• Sut zanjirini tozalash vositasi CA6705
• Profilaktika paketi CA6707

Dasturiy yangilanishlar

Yangilash maxfiyligingizni va qahva mashinangizning kutilganidek ishlashini ta'minlash uchun juda muhimdir. Mashinangizning oddiy usulda yoki avtomatik ravishda yangilanishini sozlashingiz mumkin.

i Avtomatik yangilashni tanlaganingizdan keyin mashina tunda dasturiy yangilanishlarni olishi uchun u tunda ham elektr tarmog'iga ulangani va Wi-Fi yoqilganini tekshiring.
i Yangilanishlar mashina uchun dasturiy yangilanishlar, yangi funksiyalar chiqqanida va ehtimoliy xavfsizlik muammosining oldini olish uchun chiqariladi.

i Majburiy mikrodastur yangilanishlari qahva mashinasi kutish rejimida ekanida avtomatik ravishda boshlanadi. Mikrodastur yangilanishi davomida qahva mashinasidan foydalanish imkonsiz.

Muammolarni bartaraf qilish

Bu bobda mashina bilan ishlashda yuzaga keluvchi eng ko'p tarqalgan muammolar sanab o'tilgan. Yordamchi videolar va savol-javoblarning to'liq ro'yxatini www.saeco.com/care veb-saytida topish mumkin. Agar muammoni hal qila olmasangiz, mamlakatingizdagi mijozlar markaziga murojaat qiling. Aloqa tafsilotlari uchun kafolat varaqasiga qarang.

Muammo Sabab Yechim

Yangi qahva mashinasi ichida qahva qoldiqlari bor.	Bu mashina qahva bilan sinalgan. U yaxshilab tozalangan bo'lsa ham, unda qahva qoldiqlari qolib ketgan bo'lishi mumkin. Lekin mashina mutlaqo yangi.
Mashina DEMO rejimida. Kutish rejimi belgisini 8 soniyadan ortiq bosdingiz.		Quvvat shnurini uzib, qayta ulash orqali mashinani o'chirib yoqing.
Tomchi novi tez to'ladi/tomchi novida har doim biroz suv bo'ladi.	Bu normal holat. Mashina ichki tizimni va damlash guruhini chayishda suv ishlatadi. Ma'lum miqdordagi suv ichki tizimdan to'g'ri tomchi noviga o'tadi.	Tomchi novini har kuni yoki "tomchi novi to'ldi" qizil indikatori tomchi novi qopqog'idan qalqib chiqishi bilanoq, tomchi novini bo'shating. Maslaxat: oqayotgan chayish suvini quyib olish uchun dispenser tagiga finjon qo'ying.
"Qahva quyqasi idishini bo'shating" belgisi yonishda davom etyapti.	Mashina devordagi rozetkadan uzilganida qahva quyqasi idishini bo'shatgansiz yoki uni joyiga juda tez qo'ygansiz.	Qahva quyqasi idishini chiqaring, kamida 5 soniya kutib, uni qayta joylang.
Qahva quyqasi konteyner to'Imagan bo'lsa ham, mashina konteyneri bo'shathni taklif qiladi.	Oxirgi safar qahva quyqasi idishini bo'shatganingizda, mashina hisoblagichni asliga keltirmagan.	Qahva quyqasi idishini qayta joyiga qo'yishdan avval, taxminan 5 soniya kuting. Shu yo'l bilan qahva briketchalari hisoblagichi nol holatiga keltiriladi va qahva briketchalari soni to'g'ri sanaladi.
Qahva quyqasi idishi to'lib ketgan va "qahva quyqasi idishini bo'shating" belgisi displayda chiqmadi.	Siz qahva quyqasi konteynerini bo'shatmasdan tomchi novini olib tashlagansiz.	Tomchi novini yechganingizda, garchi qahva quyqasi idishing ichida necha qahva briketchalari bor bo'lsa ham, uni bo'shating. Bu qahva briketchalari hisoblagichi nol holatiga keltirilishi va qahva briketchalari soni to'g'ri sanalishini ta'minlaydi.
Damlash guruhini chiqara olmayapman.	Damlash guruhi to'g'ri joylashmagan.	Quyidagi yo'l bilan mashinani qayta o'rnating: xizmat ko'rsatish eshigini yoping va suv idishini o'z o'rniga joylang. Qahva mashinasini o'chirib yoqing va ichimlik belgisidagi chiroqlar yonishini kuting. Damlash guruhini chiqarishga qayta urining. Bosqichma-bosqich yo'riqlar uchun "Damlash guruhini kiritish va chiqarish" bobiga qarang.

