KULINARISK - IKEA - Notice d'utilisation et mode d'emploi gratuit

MODE D'EMPLOI KULINARISK IKEA

Á síðustu síðu þessarar handbókar er heildarlisti yfir alla viðurkennda þjónustuaðila IKEA og símanúmer þeirra hvers í sínu landi.

Efnisyfirlit Öryggisupplýsingar Notkun Lýsing á tækinu Stjórnborð Þrif og viðhald

Öryggisupplýsingar Fyrir notkun í fyrsta sinn Öryggi bæði þitt og annarra er mikilvægt. Fjarlægið pappahlífar, hlífðarþynnu og límmiða af aukabúnaði. Athugið með skemmdir í flutningi. Til að koma í veg fyrir skemmdir skal ekki setja neina þunga hluti á raftækið. Látið raftækið ekki verða fyrir loftmengun. Í þessari handbók, svo og á raftækinu sjálfu, eru mikilvægar öryggisupplýsingar sem nauðsynlegt er að lesa og taka ávallt tillit til. Þetta er tákn fyrir aðvörun sem varðar öryggi sem vekur athygli notandans á hugsanlegum áhættum gagnvart honum sjálfum eða öðrum. Á undan öllum öryggisviðvörunum birtist þetta aðvörunartákn og eftirfarandi orð: HÆTTA: gefur til kynna hættuástand sem leiðir alvarlegs líkamstjóns, sé því ekki sinnt. AÐVÖRUN: Gefur til kynna hættuástand sem gæti leitt til alvarlegs líkamstjóns, sé því ekki

Hvað á að gera ef... Tækniupplýsingar Umhverfissjónarmið IKEA ÁBYRGÐ

sinnt. Allar öryggisviðvaranir gefa upp nánari atriði um hugsanlegt hættu-/ varúðarástand og tilgreina hvernig hægt er að draga úr hættu á slysum, skemmdum og raflosti vegna óviðeigandi notkunar raftækisins. Farið nákvæmlega eftir þessum leiðbeiningum. Varúðarráðstafanir og almenn ráð • Verk vegna uppsetningar og tenginga við rafmagn þurfa að vera unnin af þjálfuðum tæknimönnum í samræmi við leiðbeiningar framleiðanda og samkvæmt öryggisreglum á hverjum stað. Ekki skal gera við eða skipta um neinn hlut tækisins nema það sé sérstaklega tekið fram í notendahandbókinni. • Taka þarf tækið úr sambandi við straumgjafann áður en verk við uppsetningu eru unnin. VIÐVÖRUN: Skrúfur eða festibúnaður sem er ekki settur upp í samræmi við þessar

leiðbeiningar getur leitt til hættu á raflosti. • Áskilið er að jarðtengja tækið. (Ekki mögulegt fyrir eldhúsviftur í flokki II sem bera táknið á auðkennisplötunni). • Togið ekki í rafmagnssnúruna til að taka hana úr sambandi. • Rafrænir hlutar mega ekki vera aðgengilegir fyrir notandann eftir uppsetningu. • Snertið ekki tækið með rökum líkamshluta og notið það ekki ef þið eruð berfætt. • Börn sem eru 8 ára og eldri og aðilar sem hafa skerta líkamlega, skynræna eða andlega hæfni eða skortir reynslu og þekkingu mega nota tækið ef þau hafa fengið aðstoð eða leiðbeiningar varðandi örugga notkun þess og gera sér grein fyrir hættunum sem því geta fylgt. Látið ekki börn leika sér að tækinu. Börn mega ekki sinna þrifum og viðhaldi á tækinu án eftirlits. • Allri annarri viðhaldsþjónustu skal sinnt af sérhæfðum tæknimönnum. • Við borun í vegginn þarf að gæta þess að skemma ekki rafleiðslur og/eða rör. • Loftop þurfa alltaf að opnast út undir bert loft. • Framleiðandinn hafnar allri ábyrgð vegna skemmda sem er

af völdum rangrar notkunar eða stillinga. Með viðeigandi viðhaldi og þrifum er tryggt að tækið sé í góðu ástandi til notkunar og nái sem bestum árangri. Þrífið reglulega öll föst óhreinindi af yfirborðinu til að koma í veg fyrir fitusöfnun. Takið síuna úr reglulega og þrífið hana eða skiptið um. Þetta skal gera í samræmi við meðfylgjandi leiðbeiningar um „Hreinsun og viðhald“. Ekki skal eldsteikja (flambera) undir tækinu. Opinn eldur getur valdið íkveikju. Ef ekki er farið eftir leiðbeiningum um þrif á háfnum og útskiptum á síum getur það valdið íkveikju. Útblásturslofti má ekki veita í gegnum loftrás sem er ætluð til að færa burt gufur frá gasbrennurum eða öðrum eldfimum efnum en þarf að hafa sérstaka útloftun. Fara skal að í samræmi við allar innlendar reglugerðir varðandi fráveitu á gufum. Nauðsynlegt er að hafa fullnægjandi loftræstingu ef nota á háfinn um leið og önnur tæki sem brenna gasi eða öðrum eldfimum efnum. Neikvæður þrýstingur rýmisins skal ekki vera meiri en 4 Pa (4x

10-5 bör). Þess vegna þarf að tryggja að rýmið sé vel loftræst. Ef vafamál koma upp skal vinsamlegast hafa samband við vottaða þjónustumiðstöð eða hæfan aðila. • Látið steikarpönnur ekki vera án eftirlits meðan steikt er því kviknað gæti í steikarfeitinni. • Gætið þess að ljósaperurnar séu orðnar kaldar áður en þær eru snertar. • Notið ekki háfinn eða farið frá honum án þess að ljósaperan sé sett í rétt því annars gæti það valdið raflosti. • Háfurinn er ekki vinnuborð og þess vegna skal ekki láta neina hluti standa ofan á honum eða þyngja hann um of. • Við uppsetningu og viðhald þarf að nota viðeigandi vinnuhanska. • Þetta tæki hentar ekki fyrir notkun utanhúss. AÐVÖRUN: meðan eldavélin er í notkun geta aðgengilegir hlutar háfsins hitnað. Uppsetning og tengingar Ef vandamál koma upp skal hafa samband við vottaða þjónustumiðstöð. Til að koma í veg fyrir skemmdir skal fjarlægja tækið úr umbúðunum þegar það er sett upp.

