GST 18 V-LI B Professional - Пила BOSCH - Бесплатен кориснички прирачник

Тип на производ	Безжична сложувалка
Марка	Bosch
Модел	GST 18 V-LI B Professional
Напојување	Li-Ion батерија 18V (не е вклучена)
Димензии (Д x Ш x В)	250 x 80 x 200 mm
Тежина (без батерија)	2,3 kg
Максимален капацитет на сечење во дрво	80 mm
Максимален капацитет на сечење во челик	8 mm
Променлива брзина	Да, од 0 до 2700 осцилации/мин
Ход	23 mm
Агол на сечење	0° до 45° (прилагодлив)
Главни функции	LED осветлување, дувалка, промена на сечило без алат
Одржување и чистење	Чистете со сува крпа; подмачкајте ја водечката шипка доколку е потребно
Безбедност	Кочење на сечилото, заштита од случајно стартување
Резервни делови и поправка	Сечила, плочи, батерии, полнач достапни како додатоци
Општи информации	Професионален безжичен уред од Bosch Professional серијата

Често поставувани прашања - GST 18 V-LI B Professional BOSCH

Која батерија да се користи со GST 18 V-LI B Professional?

Користете батерија Bosch Professional 18V од серијата GBA или ProCore за оптимални перформанси.

Како да го смените сечилото без алат?

Свртете го лостот за брза промена налево, вметнете го сечилото до крај, потоа отпуштете го лостот. Проверете дали сечилото е добро заклучено.

Која е максималната длабочина на сечење во дрво?

Максималната длабочина на сечење во дрво е 80 mm.

Како да се подеси аголот на сечење?

Отклучете ја плочата со вртење на тркалцето, наклонете ја пилата до саканиот агол (0 до 45°), потоа повторно заклучете.

Дали пилата има LED осветлување?

Да, опремена е со вградено LED осветлување кое го осветлува линијата на сечење.

Како да се исчисти пилата по употреба?

Исчистете ја пилата со сува и мека крпа. Избегнувајте растворувачи. За плочата, користете малку масло доколку е потребно.

Што да направите ако сечилото се заглави за време на сечењето?

Веднаш исклучете го уредот, извадете ја батеријата, потоа внимателно ослободете го сечилото. Проверете дали сечилото е соодветно за материјалот.

Колка е гаранцијата за овој модел?

Стандардната гаранција на Bosch Professional е 3 години (потребна е регистрација) или 2 години без регистрација, во зависност од државата.

Може ли да користам сечила од други брендови?

Се препорачува да користете сечила Bosch Professional за да се обезбеди безбедност и перформанси, но стандардните сечила со Т-опашка (T-shank) се компатибилни.

Како да знам дали батеријата е наполнета?

Пилата има индикатор за полнење на батеријата (ако е компатибилна) или на полначот. Консултирајте го прирачникот за батеријата.

КОРИСНИЧКИ ПРИРАЧНИК GST 18 V-LI B Professional BOSCH

Оригинално упатство за работа

Оригинално упатство за работа

Оригинално упатство за работа

Оригинално упатство за работа

Македонски...... Страница 188

Српски ...... Страна 196

Словенечки ....Страна 204

Хрватски....Страница 212

(19) Предпазна плоча

Безбедносни напомени

Општи предупредувања за безбедност за електрични алати

ПРЕДУПРЕДУВАЊЕ

Прочитајте ги сите безбедносни предупредувања, илустрации и спецификации приложени со

овој електричен алат. Непридржувањето до сите упатства приложени подолу може да доведе до струен удар, пожар и/или тешки повреди.

Зачувајте ги безбедносните предупредувања и упатствата за користење и за во иднина.

Поимот „електричен алат“ во безбедносните предупредувања се однесува на електрични апарати што користат струја (кабелски) или апарати што користат батерии (акумулаторски).

Безбедност на работниот простор

Работниот простор одржувајте го чист и добро осветлен. Преполни или темни простории може да доведат до несреќа. ▶ Не работете со електричните алати во експлозивна околина, како на пример, во присуство на запаливи течности, гасови или прашина. Електричните алати создаваат искри коишто може да ја запалат прашината или гасовите. ▶ Држете ги децата и присутните подалеку додека работите со електричен алат. Невниманието може да предизвика да изгубите контрола.

Електрична безбедност

▶ Приклучокот на електричниот алат мора да одговара на приклучницата. Никогаш не го менувајте приклучокот. Не користите приклучни адаптери со заземјените електрични алати. Неизменетите приклучоци и соодветните приклучници го намалуваат ризикот од струен удар.

