CKF3144V - Réfrigérateur Elvita - Ókeypis notendahandbók

NOTENDAHANDBÓK CKF3144V Elvita

Lestu notkunarleiðbeiningarnar vandlega áður en varan er tekin í notkun. Geymdu notkunarleiðbeiningarnar til uppflettinga síðar.

Hreinsun og umhirða 79

Lýsing á vörunni....81

Snúa hurðinni við 81

Förgun tækis. 83

Lestu þessar notkunarleiðbeiningar (þar með talið ábendingar og viðvaranir) áður en þú setur upp og tekur tækið í notkun í fyrsta skipti, til að tryggja öryggi þitt og rétta notkun. Til að koma í veg fyrir ónauðsynleg mistök og slys, er mikilvægt að allir notendur tækisins þekki til hlítar hvernig það starfar og öryggisbúnað. Geymdu þessar notkunarleiðbeiningar og gakktu úr skugga um að þær fylgi tækinu ef það er fært til eða selt, þannig að hver sem notar tækið á endingartíma þess er upplýstur um rétta notkun tækisins og hvaða varúðarráðstafanir eru nauðsynlegar.

Vinsamlegast fylgdu öryggisleiðbeiningunum í notandahandbók þessari til að tryggja öryggi mannslífa og eigna.

Framleiðandinn tekur enga ábyrgð vegna skemmda sem hljótast af vanrækslu.

Öryggi fyrir börn og aðra berskjaldaða hópa

Börn frá 8 ára aldri og fólk með skerta líkamlega getu, skerta heyrn/sjón, skerta andlega getu eða án reynslu mega eingöngu nota tækið undir eftirliti ábyrgs einstaklings eða sé þeim kennd örugg notkun tækisins og þau

geri sér grein fyrir öllum þeim hættum sem fylgja notkuninni. Börn mega aldrei leika sér með tækið.

Börn mega ekki hreinsa eða viðhalda tækinu án eftirlits. Geymdu allt umbúðaefni þar sem börn ná ekki til (köfnunarhætta).

Ef þú ætlar að farga tækinu, skaltu taka aftengja það frá vegginnstungunni, skera síðan á snúruna eins nálægt tækinu og hægt er og taka af því hurðina þannig að börn að leik eigi ekki hættu á rafstuði eða orðið innlyksa í tækinu.

Ef þetta tæki kemur í stað eldra tækis sem útbúið er krækjulás á hurð eða loki, vertu þá viss um að gera læsinguna ónothæfa áður en þú fargar tækinu. Þetta kemur í veg fyrir að það verði að dauðagildru fyrir barn.

Almennt öryggi

VIDVÖRUN! Þetta tæki er ætlað til notkunar á heimilum og sambærilegum stöðum, til dæmis: í starfsmannaeldhúsum í verslunum, skrifstofum og öðrum vinnustöðum; af gestum á hótelum, mótelum og öðrum álíka gististöðum; á bóndabýlum; á gistiheimilum; á veitingaþjónustum og öðrum álíka sem ekki er smásölurekstur.

VIDVÖRUN! Ekki geyma efni í tækinu sem geta skapað sprengihættu, eins og úðabrúsa sem innihalda eldfiman aflgjafa.

VIDVÖRUN! Hafi rafmagnssnúran skemmst skal skipt um hana af framleiðanda, þjónustufulltrúa framleiðanda eða öðrum til þess bærum einstaklingum (skemmd rafmagnsleiðsla er hættuleg).

VIDVÖRUN! Sjáðu til þess að engin fyrirstaða sé fyrir loftopum tækisins, hvort sem um er að ræða loftop inni í eða á utanverðu tækinu.

VIDVÖRUN! Ekki nota nein tæki eða aðrar leiðir til að hraða afþíðingu, önnur en þau sem framleiðandinn ráðleggur að nota.

VIDVÖRUN! Ekki skemma kælirásina.

VIDVÖRUN! Ekki nota nein raftæki inni í matgeymsluhólfum tækisins, nema þau séu af gerð sem framleiðandi tækisins mælir með.

VIDVÖRUN! Kæliefni og einangrunarfroða eru eldfim. Þegar tækinu er fargað skal það eingöngu gert á viðurkenndri sorpstöð. Ekki staðsetja tækið nálægt eldi.

Kæliefni

Ísóbútan kæliefni (R600a) er notað í kælikerfi tækisins. Það er náttúrulegt gas sem er tiltölulega umhverfisvænt en er engu að síður eldfimt. Meðan á flutningi og uppsetningu stendur skaltu ganga úr skugga um að engir hlutir kælikerfisins verði fyrir skemmdum. Kæliefnið (R600a) er eldfimt.

