6745 GB - Shpuese SKIL - Manual falas për përdoruesin

MANUAL I PËRDORUESIT 6745 GB SKIL

• Kjo pajisje është e projektuar për shpim me goditje në tulla si dhe shpime në dru, metal, qeramikë dhe plastikë
• Kjo vegël nuk është e projektuar për përdorim profesional
• Lexoni dhe ruani këtë manual të përdorimit ③

TË DHËNAT TEKNIKE ①

ELEMENTET E VEGËL ②

A Çelësi për ndezje/fikje dhe kontrolli i shpejtësisë
B Butoni për blokimin e çelësit
C Rrota për kontrollin e shpejtësisë maksimale
D Çelësi për ndryshimin e drejtimit ose të rrotullimit
E Zgjedhja e marsheve
F Çelësi për zgjedhjen e funksionit të shpimit
G Doreza ndihmëse
H Të çarat e ajrosjes

SIGURIA

PARALAJMËRIME TË PËRGJITHSHME TË SIGURISË PËR PAJISJET ELEKTRIKE

PARALAJMËRIM: Lexoni të gjitha paralajmërimet, udhëzimet, ilustrimet dhe specifikimet e dhëna me këtë mjet pune. Mosrespektimi i të gjitha udhëzimeve të renditura më poshtë mund të rezultojë në goditje elektrike, zjarr dhe/ose dëmtime të rënda.

Ruani të gjitha paralajmërimet dhe udhëzimet për reference në të ardhmen.

Termi “pajisje elektrike” në paralajmërime i referohet pajisjes elektrike që përdoret nga priza (me kabllo) ose pajisjes elektrike me bateri (pa kabllo).

1) SIGURIA E ZONËS SË PUNËS

a) Mbajeni zonën e punës të pastër dhe të ndriçuar mirë. Zonat e çrregulta ose të errëta janë një ftesë për aksidente.

b) Mos i përdorni pajisjet elektrike në situata me mundësi shpërthimi, si në prani të lëngjeve, gazeve ose pluhurave të djegshëm. Pajisjet elektrike shkaktojnë shkëndija që mund të ndezin pluhurat ose avujt.

c) Mbajini fëmijët dhe personat e tjere larg gjatë përdorimit të veglës së punës. Tërheqja e vëmendjes mund të shkaktojë humbjen e kontrollit.

2) SIGURIA ELEKTRIKE

a) Spinat e veglës së punës duhet të përputhen me prizën. Mos modifikoni kurrë spinën në asnjë mënyrë. Mos përdorni asnjë spinë përshtatëse me veglat e punës me tokëzim. Spinat e pamodifikuara dhe prizat përshtatëse do të zvogëlojnë rrezikun e goditjes elektrike.

b) Shmangni kontaktin trupor me sipërfaqe të tokëzuara si tuba, radiatorë, soba dhe frigoriferë. Ka një rrezik më të madh të goditjeve elektrike nëse trupi është i tokëzuar.

c) Mos ekspozoni veglat e punës në shi ose në kushte me lagështi. Uji që hyn në veglën e punës do të rritë rrezikun e goditjes elektrike.

d) Mos abuzoni me kordonin. Mos e përdorni kurrë kordonin për transportin, tërheqjen ose heqjen e spinës së veglës së punës. Mbajeni kordonin larg nga nxehtësia, vaji, anët e mprehta ose pjesët që lëvizin. Kordonët e dëmtuar ose e bllokuar rrisin rrezikun e goditjes elektrike.

e) Kur përdorni një vegël pune në mjedise të jashtme, përdorni një kordon zgjatues të përshtatshëm për përdorim në mjedise të jashtme. Përdorimi i një kordoni të përshtatshëm për përdorime në mjedise të jashtme zvogëlon rrezikun e goditjes elektrike.

f) Nëse përdorimi i veglës së punës në një vend me lagështi është i pashmangshëm, përdorni një automat qarku me shkarkesë me tokëzim. Përdorimi i një automati me shkarkesë me tokëzim zvogëlon rrezikun e goditjes elektrike.

