FSE 8214 - Garbigailu FAGOR - Doako erabiltzaile-eskuliburua

Produktu mota	Garbigailu lehorgailua
Marka	Fagor
Modeloa	FSE 8214
Garbiketa edukiera	8 kg arte (kotoia), 4 kg (sintetikoak), 2 kg (artilea)
Lehorgailu edukiera	5 kg arte (lehorgailu normala), 3 kg (lehorgailu delikatua)
Neurriak (A x L x S)	850 x 600 x 600 mm
Uraren presioa	0,05 eta 1 MPa bitartean (0,5 eta 10 kg/cm²)
Elikadura elektrikoa	230 V ~ 50 Hz, lurra duen entxufea
Gehienezko zentrifugatze abiadura	1400 rpm (modeloaren arabera)
Garbiketa programak	Kotoia, Sintetikoak, Delikatua, Artilea, Eskuz garbitzea, Garbiketa, Zentrifugatzea, Aurregarbiketa, Kamisetak, Arropa iluna, Flash 30 min, Express 15 min, Mix 45 min
Lehorgailu aukerak	Lehorgailu normala, Lehorgailu delikatua, lehorgailu denboraren erregulazioa
Osagarri funtzioak	Planxaketa erraza, Garbiketa gehigarria, Denbora murriztea, Atzeratutako hasiera, Lurruna funtzioa, Haurren blokeoa
Pantaila	Pantaila geratzen den denborarekin, argi adierazleak
Haurren segurtasuna	Kontrol paneleko blokeoa
Garbiketa eta mantenua	Produktu ontziaren hileko garbiketa, iragazkiaren urteko garbiketa
Energia kontsumoa (kotoiaren 60°C zikloa)	0,99 kWh (8 kg bakoitzeko)
Zarata (zentrifugatzea)	Ez da zehaztu argibideetan

Maiz egiten diren galderak - FSE 8214 FAGOR

Nola erabili detergente likidoa Fagor FSE 8214 garbigailuan?

Detergente likidoa erabiltzeko, jarri garbiketa konpartimentuko fitxa urdina posizio bertikalean (tira kanpora topera arte, eta gero itxi atea). Hautsezko detergenterako, utzi atea horizontalean.

Zer egin garbigailua abiatzen ez bada?

Egiaztatu atea ondo itxita dagoela eta haurren blokeoa aktibatuta ez dagoela (blokeoaren ikurra agertzen bada, sakatu 3 segundo dagokion tekla). Ziurtatu uraren txorrota irekita dagoela.

Nola aktibatu haurren blokeoa?

Sakatu blokeo tekla (kateatu ikurra) 3 segundoz. Argi adierazle batek funtzioa aktibatuta dagoela adierazten du. Desaktibatzeko, errepikatu eragiketa.

Lehor dezaket garbitu gabeko arropa garbigailu lehorgailuan?

Ez, ez lehortu aurretik garbitu gabeko arroparik. Olioz, alkoholez edo produktu kimikoz zikindutako arropa ur beroan garbitu behar da lehortu aurretik.

Zer esan nahi du errore kode baten pantailak?

Garbigailuak diagnostiko sistema bat du. Errore kode bat agertzen bada, begiratu argibideetako Diagnostiko atala. Zerrendatu gabeko kodeetarako, jarri harremanetan zerbitzu teknikoarekin.

Nola garbitu produktu ontzia?

Kendu produktu ontzia eta garbitu hilean behin ur korrontepean. Erabili eskuila behar izanez gero. Ziurtatu konpartimentuak lehor daudela berriro jarri aurretik.

Zein da atzeratutako hasieraren prozedura?

Hautatu nahi duzun programa, eta sakatu Atzeratutako hasiera tekla (erloju ikurra). Erabili +/- teklak atzerapena ezartzeko (1etik 24 ordura). Sakatu Hasi/Gelditu kontaketa martxan jartzeko.

Nola murriztu garbiketa denbora?

Sakatu Denbora murrizketa tekla (erloju ikurra geziarekin) programa aukeratu ondoren. Iraupena gehienez hiru aldiz murriztu dezakezu, programaren arabera.