VIDVÖRUN! Eldhætta/eldfimt efni

Ef kælikerfið er skaddað: - Forðastu opinn eld og hita og neistagjafa. - Loftræstu kyrfilega herbergið sem tækið er staðsett í. Það er hættulegt að breyta hönnun eða breyta tækinu á nokkurn hátt. Allar skemmdir á rafmagnssnúrunni geta leitt til skammhlaups, elds og/eða rafstuðs.

Öruggt rafmagn

1. Ekki nota framlengingu með rafmagnssnúrunni.
2. Gakktu úr skugga um að klóin sé ekki brotin eða skemmd. Brotin eða skemmd kló getur ofhitnað og valdið eldsupptökum.
3. Vertu viss um að þú hafir aðgang að kló tækisins.
4. Togið ekki í rafmagnssnúruna.
5. Ef innstungan er laus í sér, skaltu ekki tengja tækið við hana. Hætta væri á rafstuði eða eldsupptökum.
6. Þú skalt ekki nota tækið án innri lampahlífar.

Tækið er hannað til notkunar með 220–240 V AC/50 Hz, 1-fasa. Ef

staðbundnar spennusveiflur verða til þess að spennan getur sveiflast utan þessara marka, þá skal tengja sjálfvirkan spennustilli milli vegginnstungunnar og tækisins og skal hann vera gildur fyrir að lágmarki 350 W.

Ekki tengja önnur tæki við sömu innstungu og tækið er tengt við. Vegginnstungan og klóin skulu vera jarðtengd.

Dagleg notkun

Ekki geyma eldfim gös eða vökva í tækinu, slíkt leiðir til hættu á sprengingu.

Ekki nota nein raftæki inni í tækinu (t.d. rafknúinn rjómaísbúnað, blandara ofl).

Aftengdu tækið ætíð með því að taka í klónna, ekki með því að toga í snúruna.

Ekki setja heita hluti nálægt plast hlutum tækisins.

Geymdu forpakkaðan frosinn mat í samræmi við leiðbeiningar framleiðandans.

Fara skal stranglega eftir geymsluráðleggingum framleiðanda tækisins. Skoðaðu viðkomandi geymsluleiðbeiningar.

Ekki setja freyðidrykki eða drykki sem innihalda koltvísýring í frystihólfið, þar sem innri yfirþrýstingur myndast í flöskunni og getur hún þá splundrast og leitt til skemmda á tækinu.

Frosin matvæli geta valdið frostbruna ef þeirra er neytt beint úr frystinum.

Ekki staðsetja tækið þannig að sólargeislar skíni beint á það.

Haltu kertum, lömpum og öðrum óvörðum eldgjöfum fjarri tækinu til að forðast eldhættu.

Tækið er ætlað til að geyma mat og drykki við venjulegar heimilisþarfir eins og þær eru skilgreindar í þessari handbók. Tækið er þungt. Farðu varlega þegar það er flutt.

Ekki fjarlægja eða snerta hluti í frystihólfinu ef hendur þínar eru blautar eða rakar þar sem slíkt getur leitt til frostbruna eða áverka.

Aldrei má nota undirstöðu, skúffur, hurðir og svo framvegis til að standa á eða til stuðnings.

Frosin matvæli má ekki frysta á ný eftir að þau hafa verið afþídd.

Ekki neyta íspinna eða ísmola beint úr frystinum þar sem slíkt getur valdið frostbruna á munn og vörum.

Varúð! Hreinsun og umhirða

Áður en þú sinnir viðhaldi á tækinu, skaltu slökkva á tækinu og aftengja það frá vegginnstungunni.

Ekki hreinsa tækið með málmhlutum, gufutæki, ilmkjarnaolíu, lífrænum leysiefnum, eða hrjúfum hreinsiefnum.

Ekki nota hvassa hluti til að losa hrím frá tækinu. Notaðu plastsköfu.

Mikilvægt meðan á uppsetningu stendur!

Þegar þú tengir tækið skaltu fylgja vandlega leiðbeiningum í þessari notandahandbók.

Taktu umbúðirnar af tækinu og gakktu úr skugga um að engar skemmdir séu fyrir hendi. Ekki tengja tækið ef það er skemmt.

Láttu smásöluaðilann vita strax um skemmdir. Geymdu umbúðirnar ef skemmdir eru á tækinu.

Við ráðleggjum að þú leyfir tækinu að standa í að minnsta kosti 4 klukkustundir áður en þú tengir það, til að olían geti runnið aftur inn í þjöppuna.

Vertu viss um að nóg loftflæði sé kringum tækið, annars gæti það ofhitnað. Fylgdu leiðbeiningum um uppsetningu tækisins til að tryggja nægilegt loftflæði.

Ekki skal staðsetja afturhlið tækisins of nálægt vegg (svo framarlega sem það er hægt), til að koma í veg fyrir snertingu við heita hluti (þjappa, þéttir). Fylgdu leiðbeiningum um uppsetningu tækisins til að forðast hættu á eldsupptökum.

Ekki staðsetja tækið nálægt ofni eða hitaveituofni.