▶ Избегнувајте телесен контакт со заземјени површини, како на пример, цевки, радијатори, метални ланци и ладилници. Постои зголемен ризик од струен удар ако вашето тело е заземјено.

▶ Не ги изложувајте електричните алати на дожд или влажни услови. Ако влезе вода во електричниот алат, ќе се зголеми ризикот од струен удар.

▶ Не постапувајте несоодветно со кабелот. Никогаш не го користете кабелот за носење, влечење или исклучување од струја на електричниот алат. Кабелот чувајте го подалеку од орган, масло, остри ивици или подвижни делови. Оштетени или заплеткани кабли го зголемуваат ризикот од струен удар.

▶ При работа со електричен алат на отворено, користете продолжен кабел соодветен за надворешна употреба. Користењето на кабел соодветен за надворешна употреба го намалува ризикот од струен удар.

▶ Ако мора да работите со електричен алат на влажно место, користете заштитен уред за диференцијална струја (RCD). Користењето на RCD го намалува ризикот од струен удар.

Лична безбедност

▶ Бидете внимателни, внимавајте како работите и работете разумно со електричен алат. Не користете електричен алат ако сте уморни или под дејство на дроги, алкохол или лекови. Еден момент на невнимание додека работите со електричните алати може да доведе до сериозна лична повреда.

▶ Користете лична заштитна опрема. Секогаш носете заштита за очи. Заштитната опрема, како на пр., маска за прашина, безбедносни чевли коишто не се лизгаат, шлем или заштита за уши, коишто се користат за соодветни услови, ќе доведат до намалување на лични повреди.

▶ Спречете ненамерно активирање. Проверете дали прекинувачот е исклучен пред да го вклучите во струја и/или со сетот на батерии, пред да го земете или носите алатот. Носење на електричните алати со прстот позициониран на прекинувачот или вклучување во струја на електричните алати чијшто прекинувачот е вклучен, може да предизвика несреќа. Отстранете каков било клуч за регулирање или француски клуч пред да го вклучите електричниот алат. Француски клуч или клуч прикачен за ротирачкиот дел на електричниот алат може да доведе до лична повреда. ▶ Не ги пречекорувајте ограничувањата. Постојано одржувајте соодветна положба и рамнотежа. Ова овозможува подобра контрола на електричниот алат во непредвидливи ситуации. ▶ Облечете се соодветно. Не носете широка облека и накит. Косата и алиштата треба да бидат подалеку од подвижните делови. Широката облека, накитот или долгата коса може да се закачат за подвижните делови. ▶ Ако се користат поврзани уреди за вадење прашина и собирање предмети, проверете дали се правилно поврзани и користени. Собирањето прашина може да ги намали опасностите предизвикани од неа. Не дозволувајте искуството стекнато со честа употреба на алатите да ве направи спокојни и да ги игнорирате безбедносните принципи при нивното користење. Невнимателно движење може да предизвика сериозна повреда во дел од секунда.

Употреба и чување на електричните алати

Не го преоптоварувајте електричниот алат. Користете соодветен електричен алат за намената. Со соодветниот електричен алат подобро, побезбедно и побрзо ќе ја извршите работата за која е наменет. ▶ Не користете електричен алат ако не можете да го вклучите и исклучите со помош на прекинувачот. Секој електричен алат којшто не може да се контролира со прекинувачот е опасен и мора да се поправи. ▶ Исклучете го електричниот алат од струја и/или извадете го сетот на батерии, ако се вади, пред да правите некакви прилагодувања, менувате дополнителна опрема или го складирате електричниот алат. Со овие превентивни безбедносни мерки се намалува ризикот од случајно вклучување на електричниот алат. Чувајте ги електричните алати подалеку од дофат на деца и не дозволувајте лицата кои не ракувале со електричниот алат или не се запознаени со ова упатство да работат со истиот. Електричните алати се опасни во рацете на необучени корисници. ▶ Одржување на електрични алати и дополнителна опрема. Проверете го порамнувањето или прицврстување на подвижните делови, спојот на

деловите и сите други услови што може негативно да влијаат врз функционирањето на електричниот алат. Ако е оштетен, однесете го електричниот алат на поправка пред да го користите. Многу несреќи се предизвикани заради несоодветно одржување на електричните алати.

▶ Острете и чистете ги алатите за сечење. Соодветно одржуваните ивици на алатите за сечење помалку се виткаат и полесно се контролираат. ▶ Електричниот алат, дополнителната опрема, деловите и др., користете ги во согласност со ова упатство, внимавајте на работните услови и работата која ја вршите. Користењето на електричниот алат за други намени може да доведе до опасни ситуации. Рачките и површините за држење одржувајте ги суви, чисти и неизмастени. Рачките и површините за држење што се лизгаат не овозможуваат безбедно ракување и контрола на алатот во непредвидливи ситуации.

