Galaxy Book 10.6 - таблет SAMSUNG - Үнэгүй хэрэглэгчийн гарын авлага

ХЭРЭГЛЭГЧИЙН ГАРЫН АВЛАГА Galaxy Book 10.6 SAMSUNG

Аюулгүй байдлын талаарх мэдээлэл Төхөөрөмжөө ашиглахаасаа өмнө аюулгүй байдлын талаарх уг чухал мэдээлэлтэй танилцана уу. Энд таны төхөөрөмжний аюулгүй байдлын ерөнхий мэдээлэл агуулагдаж буй бөгөөд таны төхөөрөмжид хэрэглэгдэхгүй агуулга ч байж болно. Өөртөө болон бусдад гэмтэл учруулж, төхөөрөмжөө гэмтээхээс сэргийлэхийн тулд анхааруулга, сэрэмжлүүлгийн мэдээллийг сахиж мөрдөнө үү.‘Төхөөрөмж’ гэсэн нэр томьёонд бүтээгдэхүүн, түүний зай, цэнэглэгч, бүтээгдэхүүнд дагалдсан зүйлс, бүтээгдэхүүнтэй цуг хэрэглэгдэх Samsung-с зөвшөөрсөн бүх нэмэлт хэрэгслүүд хамаарна. Анхааруулга Аюулгүйн анхааруулга, журмыг үл биелүүлсний улмаас ноцтой бэртэх эсвэл үхэлд хүрч болно. Гэмтсэн цахилгааны утас, залгуур, цахилгааны суларсан суурь залгуурыг бүү ашигла.Сайтар бэхлэгдээгүй холболтууд нь тогонд цохиулах эсвэл гал гарахад хүргэж болно.Төхөөрөмж, цахилгааны утас эсвэл залгуурт нойтон гар эсвэл биеийнхээ нойтон хэсгээр бүү хүр.Эс тэгвэл цахилгаанд цохиулах болно.Цахилгааны утсыг салгахдаа үүнийг хэт чанга татаж болохгүй.Эс тэгвэл цахилгаанд цохиулах эсвэл гал гарахад хүргэнэ.Монгол

Цахилгааны утсыг нугалж, гэмтээж болохгүй. Эс тэгвэл цахилгаанд цохиулах эсвэл гал гарахад хүргэнэ. Төхөөрөмжийг цэнэглэж байхад нойтон гараар бүү хүр. Эс тэгвэл цахилгаанд цохиулах болно. Цэнэглэгчийн эерэг, сөрөг терминалыг хамтад нь бүү залга. Ингэвэл гал гарах эсвэл ноцтой бэртэхэд хүргэж болно. Аянга цахилгаантай бороо орж байхад төхөөрөмжийг гадаа бүү ашигла. Эс тэгвэл цахилгаанд цохиулах эсвэл төхөөрөмж алдаатай ажиллахад хүргэж болзошгүй. Үйлдвэрлэгчээс зөвшөөрөгдсөн зай, цэнэглэгч, нэмэлт хэрэгсэл, сэлбэгийг ашигла.

• Нийтлэг хэрэглээний зай эсвэл цэнэглэгч ашиглавал төхөөрөмжний эдэлгээний хугацаа багасч, төхөөрөмж алдаатай ажиллахад хүргэнэ. Ийм зай эсвэл цэнэглэгч нь гал гарах эсвэл зай дэлбэрэхэд хүргэж болзошгүй.

• Зөвхөн Samsung-с зөвшөөрөгдсөн, таны гар утсанд тусгайлан зориулагдсан зай болон цэнэглэгчийг ашигла. Тохирохгүй зай болон цэнэглэгч нь танд болон бусдад ноцтой бэртэл учруулж, гар утсыг гэмтээхэд хүргэж болзошгүй.

• Samsung-ээс зөвшөөрөгдөөгүй нэмэлт хэрэгсэл ашиглаж байгаа тохиолдолд Samsung нь хэрэглэгчийн аюулгүй байдлыг хариуцахгүй. Төхөөрөмжөө арын халаасанд эсвэл бэлхүүсэндээ бүү авч яв.

• Хэрэв гар утсанд хэт их даралт өгвөл энэ нь гэмтэх, дэлбэрэх эсвэл гал гарахад хүргэж болзошгүй.

• Хэрэв мөргөлдвөл эсвэл унавал та гэмтэж болзошгүй. Цэнэглэгч эсвэл гар утсыг унагааж эсвэл цохиж болохгүй.Монгол

Төхөөрөмж болон цэнэглэгчийн устгалыг болгоомжтой хий.

• Төхөөрөмж болон цэнэглэгчийг устгах зорилгоор галд хэзээ ч бүү хий. Төхөөрөмж болон цэнэглэгчийг бичил долгионы зуух, цахилгаан зуух, халаагуур гэх мэт халаадаг хэрэгсэл дээр эсвэл ойр хавьд нь бүү тавь. Төхөөрөмж хэт халвал дэлбэрэх аюултай. Ашиглагдсан зай эсвэл гар утсыг хаяхдаа тухайн орон нутагт үйлчилдэг бүх дүрэм журмыг дагаж мөрд.

• Төхөөрөмжийг бяцалж, цоолж болохгүй.

• Дотоод богино холбоос үүсч, хэт халахад хүргэж болох тул төхөөрөмжийг гадны хэт өндөр даралтанд бүү өртүүл. Төхөөрөмж, зай, цэнэглэгчийг гэмтэхээс хамгаал.

