FINMAT 305.781.13 - Casserole IKEA - Ókeypis notendahandbók

NOTENDAHANDBÓK FINMAT 305.781.13 IKEA

• Þvoðu, skolaðu og þurrkaðu eldunarílátið vel áður en þú notar það í fyrsta skipti.

- Eldunarílátið þarf að þvo í höndunum. Notaðu uppþvottalög og mjúkan bursta/svamp. Ekki nota klór eða önnur sterk efni sem geta skemmt koparinn.

- Þurrkaðu eldunarílátið strax eftir þvott svo að koparinn verði ekki mattur. Ekki láta eldunarílátið þorna sjálft því þá getur koparinn mislitast og vatnsblettir myndast.

- Með tímanum dökknar koparinn og veðrast þar sem hann er útsettur fyrir vatni og súrefni. Þetta eru efnahvörf sem gera það að verkum að koparinn fær á sig náttúrulega spanskgrænu en þýðir ekki að koparinn sé slitinn eða að eitthvað sé að. Þú getur losnað við spanskgrænuna ef þú kýst.

- Besta leiðin til að losna við spanskgrænu er að þrífa koparinn vel og pússa hann, vinsamlega fylgdu eftirfarandi skrefum:

1. Til að þrífa koparinn skaltu byrja á að blanda saman salti og ediki og hræra saman þar til saltið hefur allt verið leyst upp. Vættu mjúkan skrúbb í lausninni og skrúbbaðu yfirborðið þar til blettirnir hverfa. Þú getur notað svamp með skrúbbi til að ná blettunum af.
2. Til að fægja yfirborðið skaltu nota sérstakt fægiefni fyrir kopar og fylgja leiðbeiningunum.

Til að koma í veg fyrir rispur þegar þú fægir koparinn skaltu nota diskþurrku eða mjúkan svamp án skrúbbs.

- Notaðu ekki stálull því hún getur skemmt yfirborð koparsins.

- Ef eldunarílátið er sett inn í ofn eða á gashellur getur það orðið mislitað. Til að fá aftur upprunalegan lit á koparinn skaltu þrífa og fægja yfirborðið samkvæmt leiðbeiningunum hér fyrir ofan.

- Botninn er aðeins íhvolfur þegar hann er kaldur en þenst út og verður flatur þegar hann hitnar. Leyfðu eldunarílátinu alltaf að kólna áður en það er þrifið. Þá fer botninn í sína upprunalegu lögun og það kemur í veg fyrir að hann verði ójafn við notkun.

- Til að koma í veg fyrir saltbletti í ílátinu ætti ekki að salta matinn fyrr en eftir að suðan hefur komið upp.

Gott að vita

- Eldunarílátið hentar til notkunar á öllum gerðum af helluborðum, þar með talið spanhelluborðum.

- Þú getur sparað orku með því að nota alltaf hellu sem er jafnstór eða minni en botn pottsins/pönnunnar að þvermáli.

- Lyftið ílátinu alltaf þegar það er fært til á keramikhelluborði til að yfirborðið rispist síður.

- Hafðu í huga að ílátið verður heitt við notkun. Notaðu alltaf ofnhanska.

- Ef einhver vandamál koma upp varðandi vöruna, hafðu þá samband við þjónustudeild IKEA eða leitaðu upplýsinga á IKEA.is.