Употреба и чување на батериски алат

▶ Полнете ја батеријата само со полнач наведен од производителот. Полнач којшто е соодветен за еден тип сет на батерии може да предизвика опасност од пожар ако се користи за друг сет на батерии. ▶ Електричните алати користете ги само со специјално наменети сетови на батерии. Користењето на други сетови на батерии може да предизвика опасност од повреда или пожар. Кога не го користите сетот на батерии, чувајте го подалеку од други метални предмети, како на пр., спојувалки, монети, клучеви, шајки, завртки или други помали метални предмети што може да предизвикаат спој од еден до друг извор. Краток спој на батериските извори може да предизвика изгореници или пожар. ▶ Под непредвидени околности, течноста може да истече од батеријата; избегнувајте контакт. При случаен допир, измијте се со млаз вода. Ако течноста влезе во очите, побарајте дополнителна медицинска помош. Течност истечена од батеријата може да предизвика иритација или изгореници. Не употребувајте сет на батерии или алат што е оштетен или изменет. Оштетени или изменети батерии може да реагираат непредвидливо и да предизвикаат пожар, експлозија или опасност од повреда. Не го изложувајте сетот на батерии или алатот на оган или висока температура. Изложувањето на оган или на температура повисока од 130°C може да предизвика експлозија. ▶ Следете ги сите упатства за полнење и не го полнете сетот на батерии или алатот надвор од температурниот опсег наведен во упатствата. Неправилното полнење или на температура надвор од

наведениот опсег може да ја оштети батеријата и да ја зголеми опасноста од пожар.

Сервисирање

▶ Електричниот алат сервисирајте го кај квалификувано лице кое користи само идентични резервни делови. Со ова се овозможува безбедно одржување на електричниот алат. ▶ Никогаш не поправајте оштетени сетови на батерии. Поправката на сетови на батерии треба да ја врши само производителот или овластен сервис.

Безбедносни напомени за убодни пили

Држете го електричниот алат за изолираната површина додека сечете за да не дојде во контакт со скриена жица. Ако опремата за сечење дојде во допир со „жица под напон“, може да ги изложи металните делови на електричниот алат „под напон“ и операторот може да добие струен удар. Користете менгеме или некој друг практичен начин за да го обезбедите и прицврстите делот што се обработува на стабилна површина. Доколку го држите делот што се обработува со рака или го потпрете на вас, тоа ќе биде нестабилно и може да изгубите контрола. Држете ги рацете подалеку од делот каде што се сече. Не факајте под делот што се обработува. Доколку дојдете во контакт со листовите за пила постои опасност од повреда. Ставете го електричниот алат само кога е вклучен на делот што се обработува. Инаку постои опасност од повратен удар, доколку алатот што се вметнува се заглави во делот што се обработува. При сечење внимавајте на тоа, основната плоча да лежи стабилно. Свитканиот лист пила може да се скрши или да доведе до повратен удар. По завршувањето на работењето исклучете го електричниот алат и извадете го листот за пила од исечокот дури тогаш кога тој ќе застане. На тој начин ќе избегнете повратен удар и ќе може безбедно да го оставите електричниот алат. Почекајте додека електричниот алат сосема не прекине со работа, пред да го тргнете настрана. Алатот што се вметнува може да се блокира и да доведе до губење контрола над уредот. Користете само неоштетени, беспрекорни листови за пила. Искривените или неостри листови за пила може да се скршат, да влијаат негативно на сечењето или да предизвикаат повратен удар. Не го блокирајте листот за пилата по исклучувањето со странично контра-притискање. Листот за пила може да се оштети, скрши или да предизвика повратен удар. Користете соодветни уреди за пребарување, за да ги пронајдете скриените електрични кабли или консултирајте се со локалното претпријатие за снабдување со електрична енергија. Контактот со

електрични кабли може да доведе до пожар и струен удар. Оштетувањето на гасоводот може да доведе до експлозија. Навлегувањето во водоводни цевки предизвикува оштетување.

При оштетување и непрописна употреба на батеријата може да излезе пареа. Батеријата може да се запали или да експлодира. Внесете свеж воздух и доколку има повредени однесете ги на лекар. Пареата може да ги надразни дишните патишта. Не ја отворајте батеријата. Постои опасност од краток спој. Батеријата може да се оштети од острите предмети како на пр. клинци или одвртувач или со надворешно влијание. Може да дојде до внатрешен краток спој и батеријата може да се запали, да пушти чад, да експлодира или да се прегрее. Користете ја батеријата само во производи од производителот. Само на тој начин батеријата ќе се заштити од опасно преоптоварување.