• Төхөөрөмж, зайг хэт хүйтэн эсвэл хэт халуун температурт байлгахаас зайлсхий.

• Хэт халуун, хүйтэн температур нь төхөөрөмжийг гэмтээж, мөн төхөөрөмж болон зайны цэнэглэх хүчин чадлыг бууруулж, эдэлгээний хугацааг богиносгох болно.

• Цэнэглэгчийн эерэг, сөрөг терминалыг хамтад нь шууд залгахгүй бөгөөд тэдгээрийг металл биеттэй шүргэлцүүлж болохгүй. Ингэвэл зай нь доголдож болзошгүй.

• Гэмтсэн цэнэглэгч эсвэл зайг хэзээ ч бүү ашигла. Төхөөрөмжийг халаагуур, бичил долгионы зуух, халуунаар боловсруулах төхөөрөмж, өндөр даралтын сав дотор эсвэл ойр хавьд нь бүү хадгал.

• Зай гоожиж болзошгүй.

• Төхөөрөмж хэт халах эсвэл гал гарахад хүргэж болзошгүй. Төхөөрөмжийг тоос эсвэл агаараар дамждаг бодисын бөөгнөрөл ихтэй газар бүү ашигла, мөн бүү хадгал. Тоос эсвэл гадны биет төхөөрөмжийг алдаатай ажиллахад хүргэж, улмаар гал гарах, цахилгаанд цохиулахад хүргэж болно.Монгол

Олон зориулалтын үүр болон цэнэглэгчийн жижиг оролттой үзүүрийг шингэн зүйл, тоос, металл нунтаг, балын үзүүр гэх мэт дамжуулагч материалд бүү хүргэ. Олон зориулалтын үүрэнд хурц багаж хэрэгслээр хүрч эсвэл олон зориулалтын үүрийг доргиож болохгүй. Дамжуулагч материал нь богино холбоос үүсгэж эсвэл терминалуудыг зэврүүлж, улмаар дэлбэрэх, гал гарахад хүргэж

Утасгүй цэнэглэгч ашиглахдаа, метал биет, соронз, соронзон туузтай карт зэрэг гадны биет утасгүй цэнэглэгч болон гар утасны хооронд байрлуулж болохгүй. Гар утас цэнэглэгдэхгүй эсвэл халах магадлалтай. Төхөөрөмж эсвэл түүний зайг хазаж эсвэл сорж болохгүй.

• Ингэвэл төхөөрөмж гэмтэж эсвэл дэлбэрч, гал гарах болно.

• Хүүхдүүд, амьтад жижиг эд ангийг залгиж, хахах аюултай.

• Хэрэв гар утсыг хүүхдүүд ашиглаж байгаа бол зөв ашиглаж байгааг

Төхөөрөмж эсвэл хамт ирсэн нэмэлт хэрэгслийг нүд, чих, амандаа бүү хий. Эс тэгвэл амьсгаа боогдох эсвэл ноцтой бэртэхэд хүргэнэ. Гэмтсэн эсвэл гоожиж буй Литий Ион (Ли-Ион)-той зайд бүү

Ийм Li-Ion зайг аюулгүй байдлаар хаяхын тулд хамгийн ойр байрлах эрх бүхий үйлчилгээний төвд хандана уу.Монгол

Сэрэмжлүүлэг Аюулгүйн сэрэмжлүүлэг, журмыг үл дагасны улмаас ноцтой бэртэх, өмч хөрөнгөд гэмтэл учрахад хүргэж болзошгүй. Өөр цахилгаан хэрэгслийн дэргэд төхөөрөмжөө бүү ашигла.

• Ихэнх цахилгаан хэрэгсэл радио хэлбэлзлийн долгион ашигладаг. Таны төхөөрөмж бусад цахилгаан хэрэгсэлд нөлөөлж магадгүй.

• LTE-ийн өгөгдлийн холболт ашиглавал аудио төхөөрөмж, утасны аппарат гэх мэт өөр хэрэгсэлд нөлөөлж, улмаар саад болж болно. Радио хэлбэлзлийн долгионд өртөж болзошгүй газар буюу эмнэлэг, хөлөг онгоц, өөрөө явагч тоног төхөөрөмж дотор гар утсыг бүү ашигла.

• Төхөөрөмж нь зүрхний электрон төхөөрөмжид нөлөө үзүүлж болзошгүй тул хэрэв боломжтой бол гар утсыг зүрхний электрон төхөөрөмжөөс хол буюу дор хаяж 15 см-ийн зайд ашигла.

• Зүрхний электрон төхөөрөмжид саад учруулах явдлыг аль болох багасгах үүднээс гар утсыг зүрхний төхөөрөмж байрлаж буй талын эсрэг талд ашигла.

• Хэрэв та эмнэлгийн хэрэгсэл ашигладаг бол төхөөрөмжнөөс ялгардаг радио хэлбэлзлийн долгион нь тухайн хэрэгсэлд нөлөөлөх эсэхийг олж мэдэхийн тулд төхөөрөмжөө ашиглахаас өмнө тухайн хэрэгслийг үйлдвэрлэгчтэй холбоо барьж лавлана уу.

• Хөлөг онгоцонд байхдаа электрон хэрэгсэл ашиглавал онгоцны жолоодлогын электрон хэрэгслүүдэд саад учруулж болзошгүй. Онгоц хөөрөх, буух үед гар утсаа унтраасан эсэхээ нягтал. Хэрэв нислэгийн багийнхан зөвшөөрвөл онгоц хөөрсний дараа утсыг нислэгийн горимд ашиглаж болно.