Muammo Sabab Yechim

Damlash guruhini kirita olmayapman.	Damlash guruhi to’g’ri joylashmagan.	Quyidagi yo’l bilan mashinani qayta o’rnating: xizmat ko’rsatish eshigini yoping va suv idishini o’z o’rniga joylang. Damlash guruhini chetga qo’ying. Mashinani o’chirib, tarmoqdan uzing. 30 soniya kutib, mashinani qayta ulang, uni yoqing va ichimlik belgilaridagi chiroqlar yonishini kuting. Keyin damlash guruhini to’g’ri joyga joylang va uni mashinga qayta kiriting. Bosqichma-bosqich yo’riqlar uchun “Damlash guruhini kiritish va chiqarish” bobiga qarang.
Qahva suvli. Damlash guruhi kirlangan yoki moylanishga muhtoj.		Damlash guruhini chiqaring, uni jo’mrak tagida chaying va quritishga qoldiring. Keyin harakatlanadigan qismlarni moylang (Qarang: 'Damlash guruhini moylash').
	Mashina o’zini sozlash jarayonini amalga oshiradi. Bu jarayon mashinadan ilk bor foydalaningizda, boshqa qahva donlariga o’tganingizda yoki uzoq vaqt foydalanmagandan keyin avtomatik ravishda ishga tushadi.	Mashina o’zini sozlash jarayonini yakunlashi uchun siz 5 finjon qahva damlashingiz kerak bo’ladi.
	Yanchgichda juda yirik yanchish sozlamasi o’rnatilgan.	Yanchgichni maydaroq (quyiroq) sozlamaga sozlang. Farqni to’liq his qilishingiz uchun 2-3 ta ichimlik damlang.
Qahva yetarlicha issiq emas.	Harorat juda past qilib sozlangan.	Haroratni maksimal sozlamaga sozlang (Rasm 38).
	Sovuq finjon ichimlik haroratini pasaytiradi.	Finjonlarni qaynoq suv bilan chayib, isitib oling.
Sut qo’shish ichimlik haroratini pasaytiradi.		Issiq yoki sovuq sut qo’shishingizdan qat’iy nazar, sut qo’shish har doim qahva haroratini pasaytiradi. Finjonlarni qaynoq suv bilan chayib, isitib oling.
Qahva chiqmayapti yoki juda sekin chiqyapti.	AquaClean suv filtri, o’rnatish uchun to’g’ri tayyorlanmagan.	AquaClean filtrini chiqaring va biroz issiq suv quying. Agar bu ishlasa, AquaClean filtri to’g’ri o’rnatilmagan bo’ladi. AquaClean filtrini qayta o’rnating hamda faollashtiring va “AquaClean suv filtri” bobidagi barcha ko’rsatmalarga amal qiling.
		Uzoq vaqt ishlatilmagandan keyin, AquaClean suv filtrini qayta ishlatishga tayyorlashingiz va 2-3 finjon issiq suv quying.