Заштитете ја батеријата од топлина, на пр. од долготрајно изложување на сончеви зраци, оган, нечистотии, вода и влага.

Инаку, постои опасност од експлозија и краток спој.

Опис на производот и перформансите

Прочитајте ги сите безбедносни напомени и упатства. Грешките настанати како резултат на непридржување до безбедносните напомени и упатства може да предизвикаат електричен удар, пожар и/или тешки повреди.

Внимавајте на сликите во предниот дел на упатството за користење.

Употреба со соодветна намена

GST 18 V-LIS

Електричниот алат е наменет за сечење во дрво, пластика, метал, керамички плочки и гумени материјали на стабилна подлога. Тој е наменет за прави и криви резови. Внимавајте на безбедносните напомени за пила.

GST 18 V-LIB

Електричниот алат е наменет за сечење во дрво, пластика, метал, керамички плочки и гумени материјали на стабилна подлога. Тој е погоден за прави и криви резови под агли на закосување од 45°. Внимавајте на препораките за сечилото за пила.

Илустрација на компоненти

Нумерирањето на сликите со компоненти се однесува на приказот на електричниот алат на графичката страница.

(1) Блокада при вклучување на прекинувачот за вклучување/исклучување (GST 18 V-LI B)

(2) Прекинувач за вклучување/исклучување (3) Батерија ^a) (4) Копче за отклучување на батерија ^a) (5) Клуч со внатрешна шестаголна глава (GST 18 V-LI B) (6) Пластична лизгачка плоча (7) Основна плоча (8) Лост за подесување на осцилациите (9) Водечки валјак (10) Сечило за пила ^a) (11) SDS-лост за блокирање на сечилото за пила (12) Работно светло (13) Заштита од допир

(14) Рачка (изолирана површина на рачката) (15) Копче за работно светло (GST 18 V-LI S) (16) Копче за подесување на претходното избирање на бројот на работни одови (GST 18 V-LI S) (17) Прифат на сечило за пила (18) Челична лизгачка папуча ^a) (19) Заштита од кинење (20) Млазници за всисување ³⁾ (21) Црево за всисување ^a) (22) Завртка за основната плоча (GST 18 V-LI B) (23) Скала на агли на закосување (GST 18 V-LI B)

a) Илустрираната или опишана опрема не е дел од стандардниот обем на испорака. Целосната опрема може да ја најдете во нашата Програма за опрема.

Технички податоци

Батерија на убодна пила GST 18 V-LI S GST 18 V-LI B
Број на дел		3 601 EA5 1.. 3 601 EA6 1..
Номинален напон V= 18 18
Број на работни одови во празно n0	min-1	550–2700 0–2700
Работен од mm 23 23
макс. длабочина на резот
– во дрво mm 120 120
– во алуминиум mm 20 20
– во челик (нелегиран) mm 8 8
Агол за сечење (лево/десно) макс.° – 45
Тежина согласно EPTA-Procedure 01:2014 kg 2,1–3,2		A)	2,1–3,2A)
препорачана околна температура при полнење °C	0 ... +35	0 ... +35
Дозволена околна температура при работењеB) и при складирање	°C	-20 ... +50	-20 ... +50
препорачани акумулаторски батерии		GBA 18V...ProCORE18V...	GBA 18V...ProCORE18V...
Препорачани полначи		GAL 18...GAX 18...GAL 36...	GAL 18...GAX 18...GAL 36...

A) во зависност од употребената батерија В) ограничена јачина при температури <0 °C Техничките податоци се на испорачаната батерија.

Информации за бучава/вибрации

		GST 18 V-LI S GST 18 V-LI B
Вредностите за емисија на бучава се одредуваат согласно EN 62841-2-11.
Нивото на звук на електричниот алат оценето со А типично изнесува:
Ниво на звучен притисок	dB(A)	83 83
Ниво на звучна јачина	dB(A)	94 94
Несигурност К	dB	5	5
Носете заштита за слухот!
Вкупните вредности на вибрации an (векторски збир на три насоки) и несигурност К дадени се во согласностсо EN 62841-2-11:

GST 18 V-LI S GST 18 V-LI B Сечење на шперплоча со сечило за пила T 144 D:

ah,B	m/s2	7,56
K m/s	2	1,51,5
Сечење на метален лим со сечило за пила T 118 AF:
ah,M	m/s2	88,5
K m/s	2	1,51,5

Нивото на вибрации наведено во овие упатства и вредноста на емисијата на бучава се измерени според мерни постапки и можат да се користат за споредба меѓу електрични алати. Исто така може да се прилагоди за предвремена процена на нивото на вибрации и емисијата на бучава.