• Таны төхөөрөмжнөөс ялгарах радио шуугианы улмаас машинд суулгасан электрон төхөөрөмж буруу ажиллахад хүрч болно. Нэмэлт мэдээллийг үйлдвэрлэгчээс авна уу.Монгол

Төхөөрөмжөө их утаатай газар бүү ашигла. Ингэх нь төхөөрөмжийн гадна тал гэмтэх эсвэл алдаатай ажиллахад

Хэрэв та сонсголын аппарат ашигладаг бол үйлдвэрлэгчээс радио шуугианы талаарх мэдээллийг авна уу. Төхөөрөмжнөөс ялгарах радио хэлбэлзлийн долгион нь сонсголын зарим хэрэгсэлд саад болж болзошгүй. Төхөөрөмжнөөс ялгарах радио хэлбэлзлийн долгион нь таны сонсголын хэрэгсэлд нөлөөлөх эсэхийг олж мэдэхийн тулд төхөөрөмжөө ашиглахаас өмнө үйлдвэрлэгчтэй холбоо барьж лавлана уу. Дууны төхөөрөмж, радио цамхаг гэх мэт радио хэлбэлзлийн долгион ялгаруулдаг хэрэгсэл, аппаратын дэргэд төхөөрөмжөө бүү ашигла. Радио хэлбэлзлийн долгион нь таны төхөөрөмжийг буруу ажиллахад хүргэж магадгүй. Тэсэрч болзошгүй орчинд төхөөрөмжөө унтрааж бай.

• Тэсэрч болзошгүй орчинд зайг салгахын оронд гар утсыг унтраа.

• Тэсэрч болзошгүй орчинд дагаж мөрдөх ёстой журам, заавар, тэмдгүүдийг үргэлж дагаж мөрд.

• Шатахуун дүүргэх цэг (шатахуун түгээх станц), түлш болон химийн бодисын ойр орчимд, эсвэл тэсэлгээний газарт төхөөрөмжөө бүү ашигла.

• Төхөөрөмж болон түүний эд анги, нэмэлт хэрэгсэл агуулсан тасалгаанд шатамхай шингэн, хий, тэсрэх бодистой хамт бүү хадгал, мөн хамтад нь бүү авч яв. Хэрэв төхөөрөмж эсвэл зайнаас хачин үнэр гарах, сонин чимээ сонсогдох, утаа гарах эсвэл шингэн зүйл гоожвол төхөөрөмжийг ашиглахаа даруй зогсоож, Samsung засвар үйлчилгээний төвд аваачиж шалгуулна уу. Эс тэгвэл гал гарч эсвэл дэлбэрч магадгүй.Монгол

Машин жолоодож байх үед төхөөрөмж ашиглах талаарх аюулгүйн бүх дүрэм, журам, анхааруулгыг дагаж мөрд. Машин жолоодож байх үед машиныг аюулгүй байдлаар жолоодох нь таны биелүүлэх ёстой хамгийн чухал үүрэг хариуцлага юм. Хэрэв хуулиар хориглосон бол машин жолоодож байх үедээ гар утсыг хэзээ ч бүү ашигла. Өөрийн болон бусдын аюулгүй байдлын төлөө эрүүл ухаанаар хандаж, дараах зөвлөмжийг санаарай:

• Төхөөрөмжтэйгээ сайн танилцаж, хурдан залгах, дахин залгах гэх мэт амарчилсан үйлдлүүдийг нь мэдэж ав. Эдгээр үйлдэл нь төхөөрөмжнөөсөө дуудлага хийх, хүлээн авахад шаардагдах хугацааг багасгахад тусална.

• Гар утсаа хүрэхэд ойр газар байрлуул. Замаас хараагаа салгалгүйгээр утасгүй хэрэгсэлд хандах боломжийг ханга. Хэрэв тохиромжгүй үед дуудлага орж ирвэл тухайн дуудлагыг дуут шуудан руу чиглүүл.

• Замын хөдөлгөөн ихтэй эсвэл цаг агаарын байдал хүнд байх үед дуудлагыг авахгүй бай. Бороо, шамарга, цас, мөс, замын хөдөлгөөн ихтэй байх нь аюултай нөхцлийг бүрдүүлдэг.

• Тэмдэглэл бичиж, утасны дугаар хайж болохгүй. "Хийх ажлын" жагсаалтанд нэмж бичих, хаягийн дэвтрийг гүйлгэж үзэх нь таны анхаарлыг сарниулж, аюулгүй байдлаар жолоодох үүрэг, хариуцлагаас тань түр зуур мартуулах болно.

• Дуудлагыг ухаалагаар хийж, замын хөдөлгөөний байдлыг үнэлж тодорхойлж бай. Машин хөдлөөгүй байхад эсвэл хөдөлгөөнд оролцохоос өмнө дуудлага хийж бай. Машин хөдөлгөөнгүй байхад дуудлага хийхээр төлөвлө.

• Анхаарал сарниулж болзошгүй, бухимдсан эсвэл хэт их сэтгэл хөдөлсөн үед утсаар бүү ярь. Утсаар ярьж буй хүндээ жолоо барьж байгаагаа хэлээд, замаас анхаарлыг тань холдуулж болзошгүй яриаг түдгэлзүүл. Төхөөрөмждөө анхаарал тавьж, зөв ашигла. Төхөөрөмжөө хуурай байлга.