Muammo Sabab Yechim

	AquaClean suv filtri to'silib qolgan.	AquaClean suv filtrini har 3 oyda almashtiring. 3 oydan uzoq ishlayotgan filtr tiqilib qolishi mumkin.
	Yanchgich juda mayda yanchishga sozlangan.	Yanchgichni yirikroq (yuqoriroq) yanchishga sozlang. Bu qahva ta'miga ta'sir ko'rsatishini e'tiborga oling.
Damlash guruhi kirlangan. Damlash guruhini chiqaring va uni jo'mrak tagida chaying (Qarang: 'Damlash guruhining jo'mrak tagida tozalash').
Qahva dispenseri kirlangan. Qahva dispenserini va uning teshiklarini naycha tozalagich yoki igna bilan tozalang.
	Yanchilgan qahva bo'linmasi to'silgan	Mashinani o'chiring va damlash guruhini chiqaring. Yanchilgan qahva bo'linmasining qopqog'ini oching va uning ichiga qoshiq dastasini kiriting. Tiqilib qolgan qahva pastga tushmaguncha, dastani tepaga va pastga yuriting (Rasm 24).
	Mashina konturi qasmoq bilan to'silib qolgan.	Mashinani Philips qasmoqdan tozalash vositasi bilan qasmoqdan tozalang (Qarang: 'Qasmoqdan tozalash jarayoni'). Mashina sizga eslatganida har doim qasmoqdan tozalang.
Sut ko'pirmayapti. Ichki kapuchinator kir yoki to'g'ri kiritilmagan.		Ichki kapuchinatorni tozalang va uni to'g'ri joylaganingizga va kiritganingizga ishonch hosil qiling (Qarang: 'Jo'mrak tagida ichki kapuchinatorni tozalash').
	Ishlatilayotgan sut ko'pirtirishga mos emas.	Turli sutlar, turli ko'pik miqdorini va sifatini beradi.
Sut sachrayapti. Siz ishlatadigan sut yetarlicha sovuq emas.		Bevosita muzlatkichdan olingan sovuq suvdan foydalaning.
Egiluvchan sut naychasi to'g'ri ulanmagan.		Qahva dispenseri jo'mragining eshigini oching (Rasm 33) va egiluvchan sut naychasi kapuchinatorga to'liq ulanganini tekshiring (Rasm 39). Unutmang, kapuchinator va sut naychalari issiq bo'lishi mumkin. Ularga tegishdan avval kapuchinator va naychalar sovishini kuting.

Muammo Sabab Yechim

	Kapuchinator va sut naychalari toza emas.	Ichki kapuchinatorni chiqarib oling va qismlarga ajrating (Qarang: 'Jo'mrak tagida ichki kapuchinatorni tozalash'). Jo'mrak tagidagi barcha qismlarni chaying. Yaxshilab tozalash uchun Philips sut zanjirini tozalash vositasidan foydalaning va "Holat" va "Hygiesteam" menyusi orqali Sutdan chuqur tozalash jarayonini ishga tushiring. Unutmang, qismlar idish yuvish mashinasida tozalangan bo'lsa, ularga yegulik zarrachalari yoki yuvish vositasi qoldiqlari tiqilib qolishi mumkin. Ular to'silib qolmaganini vizual tekshirish ham tavsiya etiladi.
		HygieSteam dasturini har kuni ishga tushirishingizni tavsiya qilamiz: 1) Boshqaruv panelida "Holat" belgisini bosing. 2) "HygieSteam" bandini tanlang. 3) Keyin displaydagi barcha bosqichlarni tasdiqlang.
	Sut naychalari tiqilib qolgan. Har doim sut konteynerini muzlatkichda sut naychararisiz saqlang. Qolgan sut naychalari ichida to'planishi va sutning naychalar orqali oqishini bloklashi mumkin. Saqlashdan oldin sut naychararini chaying.
Mashinadan suyuqlik sizayotganga o'xshaydi.	Mashina ichki tizimni va damlash guruhini chayishda suv ishlatadi. Suv ichki tizimdan to'g'ri tomchi noviga o'tmoqda. Bu normal holat.	Tomchi novini har kuni yoki "tomchi novi to'lgan" qizil indikatori tomchi novi qopqog'idan qalqib chiqishi bilanoq bo'shating. Maslaxat: Chayish suvini quyib olish va tomchi novidagi suvni kamaytirish uchun dispenser tagiga finjon qo'ying.
	Tomchi novi to'lib ketganligi sababli, mashinadan suv sizayotgandek ko'rinadi.	Tomchi novini har kuni yoki "tomchi novi to'lgan" qizil indikatori tomchi novi qopqog'idan qalqib chiqishi bilanoq bo'shating.
	Suv idish to'liq kiritilmagan, suv idishdan suv oqib chiqyapti va mashina o'ziga havo tortyapti.	Suv idish to'g'ri o'rnashganiga ishonch hosil qiling: uni chiqaring va mashinaga iloji boricha uzoqroq kiriting.
	Damlash guruhi kirlangan/to'silgan.	Damlash guruhini chaying.
	Mashina horizontal yuzaga qo'yilmagan.	Tomchi novi to'lib ketmasligi, "tomchi novi to'lgan" indikatori esa to'g'ri ishlashi uchun mashinani horizontal yuzaga qo'ying.