Vertu viss um að þú hafir aðgang að kló tækisins eftir að því hefur verið komið fyrir.

Þjónusta

Öll rafmagnsvinna sem fer fram meðan á þjónustu stendur skal unnin af viðurkenndum rafvirkja eða fagaðila.

Þessa vöru má aðeins þjónusta af viðurkenndu þjónustuveri og eingöngu má nota upprunalega varahluti.

Ath! Börn á aldrinum 3 til 8 ára mega taka vörur út úr og setja vörur inn í kæli/frysti.

Stjórnborð

Snúðu hnappnum réttsælis til að setja það í gang.

1:

Hæsta hitastig (hlýjasta stillingin).

7 (endastilling):

Lægsta hitastig (kaldast).

Mikilvægt! Við ráðleggjum að þú notir venjulega stillingar 2, 3 eða 4. Ef þú vilt stilla hitastigið hærra eða lægra, vinsamlegast snúðu takkanum í samsvarandi átt. Ef þú snýrð takkanum á lægri stillingu þá getur það leitt til orkusparnaðar og hærri stilling leiðir til meiri orkuneyslu.

Mikilvægt! Hátt hitastig í umhverfinu (til dæmis heitir sumardagar) og kalt val (stilling 6 eða 7) getur leitt til þess að þjappan starfi sleitulaust.

Ástæða: Þegar hitastig í umhverfinu er hátt þá verður þjappan að starfa sleitulaust til að viðhalda lágu hitastigi í tækinu.

Notkun í fyrsta skipti og uppsetning.

Hreinsun fyrir notkun

Áður en þú notar tækið í fyrsta skiptið, skaltu þvo það að innan og allan innri aukabúnað með volgu vatni og hlutlausu sápuefni, til að fjarlægja dæmigerða lykt af glænýju tæki og þurrkaðu síðan vandlega.

Mikilvægt! Ekki nota þvottaefni eða hrjúf púðurefni, þar sem þau skemma áferð.

Staðsetning Viðvörun!

Áður en tækið er sett upp, skaltu lesa leiðbeiningar vandlega í þágu eigin öryggis og til réttrar notkunar á tækinu.

Staðsettu tækið fjarri hitagjöfum svo sem eldavélum, hitaveituofnum, beinu sólarljósi o.s.frv.

Besti árangur og mesta öryggi eru tryggð með því að viðhalda stöðugu kjörhitastigi innanhúss fyrir hlutaðeigandi gerð tækis, eins og lýst er á merkiplötu.

Þetta tæki gefur góða raun í veðurfarsflokki ST. Möguleiki er á að tækið virki ekki sem skyldi ef það er skilið eftir í lengri tíma við hitastig hærra eða lægra en uppgefið bil.

Mikilvægt! Góð loftræsting kringum tækið er nauðsynleg til að dreifa hitanum á áhrifaríkan hátt og til að tryggja hagkvæma notkun og lága orkuneyslu. Gakktu því úr skugga um að nóg laust rými sé kringum tækið. Við mælum með að lágmarki 75 mm laust rými á afturhlutanum, að minnsta kosti 100 mm yfir tækinu og meðfram hliðum og nóg pláss fyrir framan tækið til að geta opnað hurðina allt að 160°.

Loftlagsflokkur Umhverfishitastig
SN 10–32°C

Ekki má rigna á tækið. Vertu viss um að nóg loft geti streymt um neðri bakhlið tækisins, þar sem lítið loftstreymi getur haft áhrif á virkni. Innbyggð tæki skal staðsetja fjarri hitagjöfum eins og hitatækjum og beinu sólskini.

Rétta tækið af

Pað er mikilvægt að tækið standi rétt til að koma í veg fyrir titring. Vertu viss um að tækið standi upprétt og báðir stillifætur snerti tryggilega gólfið. Stilltu (eftir þörf) hæðarstöðu tækisins með því að snúa stillifótum undir framhlið (notaðu fingurna eða skrúflykil).

Rafmagnstenging

Varúð! Öll rafmagnsvinna sem fer fram við uppsetningu tækis skal unnin af viðurkenndum rafvirkja eða fagaðila.

Viðvörun! Gakktu úr skugga um að tækið sé jarðtengt á réttan hátt. Framleiðandinn hafnar allri ábyrgð ef þessar öryggiskröfur eru ekki virtar.

Dagleg notkun

Fylgihlutir

Færanlegar hillur/bakkar

Ýmsar gler- eða plastgeymsluhillur eða vírbakkar fylgja með tækinu – ólíkar gerðir hafa mismunandi samsetningu og mismunandi gerðir hafa mismunandi eiginleika.

Hliðar ísskápsins eru útbúnar röð af rennum þannig að hægt er að staðsetja hillurnar eftir þörf.

Staðsetning á hurðarhillum

Til að hægt sé að geyma matarpakka af mismunandi stærðum, er hægt að staðsetja hurðarhillurnar í mismunandi hæð.