• Чийг болон шингэн зүйлс нь төхөөрөмжний эд ангийг гэмтээж, цахилгаан холбоос үүсгэж болзошгүй.Монгол

• Хэрэв норсон байвал гар утсыг бүү асаа. Хэрэв гар утсыг хэдийн асаасан байвал унтраагаад, зайг нь даруй салгаж ав (хэрэв төхөөрөмж унтрахгүй байвал эсвэл зайг нь салгах боломжгүй байвал тэр чигт нь үлдээ). Дараа нь гар утсыг алчуураар арчиж хатаагаад, засварын төвд аваачиж үзүүл.

• Уг төхөөрөмжид дотоод шингэн заагч угсраатай байдаг. Ус орсны улмаас төхөөрөмж гэмтсэн тохиолдолд үйлдвэрлэгчийн баталгаа үйлчлэхгүй байж болно. Төхөөрөмжөө зөвхөн тэгш гадаргуу дээр хадгал. Унаж гэмтэх аюултай. Гар утсыг 0 °C-с 35 °C-н орчны температуртай газарт ашиглаж болно. Та гар утсыг -20 °C-с 50 °C-н орчны температурт хадгалах боломжтой. Заасан температурын хүрээнээс гадуур гар утсыг ашиглаж, хадгалвал гар утсыг гэмтээх эсвэл зайны ашиглалтын хугацааг богиносгоход хүргэж болно.

• Зуны улиралд битүү машин дотор мэт хэт халсан газарт гар утсыг бүү хадгал. Эс тэгвэл дэлгэц нь буруу ажиллах, төхөөрөмж гэмтэх эсвэл зай нь дэлбэрэхэд хүргэж болзошгүй.

• Гар утсыг нарны шууд тусгал бүхий газар (машины хянах самбар дээр гэх мэт) удаан хугацаанд бүү байлга.

• Авагддаг зайтай төхөөрөмжүүдийн хувьд, зайг 0 °C-45 °C-н орчны температуртай газарт тусад нь хадгалж болно. Төхөөрөмжөө зоос, түлхүүр, хүзүүний гинж гэх мэт металл эд зүйлстэй хамт бүү хадгал.

• Төхөөрөмж зурагдаж эсвэл алдаатай ажилладаг болж магадгүй.

• Хэрэв зайны терминалууд металл эд зүйлд хүрвэл гал гарч

Төхөөрөмжөө соронзтой орчинд бүү хадгал.

• Соронзтой орчинд төхөөрөмж алдаатай ажиллах, зай цэнэггүй болоход хүргэж болох магадалтай.

• Соронзон зурвастай карт, тэр дундаа кредит карт, утасны карт, банкны дэвтэр, онгоцонд суух тасалбар зэрэг нь соронзон орны нөлөөгөөр гэмтэж болно.Монгол

Хэт халсан гар утсанд арьс удаан хугацааны турш өртвөл улайх, толбо үүсэх гэх мэт бага температурт түлэгдэх шинж тэмдэг бий болж магадгүй. Арын таг нь салсан байх үед гар утсыг бүү ашигла. Төхөөрөмжний зай нь салж унаж болзошгүй ба улмаар төхөөрөмжөө гэмтээж, алдаатай ажиллахад хүргэж болно. Хэрэв таны төхөөрөмж гэрэлтэй эсвэл камерын гэрэл цацаргагчтай бол гэрлийг нь хүмүүс болон гэрийн тэжээвэр амьтдын нүднээс хол байлга. Гэрэл цацаргагчийг нүдэнд ойр ашиглавал түр хараагүй болох эсвэл нүд гэмтэхэд хүргэнэ. Анивчдаг гэрэлд өртөхдөө болгоомжтой бай.

• Гар утсыг ашиглаж байх үед өрөөнд гэрлийг асаалттай байлган дэлгэцийг нүдэндээ хэт ойр бүү барь.

• Удаан хугацаанд видео үзэх эсвэл гэрэл цацаргагчтай тоглоом тоглох үед нүд хурдан анивчиж буй гэрэлд өртсөнөөр татаж унах эсвэл ухаан алдах тохиолдол гардаг. Хэрэв бие тань эвгүйрвэл гар утсыг ашиглахаа даруй боль.

• Хэрэв таньтай холбоотой хэн нэгэн хүн ижил төстэй хэрэгсэл ашиглаж байх үедээ татаж унасан эсвэл ухаан алдаж байсан бол гар утсыг ашиглахаас өмнө эмчтэй зөвлөлд.

• Хэрэв танд бие эвгүйрэх, шөрмөс татах, толгой эргэх шинж тэмдэг илэрвэл гар утсыг ашиглахаа даруй зогсоож, эмчээс зөвлөгөө ав.

• Нүд ядрахаас урьдчилан сэргийлэхийн тулд гар утсыг ашиглаж байх үедээ ойр ойрхон завсарлаж бай. Давтагдах хөдөлгөөний улмаас гэмтэх эрсдэлийг бууруул. Аль нэг үйлдлийг олон дахин давтан хийхэд, тухайлбал, товчлуурууд дээр дарах, мэдрэгчтэй дэлгэц дээр хуруугаараа тэмдэгт зурах эсвэл тоглоом тоглоход гар, хүзүү, мөр болон биеийн бусад хэсэгт үе үе өвддөг. Гар утсыг удаан үргэлжилсэн хугацаанд ашиглах үед гар утсыг чанга биш сул барьж, товч дээр зөөлөн дарж, мөн ойр ойрхон завсарлаж бай. Хэрэв ийнхүү ашиглах явцад эсвэл дараа нь танд эвгүй мэдрэмж төрсөн хэвээр байвал гар утсыг ашиглахаа болиод эмчид ханд.Монгол

Чихэвч ашиглаж байхдаа сонсгол болон чихээ хамгаал.