Zer egin garbigailuak dardara egiten badu edo zaratak baditu?

Egiaztatu garraio torlojuak kendu direla eta aparatua ondo mailakatuta dagoela (oinak doitgarriak). Ziurtatu karga orekatua dela danborrean.

Nola erabili lurruna funtzioa?

Lehenik hautatu lehorgailu programa bat. Ondoren, sakatu lurruna ikurra duen botoia (hodeia). Kargak ez du 1 kg gainditu behar (gutxi gorabehera 4 kamiseta). Funtzio honek zimurrak murrizten ditu.

ERABILTZAILE-ESKULIBURUA FSE 8214 FAGOR

Tresna hau arropa garbitu eta lehortzeko da eta soilik etxeetan erabiltzeko egin da.

Oso garrantzitsua: Garbigailu-lehorgailua instalatu eta erabili aurretik, irakurri argibide hauek denak. Agiriak eta osagarriak garbigailu-lehorgailuaren danborrean daude.

Argibide hauek diseinatu diren moduari esker, testuak eta dagokien marrazkia lotuta doaz.

Seguratasuna

• Sareko uraren presioa 0,05 eta 1 Mpa artekoa izango da (0,5 - 10 kg/cm ^2 ).
• Ez erabili luzagarririk eta egokigailurik garbigailulehorgailua konektatzeko.
• Argindarraren instalazioa ezaugarrien plakan adierazitako gehieneko indarrean egon behar da eta argindarreko hartunea arauzko lurkonexioarekin.
• Elikatzeko haria kaltetuta badago, salmenta ondorengo zerbitzuak edo antzekoek ordezkatu beharko dute, arriskurik egon ez dadin.
• Ez manipulatu garbigailu-lehorgailuaren barrua. Konpondu ezinezko arazoren bat edukiz gero, deitu zerbitzu teknikora.
• Tresna hau erabili dezakete 8 urte eta gehiagoko haurrek, baita gaitasun fisiko, sentsorial edo mental murriztuak dituzten pertsonek edo esperientziarik eta ezagutzarik ez dutenek ere, tresna modu seguruan erabiltzeko jarraibide egokiak eman bazaizkie, gainbegiratzen badira eta arriskuez ohartzen badira. Haurrek ez dute tresnarekin jolasean ibili behar. Erabiltzaileak garbitu eta mantendu behar badu tresna, zeregin horiek ezin dituzte haurrek egin inor gainbegiratzeko ez badute.
• Ez lehortu arropa, danbor motako lehorgailuan garbitu gabe.
• Sukaldeko olioa, azetona, alkohola, gasolina, kerosenoa, orbanak kentzekoa, agoarrasa, argizariak eta argizariak kentzeko substantziekin zikindutako elementuak ur berotan garbitu beharko dira eta garbigarri kopuru handiagoa erabili beharko da, danbor motako lehorgailuan lehortu aurretik.
• Latexezko aparra, dutxarako txanoak, ehun iragazgaitzak, gomaz forratutako artikuluak edo gomaparrez betetako burkoak ez dira danbor motako lehorgailuan lehortu behar.
• Leungarriak eta antzeko produktuak leungarrien jarraibideetan azaltzen den bezala erabili behar dira.
• Tresna ez da jarri behar giltzaz itxi daitekeen ate baten atzean, ate lerrakor baten atzean edo danbor motako lehorgailuaren aurkako aldean bisagra dutenen atzean.
• Danbor motako lehorgailuetan azken zatian ez da berorik izaten (hozte zikloa), elementuak ez kaltetzeko. Danbor motako lehorgailuak ez dira inoiz lehortzekoa zikloa amaitu aurretik geratu behar; hala eginez gero, artikulu guztiak berehala atera behar dira eta beroa joateko zabaldu.

!

Identifikatu

Identifikatu zure garbigailu-lehorgailu modeloa ("a", "b" edo "c") ilustrazioak eta aginte-panela konparatuta.

Instalatu

1.1 Kendu bilgarria (1.1.1, 1.1.2 eta 1.1.3). Kendu garraiorako erabilitako torlojuak, finkatzeko elementuak eta blokeorakoak.
1.2 Konektatu uraren sareari (1.2.1, 1.2.2 eta 1.2.3). Garbigailu-lehorgailuak ur beroa onartzen badu, konektatu errakor gorria duen mahuka ur beroaren hartuneari (1.2.4).