Til að hagræða skaltu smátt og smátt toga hilluna í þá átt sem örvarnar benda þangað til hún losnar og hagræddu henni á ný eftir þörf.

Grænmetisskúffa

Þessi skúffa hæfir til að geyma ávexti og grænmeti.

Frysting á ísmolum

Þessu tæki fylgja einn eða fleiri bakkar til ísmolagerðar.

Frysting á ferskum mat

Frystihólfið hentar til frystingar á ferskum mat og til að geyma frosinn og djúpfrystan mat í langan tíma.

Mesta magn af mat sem má frysta á 24 klst. er tilgreint á merkiplötu, það er merki sem má finna inni í tækinu.

Frystiferlið tekur 24 klst: meðan á því stendur skal ekki bæta við neinum mat til frystingar.

Geymsla á frosnum mat

Við fyrstu notkun eða ef tækið hefur staðið ónotað: áður en matur er settur í frystihólfið, leyfðu tækinu að vera í gangi í að minnsta kosti 2 klst á köldustu stillingu.

Mikilvægt!

Ef ófyrirséð afþíðing á sér stað, ef til dæmis rafmagnslaust hefur verið lengur en 15 klst, þá verður að neyta afþýdds matar fljótlega eða elda matinn strax og frysta síðan (eftir eldun).

Afþíðing á mat

Áður en djúpfrystur eða frosinn matur er notaður, má afþíða hann í ísskápnum eða við stofuhita, allt eftir því hve mikill tími er til stefnu.

Jafnvel má elda minni matarbita meðan þeir eru ennþá frosnir, beint úr frystinum. Í því tilfelli tekur eldun meiri tíma.

Mikilvægt!

Til að fá sem mest notagildi úr rýminu fyrir ferskan mat og frystan mat, getur notandinn tekið eina eða fleiri hillur eða skúffur úr tækinu, eftir því sem hentar í daglegri notkun.

Hentugar ábendingar

Hljóðmerki frá tækinu

Hljóðmerkin að neðan eru algjörlega eðlileg fyrir ísskápa/ frystiskápa:

Smell hljóð: Þegar þjappan fer í gang eða slökkt er á henni, heyrist smellur.

Suð: Þegar þjappan er í gangi heyrist suð.

Sjóðandi: Þegar kæliefni flæðir inn í mjó rör, þá heyrist sjóðandi hljóð eða skvettuhljóð.

Skvettuhljóð: Jafnvel eftir að slökkt er á þjöppunni er hægt að heyra skvettuhljóð í stuttan tíma.

Orkusparandi ábendingar

Ekki setja upp tækið nálægt eldavélum, hitaveituofnum eða öðrum hitagjöfum.

Vertu viss um að laust rými sé á milli hliða og afturenda tækisins og veggsins og fylgdu viðeigandi leiðbeiningum til uppsetningar.

Ef teikning sýnir ráðlagða staðsetningu á skúffum, grænmetisskúffu og hillum, þá skal ekki breyta staðsetningum þeirra þar sem slíkt getur leitt til hærri orkunotkunar.

Ábendingar varðandi kælingu á ferskum mat

Til að ná sem bestum árangri:

Ekki geyma heitan mat eða drykki sem gufa upp af inn í tækið.

Breiddu yfir mat eða settu umbúðir um hann, sérstaklega ef

Staðsettu matinn þannig að loft geti leikið frjálst um hann.

Ábendingar varðandi kælingu

Kjöt (allar tegundir): Pakkaðu í pólýetílen plastpoka og staðsettu á glerhilluna fyrir ofan grænmetisskúffuna. Til öryggis skaltu geyma matinn á þennan hátt í mesta lagi til tveggja daga.

Eldaður matur, kaldir réttir o.fl.: Þetta skal breiða yfir og má geyma á hvaða hillu sem er.

Ávextir og grænmeti: Þau skal hreinsa vandlega og setja í sérstöku skúffurnar sem til þess eru ætlaðar.

Smjör og ostur: Þau skal setja í álpappír eða pólýetílen plastpoka og lofttæma eins mikið og hægt er.

Mjólkurflöskur: Þær ættu að hafa tappa og skal geyma þær í flöskugrindinni á hurðinni.

Ábendingar vegna frystingar

Til að ná sem bestum frystiárangri skaltu fylgja þessum ábendingum:

Mesta magn af mat sem má frysta á 24 klst. er tilgreint á merkiplötunni.

Frystitíminn er 24 klst. (ekki bæta við meiri mat til frystingar á þessum tíma).

Frystu aðeins gæðaafurðir, fersk og vel hreinsuð matvæli.

Tilreiddu mat í smáum skömmtum þannig að hægt sé að frysta hann hratt og algjörlega og þá þarftu aðeins að afþíða það magn sem þú vilt.