Muammo Sabab Yechim

AquaClean suv filtrini faollashtira olmayapman va mashina qasmoqdan tozalashni so'ramoqda.	Filtr o'rnatilmagan yoki ekranda AquaClean eslatmasi chiqqanidan keyin o'z vaqtida almashtirilmagan. Bu mashinangiz qasmoqdan butunlay xalos bo'Imaganligini anglatadi.	Avval mashinani qasmoqdan tozalang va keyin AquaClean suv filtrini o'rnating.
Yangi suv filtri mos kelmayapti.	AquaClean suv filtridan boshqa filtr o'rnatmoqchi bo'lyapsiz.	Mashinaga faqat AquaClean suv filtri mos tushadi.
	AquaClean suv filtridagi rezina halqa o'z joyida emas.	AquaClean suv filtridagi rezina halqani o'z joyiga qo'ying.
Mashinadan baland shovqin chiqyapti.	Ish davomida mashina biroz shovqin chiqarishi normal holat.	Agar mashina boshqacha shovqin chiqarishni boshlasa, damlash guruhini tozalang va uni moylang (Qarang: 'Damlash guruhini moylash').
	AquaClean suv filtri to'g'ri tayyorlanmagan va mashina endi o'ziga havo tortyapti.	AquaClean suv filtrini suv idishdan chiqaring va uni joyiga qo'yishdan oldin ishlatishga to'g'ri tayyorlang. Bosqichma-bosqich yo'riqlar uchun “AquaClean suv filtri” bobiga qarang.
	Suv idish to'liq kiritilmagan va mashina o'ziga havo tortyapti.	Suv idish to'g'ri o'rnashganiga ishonch hosil qiling: uni chiqaring va mashinaga iloji boricha uzoqroq itarib kiriting.
Mashinani tarmoqqa birinchi marta ulashga uringanimda, mashina Wi-Fi tarmoqqa ulana olmayapti.	Wi-Fi nomi va paroli to'g'ri emas.	Wi-Fi nomi va parolini tekshiring.
	Qahva mashinasi va Wi-Fi routeri bir-birining diapazonida emas.	Qahva mashinasi va Wi-Fi routeri bir-birining diapazonida ekanini tekshiring yoki Wi-Fi retranslyatordan foydalaning.
Mashina uy Wi-Fi tarmog'ini topa olmayapti.	Wi-Fi router kutilganidek ishlamayapti.	Wi-Fi router kutilganidek ishlayotgani va Internetga ulanganini tekshiring.
	Mashina router diapazonida emas.	Mashina router diapazonida ekanini tekshiring. Wi-Fi signal retranslyatoridan foydalanishingiz ham mumkin.
	Qahva mashinasi ulanishga urinayotgan router 5 GGs juft tarmoqda ishlaydi va qahva mashinangiz 2,4 GGs tarmoqqa ulanishga harakat qilmayapti.	5 GGs tarmoqlar qo'llab-quvvatlanmaydi. Routeringizdagi 5GGs diapazonni vaqtincha o'chiring va qahva mashinangizni ayni routerning boshqa dizapazoniga (2,4 GGs) qayta ulashga urining. Juftlanganidan keyin 5 GGs diapazoningizni qayta yoqing