Наведеното ниво на вибрации и вредноста на емисијата на бучава ги претставуваат главните примени на електричниот алат. Доколку електричниот алат се користи за други примени, алатот што се вметнува отстапува од нормите или недоволно се одржува, нивото на вибрации и вредноста на емисијата на бучава можат да отстапуваат. Ова може значително да го зголеми нивото на вибрации и емисијата на бучава во целокупниот период на работење.

За прецизно одредување на нивото на вибрации и емисијата на бучава, треба да се земе предвид периодот во кој уредот е исклучен или работи, а не во моментот кога е во употреба. Ова може значително да го намали нивото на вибрации и емисијата на бучава во целокупниот период на работење.

Утврдете ги дополнителните мерки за безбедност за заштита на корисникот од влијанието од вибрациите, како на пр.: одржување на електричните алати и алатите за вметнување, одржување на топлината на дланките, организирање на текот на работата.

Монтажа

▶ Пред било каква интервенција на електричниот алат (на пр. одржување, замена на алат итн.) како и при негов транспорт и складирање, извадете ја батеријата од него. При невнимателно притискање на прекинувачот за вклучување/исклучување постои опасност од повреди.

Полнење на батеријата

▶ Користете ги само полначите коишто се наведени во техничките податоци. Само овие уреди за полнење се погодни за литиум-јонската батерија за Вашиот електричен уред.

Напомена: Батеријата се испорачува делумно наполнета. За да ја наполните целосно батеријата, пред првата употреба ставете ја на полнач додека не се наполни целосно.

Литиум-јонските батерии може да се наполнат во секое време, без да се намали нивниот животен век. Прекинот при полнењето не ѝ наштетува на батеријата.

Литиум-јонската батерија е заштитена од длабоко празнење со „Electronic Cell Protection (ECP)“. Доколку се испразни батеријата, електричниот алат ќе се исклучи со помош на заштитниот прекинувач: Електричниот алат не се движи веќе.

По автоматското исклучување на електричниот алат, не притискајте на прекинувачот за вклучување/исклучување. Батеријата може да се оштети.

Батеријата (3) има два степени на блокирање, што спречуваат да испадне батеријата при невнимателно притискање на копчето за отклучување на батеријата (4). Сè додека е вметната батеријата во електричниот алат, таа се држи во позиција со помош на пружина.

За да ја извадите батеријата (3), притиснете ги копчињата за отворање (4) и извлечете ја батеријата од електричниот алат. Притоа, не употребувајте сила.

Приказ за наполнетост на батеријата

Трите зелени LED-светилки на приказот за наполнетост на батеријата ја покажуваат состојбата на наполнетост на батеријата. Од безбедносни причини, состојбата на наполнетост на батеријата може да ја проверите само доколку електричниот алат е во мирување.

Притиснете го копчето на приказот за наполнетост на батеријата, или , вада се прикаже наполнетоста. Ова исто така е возможно и со извадена батерија.

Доколку по притискањето на копчето на приказот за наполнетост на батеријата не свети LED светилка, батеријата е дефектна и мора да се замени.

Вметнување/замена на сечилото за пилата

▶ При ставање или при замена на електричниот алат носете заштитни ракавици. Алатите за вметнување се остри и може да се загреат при подолга употреба.

Бирање на сечилото за пилата

Прегледот за препорачани сечила за пила ќе го најдете на крајот од ова упатство. Поставувајте само сечила за пила со сечило со еден заоблен дел (Т-сечило). Сечилото за пила не треба да биде подолго отколку што е потребно за предвидениот рез.

За сечење на тесни кривини користете тесно сечило за пила.

Исчистете го сечилото на листот за пила пред вметнувањето. Нечистото сечило не може да се прицврсти стабилно.

Вметнете го сечилото за пила (10) со запците во правец на резот, додека не се вклопи во прифатот за сечило за пила (17). SDS-рачката (11) автоматски скокнува наназад и сечилото за пила се деблокира. Не го притискајте рачката (11) со раката наназад, инаку можете да го оштетите електричниот алат.

При вметнување на сечилото за пила внимавајте на тоа задниот дел да лежи во жлебот на водечкиот валјак (9).

▶ Проверете дали е стабилно сечилото за пила.

Лабаво поставеното сечило за пила може да испадне и да Ве повреди.

▶ При вадењето на сечилото за пила држете го електричниот алат така што нема да се повредат лица или животни со исфрленото сечило.

Свртете ја SDS-рачката (11) нанапред до крај во правец на заштитата од допир (13). Сечилото за пила ќе се отпушти и ќе се исфрли.

