BFC1312NW - Hozkailu BRANDT - Doako erabiltzaile-eskuliburua

Marka	BRANDT
Eredua	BFC1312NW
Produktu mota	Izozkailu konpartimentua duen hozkailua
Elikatze elektrikoa	220-240 V, lur-konexioa
Hozgarria	R600A
Bonbilla mota	E14, 220-240 V, 15/25 W
Karbono iragazkia	Bai, 6 hilabetez behin ordezkatzea gomendatzen da
Atearen alderantzizkotasuna	Bai, eskuzkoa
Super Hozte funtzioa	Bai (ereduaren arabera)
Super Izozte funtzioa	Bai (ereduaren arabera)
Opore funtzioa	Bai (ereduaren arabera)
Neguko funtzioa	Bai (e eredua)
Atea irekita alarmea	Bai, 2 minuturen ondoren
Tenperatura altuko alarmea	Bai, soinu eta argi seinalea
Barneko garbiketa	Belaki eta bikarbonatoarekin
Atzealdeko parrilla garbiketa	Urtean behin xurgagailuarekin
Osagarriak	Ez dira ontzi-garbigailurako egokiak
Segurtasun argibideak	Ez erabili aparatu elektrikorik barnean
Ingurumena	Zentro espezifiko batean birziklatu

Maiz egiten diren galderak - BFC1312NW BRANDT

Nola aldatu atearen irekieraren norabidea?

Deskonektatu aparatua, hustu kontra-atea, askatu bisagrak ordena honetan: behekoa, erdikoa, goikoa. Jarri piezak alderantziz eta muntatu berriz hozkailuaren eta izozkailuaren atea. Ikusi eskuliburua urrats zehatzetarako irudiekin.

Nola aktibatu Super Hozte funtzioa?

Sakatu SUPER tekla. Hozkailuak tenperatura hotzenean funtzionatuko du 6 orduz. Gomendatzen da funtzio hau elikagai kopuru handia sartu ondoren.

Zer egin tenperatura altuko alarmaren argia pizten bada?

Soinu eta argi seinale batek izozkailuan tenperatura anormala adierazten du. Sakatu SUPER soinu seinalea desaktibatzeko. Egiaztatu atea ondo itxita dagoela eta neguko funtzioa ez dela akatsen bidez aktibatuta.

Nola garbitu hozkailuaren barrualdea?

Erabili belaki bat edo bikarbonato sodaz hezetutako oihal bat. Ez erabili inoiz lurrun-garbigailurik, disolbatzaile edo detergente urratzailerik.

Zein bonbilla mota erabili ordezkatzeko?

Ordezko bonbilla E14 motakoa izan behar da, 220-240 V, 15/25 W. Deskonektatu aparatua, kendu estalkia eta ordezkatu bonbilla akastuna.

Zenbat aldiz aldatu behar da karbono iragazkia?

Karbono iragazkiak bere propietateak gordetzen ditu 6 hilabetez. Gomendatzen da epe hori igarota ordezkatzea usainen xurgapen ona bermatzeko.

Nola aktibatu Opore funtzioa?

Sakatu HOLIDAY edo egokitu hozkailuaren tenperatura pantailan 'H' ikusi arte. Funtzio honek kontsumoa murrizten du izozkailua martxan mantenduz. Hozkailuaren atea itxita egon behar da.

Zer egin elektrizitate etenaldi baten kasuan?

Ireki ateak ahalik eta gutxien. Korrontea itzultzean, egiaztatu elikagaien egoera. Bat badaude desizoztuta, ez izoztu berriro egosi gabe.

Zergatik egiten du nire hozkailuak soinuak?

Soinu normalak honakoak dira: hozgarri gasaren burbuilak, konpresorearen zurrumurrua, dilatazioen ondoriozko klikak, eta haizagailuaren soinu arina. Ez kezkatu, funtzionamenduaren parte da.

Nola itzali erabat izozkailua?

Sakatu izozkailu konpartimentuko ON-OFF tekla, gero + edo - pantaila itzali arte. Kontuan izan honek hozkailu konpartimentua ere itzaltzen duela.

ERABILTZAILE-ESKULIBURUA BFC1312NW BRANDT

Erabilera-eskuliburua

Oso garrantzitsua: Gailua erabili aurretik, irakurri arretaz eskuliburu hau.

Eskuliburuko testu bakoitza dagokion irudiarekin lotuta dago.

Identifikazioa

Identifikatu zure gailua ("a", "b", "c", "d", "e", "f", "g"). Horretarako, alderatu aginte-panela marrazkiekin.