a) Qëndroni në gatishmëri, shikoni se çfarë po bëni dhe përdorni gjykimin kur përdorni një vegël pune. Mos e përdorni një vegël pune kur jeni i lodhur ose nën ndikimin e ilaçeve, alkoolit ose mjekimit. Një moment humbje e vëmendjes gjatë përdorimit të veglave të punës mund të shkaktojë dëntime të rënda personale.

b) Përdorni pajisje personale mbrojtëse. Mbani gjithmonë pajisje për mbrojtjen e syve. Pajisjet mbrojtëse si maska kundër pluhurit, këpucët që nuk rrëshqasin, kaskat ose pajisjet për mbrojtjen e veshëve për kushtet përkatëse do të zvogëlojnë dëmtimet personale.

c) Parandaloni ndezjen e rastësishme. Sigurohuni që çelësi është në pozicionin fikur para se të lidhni burimin e energjisë dhe/ose baterinë, para se të merrni ose të transportoni pajisjen. Transportimi i veglave të punës me gishtin në çelës ose aktivizimi i veglave të punës që kanë çelësin të ndezur është një ftesë për aksidente.

d) Hiqni çdo çelës ose çelës përshtatës para ndezjes së veglës së punës. Një çelës i lënë i lidhur me një pjesë rrotulluese të veglës së punës mund të shkaktojë dëmtime personale.

e) Mos u zgjasni. Mbani një vendosje të mirë të

këmbëve dhe një ekuilibër të mirë në çdo moment. Kjo gjë bën të mundur një kontroll më të mirë të veglës s punës në situata të papritura.

f) Vishuni në mënyrën e duhur. Mos vishni veshje të gjera ose bizhuteri. Mbani flokët, veshjet dhe dorashkat larg nga pjesët lëvizëse. Veshjet e gjera, bizhuteritë ose flokët e gjatë mund të kapen nga pjesët në lëvizje.

g) Nëse janë ofruar pajisje për lidhjen e pajisjeve të mbledhjes dhe nxjerrjes së pluhurave, sigurohuni që ato të jenë të lidhura dhe të përdoren si duhet. Përdorimi i mbledhjes së pluhurave mund të zvogëlojë rreziqet në lidhje me pluhurat.

h) Mos lejoni që familjarizimi i fituar nga përdorimi i shpeshtë i veglave t'ju lejojë të tregoheni të vetëkënaqur dhe të shpërfillni parimet e sigurisë për pajisjet. Një veprim i pakujdesshëm mund të shkaktojë dëmtime të rënda në më pak se një sekondë.

4) PËRDORIMI DHE KUJDESI PËR VEGLËN E PUNËS

a) Mos ushtroni forcë mbi veglën e punës. Përdorni veglën e punës të duhur për përdorimin tuaj. Vegla e punës e duhur do të realizojë një punë më të mirë dhe më të sigurt dhe me shpejtësinë që ajo është e projektuar.

b) Mos përdorni veglën e punës nëse çelësi nuk e ndez apo e fik. Çdo vegël pune që nuk mund të kontrollohet me anë të çelësit është e rrezikshme dhe duhet të riparohet.

c) Shkëputni spinën nga burimi i energjisë dhe/ose baterinë nga vegla e punës para se të bëni rregullime të tjera, të ndryshoni aksesorët ose të ruani veglat e punës. Këto masa parandaluese të sigurisë ulin rrezikun e ndezjes aksidentale të veglës së punës.

d) Mbani veglat e punës larg fëmijëve dhe mos lejoni personat e pamësuar me veglën e punës ose këto udhëzime për përdorimin e pajisjes. Veglat e punës janë të rrezikshme në duart e përdoruesve të patrajnuar.

e) Mirëmbani veglat e punës. Kontrolloni për mospërshtatje ose bllokim të pjesëve lëvizëse, thyerje të pjesëve dhe gjendje të tjera që mund të ndikojnë në funksionimin e veglës së punës. Nëse dëmtohet, riparojeni veglën e punës para përdorimit. Shumë aksidente shkaktohen nga veglat e punës jo të mirëmbajtura si duhet.

f) Mbajini pajisjet prerëse të pastra dhe të mprehta. Pajisjet e prerjes të mirëmbajtura dhe me anë të mprehta kanë më pak mundësi për t'u bblokuar dhe janë më të lehta për t'u kontrolluar.