Pakkaðu mat í álpappír eða pólýetílen (plast) og vertu viss um að pokarnir séu loftþéttir.

Ekki leyfa ferskum, ófrosnum mat að komast í snertingu við mat sem þegar er frosinn, til að koma í veg fyrir að hækka hitastig hins síðastnefnda.

Fitusnauður matur geymist betur og lengur en fituríkur matur; salt dregur úr geymslutíma mats.

Ef þú neytir frosins matar strax og hann er tekinn úr frystinum, þá getur slíkt leitt til frostbruna á húð.

Það er ráðlegt að merkja frystidag á hvern frystan pakka, þannig að þú getir fylgst með frystitímanum.

Ábendingar varðandi geymslu á frosnum mat

Til að ná sem bestum árangri:

Vertu viss um að aðkeypt fryst matvæli séu geymd samkvæmt leiðbeiningum framleiðandans.

Gakktu úr skugga um að frystur matur sé fluttur úr verslun yfir í heimilisfrystinn svo fljótt sem auðið er.

Ekki opna hurðina of oft eða skilja eftir hurðina opna lengur en nauðsynlegt er.

Þegar matvæli eru afþídd þá tapa þau eiginleikum sínum mjög hratt og ekki má frysta þau aftur.

Ekki fara framyfir geymslutímann sem gefinn er af framleiðandanum.

Ath! Ef tækið hefur tengdan búnað eða hlutverk.

Hreinsun og umhirða

Hreinsun og umhirða

Vegna hreinlætisástæðna skal hreinsa tækið reglulega að innan, þar með talið aukabúnað inni í tækinu

(að minnsta kosti annan hvern mánuð).

Viðvörun! Hætta á rafstuði!

Aftengdu tækið áður en hreinsun hefst. Áður en þú hreinsar tækið skaltu slökkva á því og aftengja það frá vegginnstungunni, eða slökkva á rafmagnsrofanum eða fjarlægja öryggið.

Mikilvægt!

Fjarlægðu allan mat úr tækinu fyrir hreinsun. Geymdu matinn á köldum stað og breiddu vel yfir hann.

Ekki hreinsa tækið með gufutæki. Raki gæti safnast upp í rafmagnsbúnaði og valdið skemmdum.

Ilmkjarnaolía og lífræn hreinsiefni geta skemmt plasthluta, til dæmis sítrónusafi eða safi úr appelsínuberki, smjörsýra eða hreinsiefni sem innihalda ediksýru. Gættu þess að slík efni komist ekki í snertingu við hluta tækisins.

Ekki nota nein hrjúf hreinsiefni.

Hreinsaðu tækið og innri aukabúnaðinn með klút og volgu vatni. Uppþvottalögur sem fást í verslunum má einnig nota.

Ryk sem safnast á þéttinn eykur orkunotkun. Hreinsaðu þéttinn á bak við tækið einu sinni á ári með mjúkum bursta eða ryksugu.

Athugaðu vatnsrennslisgatið á afturhlið ísskápsins.

Ef frárennslisgatið er stíflað skaltu hreinsa það með mjúkum fleyg eða svipuðum hlut og fara varlega svo þú skemmir ekki tækið með hvössum hlutum.

Þegar allt er orðið þurrt aftur má tengja tækið aftur og setja það í gang.

Afþíðing

Af hverju að afþíða ísskápinn?

Vatn sem er inni í mat eða kemur úr loftinu inni í ísskápnum getur myndað þykkt hrím. Ef það verður þykkt hindrar það frystingu. Ef það er þykkara en 10 mm ættirðu að afþíða tækið.

Afþíðing ísskáps

Það er engin þörf á sérstakri handvirkri afþíðingu (afþíðing stýrist sjálfvirkt þegar kveikt er eða slökkt er á hitastigstakkanum). Vatnið sem safnast við afþíðingu rennur af sjálfu sér niður í vatnshólf gegnum frárennsislöngu á bakhlið tækisins.

Afþíðing frystihólfs

Frystihólfið afþíðist handvirkt. Taktu út öll matvæli áður en þú hefur afþíðingu.

Taktu út ísbakkann og skúffur eða leggðu þau til bráðabirgða inn í ísskápinn.

Stilltu hitastigið á 0 (til að stöðva þjöppuna) og skildu hurðina á ísskápnum eftir opna þangað til allur ís og hrím þiðnar að fullu og safnast saman í botni frystihólfs. Þurrkaðu upp allt vatn með mjúkum klút.

Til að flýta fyrir afþíðingarferlinu getur þú sett skál með um það bil 50°C heitu vatni inn í frystihólfið. Þar eftir má skrapa burt ís og hrím með afþíðingarspaða. Þegar þú ert búinn að afþíða, vertu viss um að stilla hitastigstakkann á upprunalegan stað.

