EFC226V - Kapuçina kuzhine ELECTROLUX - Manual falas për përdoruesin

MANUAL I PËRDORUESIT EFC226V ELECTROLUX

Përpara instalimit dhe përdorimit të pajisjes, lexoni me kujdes udhëzimet e ofruara. Prodhuesi nuk është përgjegjës për lëndimet apo dëmet si rezultat i instalimit apo përdorimit të papërshtatshëm. Gjithmonë mbajini udhëzimet në një vend të sigurt dhe ku mund të arrihen lehtë për t'iu referuar në të ardhmen.

1.1 Siguria e fëmijëve dhe personave vulnerabël

• Kjo pajisje nuk është ndërtuar për t’u përdorur nga persona (përfshirë fëmijët) aftësitë fizike, ndijore ose mendore të të cilëve, ose mungesa e përvojës dhe njohurive i pengon ata të përdorin pajisjen me siguri pa mbikëqyrjen ose udhëzimet e një personi përgjegjës, për të siguruar që ata e përdorin pajisjen me siguri.

• Fëmijët duhet të monitorohen për t'u siguruar se nuk luajnë me pajisjen.

• Mbajeni të gjithë paketimin larg nga fëmijët dhe hidheni atë siç kërkohet. 216• Mbajini fëmijët dhe kafshët shtëpiake larg pajisjes gjatë kohës që ajo është në punë.

• Fëmijët nuk duhet të kryejnë pastrimin dhe mirëmbajtjen e pajisjes pa mbikëqyrje.

1.2 Siguria e përgjithshme

• Kjo pajisje është prodhuar për përdorim shtëpiak mbi pianura, soba dhe pajisje të ngjashme gatimi.

• Kjo paisje është krijuar për përdorim shtëpiak në ambient të brendshëm.

• Kjo pajisje mund të përdoret në zyra, dhoma hoteli, dhoma bujtine, dhoma hoteli rural, si dhe në vende të ngjashme ku përdorimi nuk tejkalon (mesatarisht) nivelet e përdorimit shtëpiak.

• Përpara mirëmbajtjes, shkëputeni pajisjen nga rrjeti elektrik.

• KUJDES: Pjesët e aksesueshme mund të nxehen gjatë përdorimit me pajisjet e gatimit.

• Përdorni vetëm vidat fiksuese të marra me pajisjen, nëse nuk keni marrë përdorni vidat e rekomanduara në udhëzimet e instalimit. Instalojeni pajisjen në një vend të sigurt dhe të përshtatshëm që plotëson kërkesat e instalimit.

• PARALAJMËRIM: Mosinstalimi i vidave apo pajisjes fiksuese në përputhje me këto udhëzime mund të rezultojë në rreziqe elektrike.

• Mos përdorni adezivë për të fiksuar pajisjen.

• Distanca minimale mes sipërfaqes së pianurës në të cilin qëndrojnë tiganët dhe pjesës së poshtme të pajisjes duhet të jetë të paktën 65 cm, përveçse kur specifikohet ndryshe në udhëzimet e instalimit për pajisjen ose pianurën.

• Shkarkimi i ajrit duhet të jetë në pajtim me rregulloret e autoriteteve lokale.

• Siguroni ajrim të mirë të dhomës ku është instaluar pajisja për të shmangur rrjedhjen në dhomë të gazeve që lëshojnë pajisjet që djegin gaz ose lëndë të tjera djegëse, duke përfshirë flakët e hapura. 217• Sigurohuni që daljet e ventilimit të mos jenë bllokuar dhe ajri i grumbulluar nga pajisja të mos kalojë në një tub të përdorur për shkarkimin e tymit dhe avullit nga pajisje të tjera (sistemet e ngrohjes qendrore, termosifonët, bojlerët etj.).

• Kur pajisja përdoret me pajisje të tjera, vakumi maksimal i gjeneruar në dhomë nuk duhet të tejkalojë 0,04 mbar.

• Nëse kordoni i energjisë elektrike është i dëmtuar, duhet të zëvendësohet nga prodhuesi, qendra e autorizuar e shërbimit e tij ose persona me kualifikim të ngjashëm për të shmangur një rrezik elektrik.

• Nëse takëmi i kordonit është dëmtuar, duhet të zëvendësohet me një takëm special të kordonit të disponueshëm nga prodhuesi ose qendra e autorizuar e shërbimit e tij.