• Чанга дуунд хэт их өртвөл сонсгол гэмтдэг.

• Алхаж байхдаа чанга дуу сонсох нь таны анхаарлыг сарниулж, осол гарахад хүргэж болно.

• Чихэвчийг аудио оролтын үүрэнд холбохоос өмнө дууг үргэлж намсгаж бай, мөн яриа эсвэл хөгжим сонсоход хангалттай хэмжээнд л дууг чангалж бай.

• Хуурай орчинд чихэвч дотор цахилгаанжилт үүсч болдог. Чихэвчийг хуурай орчинд ашиглахаас зайлсхий, эсвэл чихэвчийг гар утсанд холбохоос өмнө металл эд зүйлд хүргэж цахилгаанжилтыг арилга.

• Жолоо барьж байх эсвэл дугуй унаж байхдаа чихэвч бүү ашигла. Ингэсэн тохиолдолд таны анхаарал сарниж, осол гарахад хүргэж болзошгүй эсвэл таны оршин суугаа газарт хөдөлгөөнд оролцох үед чихэвч зүүх нь хууль бус байдаг байж болно. Алхаж байх эсвэл хөдөлж байх үедээ төхөөрөмж ашиглахдаа анхаарал болгоомжтой бай.

• Өөрийгөө болон бусдыг бэртээхгүйн тулд эргэн тойрондоо анхаарал хандуул.

• Чихэвчний кабель гарт эсвэл ойр байгаа ямар нэг зүйлтэй орооцолдоогүй гэдгийг нягтал. Төхөөрөмжийг будаж эсвэл наалддаг цаас нааж болохгүй.

• Будаг, наалддаг цаас нь хөдлөх эд ангиудад саад учруулж, улмаар зөв ажиллагааг алдагдуулна.

• Хэрэв та төхөөрөмжний будаг эсвэл металл эд ангиудад харшилтай бол загатнах, тууралт үүсэх, арьс хөөх зэрэг шинж тэмдэг илэрч магадгүй. Ийм шинж тэмдэг илэрвэл гар утсыг ашиглахаа зогсоогоод эмчид үзүүлнэ үү. Хэрэв төхөөрөмж хагарсан эсвэл эвдэрсэн байвал бүү ашигла. Хагарсан шил эсвэл хуванцар нь гар, нүүрийг бэртээж болзошгүй. Төхөөрөмж эвдэрвэл Samsung засвар үйлчилгээний төвд аваачиж засуул.Монгол

Төхөөрөмж болон хэрэгсэлүүдийг болгоомжтой суурилуул.

• Таны машинд суурилуулсан хөдөлгөөнт төхөөрөмж болон холбогдох хэрэгсэлүүдийг сайтар бэхэлж өгсөн эсэхийг нягтал.

• Төхөөрөмж болон нэмэлт хэрэгслийг аюулгүйн дэр дэлгэгддэг хэсэгт эсвэл түүний ойр орчимд байрлуулахаас зайлсхий. Буруу суурилуулсан утасгүй төхөөрөмж нь аюулгүйн дэр огцом дэлгэгдэхэд ноцтой гэмтэл учруулж болно. Гар утсыг газар унагаж эсвэл цохиж болохгүй.

• Таны төхөөрөмж гэмтэж эсвэл алдаатай ажилладаг болж магадгүй.

• Хэрэв тахийсан эсвэл хэлбэрээ алдсан байвал таны төхөөрөмж гэмтсэн эсвэл эд анги нь буруу ажилладаг болсон байж магадгүй. Зай болон цэнэглэгчийн эдэлгээний хугацааг аль болох удаан

• Зайг удаан хугацаагаар хэрэглэхгүй бол, доголдож болзошгүй.

• Гар утсыг ашиглахгүй байвал тодорхой хугацааны дараа цэнэггүй болох тул ашиглахаас өмнө дахин цэнэглэх ёстой.

• Ашиглаагүй үед цэнэглэгчийг тэжээлийн эх үүсвэрээс салгаж бай.

• Зайг зөвхөн зориулалтын дагуу ашигла.

• Төхөөрөмж болон зайны эдэлгээний хугацааг хамгийн удаан байлгах үүднээс энэхүү гарын авлагад орсон бүх зааврыг дагаж мөрд. Анхааруулга болон зааврыг дагаж мөрдөөгүйн улмаас учирсан гэмтэл эсвэл тааруу гүйцэтгэл нь үйлдвэрлэгчээс өгсөн баталгааг хүчингүй болгож болно.

• Таны төхөөрөмж тодорхой хугацааны дараа элэгдэж болно. Зарим эд анги болон засвар үйлчилгээ нь баталгааны хүчинтэй хугацаанд хамрагдсан байгаа хэдий ч зөвшөөрөгдөөгүй нэмэлт хэрэгсэл ашигласны улмаас үүссэн гэмтэл эсвэл доройтол нь уг баталгаанд багтахгүй болно. Төхөөрөмжийг ашиглах үедээ дараах зүйлийг анхаарна уу!