Það er ekki ráðlegt að hita upp frystihólfið beint með heitu vatni né hárblásara meðan afþíðing á sér stað, því slíkt gæti breytt lögun hólfsins.

Það er heldur ekki ráðlegt að nota hvöss verkfæri eða álíka til að skrapa burt ís og hrím eða til að aðskilja mat sem er

samfrystur eða frystur við frystihólfið, þar sem slíkt gæti skemmt innra hólfið eða yfirborðið á eiminum.

Viðvörun! Slökktu á tækinu fyrir afþíðingu og snúðu hitastillinum á „0“.

Mikilvægt! Afþíða ætti ísskápinn að minnsta kosti einu sinni í mánuði. Ef hurðin er opnuð oft eða ef tækið er notað í mjög röku umhverfi þá ráðleggjum við að afþíða á tveggja vikna fresti.

Ef ekki á að nota tækið í lengri tíma

Taktu allt innihald úr ísskápnum.

Slökktu á tækinu, snúðu hitastillinum á „0“ Aftengdu tækið eða slökktu á því eða rjúfðu rafmagnsstrauminn.

Hreinsa vandlega (sjá Hreinsun og umhirða).

Skildu hurðina eftir opna til að koma í veg fyrir myndun ólyktar.

Spurningar og svör

Viðvörun! Taktu tækið úr sambandi við rafmagn áður en bilanagreining hefst. Aðeins viðurkenndur rafvirki eða fagaðili má sinna bilanagreiningu sem ekki er getið í þessum leiðbeiningum.

Mikilvægt! Hljóð meðan á venjulegri notkun stendur eru eðlileg (þjappa, kælikerfi).

Mikilvægt! Viðgerðir á ísskápum/frystiskápum mega aðeins viðurkenndir þjónustutæknimenn sjá um. Gölluð viðgerð getur leitt til töluverðrar hættu fyrir notandann. Ef tækið þarfnast lagfæringar þá skaltu hafa samband við sérverslun eða næsta þjónustuver.

Vandamál Möguleg orsök Viðbrögð
Tækið virkar ekki. Ekki er kveikt á tækinu.	Kveiktu á tækinu.
	Klóin er ekki tengd eða situr laus. Tengdu klónna í vegginnstunguna.
	Öryggi hefur slegið út eða er gallað. Kannaðu öryggið, skiptu um ef nauðsynlegt.
	Galli í vegginnstungu. Rafvirki verður að gera við gallaða vegginnstungu.
Hitastigið inni í tækinu er of lágt. Hitastigið er stillt of lágt. Snúðu hitastigstakkanum á hærra hitastig til bráðabirgða.
Matvælin eru of heit. Hltastigið er ekki rétt stillt. Sjá kaflann um „Ræsing og hitastilling“.
			Hurðin var opin í lengri tíma. Opnaðu hurðina aðeins eins lengi og nauðsynlegt er.
			Mikið magn af heitum matvælum voru sett í ísskápinn á síðustu 24 klst.	Snúðu hitastigstakkanum á lægra hitastig til bráðabirgða.
			Tækið er nálægt hitagjafa.	Sjá kaflann um staðsetningu tækis.
Innri lýsing virkar ekki.	Ljósapera er biluð.	Sjá kafla um skiptinu ljósaperu.
Mikil uppsöfnun á ís (mögulega einnig á péttilistum).	Hurðarpétilistar eru ekki loftpéttir (mögulega eftir að hafa snúið hurðinni).	Hitaðu varlega svæðin á hurðarpétilistunum sem leka, með hárblásara á kaldri stillingu. Á sama tíma lagaðu til péttilistann með höndunum pannig að hann sitji rétt.
Óvenjuleg hljóð.	Tækið stendur ekki rétt.	Hagræddu því með stillifótunum.
	Tækið snertir vegg eða aðra hluti.	Færðu tækið aðeins til.
	Hluti, til dæmis rör, á bakhlið tækisins snertir annan hlut tækisins eða vegginn.	Ef nauðsynlegt, beygðu þá hlutinn varlega til.
Pjappan fer ekki strax í gang eftir að hitastigi er breytt.	Petta er eðilegt, engin bilun hefur átt sér stað.	Pjappan fer í gang eftir stutta stund.
Vatn á gólfí eða geymsluhillum.	Frárennslisgat er stiflað.	Sjá kafla um hreinsun og umhirðu.

Skipta um ljósaperuna.

Viðvörun! EF LJÓSAPERAN ER SKEMMD ÞÁ SKAL NOTANDINN EKKI SKIPTA UM HANA!

Ef óhæfur aðili skiptir um ljósaperuna þá getur slíkt leitt til áverka eða alvarlegrar truflunar. Viðurkenndur aðili verður að skipta um hana til að forðast hættu. Hafðu samband við næsta þjónustuver til að fá aðstoð.

Áður en þú skiptir um ljósaperuna, skaltu slökkva á tækinu og aftengja það frá vegginnstungunni, eða slökkva á rafmagnsrofanum eða fjarlægja öryggið.