Muammo Sabab Yechim

Alexa va Amazon Smart Reorders xizmatlarini hali ishlata olmayapman.	Hali Amazon hisobingizni Saeco hisobingizga ulamagansiz.	Alexa voice control va Amazon Smart Reorders xizmatlaridan foydalana olish uchun Amazon hisobingizni Saeco hisobingizga ulash uchun boshqaruv panelidagi ko’rsatmalarga amal qiling.
		Izoh: Bu funksiyalardan foydalana olish uchun sizda Alexa ilovasi yoki Alexa qurilmasi bo’lishi kerak va Amazon orqali Smart Reorders xizmatini yoqishingiz kerak.
Mashina avval Wi-Fi tarmoqqa ulangan, lekin endi ishlamayapti.	Wi-Fi tarmoq nomi va/yoki parolingiz o’zgartirilgan.	“Wi-Fi tarmog’iga ulanish” bo’limidagi ko’rsatmalarga amal qiling va ulanish uchun yangi Wi-Fi nomidagi tarmoqni tanlang.
	Wi-Fi paroli o’zgardi. “Wi-Fi tarmog’iga ulanish” bo’limidagi ko’rsatmalarga amal qiling va yangi Wi-Fi parolini kiriting.
	Wi-Fi routeringiz kutilganidek ishlamayapti.	Routerni tekshiring va u ishlayotganiga ishonch hosil qiling.
	Wi-Fi ulanishiga elektromagnitli yoki boshqa to’siqlar xalaqit berishi mumkin.	To’siqlarni yuzaga keltirishi mumkin bo’lgan boshqa elektron qurilmalardan uzoqda saqlang.
	Yuqorida keltirilgan yechimlarning hech biri ishlamadi.	Wi-Fi ulanishini qayta tekshirish uchun mashinani o’chiring va uni uzing, keyin qayta ulang va uni qayta yoqing.

Texnik xususiyatlar

Ishlab chiqaruvchi mahsulotning texnik xususiyatlarini yaxshilash huquqini o'zida saqlab qoladi. Ko'rsatilgan miqdorlarning barchasi taxminiydir.

Tavsif Qiymat

O’Ichami (e x b x ch) 262 x 383 x 448 mm
Og’irligi 8,3 - 8,8 kg
Quvvati shnuri uzunligi 1200 mm
Suv idish 1,8 litr
Donlar idishi sig’imi 300 gr.
Qahva quyqasi idishining sig’imi 12 ta briketcha
Sut konteyneri sig’imi 600 ml
Balandligi sozlanadigan dispenserning balandligi 87 - 147 mm
Nominal kuchlanish - Nominal quvvat - Quvvat ta’minoti	Xizmat ko’rsatish eshigi ichidagi ma’lumot yorlig’iga qarang

Muvofiqlik deklaratsiyasi

Ushbu bilan DAP B.V. SM6685, SM6682 va SM6680 to'liq avtomatik espresso mashinalari Yevropa Ittifoqining 2014/53/EU-sonli direktivasiga muvofiqligini ma'lum qiladi.

Yevropa Ittifoqi muvofiqlik deklaratsiyasining to'liq matni quyidagi internet manzilida mavjud:

https://www.saeco.com.

SM6685, SM6682 va SM6680 to'liq avtomatik espresso mashinalari Wi-Fi moduli, 2,4 GGs 802.11 b/g/n (1..13 kanallari) bilan jihozlangan. Maksimal o'tkazish quvvati <100 mVt(20 dBm).

Wi-Fi

Qahva mashinasi – (YI) 801/2013-raqamli qonuniga muvofiq tarmoq qurilmasidir va u 2.4 GGs 802.11 b/g/n tarmog'iga doimiy ulanish uchun mo'ljallangan.

Spis treści