1

Nola instalatu

1.1 Bilgarria kendu. Kendu gailua babesten duten elementu guztiak. 1.2 Kokapena. Kokatu gailua bero-iturrietatik urrun eta eguzki-izpietatik babestuta, kontsumoa murrizteko.

Ez jarri gailua kanpoaldean edo bustitzeko arriskua dagoen lekuan.

Aireak gailuaren atzealdetik pasa behar du. Hortaz, utzi 25 mm gailuaren hondoaren eta atzeko paretaren artean. Ez itxi gailuaren eta lurraren edo sabaiaren artean geratzen den tartea.

Lautu gailua bibrazioak eta hotsak saihesteko. Kontuan hartu gailuak hots txikiak sor ditzakeela horma edo armairu baten ondoan badago.

Era berean, egiaztatu erretiluak behar bezala kokatuta daudela. Edukiontziak bereiz jarri bibrazioak saihesteko.

1.3 Sare elektrikora konektatu. Konektatu aurretik, eduki gailua bertikalean gutxienez 2 orduz. Egiaztatu ezaugarrien plakan agertzen diren datuak (220-240V lur-hargunea) (1.3.1, 1.3.2).

Ez erabili egokitzailerik edo luzagarririk.

Ez utzi kableak motorra ukitzen edo haren azpian geratzen.

1.4 Atearen irekiera zentzuz aldatu. Gailua sare elektrikotik deskonektatu eta kontratea hustu.

Askatu azpiko bisagraren torlojuak eta kendu bisagra, izozkailuaren atari eusten diozun bitartean lurraren kontra ez jotzeko (1.4.1, 1.4.2). Izozkailuaren atea kendu (1.4.3).

Bihurkin baten laguntzaz kendu erdiko bisagraren edergarria (1.4.4). Askatu azpiko bisagraren torlojuak eta kendu bisagra, izozkailuaren atea eusten diozun bitartean lurraren kontra ez jotzeko (1.4.5, 1.4.6). Kendu izozkailuaren atea (1.4.7).

Goialdeko bisagraren ardatza askatu eta kontrako aldean jarri, leku berean (1.4.8).

Ateetako autoitxierei bira eman eta jarri hozkailuarenak izozkailuan eta alderantziz (1.4.9). Jarri berriro edergailuak.

Bihurkin baten laguntzaz, kendu gailuaren erdialdeko eta behealdeko edergarriak eta kontrako aldean jarri (1.4.10).

Hozkailuaren atea jarri goialdeko bisagran sartuz (1.4.11). Atea askatu gabe, goraka egin eta erdiko bisagra jarri (1.4.12).

Azpialdeko bisagraren ardatza askatu eta zentzuz aldatu (1.4.13).

Hozkailuaren atea jarri erdialdeko bisagran sartuz (1.4.14). Atea askatu gabe, goraka egin eta beheko bisagra jarri (1.4.15).

2

Erabilera

2.1 Gailua nola piztu. Sakatu ON-OFF (2.1.1). Sakatu + edo — botoiak display-ean digitu bat ikusten duzun arte. Bira eman aginteari (2.1.3). 2.2 Edukiontzia aukeratu. abcd modeloetan, hozkailua eta izozkailua independenteak dira. e f g modeloetako edukiontziek batera funtzionatzen dute. 2.3 Temperatura aukeratu. Lehenik izozkailuaren agintea biratu (2.3.1) edo +, - botoiak sakatu. Ondoren, gauza bera egin hozkailuarekin (2.3.2).

Temperatura aukeratu ondoren, edukiontzi bakoitzaren benetako temperatura ezagutu dezakezu. Horretarako begiratu argitxoak (2.3.3) edo sakatu edukiontzien + edo - botoiak 5 segundoz. Edukiontzien temperaturk dir-dir egingo du (2.3.4).

Gomendioak: Hozkailua 4 gradutan egotea gomendatzen da, izozkailua aldiz -19 gradutan (aurretik izoztuta dauden jakiak gordetzeko). Jakiak izozteko, izozkailuaren temperatura -24 gradutara jaistea gomendatzen da.

Kontuan hartu barnealdeko temperatura hainbat faktoreen araberakoa dela: giro-temperatura, kokapena eta hozkailua irekitzeko maiztasuna.

2.4 Hozkailuaren funtzioak.

Azkar hozteko funtzioa: Funtzio honi esker, hozkailuaren tenperaturarik hotzena 6 orduz mantendu daiteke. Hozkailuan elikagai asko sartzen denean aktibatzea gomendatzen da.

Aktibatu eta desaktibatzeko: Sakatu SUPER (2.4.1, 2.4.2). efg modeloek ez dute funtzio hau.

