STRANDÖN 505.758.49 - Barbecue IKEA - Ókeypis notendahandbók

NOTENDAHANDBÓK STRANDÖN 505.758.49 IKEA

VARÚÐ! Fjarlægðu öll kolin úr grillinu og leyfðu því að kólna áður en þú setur það í pokann.

Annars getur kviknað í pokanum og það valdið meiðslum og eignatjóni.

Eldunarsvæði: ∅24 cm.

UMHIRÐU- OG VIÐHALDSLEIÐBEININGAR

Áður en þú heldur áfram, vertu viss um að þú skiljir VIÐVARANIR handbókarinnar.

Aldrei nota eldunaráhöld sem geta valdið skemmdum á grillinu (1).

Undirbúningur fyrir matreiðslu - til að koma í veg fyrir að matur festist við grillgrindina, notaðu bursta með löngu handfangi og berðu steikingar- eða grænmetisolíu á grindina áður en þú byrjar að grilla.

Athugaðu: Þegar þú grillar í fyrsta skipti á grillinu, gæti litur grillsins breyst örlítið um lit vegna hás hita. Það er eðlilegt og má gera ráð fyrir að gerist.

Kveiktu upp í kolunum með löngum kveikjara eða langri eldspýtu.

Þegar logarnir deyja út ætti að gæta að hvort glóð lifi örugglega í kolunum.

Mælt er með að láta kolin standa glóandi í 30-40 mínútur áður en grillað er.

Ekki byrja að grilla fyrr en kolin eru orðin grá.

Að notkun lokinni

Notið tusku, heitt vatn og uppþvottalög til að þrífa grillið. Notið ekki hrjúf hreinsiefni.

Það veldur skemmdum ef notuð eru hrjúf hreinsiefni eða beitt áhöld á grillið.

Umhirða, viðhald og geymsla

• Þrífðu grillið reglulega milli þess sem það er notað og sérstaklega eftir að það hefur staðið
• óhreyft lengi.
• Gættu þess að grillið og allir hlutar þess séu orðnir kaldir áður en grillið er þrifið.
• Aldrei hella vatni yfir grillið á meðan það er enn heitt.
• Snertu aldrei heitt grill með berum höndum.
• Breiddu alltaf yfir grillið þegar það er ekki í notkun. Geymdu grillið í skýli eða skúr til að vernda það gegn veðrun.
• Sólarljós, vatn og saltvatn getur allt valdið skemmdum á grillinu. (Í sumum tilfellum er yfirbreiðsla ekki nóg).
• Til að lengja líftíma grillsins og halda því við, mælum við sterklega með að breitt sé yfir það ef það stendur úti í lengri tíma, sérstaklega yfir vetrartímann.
• Áður en grillið er sett í geymslu til lengri tíma, skaltu ganga úr skugga um að aska og kol séu fjarlægð úr grillinu. Taska: Léttir blettir nást af með hreinsiefni fyrir textíl eða með svampi, sem hefur verið vættur í vatni eða mildu sápuvatni.

VARÚÐ

Ef þeim viðvörunum sem taldar eru upp hér í leiðbeiningunum er ekki fylgt eftir, getur það leitt til alvarlegra líkamsáverka eða banaslysa, eða valdið eignaspjöllum vegna elds eða sprengingar. Öryggistákn (↓) gefa til kynna mikilvægar öryggisupplýsingar.

Vöruna MÁ AÐEINS NOTA UTANDYRA. Notist ALDREI í lokuðu rými eins og bílskýli, bílskúr, lokuðum palli, garðskýli eða undir hvers konar yfirbyggingu.

Yfirfylltu grillið ekki af kolum og láttu kolin ekki snerta ytri skel grillsins.

Grillið ætti að vera sett saman á öruggan hátt fyrir notkun

Snertu aldrei heita hluta grillsins með berum höndum.

Ekki nota innandyra!

Notkun innandyra getur orðið til þess að eitraðar lofttegundir safnist upp og valdi líkamstjóni eða jafnvel bana.

Notaðu aðeins utandyra á vel loftræstu svæði. Ekki nota inni í bílskúrum, byggingum eða í öðru lokuðu rými.

Ekki setja kolagrillið og skurðarbrettið aftur í pokann fyrr en grillið hefur kólnað alveg.

ATHUGADU! Þetta grill má aldrei nota undir eldfimri yfirbyggingu.

VARÚÐ! Grillið verður mjög heitt. Ekki færa það til meðan það er í notkun.

⚠️ VARÚÐ! Haltu börnum og gæludýrum í öruggri fjarlægð.

Hvers kyns breytingar á grillinu geta reynst hættulegar.

Aldrei skilja grillið eftir eftirlitslaust þegar það er í notkun.

Fylgdu ávallt leiðbeiningum um þrif og umhirðu og sinnið viðhaldi reglulega.

⚠️ Þegar grillinu er komið fyrir þarf að gæta þess að það sé í að minnsta kosti eins metra fjarlægð frá eldfimum efnum eða byggingum.

Ekki bæta grillvökva, eða kolum sem vætt hafa verið með grillvökva, á heit kol.

Fjarlægðu ekki ösku fyrr en öll kol hafa brunnið upp og grillið er orðið kalt.

Varastu að vera í fatnaði með löngum og víðum ermum þegar grillað er.

Ekki nota grillið í miklum vindi.

Ekki snerta grillið til að athuga hvort það sé orðið heitt.

Notaðu ávallt vírgrindina eins og sýnt er í leiðbeiningunum þegar grillað er. Ekki nota vatn til að slökkva loga eða kæla niður notuð kol. Láttu kolin alltaf brenna upp eða slökkvið í glæðum að notkun lokinni. ⚠️ Notaðu alltaf grillhanska þegar kveikt er upp, grillað og loftræsting stillt. Notaðu viðeigandi grilláhöld við eldamennskuna. Ekki má losa heit kol á stöðum þar sem þau geta skapað eldhættu. Settu grillið ekki í geymslu eða undir ábreiðu fyrr en slokknað hefur í kolunum og þau hafa verið fjarlægð og grillið er orðið kalt. Þetta grill hentar ekki til notkunar í ferðabílum eða á bátum. Grillið ætti aldrei að nota sem hitara.

Notaðu grillið aldrei á lokuðum eða þröngum svæðum eða á íbúðarhæfum svæðum eins og húsum, tjöldum, hjólhýsum, húsbílum, bátum. Hætta á kolsýringseitrun.

Áður en skurðarbrettið er notað í fyrsta skipti

Skolaðu með heitu vatni og mildu þvottaefni fyrir notkun.

Það er auðveldara að halda vörum úr við hreinum og án fitubletta ef þær eru meðhöndlaðar með olíu fyrir fyrstu notkun. Það bætir líka rakapol viðarins. Notaðu olíu sem má komast í snertingu við mat, eins og jurtaolíu. Berðu eina umferð af olíu á vöruna og þurrkaðu alla umframolíu af. Endurtakið 24 klukkustundum síðar.

Umhirða skurðarbrettisins

Hægt er að aðskilja málmhlutana frá viðarhlutunum til að auðvelda þrif. Málmbakkann þarf að þvo í höndunum.

Þrífðu skurðarbrettið með hreinum klút eða skrúbbaðu það með bursta. Láttu skurðarbrettið ekki liggja í bleyti og ekki skilja það eftir í vatni í langan tíma. Það getur valdið því að viðurinn klofnar. Þurrkaðu brettið vandlega en ekki hita það til að flýta fyrir.

Til að meðhöndla brettið er hægt að pússa það með meðalgrófum sandpappír og olíubera það.