Пластичната лизгачка плоча (6) на основната плоча (7) го намалува гребењето на чувствителните површини. При обработка на метал, користете ја челичната лизгачка папуча (18).

При поставување на челичната лизгачка папуча (18) притиснете ја истата од предната страна на основната плоча (7).

Пластичната лизгачка плоча (6) треба да се замени доколку е истрошена.

Заштитата од кинење (19) (опрема) може да спречи кинење на површината при сечење на дрво. Заштитата од кинење може да се користи само со одредени видови на сечила за пила и со агол на резот од 0°. Основната плоча (7) при сечење со заштита од кинење не смее да се поместува наназад за сечење блиску до работ.

Вметнете ја заштитата од кинење (19) од напред во основната плоча (7).

Вшмукување на прав/струготини

Правта од материјалите како на пр. слоеви боја, некои видови дрво, минерали и метал може да биде штетна по здравјето. Допирањето или вдишувањето на таквата прав може да предизвика алергиски реакции и/или заболувања на дишните патишта на корисникот или лицата во околината.

Одредени честички прав како на пр. прав од даб или бука важат за канцерогени, особено доколку се во комбинација со дополнителни супстанци (хромат, средства за заштита на дрво). Материјалите што содржат азбест смеат да бидат обработувани само од страна на стручни лица.

– Затоа, доколку е можно, користете соодветен вшмукувач за прав за материјалот што се обработува.

– Погрижете се за добра проветреност на работното место.

– Се препорачува носење на маска за заштита при вдишувањето со класа на филтер P2.

Внимавајте на важечките прописи на Вашата земја за материјалот кој го обработувате.

▶ Избегнувајте собирање прав на работното место. Правта лесно може да се запали.

Вклучување на системот за всисување прав (види слики E-F)

Поставете ги млазниците за всисување (20) во вдлабнатините на основната плоча (7).

Поставете црево за всисување (21) (опрема) на млазниците за всисување (20). Поврзете го цревото за всисување (21) со всисувач за прашина (опрема).

Прегледот за приклучување на различните видови на всисувачи за прашина ќе го најдете на крајот од ова упатство.

За оптимално всисување, по можност поставете ја заштитата од кинење (19).

Всисувачот за прашина мора да е соодветен на материјалот на парчето што се обработува.

При всисување на особено опасни по здравје, канцерогени или суви честички прав, користете специјален всисувач.

Употреба

Начини на работа

▶ Пред било каква интервенција на електричниот алат (на пр. одржување, замена на алат итн.) како и при негов транспорт и складирање, извадете ја батеријата од него. При невнимателно притискање на прекинувачот за вклучување/исклучување постои опасност од повреди.

Подесување на осцилации

Осцилациите што се подесуваат на четири нивоа овозможуваат оптимално прилагодување на брзината, капацитетот и сликата на сечење на материјалот што се обработува.

Со рачката за подесување (8) можете да ги поставите осцилациите и за време на работата.

Оптималниот степен на осцилирање за односната примена може да се одреди со практичен обид. Притоа важат следните препораки:

• Доколку го изберете степенот на осцилирање што е помал, односно целосно го исклучите, толку ќе биде подобар и почист исечениот раб. – При обработка на тенки материјали (на пр. лимови) исклучете го осцилирањето. – Кај тврди материјали (на пр. челик) работете со мало осцилирање.
• Кај меки материјали и при сечење на дрво во правец на влакната може да се работи со максимално осцилирање.

Подесување на аголот на закосување (види слика G) (GST 18 V-LI B)

Основната плоча (7) може да се навали кон десно или кон лево за сечење под агол до 45°.

Млазниците за всисување (20) и заштитата од кинење (19) не се користат при сечење со закосување.

– Извадете ги млазниците за всисување (20) и заштитата од кинење (19). – Олабавете ја завртката (22) со внатрешен шестаголен клуч (5) и вметнете ја основната плоча (7) до крај во правец на батеријата (3). – За подесување на прецизен агол на косо сечење, основната плоча од десната и левата страна има точки за вклопување 0° и 45°. Навалете ја основната плоча (7) согласно скалата (23) во саканата позиција. Другите агли на косо сечење може да се подесат со помош на агломер. – Потоа притиснете ја основната плоча (7) до крај во правец на сечилото за пила (10). – Повторно затегнете ја завртката (22).

Поместување на основната плоча (види слика G) (GST 18 V-LI B)

За сечење во близина на рабовите можете наназад да ја поместите основната плоча (7).

Олабавете ја завртката на основната плоча (22) со внатрешен шестаголен клуч (5) и вметнете ја основната плоча (7) до крај во правец на батеријата (3).

Повторно затегнете го шрафот (22).