"Oporrak" funtzioa: "Oporrak" funtzioa oso egokia da hozkailua denbora luzez erabili ez baina izozkailuko elikagaiak mantendu nahi badituzu. Funtzio honi esker, zure gailuak oso gutxi kontsumituko du eta ez da usainik egongo. acefg modeloek ez dute funtzio hau.

Oharra: Gailuaren ateak itxita egon behar du.

Aktibatu eta desaktibatzeko: Sakatu hozkailuaren HOLIDAY (2.4.3) edo +, - botoiak display-ean ikurra ikusi arte (2.4.4). Funtzioa desaktibatzeko errepikatu aurreko pausuak.

2.5 Izozkailuaren funtzioak.

Azkar hozteko funtzioa: Funtzio honi esker, izozkailuaren tenperaturarik hotzena 52 orduz mantendu daiteke. Funtzioa izozkailuan elikagai asko sartu baino 24 ordu lehenago aktibatzea gomendatzen da. f modeloetan, funtzio hau aktibatu eta 24 ordutara desaktibatu behar da.

Aktibatu eta desaktibatzeko: Sakatu SUPER (2.5.1, 2.5.2, 2.5.3). modeloak ez du funtzio hau.

"Negua" funtzioa: e modeloetan soilik. Funtzio hau aktibatu ezazu hozkailuak hotza galtzen duela ikusten baduzu. Sakatu SUPER 5 segundo, argi laranjak dir-dir egin arte (2.5.4). Gailuaren argia piztuta geratuko da, potentzia erdian, konpresoreak denbora gehiago funtziona dezan. Hozkailuak tenperatura egokia lortzen duenean, "negua" funtzioa deskonektatu behar da. Horretarako, sakatu berriro SUPER 5 segundo.

Izozkailua konektatu/deskonektatu:

Izozkailuaren edukiontziko ON-OFF botoia sakatu (2.5.5). Ondoren, sakatu + edo - displayean tenperatura desagertzen den arte (2.5.6), edo bira eman aginteari ON-OFF -era iritsi arte (2.5.7). Izozkailua itzaltzen denean hozkailua ere itzaliko da.

2.6 Erabilera-gomendioak.

• Ez ireki atea behar baino denbora gehiago eta ez sartu elikagai berorik gailuan. Horrela, zure gailua eraginkorragoa izango da eta energia gehiago kontsumitzea saihestuko duzu. Zure gailua NO FROST bada, ez buxatu aireztapeneko sareta eta utzi tarte bat elikagaien artean airea horien artetik pasa dadin.
• Ez sartu edari gasdunik edota likidoa duten beirazko botilarik izozkailuan, lehertu daitezke eta.
• Sartu elikagaiak edukiontzi hermetikoetan; horrela ez dira lehortuko.
• Ez jan oso hotz dagoen izozkirik edo elikagairik, erredurak eragin ditzakete.

3

Mantenua eta garbiketa

3.1 Barnealdearen garbiketa. Barnealdea garbitzeko, erabili urez eta bikarbonatoz bustitako belaki edo zapi bat. Horrela, usain txarrak saihestuko dituzu.

Ez erabili inoiz lurrunezko garbiketa-makinak, ezta disolbatzaile edo garbigarri urratzailerik ere.

3.2 Kanpoaldearen garbiketa. Ez erabili lurrunezko garbiketa-makinak pantailak garbitzeko.

Urtean behin, atzealdeko sareta xurgatzaile batekin garbitzea gomendatzen da.

3.3 Osagarrien garbiketa. Osagarriak ezin dira ontzi-garbigailuan sartu. Eskuz garbitu belaki edo zapi batekin. 3.4 Lanpara aldatzea. Lanpara erretzen bada: itzali gailua. Kendu lanpararen estalkia erlaitza sakatuz (3.4.1, 3.4.3) eta atera hondatutako lanpara (3.4.2, 3.4.4). Jarri hari berbera duen (E14, 220-240V, 15/25W) edo luminaria-argibideek zehazten duten beste lanpara bat. 3.5 Karbono-iragazkia aldatzea. Gailuak karbono-iragazki bat izan dezake, hainbat elikagaien usain txarrak xurgatzen dituena. Gainera, iragazkiak zirkulazioan dagoen airearen mikroorganismoak (onddoak eta bakteriak) atxikitzen ditu.

Iragazkiak gehienez ere 6 hilabetez mantentzen ditu bere ezaugarri guztiak. Denbora hori igarotzean, iragazkia aldatzea gomendatzen da. Iragazkia leku ezberdinetan egon daiteke, hozkailuaren arabera.

Iragazkia aldatzeko: sakatu erlaitza eta atera estalkia (3.5.1, 3.5.5). Atera ahitutako iragazkia (3.5.2, 3.5.6).