• Nëse pajisja është e lidhur direkt me furnizimin me energji, instalimi elektrik duhet të pajiset me një pajisje izoluese që lejon shkëputjen e pajisjes nga linja kryesore në të gjitha polet. Shkëputja e plotë duhet të jetë në pajtim me kushtet e specifikuara të mbitensionit të kategorisë III. Mjetet e shkëputjes duhet të përfshihen në rrjetin elektrik sipas rregullave të instalimeve elektrike.

• Mos gatuani me flakë nën pajisje:

• Mos e përdorni për materiale të rrezikshme ose shpërthyese dhe avuj.

• Pastrojeni pajisjen rregullisht me një leckë të butë për të parandaluar dëmtimin e materialit të sipërfaqes.

• Mos përdorni një pastrues me avull, spërkatës me ujë, pastrues gërryes të fortë ose kruajtëse të mprehta metalike për të pastruar sipërfaqen e pajisjes. Përdorni vetëm detergjente neutrale.

• Pastrojini rregullisht filtrat e yndyrës (të paktën çdo 2 muaj) dhe hiqni depozitimet e yndyrës nga pajisja për të parandaluar rrezikun e zjarrit.

• Përdorni një pëlhurë për të pastruar pjesën e brendshme të pajisjes.

PARALAJMËRIM! Rrezik plagosjeje, goditjeje elektrike, zjarri, djegieje ose dëmtimi të pajisjes.

• Vetëm një person i kualifikuar duhet ta instalojë këtë pajisje.

• Mos instaloni ose mos përdorni një pajisje të dëmtuar.

• Ndiqni udhëzimet e instalimit të dhëna me pajisjen.

• Gjithmonë bëni kujdes kur e lëvizni pajisjen sepse është e rëndë. Përdorni gjithnjë doreza sigurie dhe këpucë të mbyllura.

• Përpara instalimit të pajisjes, hiqni gjithë pjesët ambalazhuese, etiketat reklamuese dhe qesen mbrojtëse.

• Mos e instaloni pjesën e shkarkimin e ajrit në një vrimë muri, përveçse kur vrima është projektuar për atë qëllim.

2.2 Lidhja elektrike

PARALAJMËRIM! Rrezik zjarri dhe goditjeje elektrike.

• Të gjitha lidhjet elektrike duhen kryer nga një elektricist i kualifikuar.

• Sigurohuni që parametrat në pllakën e specifikimeve të përkojnë me vlerat elektrike të rrjetit elektrik.

• Nëse simboli ( ) nuk është i printuar në pllakëzën e specifikimeve, pajisja duhet të tokëzohet.

• Përdorni gjithmonë një prizë të tokëzuar të instaluar si duhet.

• Mos i lini kabllot elektrike të përdridhen.

• Mos përdorni përshtatës me shumë spina dhe kabllo zgjatuese.

• Nëse priza është e lirë, mos e futni spinën.

• Mos e shkëputni pajisjen nga rrjeti duke e tërhequr nga kablloja elektrike. Gjithmonë tërhiqeni kabllon elektrike duke e kapur nga spina.

• Mbrojtja nga goditja e pjesëve me korrent dhe të izoluara duhet të shtrëngohet në mënyrë të tillë që të mos hiqet pa vegla.

• Sigurohuni që pajisja të instalohet në rregull. Kablloja elektrike e lirë dhe e papërshtatshme mund ta nxehë shumë terminalin.

• Lidheni pajisjen në fund të instalimit. Sigurohuni që rrjeti elektrik të jetë i arritshëm pas montimit.

PARALAJMËRIM! Rrezik plagosjeje, djegiesh dhe goditjeje elektrike.

• Kjo pajisje përdoret vetëm për qëllime gatimi. Mos e përdorni pajisjen për qëllime të tjera.

• Mos i ndryshoni specifikimet e pajisjes.

• Mos e vendosni në punë pajisjen me duar të lagura ose kur keni pasur kontakt me ujin.

• Përdorni vetëm aksesorët që vijnë me pajisjen.

• Mbajeni flakën ose objektet e nxehura larg nga yndyrat dhe vajrat gjatë gatimit dhe skuqjes.

• Mos përdorni skara elektrike të pambuluara.

• Mos e përdorni pajisjen si sipërfaqe mbështetëse.