• Ердийн уламжлалт утсыг барьдаг шигээ гар утсыг босоо байрлалд

• Шууд микрофон руу ярь.Монгол

Төхөөрөмжийг өөрөө задалж, өөрчилж, засварлаж болохгүй.

• Гар утсанд ямар нэг өөрчлөлт эсвэл хувиргалт хийсэн байвал үйлдвэрлэгчийн баталгаа хүчингүй болно. Хэрэв гар утсыг засварлах шаардлагатай болвол Samsung засвар үйлчилгээний төвд хандана уу.

• Дэлбэрэх эсвэл гал гарах аюултай тул зайг бүү задал, бүү цоол.

• Зайг салгаж авахын өмнө гар утсыг унтрааж бай. Хэрэв төхөөрөмж асаалттай байх үед зайг салгаж авбал төхөөрөмж буруу ажиллахад хүрнэ. Төхөөрөмжийг цэвэрлэхдээ дараах зүйлийг анхаарна уу!

• Төхөөрөмж эсвэл цэнэглэгчийг алчуур эсвэл цэвэрлэгчээр арч.

• Зайны терминалыг хөвөнгөөр эсвэл алчуураар цэвэрлэ.

• Химийн бодис эсвэл угаалгын бодис бүү ашигла. Ийм бодис хэрэглэвэл төхөөрөмжний гадна талын будаг арилах, зэврэх, тогонд цохиулах эсвэл гал гарахад хүргэж болзошгүй. Төхөөрөмжийг зориулалтаас нь өөр зорилгоор бүү ашигла. Таны төхөөрөмжний ажиллагаанд алдаа гарч магадгүй. Төхөөрөмжийг олон нийтийн газар ашиглахдаа бусдын тайван байдлыг алдагдуулахаас зайлсхий. Гар утсанд хийх засвар үйлчилгээг зөвхөн мэргэжлийн хүнээр

Мэргэжлийн бус хүнээр засуулах нь төхөөрөмжийг гэмтээж болзошгүй бөгөөд үйлдвэрлэгчийн баталгааг хүчингүй болгоно. SIM карт, санах ойн карт, кабельтай болгоомжтой харьц.

• Картыг оруулах эсвэл кабелийг гар утсанд холбохдоо картыг зөв талаар нь оруулж, кабелийг зөв талд нь холбосныг нягтал.

• Өгөгдөл алга болж, карт болон хэрэгслийг гэмтээж болох тул гар утсаар мэдээлэл дамжуулж эсвэл мэдээлэлд хандаж байгаа үед картыг бүү салга.

• Картыг хүчтэй цохилт, цахилгаанжилт, бусад хэрэгслийн цахилгааны дуу чимээнээс хамгаал.

• Алтлаг өнгөтэй контактууд эсвэл терминалуудад гараараа бүр хүр эсвэл металл эд зүйл бүү хүргэ. Хэрэв бохирдсон байвал картыг зөөлөн алчуураар арчиж цэвэрлэ.Монгол

• Картыг хүчээр/буруу оруулах, кабелийг мөн адил хүчээр/буруу холбовол төхөөрөмжний олон зориулалтын үүр эсвэл бусад эд ангиуд гэмтэж магадгүй. Түргэн тусламжийн үйлчилгээнд хандах боломжтой байх. Зарим газар эсвэл нөхцөл байдалд төхөөрөмжнөөсөө түргэн тусламжийн дуудлага хийх боломжгүй байж магадгүй. Алслагдмал эсвэл буурай хөгжилтэй газар руу аялахаас өмнө түргэн тусламжийн үйлчилгээний ажилтнуудтай холбоо барих өөр арга замыг төлөвлө. Хувийн мэдээллээ хамгаал, хувийн эмзэг мэдээлэл цацагдах, буруу ашиглагдахаас урьдчилан сэргийл.

• Төхөөрөмжийг ашиглаж байхдаа чухал мэдээллээ нөөцөлж ав. Аливаа мэдээлэл алдагдсан тохиолдолд Samsung хариуцлага

• Төхөөрөмжийг хаяхдаа бүх мэдээллийг нөөцөлж аваад, дараа нь төхөөрөмжөө дахин форматлаж, хувийн мэдээлэл тань буруу ашиглагдахаас сэргийл.

• Аливаа програм татаж авахдаа зөвшөөрлийг нь анхааралтай уншиж танилц. Олон тооны үйлдэл эсвэл их хэмжээний хувийн мэдээлэлд ханддаг програмуудад нэн болгоомжтой ханд.

• Зөвшөөрөлгүй эсвэл сэжигтэй ашиглалт явагдаж байгаа эсэхийг олж мэдэхийн тулд дансаа тогтмол шалгаж бай. Хэрэв хувийн мэдээллийг тань буруу зорилгоор ашиглаж байгаа ямар нэг шинж тэмдэг илэрвэл дансны мэдээллээ устгуулах эсвэл өөрчлөхийн тулд үйлчилгээ үзүүлэгчид ханд.

• Төхөөрөмжөө гээсэн эсвэл хулгайд алдсан тохиолдолд дансныхаа нууц үгийг сольж хувийн мэдээллээ хамгаал.