Ljósaperugerð: 220–240 V, max. 1,5 W. Slökktu á tækinu, (snúðu hitastillinum á O).

Aftengdu tækið frá vegginnstungunni.

Skipta um ljósaperuna: Losaðu skrúfuna.

Ýttu á ljósaperuhlífina og renndu henni til baka.

Settu ljósaperuhlífina aftur á sinn stað.

Tengdu tækið aftur og settu það í gang.

Lýsing á vörunni

Teikning af tækinu

1. Ísmolabakki
2. Hilla í frysti
3. Hitastigstakki
4. Geymsluhillur
5. Grænmetislok
6. Grænmetisskúffa
7. Stillifætur
8. Hurðarhillur
9. Stillifætur

Ath! Þar sem við erum stöðugt að þróa vörur okkar, getur verið að ísskápurinn þinn líti örlítið öðruvísi út en á teikningum í þessari handbók, en hann starfar á óbreyttan hátt.

Hliðin sem hurðin opnast frá er hægt að breyta úr hægri hlið (eins og afhent) yfir í vinstri hlið ef þörf er á því þegar honum er komið fyrir.

Verkfæri sem þú þarfnast:

1. Topplykill (8 mm)

1. Stjörnuskrúfjárn

1. Kíttisspaða eða skrúfjárn með þunnu blaði

Áður en þú byrjar skaltu leggja ísskápinn á bakið til að fá aðgang að undirstöðunni. Leggðu hann á mjúkt frauðplast eða álíka efni til að koma í veg fyrir að kælirörin á bakhlið ísskápsins skemmist.

1. Reistu við ísskápinn og fjarlægðu 4 skrúfutappa á bak við efri hurðina með því að nota skrúfjárn með þunnu blaði.

1. Fjarlægðu skrúfurnar og lyftu lokinu frá bakhlið og fjarlægðu það. Lyftu síðan efri hurðinni og leggðu hana á mjúkan flöt (þannig að hún rispist ekki).

1. Notaðu skrúfjárn með þunnu blaði til að fjarlægja efri hlífðarplötuna af framhlið.

1. Settu nú þessa hlífðarplötu á hina hliðina.

1. Fjarlægðu efri hjörina og færðu hana yfir á hina hliðina og hertu fast að. Settu festinguna á öruggan stað.

1. Skrúfaðu úr og fjarlægðu neðri hjarar pinnann, færðu festinguna yfir og settu pinnann aftur í. Settu festinguna aftur á með neðri hjarar pinnanum. Settu stillifæturnar aftur á sinn stað. Settu neðri hurðina aftur á sinn stað. Vertu viss um að hurðin sitji rétt og settu inn neðri hjarar pinnann í neðra gatið á hurðinni. Hertu síðan að.
2. Settu efri hjarar pinnann í efra gatið á hurðinni, og

festa þar með skrúfunum 4. Settu lokið á sinn stað. Settu skrúfuhlífarnar aftur á sinn stað.

Tækið má ekki vera tengt við straum þegar hurðinni er snúið. Aftengdu tækið fyrst frá vegginnstungunni.

Þegar þú snýrð hurðinni við skaltu fylgja þessum leiðbeiningum:

Fjarlægðu fylgihlut (1) frá efri hlíf efri hurðar og færðu síðan fylgihlut (1) yfir á hina hlið efri hlífar.

Skrúfaðu úr og fjarlægðu bæði skrúfuna (3) og tappann (2, 4) frá efri og neðri hurð. Settu skrúfuna og tappann aftur í gatið hinum megin á hurðinni og hertu síðan vel að skrúfunni.

Uppsetning handfanga (eftir ísskápsgerð)

Handföngin eru inni í ísskápnum. Mátaðu handföngin á hurðirnar, staðsettu þau yfir viðkomandi götum og hertu að með skrúfunum sem fylgja, eins og sýnt er á teikningunni að neðan. Þegar handföngin eru komin á sinn stað, þá skaltu setja skrúfuhlífarnar sem fylgdu á viðeigandi stað.

Tækið má ekki farga með heimilissorpi.

Umbúðir

Umbúðir með endurvinnslutákninu eru endurvinnanlegar. Losaðu umbúðirnar í viðeigandi söfnunargám til að endurvinna þær.

Áður en þú fargar tækinu

1. Aftengdu tækið frá vegginnstungunni.
2. Skerðu rafmagnssnúruna af og fargaðu henni.

Rétt förgun á þessari vöru

Táknin á vörunni (eða á umbúðum hennar) gefa til kynna að þessa vöru megi ekki farga með heimilissorpi. Farðu með tækið á endurvinnslustöð og settu það til endurvinnslu sem rafmagns/rafeindabúnaður. Með því að tryggja rétta förgun þessarar vöru kemur þú í veg fyrir neikvæðar afleiðingar fyrir umhverfið og heilsu manna sem annars hefðu orðið við óviðeigandi förgun vörunnar. Ef þú vilt fá frekari upplýsingar um hvernig á að farga tækinu skaltu hafa samband við innlend yfirvöld, endurvinnslustöðina eða söluaðilann.