g) Përdorni veglat e punës, aksesorët dhe puntot, etj. në përputhje me këto udhëzime, duke marrë parasysh kushtet e punës dhe punën që do të kryhet. Përdorimi i veglave për përdorime të ndryshme nga ato të përcaktuara mund të shkaktojë rreziqe.

h) Mbajini dorezat dhe sipërfaqet ku mbaheni të thata, të pastra dhe pa vajra ose graso. Dorezat dhe sipërfaqet ku mbaheni, kur janë të rrëshqitshme, nuk ju lejojnë ta menaxhoni dhe ta kontrolloni në mënyrë të sigurt pajisjen në situata të papritura.

5) SHËRBIMI

a) Shërbimi i veglës së punës duhet të kryhet nga një person i kualifikuar për riparimet duke përdorur vetëm pjesë ndërrimi identike. Kjo gjë do të sigurojë ruajtjen e sigurisë së veglave të punës.

UDHËZIMET E SIGURISË PËR TRAPANOT ME GODITJE

1) UDHËZIMET E SIGURISË PËR TË GJITHA VEPRIMET

a) Vishni mbrojtëse veshësh kur bëni shpim me goditje. Ekspozimi ndaj zhurmës mund të shkaktojë humbje dëgjimi.

b) Përdorni dorezën(at) ndihmëse. Humbja e kontrollit mund të shkaktojë lëndime.

c) Mbajeni mjetin e punës duke kapur sipërfaqet e kapjes kur bëni një punë aty ku aksesori i prerjes ose shtrënguesit mund të kontaktojnë me kabllo të fshehur ose me kordonin e tij. Aksesori i prerjes ose shtrënguesit që kontaktojnë një tel me korrent mund të ekspozojnë pjesët metalike të mjetit në korrent dhe t'i japin përdoruesit një goditje elektrike.

2) UDHËZIMET E SIGURISË KUR PËRDORNI PUNTO TË GJATA

a) Asnjëherë mos e përdorni në shpejtësi më të madhe se shpejtësia maksimale e lejuar e puntos. Në shpejtësi më të larta, ka të ngjarë që puntoja të përkulet nëse lihet të rrotullohet lirshëm pa pasur kontakt me sipërfaqen e punës, duke shkaktuar kështu lëndime.

b) Gjithmonë filloni të shponi në shpejtësi të ulët me majën e puntos në kontakt me sipërfaqen e punës. Në shpejtësi më të larta, ka të ngjarë që puntoja të përkulet nëse lihet të rrotullohet lirshëm pa pasur kontakt me sipërfaqen e punës, duke shkaktuar kështu lëndime.

c) Ushtroni presion vetëm në vijë direkte me punton dhe mos ushtroni presion të tepërt. Puntot mund të përkulen duke shkaktuar thyerje ose humbje të kontrollit dhe duke shkaktuar kështu lëndime.

TË PËRGJITHSHME

- Kjo pajisje nuk duhet të përdoret nga personat nën moshën 16 vjeç

- Shkëputni gjithmonë spinën nga burimi i energjisë para kryerjes së rregullimeve ose ndryshimeve të aksesorëve

- Përdorni kordonë të pahapur dhe të sigurt për zgjatime, me një kapacitet 16 amper

- Mos punoni me materiale që përmbajnë asbest (asbesti konsiderohet kancerogjen)

- Pluhurat nga materialet si boja me plumb, disa lloje drurësh, mineralesh dhe metalesh mund të jenë të dëmshme (kontakti ose thithja e pluhurave mund të shkaktojë reagime alergjike dhe/ose sëmundje respiratore për përdoruein ose personat përreth); mbani një maskë për pluhurat dhe punoni me një pajisje për heqjen e pluhurave kur mund të lidhet

- Disa lloje pluhurash skanë klasifikuar si kancerogjene (si pluhuri i lisit dhe i ahut) veçanërisht në ndërthurje me lëndët shtesë për kondicionimin e drurit; mbani një maskë për pluhurat dhe punoni me një pajisje për heqjen e pluhurave kur mund të lidhet

- Respektoni kërkesat kombëtare në lidhje me pluhurat për materialet me të cilat dëshironi të punoni