Iragazkia aktibatu behar bada: kendu zigilu guztiak (3.5.3) eta sakatu BIOFILTER bisorea, klik txiki bat entzun arte (3.5.4). Segundo gutxitan, iraupen-eskala koloreztatu egingo da. Jarri iragazkia berriz ere bere lekuan.

Ez utzi erabilitako iragazkiak eta ordezkoak umeen eskura. Kopuru handia ahoratzea arriskutsua izan daiteke.

Ez busti iragazkia, bere ezaugarri guztiak galtzen baititu.

Diagnostikoak

4.1 Atea irekita dago. Atea 2 minutu baino gehiago irekita badaukazu, alarma bat entzungo duzu eta hozkailuaren argia itzali egingo da. Alarma atea ixterakoan deskonektatuko da. 4.2 Izozkailuan ez du behar bezain hotz egiten.

• Izozkailuaren tenperatura behar baino altuagoa bada, alarma argitsu bat azalduko da (4.2.1, 4.2.2). Era berean, aldizkako hots-seinale bat ere aktibatuko da. Sakatu SUPER (4.2.3, 4.2.4) hots-seinalea eskuz desaktibatzeko. Modeloetan soilik. "Negua" funtzioa aktibatuta badago, alarmak dir-dir egingo du. Alarma desaktibatzeko, ikus (2.5.4). Gailua aurreneko aldiz konektatzerakoan, X ikurra edo alarma argitsua aktibatuta egongo da, baina ez hots-alarma.

4.3 Elektrizitatea mozten bada

Ahalik eta gutxien ireki gailuaren ateak. Elektrizitatea berreskuratzean, egiaztatu gordetako elikagaiak desizoztu diren ala ez.

4.4 Gailuaren hots normalak

Gailuak normalak diren hots batzuk egin ditzake, ez kezkatu.

Gas-hoztaileak borbor egindezake zirkuituetan zehar dabilenean. Konpresoreak burrunba eta/edo kolpe hotsa egindezake, batez ere martxan hasten denean. - Erabilitako materialen dilatazioa edota kontrakzioa dela eta, karraskak edo kirikak entzun daitezke. - Izozkailuko haizagailuak mugitzen duen aireak hondo-zarata txikia sortudezake.

Ez saiatu gailua konpontzen. Deitu laguntza teknikoko zerbitzura.

Segurtasuna

Aireztapeneko saretak garbi eduki. - Ez kaltetu hozte-zirkuitua. - Ez sartu gailu elektrikorik. Soilik sartu ahal izango dira fabrikatzaileak gomendatutako gailuak. Ez erabili izotza kentzeko prozesua azkartzeko gailu mekanikorik edota bestelako baliabiderik. Fabrikatzaileak gomendatutakoak soilik erabili.

• Gailu hau ezin dute ezintasunen bat (fisikoa, zentzumenekoa edota burukoa) duten pertsonek erabili (haurrak barne), ezta eskarmenturik edota ezagutzarik ez dutenek ere, haien segurtasunaren ardura duen norbaitek gailua erabiltzeko argibiderik eman ez badio edota horrek erabilera gainbegiratzen ez badu. Haurrek ez dutela gailuarekin jolastu zaindu behar da.
• Kaltetutako elikatze-kableak fabrikatzaileak, salmanta ondoko zerbitzuak edota kualifikatutako teknikari batek ordezkatuko ditu arriskuak saihesteko.

Ingurumena

Gailu hau diseinatzerakoan, ingurumenaren zaintza kontuan hartu da.

Gailu honek ingurumena kaltetzen ez duen R600A hoztailea erabiltzen du.

Zaindu ingurumena. Behar duzun funtzioa aktibatzerakoan, edukionzi bakoitzean gomendatutako tenperatura erabili gailua eraginkortasunez erabiltzeko.

Itzali hozkailua edo aktibatu "oporrak" funtzioa gailua epe luze batean erabili behar ez baduzu. Horrela, kontsumoa murrizteaz gain, energia ere aurreztuko duzu.

Ez eduki ateak irekita behar baino denbora gehiago, horrek energia asko gastatzen du.

Gailu elektriko eta elektronikoetatik eratorritako hondakinen kudeaketa.

Ikurrak esan nahi du gailua ez dela etxeko hondakinak jasotzeko ohiko edukiontzietara bota behar.

Hozkailua horrelako gailuak hartzeko zentro batera eraman.

Etxe-tresnak birziklatzea osasunarentzat eta ingurumenarentzat kaltegarriak diren ondorioak saihesten ditu. Gainera, energia eta baliabideak aurrezten dira.

Informazio gehiago nahi baduzu, zoaz gailua erosi zenuen saltokira edo jarri harremanetan tokiko agintaritzarekin.