Сечењето со поместена основна плоча (7) е можно само со агол на косо сечење од 0°. Освен тоа не треба да се употребува заштитата од кинење (19).

Ставање во употреба

Вметнување на батеријата

Напомена: Користењето на батерии кои не се соодветни за Вашиот електричен алат може да доведе до погрешно функционирање или до оштетување на истиот.

Наполнетата батерија (3) притиснете ја од долната страна навнатре во подножјето на електричниот алат. Целосно притиснете ја батеријата во подножјето, додека не се заклучи.

Вклучување на LED-работното светло (GST 18 V-LI S)

За вклучување или исклучување на работното светло (12), притиснете го копчето за работно светло (15).

Не гледајте директно во него, може да ве заслепи.

Вклучување/исклучување (GST 18 V-LI S)

Проверете дали можете да го притиснете прекинувачот за вклучување/исклучување, без да ја отпуштите рачката.

За вклучување на електричниот алат, притиснете го прекинувачот за вклучување/исклучување (2) нанапред, така што на прекинувачот ќе се појави „I“.

За исклучување на електричниот алат, притиснете го прекинувачот за вклучување/исклучување (2) наназад, така што на прекинувачот ќе се појави „0“.

Вклучување/исклучување (GST 18 V-LI B)

За вклучување на електричниот алат, прво притиснете покрај симболот на блокадата при вклучување (1) и со тоа ќе ја деактивирате. Потоа притиснете го прекинувачот за вклучување/исклучување (2) и држете го притиснат. Работната светилка свети при малку или целосно притиснат прекинувач за вклучување/исклучување (2) и овозможува осветлување на работното поле при услови на слаба осветленост.

Не гледајте директно во него, може да ве заслепи.

За исклучување на електричниот алат, отпуштете го прекинувачот за вклучување/исклучување (2). За да ја активирате блокадата при вклучување (1), притиснете покрај симболот на блокадата при вклучување.

Напомена: Од безбедносни причини, прекинувачот за вклучување/исклучување (2) нема да се блокира, туку за време на работата постојано мора да биде притиснат.

Претходно избирање број на работни одови (GST 18 V-LI S)

Со копчето за подесување на претходното избирање на број на работни одови (16) можете истите претходно да ги изберете и потоа да ги промените во текот на работата. Потребниот број на работни одови зависи од материјалот и работните услови и може да се одреди со практична примена.

Се препорачува намалување на бројот на работни одови при поставување на сечилото за пила на алатот, како и при сечење на пластика и алуминиум.

При подолготрајно работење со мал број на работни одови, електричниот алат може многу да се вжешти. Извадете го сечилото за пила и оставете го електричниот алат да работи околу 3 мин. со максимален број на работни одови.

Контролирање на работни одови (GST 18 V-LI B)

Бројот на работни одови на вклучениот електричен алат може да го регулирате бесстепено, во зависност од тоа колку ќе го притиснете прекинувачот за вклучување/исклучување (2).

Со нежно притискање на прекинувачот за вклучување/исклучување (2) се постигнуваат мал број на работни одови. Со зголемување на притисокот се зголемува и бројот на работни одови.

Потребниот број на работни одови зависи од материјалот и работните услови и може да се одреди со практична примена.

Се препорачува намалување на бројот на работни одови при поставување на сечилото за пила на алатот, како и при сечење на пластика и алуминиум.

При подолготрајно работење со мал број на работни одови, електричниот алат може многу да се вжешти. Извадете го сечилото за пила и оставете го електричниот алат да работи околу 3 мин. со максимален број на работни одови.

Заштита од преоптоварување во зависност од температурата

Правилната употреба не може да го преоптовари електричниот алат. При преголемо оптоварување или работење надвор од дозволените граници на температура за батеријата, се намалува бројот на вртежи или се исклучува електричниот уред. При намален број на вртежи, електричниот алат се вклучува дури откако ќе се постигне дозволената температура на батеријата или при намалено оптоварување со полн број на вртежи. При автоматско исклучување, исклучете го електричниот алат, оставете ја батеријата да се олади и повторно вклучете го.

Совети при работењето

▶ Пред било каква интервенција на електричниот алат (на пр. одржување, замена на алат итн.) како и при негов транспорт и складирање, извадете ја батеријата од него. При невнимателно притискање на

прекинувачот за вклучување/исклучување постои опасност од повреди.

Доколку се блокира сечилото за пила, исклучете го електричниот алат. ▶ При обработка на мали или тенки парчиња, секогаш користете стабилна подлога.

Пред сечењето во дрво, шперплочи, градежни материјали итн. проверете дали на нив има туѓи тела како на пр. клинци, шрафови и сл. и доколку има, отстранете ги.