Garbigailu-lehorgailuarekin batera datorren mahuka berria erabili beti, ez aurrez erabilita dituzunak.

1.3 Hustubidea. ⚠ GARRANTZITSUA! Jarri mahuka hustubidean, marrazkiko kotak errespetatuta.
1.4 Berdindu. Behar bezala berdindu garbigailulehorgailua, zaratarik atera ez dezan eta mugitu ez dadin. Gomendatzen da: 1. atzeko hankak egonkortu eta finkatu(1.4.1); 2. garbigailu-lehorgailua dagokion tokian jarri (1.4.2); 3. aurreko hankak egonkortu eta finkatu (1.4.3).
1.5 Konektatu sare elektrikora. Kontuan izan ezaugarrien plakako datu elektrikoak.
1.6 Gaineko sukaldearen azpiko instalazioa. Garbigailu-lehorgailua sartzeko gaineko sukaldea kendu behar izanez gero, jarri harremanetan banatzailearekin edo Laguntza Teknikoko Zerbitzuarekin. Horrelakorik eginez gero, korrontearen hartuneko larakoa eskura geratu beharko da instalatu ondoren.

Ahokaduraren neurriak: 600x600x850.

Erabilera

2.1 Ireki atea.

2.2 Detergentea eta gehigarriak. Sartu arropa garbigailu-lehorgailuan kolorearen, zikinaren eta ehun motaren arabera sailkatuta.

Kubetak zati hauek ditu: garbiketa, aurregarbiketa eta leungarria (2.2.1).

Garbigailu-lehorgailu guztiak garbigarrihautserako prestatuta daude (2.2.2).

Detergente likidoa erabili nahi baduzu (2.2.3) garbiketarako konpartimentuan erlaitz urdina aurkituko duzu, heldu kanporantz tope egin arte, askatu eta posizio bertikalean geratuko da (2.2.4). Horrekin, garbigarri likidoa galtzea saihestuko da. Garbigarri hautsa berriz erabiltzeko, jarri erlaitz

urdina posizio horizontalean eta bultzatu atzerantz tope egin arte. Hala, ataska irekita egongo da (2.2.5).

Gogoan izan leungarriaren konpartimenduko MAX maila ez dela gainditu behar.

2.3 Piztu eta garbitzeko eta lehortzeko programa aukeratu. Aukeratu garbitzeko programa (2.3.1) agintearekin, aurrez programen taulan kontsultatuta (68 orrialdea). Lehortzeko denbora aukeratzeko, sakatu lehortzeko tekla (2.3.2). Pantailan denbora agertuko da, eta denbora hori haziz joango da botoian sakatzen duzun moduaren arabera.

1. modua -> botoia sakatuta mantendu lehortzeko denbora 10 minutu haziko da aldi bakoitzean ("a" motako modeloeta 10 minututik 180 minutura eta "b-c" motakoetan 20 minututik 200 minutura).
2. modua -> botoia pixkanaka sakatu sakatzen duzun bakoitzean minutu bat haziko da denbora.

2.4 Aukeratu zentrifugatzeko abiadura.

Zentrifugatzeko maila aukeratu daiteke, baita kendu ere (2.4.1, 2.4.2). Zimurrik ez izatekoa/Flot aukeratuz gero (2.4.3) amaierako zentrifugatua baino lehen amaitzen da garbiketa eta arropa uretan geratzen da. Sakatu ▶ amaierako zentrifugatua egiteko.

BATAZBESTEKO HONDAR HEZETASUNA* (%)	GARBIGAILUAREN GEHIENEZKO ZENTRIFUGAZIO ABIADURA (r.p.m)
	600	800	1000	1200	1400
KOTOI programak	80	71	62	53	52
Programa SINTETIKOAK	80	70	70	70	70
LANA programak	100	90	90	90	90
Programa AZKARRA	100	90	80	80	80

*Hondar hezetasuna: zentrifugazio fasearen amaieran arropak duen hezetasuna da.