PARA PËRDORIMIT

- Kontrolloni gjithmonë që voltazhi i energjisë është i njëjtë me voltazhin e treguar në etiketën e veglës

- Shmangni dëmtimet që mund të shkaktohen nga vidat, gozhdët dhe elementet e tjera në materialin e punës; hiqni ato para se të filloni punën

- Përdorni detektorë përkatës për të gjetur linjat e fshehura të shërbimit ose telefononi kompaninë lokale të shërbimeve për ndihmë (kontakti me linjat

elektrike mund të shkaktojë zjarr ose goditje elektrike; dëmtimi i një linje gazi mund të shkaktojë një shpërthim; shpimi i një tubi uji do të shkaktojë dëmtim të pronës ose një goditje elektrike)

• Siguroni materialin e punës (një material i shtrënguar me një pajisje shtrëngimi ose morsë mbahet në mënyrë më të sigurt se sa me dorë)
• Asnjëherë mos e përdorni mjetin kur kordoni është dëmtuar; ai duhet të ndërrohet me një kordon të përgatitur në mënyrë të veçantë përmes organizatës së shërbimit.

AKSESORËT

• SKIL mund të garantojë funksionimin pa probleme të veglës vetëm kur përdoren aksesorët origjinalë
• Përdorni vetëm aksesorë me një shpejtësi të lejuar që përshtatet të paktën me shpejtësinë më të lartë pa ngarkesë të pajisjes

GJATË PËRDORIMIT

• Mbajeni kordonin gjithmonë larg nga pjesët lëvizëse të pajisjes
• Nëse puntoja bblokohet papritur (duke shkaktuar një reagim të papritur dhe të rrezikshëm), fikeni menjëherë pajisjen.
• Kini parasysh forcat që ndodhin si rezultat i bllokimit (veçanërisht kur shponi në metale); përdorni gjithmonë doreza ndihmëse G dhe mbani një pozicionim të sigurt
• Në rast të një defekti elektrik ose mekanik, fikni menjëherë pajisjen dhe hiqni spinën
• Nëse kordoni dëmtohet ose pritet gjatë punës, mos e prekni kordonin por hiqni menjëherë spinën

PAS PËRDORIMIT

- Kur ta largoni pajisjen, fikeni motorin dhe sigurohuni që të gjitha pjesët lëvizëse të kenë ndluar plotësisht

SHPJEGIMI I SIMBOLEVE NË VEGËL

③ Lexoni manualin e udhëzimeve para përdorimit
④ Izolim i dyfishtë (nuk kërkohet tokëzim)
⑤ Mos e hidhni veglën bashkë me materialet e mbetjeve familjare

PËRDORIMI

• Ndezje/Fikje ⑥
• Bllokimi i çelësit për përdorim në vazhdim ⑦
• Kontrolli i shpejtësisë për ndezjen e butë ⑧
• Kontrolli i shpejtësisë maksimale ⑨ Me anë të rrotës C shpejtësia maksimale mund të ndryshohet nga e ulët në e lartë -ndizni veglën -bllokoni çelësin -rrotulloni rrotën C për të zgjedhur shpejtësinë maksimale
• Zgjedhja e marshit mekanik ⑩ -vendosni çelësin e përzgjedhjes E në shpejtësinë e kërkuar ! aktivizoni zgjedhjen e marshit kur pajisja të jetë duke punuar ngadalë

1 = SHPEJTĚSI E ULĚT
-forca e rrotullimit e lartë
-për shpime në diametra të mëdhenj
-për filetim femër
2 = SHPEJTËSI E LARTË
-forca e rrotullimit e ulët
-për shpime me diametër të vogël

• Ndryshimi i drejtimit të rrotullimit ⑪ -kur është vendosur si duhet në pozicionin majtas/djathtas, çelësi A ② nuk mund të aktivizohet ! ndryshoni drejtimin e rrotullimit vetëm kur pajisja të jetë plotësisht e ndaluar
• Shpimi normal në krahasim me shpimin me goditje ⑫ ! zgjidhni funksionin e shpimit vetëm kur pajisja të jetë e fikur dhe spina e shkëputur
• Ndërrimi i puntove ⑬ -futeni punton sa më shumë në mandrinë ! mos i përdorni puntot me një bosht rrotullues të dëmtuar
  • Rregullimi i thellësisë së shpimit ⑭
• Mbajtja dhe drejtimi i veglës ⑮
• përdorni gjithmonë dorezën ndihmëse G (mund të rregullohet sipas ilustrimit) ! gjatë punës, mbajeni gjithmonë veglën në zonën(at) e dorezës me ngjyrë gri -mbajini të hapura të çarat e ajrimit -mos ushtroni shumë trysni mbi pajisje; lëreni pajisjen që të punojë për ju