• Үл мэдэх эх сурвалж бүхий програмыг ашиглахаас зайлсхий, мөн төхөөрөмжөө дүрс, нууц үг эсвэл пин кодоор түгж. Зохиогчийн эрхээр хамгаалагдсан материалыг бусдад бүү түгээ. Агуулгын өмчлөгчөөс зөвшөөрөл авалгүйгээр зохиогчийн эрхээр хамгаалагдсан материалыг бусдад бүү түгээ. Эс тэгвэл зохиогчийн эрхийн тухай хуулийг зөрчсөнд тооцогдох болно. Хэрэглэгч зохиогчийн эрхээр хамгаалагдсан материалыг хууль бусаар ашигласны улмаас үүссэн эрх зүйн асуудлыг үйлдвэрлэгч хариуцахгүй.Монгол

Хортой програм ба вирус. Төхөөрөмжийг хортой програм, вирусээс хамгаалахын тулд дараах зөвлөмжийг дагаж мөрд. Эс тэгвэл баталгааны үйлчилгээний хамрах хүрээнд багтаагүй мэдээлэл алдагдахад хүрч магадгүй.

• Үл таних програм бүү тат.

• Найдваргүй вэбсайтаар бүү зочил.

• Үл мэдэх илгээгчээс ирүүлсэн сэжиг бүхий зурвас эсвэл захидлыг устгаж бай.

• Нууц үг тогтоогоод, түүнийгээ байнга сольж бай.

• Bluetooth мэт утасгүй функцуудыг ашиглаагүй үедээ идэвхгүй болгож бай.

• Хэрэв төхөөрөмж хэвийн бус байдлаар ажиллаж эхлэвэл вирусын эсрэг програм ашиглан вирусын халдвар авсан эсэхийг шалга.

• Шинээр татаж авсан програм эсвэл файлуудыг эхлүүлэхийн өмнө гар утсан дээрээ вирусын програм ажиллуулж бай.

• Вирусын эсрэг програмыг компьютер дээрээ суулгаад, вирусын халдвар авсан эсэхийг тогтмол шалгаж бай.

• Бүртгэлийн тохиргоог бүү өөрчил, мөн төхөөрөмжний үйлдлийн системийг бүү хувирга. Цахилгаан соронзон энерги шингээх хувийн коэффициент (SAR)-ийн гэрчилгээжүүлэлтийн талаарх мэдээлэл. Нэмэлт мэдээлэл авахын тулд www.samsung.com/sar

төхөөрөмжний загварын дугаарыг оруулан хайж болно.Монгол

Бүтээгдэхүүнийг зөв хаях талаар. (Цахилгаан, электрон төхөөрөмжийн хаягдал) Бүтээгдэхүүн, нэмэлт хэрэгсэл, унших материал дээр байрлуулсан энэхүү тэмдэглэгээ нь тухайн бүтээгдэхүүн болон түүний электрон хэрэгслүүд (ж.нь цэнэглэгч, чихэвч, USB кабель)-ийг гэр ахуйн бусад хог хаягдалтай хамт хаяж болохгүй гэдгийг анхааруулж байгаа юм. Хяналтгүй хог хаягдлаас байгаль орчин болон хүний эрүүл мэндэд хор хөнөөл учрахаас урьдчилан сэргийлэх үүднээс эдгээр зүйлийг бусад хог хаягдлаас тусгаарлаад, материалын нөөцийг тогтвортой дахин ашиглах явдлыг дэмжих үүднээс хариуцлагатайгаар дахин ашиглах ёстой. Өрхийн хэрэглэгчид тухайн бүтээгдэхүүнийг худалдан авсан дэлгүүр, сум, дүүргийн захиргааны байгууллагатай холбогдож, эдгээр эд зүйлийг байгаль орчинд ээлтэй байдлаар дахин боловсруулж, ашигладаг байгууллага хаана байдаг талаар лавлаж болно. Албан байгууллагын хэрэглэгчид өөрсдийн ханган нийлүүлэгчтэй холбогдож, худалдан авалтын гэрээнд заасан нөхцөл, болзлыг эргэж үзэх хэрэгтэй. Энэхүү бүтээгдэхүүн болон түүний электрон нэмэлт хэрэгслүүдийг байгууллагын бусад хог хаягдалтай хольж болохгүй.Монгол

Бүтээгдэхүүний зайг зөв хаях талаар. Зай, гарын авлага болон баглаан дээр байрлуулсан энэхүү тэмдэглэгээ нь тухайн бүтээгдэхүүний ашиглалтын хугацаа нь дуусахад тэдгээрийн зайг гэр ахуйн бусад хог хаягдлын хамт хаяж болохгүй гэдгийг анхааруулж байгаа юм. Hg, Cd, Pb зэрэг химийн бодисын тэмдгээр тэмдэглэсэн байвал тухайн зайнд агуулагдаж буй мөнгөн ус, кадмий, хар тугалгын агууламжийн хэмжээ ЕХ-ны 2006/66 тоот удирдамжид заасан түвшнээс их болохыг илтгэнэ. Үүрэг хариуцлагаас татгалзах. Энэхүү төхөөрөмжөөр дамжуулан авах боломжтой зарим агуулга, үйлчилгээ нь гуравдагч талын өмч бөгөөд зохиогчийн эрх, патент, худалдааны тэмдэг, оюуны өмчийн хуулиар хамгаалагдсан болно. Ийм агуулга, үйлчилгээг зөвхөн таны хувийн хэрэгцээнд зориулан ханган өгч байгаа юм. Та аль ч агуулга эсвэл үйлчилгээг агуулгын өмчлөгч эсвэл үйлчилгээ үзүүлэгчийн зүгээс зөвшөөрөөгүй байдлаар ашиглаж болохгүй. Холбогдох агуулгын өмчлөгч эсвэл үйлчилгээ үзүүлэгч илэрхий байдлаар зөвшөөрсөн байхаас бусад тохиолдолд дээр дурдсаныг хязгаарлалгүйгээр энэхүү төхөөрөмж дээр харагдах аливаа агуулга эсвэл үйлчилгээг өөрчлөх, хуулбарлах, дахин нийтлэх, байршуулах, олон нийтэд мэдэгдэх, дамжуулах, орчуулах, худалдах, дайвар бүтээл гаргаж авах, ашиглах эсвэл ямар нэг байдлаар эсвэл хэрэгслээр дамжуулан бусдад түгээхийг хориглоно.Монгол