2.5 Funtzio gehigarriak:

• Erraz lisatzekoa 📄 : zimur gutxiago sortzen dira.
• Urberritze estra 📋: haurren eta azal sentibera dutenen arropak babesten ditu.
• Programaren denbora murriztea 😊»: funtzio hau erabiltzea komeni da, arropak oso zikinak daudenean izan ezik. Funtzio honi esker, energia eta denbora aurrezten da. Era berean, arropak gutxiago hondatzen dira. Denbora murrizteko botoian sakatuta aukeratutako programaren iraupena 3 alditan laburtuko ahal izango duzu. Pantailan bertan laburtutako programaren iraupena azalduko da.

2.6 Ordutegia atzeratu G. Garbitzen hasteko ordua atzeratu egin dezakezu.

2.7 Lurrun funtzioa 🏠 . Funtzio hau 🏠 irudiaren botoia duten tresnetan baino ezingo da aukeratu, beti ere lehortzeko programa aukeratu ostean. Zure arroparik delikatuenetan zimur gutxiago izateko sakatu dagokion botoia, gehienez 4 alkandora edo 1kg-ko karga izanik.

2.8 Abian jarri eta geratu

2.9 Blokeoa 📋 . Tekla(k) 3 segundooz sakatuta edukiz gero, blokeoa aktibatzen da, umeek manipulatu ez dezaten. Desaktibatzeko, beste 3 segundooz sakatu behar da/dira tekla(k).

2.10 Garbitzeko edota lehortzeko prozesua.

Programaren fasean ikus dezakezu.

Erabilera gomendioak:

• Garbigailua instalatutakoan aurre-garbiketa bat egin behar da eta zuzen dabilen ikusi (garbiketa normala, arroparik gabe eta 90°C-tan).
• Arropa txikiak garbitzeko (eskuzapiak eta barruko arropa) poltsa bat erabili.
• Garbigailuentzako detergente mota oro erabil daiteke. Detergente likidoak gomendatzen dira, edozein ehun mota temperatura baxuan (gehienez 40°C) garbitu beharrez gero. Artilezko ehunak garbitzeko, ez da detergente-hautsa erabiltzea gomendatzen.

Erabilera oharrak:

1. Arropa gehiago sartzeko, ID sakatuta, garbigailua geratu baduzu, ziurtatu uraren maila ez dela atera iristen.
2. Funtzio gehigarriak (a eta) erabiliz gero, denbora gehiago behar da garbitzeko.
3. Garbiketa-programa amaitu ondoren, hobe da eskotila zabalik uztea barruko aldea egurasteko. Baliteke 2 minutu itxaron behar izatea ireki ahal izateko. "a-b" ereduetan ziurtatu STOP argia keinuka dagoela. "c" motako modeloetan, zain egon itzali arte.

! Lehortzeko programa amaitutakoan, garbigailulehorgailua oso beroa egongo da, beraz, ez da komeni 2 minutu igaro arte atea irekitzea, bestela erre egin baitaiteke.

3

Mantentzea

3.1 Detergentearen konpartimendua garbiketa. Hilean behin egitea komeni da.
3.2 Iragazkiaren garbiketa. Urtean behin egitea komeni da.

Kanpotik garbitzeko, erabili erretzen ez duten produktuak eta ongi lehortu oihal leun batekin.

4

Diagnostikoak

4.1 Garbigailuak diagnostikorako sistema bat du eta gorabehera oro hauteman eta horren berri ematen du. Pantailan ikusi ahal izango duzu edo aginte-paneleko argiak kliskatzen hasten direnean.

4.1.1 Garbigailuan ez da urik sartzen. Uraren hornidura eta sarrerako txorrota gainbegiratu edo sarrerako iragazkia garbitu.
4.1.2 Ez du urik husten, ezta zentrifugatu ere. Begiratu iragazkiaren egoera.
4.1.3 Ez du zentrifugatzen. Mugitu arropa eta aukeratu berriro zentrifugatzeko.
4.1.4 Ez da martxan jartzen. Begiratu atea ongi itxita ote dagoen
4.1.5 Beste edozein koderekin. Zerbitzu teknikoetara deitu.