KËSHILLË PËR PËRDORIMIN

• Përdorni puntot e duhura ⑯
! përdorni vetëm punto të mprehta
- Për shpime në beton ose në gur, kërkohet një trysni e vazhdueshme mbi trapano
- Kur shponi metale ferrore -shponi paraprakisht një vrimë të vogël, kur kërkohet një vrimë e madhe -lubrifikoni herë pas here me vaj punton e shpimit

• Shpimi pa ashkla në dru ⑰
  • Shpimi pa pluhura në mure ⑱
• Shpimi pa pluhura në tavanë ⑲
• Shpimi në pllaka pa rrëshqitur ⑳
• Për më shumë informacion, shikoni www.skil.com

MIRËMBAJTJA / SHËRBIMI

• Kjo vegël nuk është e projektuar për përdorim profesional
• Mbajeni gjithmonë veglën dhe kordonin të pastër (veçanërisht të çarat e ajrosjes H ②) ! shkëputni spinën para pastrimit

- Nëse pajisja ka defekt pavarësisht kujdesit në prodhim dhe procedurat e provave, riparimi duhet të kryhet nga një qendër e shërbimit pas shitjes për veglat e punës të SKIL

- dërgoni veglën të çmontuar së bashku me vërtetimin e blerjes te shitësi ose te qendra më e afërt e shërbimit e SKIL (adresat si dhe diagrami i shërbimit i veglës janë të paraqitura në www.skil.com)

- Kini parasysh se dëmtimet për shkak të mbingarkesës ose manovrimit të papërshtatshëm të veglës janë të përjashtuara nga garancia (për kushtet e garancisë së SKIL vizitoni www.skil.com ose pyetni shitësin tuaj)

MJEDISI

- Mos i hidhni veglat elektrike, aksesorët dhe paketimin së bashku me materialet e mbeturinave familjare (vetëm për vendet e BE-së) - në respektim të Direktivës evropiane 2012/19/EC për pajisjet elektrike dhe elektronike si mbetje dhe zbatimin e saj në përputhje me ligjet kombëtare, pajisjet elektrike

që kanë arritur në fund të jetëgjatësisë së tyre duhet të mblidhen të ndara dhe të kthehen në një objekt riciklimi në përputhje me mjedisin.

-simboli ⑤ do t'ju kujtojë për këtë gjë kur të jetë nevoja për t'i hedhur

ZHURMA / VIBRIMI

- I matur sipas EN 60745, niveli i presionit të zhurmës së këtij mjeti është 94,2 dB(A) dhe niveli i fuqisë së zhurmës 105,2 dB(A) (pasiguria K = 3 dB), dhe dridhja * (shuma e vektorit triax; pasiguria K = 1.5 m/s²)

*kur shponi në metal < 2,5 m/s²

*gjatë shpimit me goditje në beton 11,1 m/s²

- Niveli i emetimit të vibrimit është matur në përputhje me një provë të standardizuar të dhënë në EN 60745; ajo mund të përdoret për të krahasuar një vegël me një tjetër dhe si një vlerësim paraprak i ekspozimit ndaj vibrimit kur përdorni pajisjen për proceset e përmendura

-përdorimi i pajisjes për procese të ndryshme, ose me aksesore të ndryshëm dhe të mirëmbajtur keq, mund të rritë ndjeshëm nivelin e ekspozimit

-kohët kur pajisja është e fikur dhe kur është e ndezur por jo në punë, mund të zvogëlojnë ndjeshëm nivelin e ekspozimit

! mbroni veten nga efektet e vibrimit duke mirëmbajtur pajisjen dhe aksesorët e saj, duke i mbajtur duart e ngrohta dhe duke organizuar mënyrën tuaj të punës