• Mos përdorni xhama zmadhues, dylbi ose pajisje të ngjashme optike për të parë direkt te drita e pajisjes.

• Nëse pajisja funksionon me pajisje të tjera, presioni maksimal i krijuar nuk duhet të kapërcejë 4 Pa (4x10-5 bar).

• Për të riparuar pajisjen kontaktoni me qendrën e autorizuar të shërbimit. Përdorni vetëm pjesë këmbimi origjinale.

• Në lidhje me llambat brenda produktit dhe llambat e pjesëve të këmbimit të shitura veçmas: Këto llamba janë prodhuar për kushte ekstreme fizike në pajisjet elektroshtëpiake, si p.sh. temperaturë, dridhje, lagështirë, ose janë prodhuar për të sinjalizuar informacion rreth statusit të përdorimit të pajisjes. Ato nuk janë prodhuar për t’u përdorur në aplikacione të 219tjera dhe nuk janë të përshtatshme për ndriçim në ambiente shtëpiake.

• Për informacion se si ta hidhni pajisjen, kontaktoni shitësin tuaj, personin e autorizuar të prodhuesit ose operatorin tuaj lokal të mbetjeve të ngurta.

• Shkëputeni pajisjen nga korrenti.

• Priteni kabllon e rrjetit elektrik pranë pajisjes dhe hidheni atë.

PARALAJMËRIM! Referojuni kapitujve për sigurinë.

3.1 Udhëzime të instalimit

Për informacion të plotë rreth instalimit të pajisjes, referojuni një manuali tjetër instalimi.

4. PËRSHKRIM I PRODUKTIT

4.1 Përmbledhje e panelit të kontrollit

Funksioni Përshkrimi

Llamba Ndez dhe fik dritat Shpejtësia e parë / Fikur Motori kalon në nivelin e parë të shpejtësisë. Shtypja e dytë e fikpajisjen. Shpejtësia e dytë Motori kalon në nivelin e dytë të shpejtësisë. Shpejtësia e tretë Motori kalon në nivelin e tretë të shpejtësisë.

Kontrolloni shpejtësinë e rekomanduar sipas tabelës më poshtë. Gjatë ngrohjes së ushqimit, gatimit metenxhere të mbuluara. 220Gjatë gatimit me tenxhere të mbuluara në disa zona ose vatra gatimi, skuqjes së lehtë. Gjatë zierjes dhe skuqjes së sasive të mëdha të ushqimit pa kapak, gatimit në disa zona ose vatra gatimi. Rekomandohet që ta lini aspiratorin në punë për rreth 15 minuta para dhe pas gatimit. Aktivizimi i pajisjes Për të përdorur aspiratorin:

1. Shtypni butonin e parë të shpejtësisë

për të ndezur pajisjen.

2. Nëse është nevoja, ndryshoni shpejtësinë

duke shtypur butonin e dëshiruar. Çaktivizimi i pajisjes Për të çaktivizuar pajisjen, shtypni sërish butonin e parë të shpejtësisë . Ndriçimi Drita e aspiratorit punon në mënyrë të pavarur nga funksionet e tjera të aspiratorit. Aktivizimi dhe çaktivizimi i ndriçimit Për të ndriçuar sipërfaqen e gatimit shtypni butonin e dritës

Për të fikur dritat, shtypni dhe mbani butonin e dritës sërish.

6. KUJDESI DHE PASTRIMI

6.1 Shënime për pastrimin

Agjentët e pastrimit Mos përdorni detergjente gërryese dhe furça. Pastroni sipërfaqen e pajisjes me një copë të butë me ujë të ngrohtë dhe një detergjent të butë. Pas pastrimit disa pjesë të pajisjes mund të nxehen. Për të shmangur njollat, pajisja duhet të lihet të ftohet dhe të thahet me një leckë ose kartëpeceta të pastra. Pastroni njollat me një detergjent të butë. Mbajeni aspiratorin të pastër Pastrojeni pajisjen dhe filtrat e yndyrës çdo muaj. Pastrojeni pjesën e brendshme të pajisjes dhe filtrat e yndyrës me kujdes nga yndyra. Grumbullimi i yndyrës ose mbetjeve të tjera mund të shkaktojë zjarr. Filtrat e yndyrës mund të lahen në lavastovilje. Lavastovilja duhet të vendoset në temperaturë të ulët dhe cikël të shkurtër. Filtri i yndyrës mund të çngjyroset, kjo nuk ka ndikim te performanca e pajisjes. Filtri i karbonit Koha e ngopjes së filtrit të karbonit ndryshon në varësi të llojit të gatimit dhe sa rregullisht pastrohet filtri i yndyrës. Filtri me karbon të aktivizuar nuk mund të lahet, nuk mund të rigjenerohet dhe duhet të ndërrohet pas çdo 4/6 muaj pune ose më shpesh nëse përdoret shumë. Referojuni broshurës së përfshirë me aksesorin. 2216.2 Pastrimi i filtrit të yndyrës Filtrat montohen me anë të kapëseve dhe kunjave në anën e kundërt. Për të hequr filtrin:

1. Shtypni dorezën e kapëses së montimit

në panelin e filtrimit poshtë aspiratorit (1).

2. Anojeni lehtë pjesën e përparme të filtrit

poshtë (2), më pas tërhiqeni. Përsërisni dy hapat e parë për të gjithë filtrat.

3. Pastrojini filtrat duke përdorur një sfungjer

me detergjente jo gërryese ose në një lavastovilje. Lavastovilja duhet të vendoset në temperaturë të ulët dhe cikël të shkurtër. Filtri i yndyrës mund të çngjyroset, kjo nuk ka ndikim te performanca e pajisjes.

4. Për të montuar sërish filtrat, ndiqni dy

hapat e parë në rendin e kundërt. Përsërisni hapat për të gjithë filtrat nëse aplikohet.

6.3 Ndërrimi i filtrit të karbonit -

opsional PARALAJMËRIM! Filtri i karbonit NUK mund të lahet! Filtri nuk mund të rigjenerohet! Për të ndërruar filtrin e karbonit:

1. Hiqni filtrat e yndyrës nga pajisja.

Referojuni pjesës “Pastrimi i filtrit të yndyrës” në këtë kapitull.

2. Rrotullojeni filtrin në drejtim të akrepave

të orës (1) dhe më pas tërhiqeni (2).

Për të montuar sërish filtrat, ndiqni hapat në rendin e kundërt. Në çdo rast, është e nevojshme që të ndërrohen filtrat të paktën çdo katër muaj.

6.4 Ndërrimi i llambës

PARALAJMËRIM! Rrezik djegiesh dhe goditjeje elektrike! Shkëputeni pajisjen nga energjia elektrike përpara punës! Sigurohuni që llamba të ftohet përpara se ta prekni. PARALAJMËRIM! Rrezik plagosjeje! Përdorni doreza mbrojtëse për të ndërruar llambën. Rrezik dëmtimi i pajisjes! Mos përdorni mjete me majë të mprehtë! Ndërrojeni llambën e djegur në përputhje me specifikimet: Fuqia (W) 4 Foleja E14 Tensioni (V) 220 - 240 Dimensionet (mm) 37 x 100 (diametri x gjatësia) Kodi ILCOS D (sipas IEC 61231)

E14-37/100 Për të ndërruar llambën:

1. Kapaku i llambës ka dy të çara në secilën

anë. Përdorni një mjet të sheshtë plastik jo të mprehtë. Hiqni me kujdes kapakun e llambës nga pajisja.

PARALAJMËRIM! Referojuni kapitujve për sigurinë.

7.1 Çfarë duhet bërë nëse...

Problemi Shkaku i mundshëm Ndreqja Nuk mund ta aktivizoni pajisjen. Pajisja nuk është e lidhur me furnizimin me energji ose nuk është lidhur saktë. Kontrolloni nëse furra është lidhur siç duhet me rrjetin elektrik. Nuk mund ta aktivizoni pajisjen. Mungesa e furnizimit me energji elektrike. Kontrolloni siguresën ose çelësin kryesor. Nëse siguresa ose çelësi vazhdojnë të prishin qarkun, kontaktoni një elektriçist të kualifikuar. Llamba nuk punon. Llamba është me defekt. Ndërroni llambën. Referojuni kapitullit “Kujdesi dhe pastrimi”. Pajisja nuk i thith mjaftueshëm avujt. Shpejtësia e motorit nuk është e përshtatshme për avujt që shfaqen. Ndryshoni shpejtësinë e motorit.