Сечење со вдлабнување (види слика Н)

▶ Смеат да се обработуваат само меки материјали како дрво, гипс картон и сл. при сечење со вдлабнување!

За сечење со вдлабнување користете само кратки сечила за пила. Сечењата со вдлабнување се можни само со агол на закосеност од 0°.

Поставете го електричниот алат со предниот раб на основната плоча (7) на делот што се обработува, без сечилото за пила (10) да го допира делот што се обработува, и вклучете го. Кај електричните алати со контрола на бројот на удари, поставете го максималниот број на работни удари. Притиснете го електричниот алат на делот што се обработува и оставете го сечилото за пила полека да се вдлабне во делот што се обработува.

Штом основната плоча (7) целосно ќе налегне на површината на делот што се обработува, продолжете со сечење по должината на линијата.

Средство за ладење/подмачкување

При сечење на метал, поради загревање на материјалот, треба да нанесете средство за ладење односно подмачкување по должината на линијата за сечење.

Напомени за оптимално користење на батериите: Заштитете ја батеријата од влага и вода.

Складирајте ја батеријата во опсег на температура од -20 °C до 50 °C. Не ја оставајте батеријата, на пример, во автомобилот во лето.

Повремено чистете ги отворите за проветрување на батеријата со мека, чиста и сува четка.

Скратеното време на работа по полнењето покажува дека батеријата е потрошена и мора да се замени. Внимавајте на напомените за отстранување.

Одржување и сервис

Одржување и чистење

▶ Пред било каква интервенција на електричниот алат (на пр. одржување, замена на алат итн.), како и при негов транспорт и складирање, извадете ја батеријата од него. При невнимателно притискање на прекинувачот за вклучување/исклучување постои опасност од повреди.

▶ Одржувајте ги чисти електричниот алат и отворите за проветрување, за да може добро и безбедно да работите.

Редовно чистете го прифатот за сечилата за пила. За да го исчистите, извадете го сечилото за пила од електричниот алат и тропнете лесно со електричниот алат на рамна површина.

Големи нечистотии можат да доведат до пречки во функционирањето. Затоа не сечете од долу или над глава материјали што прават многу прашина.

Доколку излезот за прашина се затне, исклучете го електричниот алат, извадете го всисувачот за прашина и отстранете ги прашината и струготините.

Подмачкајте го водечкиот валјак (9) одвреме-навреме со неколку капки масло.

Редовно проверувајте го водечкиот валјак (9). Доколку е истрошен, мора да се замени во овластената специјализирана продавница Bosch.

Сервисна служба и совети при користење

Сервисната служба ќе одговори на Вашите прашања во врска со поправката и одржувањето на Вашиот производ, како и резервните делови. Ознаки за експлозија и информации за резервните делови исто така ќе најдете на: www.bosch-pt.com

Тимот за советување при користење на Bosch ќе ви помогне доколку имате прашања за нашите производи и опрема.

За сите прашања и нарачки на резервни делови, Ве молиме наведете го 10-цифрениот број од спецификационата плочка на производот.

Северна Македонија

Д.Д.Електрис

Дополнителни адреси на сервиси може да најдете под:

Препорачаните литиум-јонски батерии подлежат на барањата на Законот за опасни материјали. Батериите може да се транспортираат само од страна на корисникот, без потреба од дополнителни квалификации.

При пренос на истите од страна на трети лица (на пр. воздушен транспорт или шпедиција) неопходно е да се внимава на специјалните напомени на амбалажата и ознаките. Во таков случај, при подготовката на пратката мора да се повика експерт за опасни супстанци.

Транспортирајте ги батериите само доколку куќиштето е неоштетено. Залепете ги отворените контакти и спакувајте ја батеријата на тој начин што нема да се движи во амбалажата. Ве молиме внимавајте на евентуалните дополнителни национални прописи.

Отстранување

Електричните апарати, батериите, опремата и амбалажите треба да се отстранат на еколошки прифатлив начин.

Не ги фрлајте електричните апарати и батериите во домашната канта за губре!

Само за земјите од ЕУ:

Според европската директива 2012/19/EU за стари електрични и електронски уреди и нивната примена во националното законодавство, електричните алати што се надвор од употреба и дефектните или искористените батерии според директивата 2006/66/EC мора одделно да се соберат и да се рециклираат за повторна употреба.

Доколку се отстрануваат неправилно, електричната и електронската опрема може да имаат штетни влијанија врз животната средина и здравјето на луѓето поради можното присуство на опасни материи.

Батерии:

Литиум-јонски:

Ве молиме внимавајте на напомените во делот Транспорт (види „Транспорт“, Страница 196).