“ГУРАВДАГЧ ТАЛЫН АГУУЛГА БОЛОН ҮЙЛЧИЛГЭЭГ "БАЙГААГААР" НЬ ХАНГАЖ ӨГЧ БАЙГАА БОЛНО": SAMSUNG НЬ ИЙНХҮҮ ХАНГАН ӨГСӨН АГУУЛГА ЭСВЭЛ ҮЙЛЧИЛГЭЭНД ЯМАР Ч ЗОРИЛГООР ИЛЭРХИЙ БОЛОН ДАЛД УТГААР БАТАЛГАА ГАРГАЖ ӨГӨХГҮЙ. SAMSUNG НЬ ДАЛД УТГАТАЙ АЛИВАА БАТАЛГААНААС (ТЭР ДУНДАА ЭНГИЙН ХЭРЭГЛЭЭНИЙ БАТАЛГАА БОЛОН ТОДОРХОЙ ЗОРИЛГОД НИЙЦЭХ БАТАЛГАА, ГЭХДЭЭ ҮҮГЭЭР ХЯЗГААРЛАГДАХГҮЙ) ИЛЭРХИЙ БАЙДЛААР ТАТГАЛЗАЖ БАЙНА. SAMSUNG НЬ ЭНЭХҮҮ ТӨХӨӨРӨМЖӨӨР ДАМЖУУЛАН АШИГЛАХ БОЛОМЖТОЙ АЛИВАА АГУУЛГА, ҮЙЛЧИЛГЭЭНИЙ ҮНЭН ЗӨВ, ХҮЧИН ТӨГӨЛДӨР, ЦАГ ҮЕЭ ОЛСОН, ХУУЛЬ ЁСНЫ БОЛОН БҮРЭН БҮТЭН БАЙДЛЫГ ХАРИУЦАХГҮЙ БӨГӨӨД SAMSUNG НЬ ЯМАРВАА НЭГЭН ХОХИРОЛ УЧИРЧ БОЛЗОШГҮЙ ТАЛААР ТАНД МЭДЭГДСЭН ЭСЭХЭЭС ҮЛ ХАМААРАН ГЭРЭЭНИЙ ХҮРЭЭНД ЭСВЭЛ ИРГЭНИЙ ЭРХИЙН ЗӨРЧИЛТЭЙ ХОЛБОГДУУЛАН ТУХАЙН АГУУЛГА ЭСВЭЛ ҮЙЛЧИЛГЭЭНД АГУУЛАГДАЖ БУЙ МЭДЭЭЛЭЛТЭЙ ХОЛБООТОЙГООР, ЭСВЭЛ ТЭДГЭЭР АГУУЛГА, ҮЙЛЧИЛГЭЭГ ТА БОЛОН АЛИВАА ГУРАВДАГЧ ТАЛ АШИГЛАСНЫ УЛМААС ҮҮССЭН АЛИВАА ШУУД, ШУУД БУС, ТОХИОЛДЛЫН, ОНЦГОЙ, ҮР ДАГАВРЫН ШИНЖ ЧАНАРТАЙ ХОХИРОЛ, ӨМГӨӨЛӨГЧИЙН ЗАРДАЛ БОЛОН АЛИВАА БУСАД ХОХИРЛЫГ ЯМАР Ч НӨХЦӨЛД (ТЭР ДУНДАА ХАЙХРАМЖГҮЙ БАЙДЛЫН УЛМААС) ХАРИУЦАХГҮЙ.” Гуравдагч талын үйлчилгээг ямар ч үед цуцалж, тасалж болох бөгөөд Samsung-н зүгээс тэдгээр агуулга, үйлчилгээг бүх цаг хугацаанд ашиглаж болно гэсэн баталгаа эсвэл мэдэгдлийг гаргахгүй. Гуравдагч талууд агуулга болон үйлчилгээгээ Samsung-н зүгээс хянах боломжгүй сүлжээний хэрэгсэл, дамжуулах байгууламжаар дамжуулдаг. Энэхүү татгалзах тухай мэдэгдлийн нийтлэг шинжийг хязгаарлалгүйгээр Samsung нь энэхүү төхөөрөмжөөр дамжуулан хүргэж буй аливаа агуулга, үйлчилгээний тасалдал, түдгэлзэлтэй холбогдуулан ямар ч үүрэг, хариуцлага хүлээхгүй. Samsung нь ийм агуулга, үйлчилгээтэй холбоотойгоор үйлчлүүлэгчдэд үйлчилгээ үзүүлэх хариуцлага хүлээхгүй. Ийм агуулга, үйлчилгээтэй холбоотой аливаа асуулт, үйлчилгээ авах хүсэлтийг тухайн агуулга, үйлчилгээ үзүүлэгчид шууд хандаж гаргах ёстой.ျမန္မာ