4.2 Dardarak edo zaratak. Ikusi ongi instalatuta dagoen (eskuliburu honetako 1.1 eta 1.4).
4.3 Ura konpartimenduan. Begiratu detergentearen konpartimendua garbi ote dagoen (3.1).

5

Ingurumena

Ingurumena zaintzeko diseinatu da garbigailua.

Pantailako kontrastea. 20 minutu inguru igarotakoan, pantaila ilundu egiten da, energia aurrezteko. Pantaila aktibatzeko, sakatu edozein tekla edo eman bira aginteari.

Ingurumena errespetatzen du. Kargatu garbigailuko programa bakoitza gomendatutako gehieneko gaitasunarekin. Ahal duzun bakoitzean, saihestu aurre-garbiketa. Ez erabili detergente gehiegi. Erabili urberritze estra 📄+, azal sentibera duten pertsonen arropekin.

Tresna elektriko eta elektronikoen hondarren kudeaketa.

Ez bota tresnak etxeko gainerako hondarrekin batera. Eraman zure garbigailua biltzeko zentro berezi batetara. Etxeko elektrotresnak birziklatuz gero, osasunarentzako eta ingurumenarentzako ondorio negatiboak saihesten dira eta energia eta baliabideak aurrezten dira.

Informazio gehiagorako, jarri harremanetan tokiko agintariekin edo garbigailua erositako dendarekin.

Programen taula

Programa	Tenperatura	6 kg				8 kg
			kWh	l	min		kWh	l	min
1. 📄otoia	hotza, 30°C, 40°C, 50°C, 90°C	6	0,10-1,90	49-55	90-135	8	0,10-2,50	58-64	111-133
	60°C (*)	6	0,90	49	146	8	0,99	58	177
2. 🚗intetikoak	hotza, 30°C, 40°C, 50°C, 60°C	3	0,10-1,00	55	74-90	4	0,10-1,15	54	79-105
3. 🚗Delikatuak	hotza, 30°C, 40°C	3	0,10-0,55	40	50-60	4	0,10-0,55	44	55-64
4. 🚗artilea	hotza, 30°C, 40°C	1	0,05-0,50	60	30-40	2	0,05-0,35	59	30-42
5. 🚗Skuzko garbiketa	frío	1	0,05	60	30	2	0,05	59	30
6. 🚗Urberritzea		6	0,05	30	23	8	0,05	40	28
7. 🚗entrifugazioa		6	0,05	0	10	8	0,05	0	12
8. 🚗Aurregarbiketa	60°C	6	1,45	60	130	8	1,50	68	123
9. 🚗Alkandorak	hotza, 30°C, 40°C	3	0,10-0,60	55	74-76	4	0,10-0,60	54	79-88
10. 🚗Arropa iluna	hotza, 30°C, 40°C	3	0,10-0,60	68	82-84	4	0,15-0,55	74	90-99
11. 🚗Lehorketa delikatua		1,5	1,20	26	95	3			1001,66 12
12. 🚗Lehorketa arrunta		3	1,80	27	100	5			2003,67 24
		4	2,80	48	160
13. Azkarra 30 min	30°C	3	0,20	30	30	4	0,20	40	30
14. Express 15 min	hotza	1	0,05	22	15	2	0,05	25	15
15. Mixto 45 min	40°C	3	0,60	40	45	4,5	0,60	42	45

(*) Kotoizko programa normala 60°C-tan energia eta ur kontsumo konbinatuan eraginkorragoak eta ohiko zikina duten kotoizko ehunak garbitzeko egokia.

OHARRAK

- "Itzalita moduan" eta "itzali gabe moduan" kontsumitutako indarra < 1 W.

- Uraren temperatura eta garbitzeko zikloan adierazitakoa desberdinak izan daitezke, urarena baxuagoa izan daiteke.

- kWh-ei, litroei eta programaren iraupenari buruzko balio errealak aldatu egin daitezke uraren presioaren eta tenperaturaren arabera, garbigailua dagoen tokiko tenperaturaren arabera, sareko tentsioan egon daitezkeen gorabeheren arabera, arropa mota eta kopuruaren arabera eta aukera daitezkeen funtzio desberdinen arabera.