Farðu eftir eftirfarandi leiðbeiningum til að forðast mengun matvæla:

• Opnaðu skápinn í eins stuttan tíma og mögulegt er (standi hann opinn um lengri tíma hækkar hitastigið inni í honum).
• Prífðu reglubundið fleti sem geta snert matvæli og þá hluta frárennsliskerfisins sem þú kemst að.
• Geymdu hrátt kjöt og hráan fisk í til þess gerðum ílátum í kæliskápnum svo þannig matvæli komist ekki í snertingu við önnur matvæli eða á þau leki dropar.
• Tveggja stjörnu frystihólf henta til geymslu á frosnum matvælum eða til að frysta/geyma ís og ísmola.
• Frystihólf með einni, tveimur eða þremur stjörnum henta ekki til að frysta niður fersk matvæli.

Flokkur	Tegundgeymslurýmis	Hitastig(°C)	Tegund matvæla
1	Kæliskapur +2 ≤ +8 Hentar til að geyma egg, tilbúinn mat, innpökkuð matvæli,ávexti og grænmeti, mjólkurvörur, kökur/tertur, drykki og önnur matvæli sem ekki hentar að frysta.
2	(***)*Frystir ≤ -18 Hentar til að geyma fisk og skeldýr ásamt kjötvörum (par sembæði bragð og næringarinnihald rýrnar með tímanum mælumvið með að hám. 3 mánaða geymslutíma). Hentar líka tilgeymslu á frystum ferskum matvælum.
3	***Frystir ≤ -18 Hentar til að geymafisk og skeldýr ásamt kjötvörum (par sembæði bragð og næringarinnihald rýrnar með tímanum mælumvið með að hám. 3 mánaða geymslutíma). Hentar ekki tilgeymslu á frystum ferskum matvælum.
4	**Frystir ≤ -12 Hentar til að geyma fisk og skeldýr ásamt kjötvörum (par sembæði bragð og næringarinnihald rýrnar með tímanum mælumvið með að hám. 2 mánaða geymslutíma). Hentar ekki tilgeymslu á frystum ferskum matvælum.
5	*Frystir ≤ -6 Hentar til að geyma fisk og skeldýr ásamt kjötvörum (par sembæði bragð og næringarinnihald rýrnar með tímanum mælumvið með að hám. 1 mánaðar geymslutíma). Hentar ekki tilgeymslu á frystum ferskum matvælum.
6	Án stjörnu	-6 ≤ 0	Hentar til að geyma hrátt svína- og nautakjöt ásamt hráumfiski og kjúklingi og ákveðin innpökkuð unnin matvæli o.s.frv.(við mælum með pví að matvælanna sé neyttsama dag eða í síðasta lagi innan 3 daga). Matvæli sem eruað hluta til innpökkuð og unnin (ekki matvæli sem má frysta).
7	Lághitahólf	-2 ≤ +3	Hrátt svína- og nautakjöt ásamt hráum frystum kjúklingi, fiskog skeldýr úr fersku vatni o.s.frv. má geyma í 7 daga viðlægra hitastig en 0°C (sé varan geymd við hærra hitastig en0°C mælum við með pví að hennar sé neytt sama dag eða ísíðasta lagi innan 2 daga). Hægt er að geyma fisk og skeldýrúr sjó allt að 15 daga við lægra hitastig en 0°C (við mælummoeð pví að fiskur og skeldýr séu aldre i geymd við hærrahitastig en 0°C).
8	Fersk matvæli	0 ≤ +4	Hentar til að geyma hrátt svína- og nautakjöt og hráan fiskog kjúkling og tilbúinn mat o.s.frv. (við mælum með pví aðpessara matvæla sé neytt sama dag eða í síðasta lagi innan3 daga).
9	Að geyma vín	+5 ≤ +20	Hentar til að geyma rauðvín, hvítvín, freyðivín o.s.frv.

Ath! Geymið matvæli í geymslurými sem ætlað er ráðlögðu geymsluhitastigi matvælanna.

• Slökktu á kæli/frystiskáp sem ekki á að nota um lengri hríð, affrystu hann, þrífðu, þurrkaðu vel og láttu standa opinn (til að koma í veg fyrir að mygla myndist). • Að hreinsa vatnsskammtara (á bara við um tæki með vatnsskammtara).
• Prífðu vatnstankana, hafi þeir ekki verið í notkun síðustu 48 klukkustundirnar (skolaðu vatnskerfið, hafi það ekki verið tengt vatni síðustu 5 dagana).

Gæðaábyrgð gildir fyrir neytandann