Undirbúningur fyrir uppsetningu AÐVÖRUN: þetta er þungur hlutur; við uppsetningu hans ætti að nota tvo eða fleiri til að lyfta honum og setja hann upp. Minnsta fjarlægð milli eldavélarinnar og neðsta hluta háfsins skal ekki vera minni en 65 cm fyrir eldavélar sem brenna gasi eða öðru eldsneyti og 50 cm fyrir rafmagnseldavélar. Áður en uppsetning er hafin þarf einnig að athuga lágmarksfjarlægðir sem tilgreindar eru í handbók eldavélarinnar. Ef leiðbeiningar um uppsetningu eldavélarinnar tilgreina meiri fjarlægð milli eldavélarinnar og háfsins þarf að fara eftir þeim fyrirmælum. Raftengingar Gætið þess að rafspenna sem tilgreind er merkiplötu tækisins sé sú sama og í rafveitukerfinu. Þessar upplýsingar er hægt að finna innan á háfnum, undir fitusíunni. Ef skipta þarf um rafmagnskapal (gerð H05 VV-F) þarf löggiltur rafvirki að vinna verkið. Hafið samband við viðurkenndan þjónustuaðila. Ef rafmagnskló er á háfnum skal stinga henni í samband við innstungu sem samrýmist reglugerðum um spennu og er staðsett á hentugum stað.

ÍSLENSKA AÐVÖRUN: Ef engin rafmagnskló er til staðar (beintenging í rafmagn) eða ef innstungan er á óaðgengilegum stað þarf að láta löggiltan rafvirkja setja upp hefðbundinn tveggja póla rafmagnsrofa svo hægt sé að

aftengja háfinn algerlega frá rafmagni ef yfirspenna af flokki III á sér stað, í samræmi við reglur um raflagnir.

Notkun Viftan hefur verið hönnuð til uppsetningar sem annaðhvort “útsogsuppsetning” eða sem “hringrásaruppsetning”. Útsogsuppsetning (sjá táknið í bæklingnum um uppsetningu) Gufur frá eldamennsku sogast upp og eru leiddar út undir bert loft gegnum útloftunarrás (fylgir ekki með) sem er tengd við útblástursop háfsins. Gætið þess að útloftunarrásin sé rétt tengd við útblástursopið með viðeigandi tengingum. Mikilvægt: Ef viðarkolasían/-síurnar eru þegar settar í þarf að taka þær úr. Hringrásaruppsetning (sjá táknið í bæklingnum um uppsetningu) Loftið síast í gegnum eina eða fleiri viðarkolasíur og síðan hleypt aftur út í rýmið.

Mikilvægt: Gætið þess að fullnægjandi loftræsting sé umhverfis háfinn. Mikilvægt: Ef háfurinn er afhentur án viðarkolasía þarf að setja þær í áður en hægt er að nota hann. Síur eru tiltækar í IKEA-verslunum. Setjið háfinn upp fjarri mjög óhreinum svæðum, gluggum, hurðum og hitagjöfum. Aukahlutirnir til festingar á vegg fylgja ekki með vegna þess að veggir eru úr mörgum ólíkum efnum og því þarf mismunandi gerðir af festingum. Notið festingar sem henta fyrir veggina á heimilinu og þyngd tækisins. Nánari upplýsingar fást hjá söluaðila. Geymið þennan bækling til samráðs síðar.

1 Reykháfur. 2 Stjórnborð. 3 LED-ljós. 4 Fitusía.

A Veltirofi mótorsins til að KVEIKJA (ON)/SLÖKKVA Á (OFF) viftunni B Valhnappur soghraða (afls) Lágur soghraði (afl) Meðalmikill soghraði (afl) Mikill soghraði (afl) Mesti soghraði (afl) Ath: Viftan helst í sömu stillingu þegar KVEIKT/SLÖKKT er á henni með veltirofanum C Veltirofi til að KVEIKJA/SLÖKKVA á ljósi

Þrif og viðhald AÐVÖRUN: - Notið aldrei gufuhreinsibúnað. - Takið viftuna úr sambandi. MIKILVÆGT: Notið ekki tærandi eða slípandi hreinsiefni. Ef slík efni komast í snertingu við tækið þarf að þrífa þau af með rökum klút. • Þrífið yfirborðið með rökum klút. Ef mikil óhreinindi eru til staðar má setja nokkra dropa af þvottalegi í vatnið. Þurrkið með þurrum klút. MIKILVÆGT: notið ekki grófa svampa, málmsköfur eða skrúbbur. Yfirborðið gæti skemmst með þeim. • Notið hreinsiefni sem eru sérstaklega ætluð til að hreinsa tækið og farið eftir leiðbeiningum framleiðanda. MIKILVÆGT: hreinsið fitusíur a.m.k. einu sinni í mánuði til að fjarlægja allar fituleifar. Að hreinsa fitusíuna Fitusían er úr málmi og endist ótakmarkað og það þarf að þvo hana að minnsta kosti einu sinni í mánuði, annað hvort í höndunum eða í uppþvottavélinni á stuttum þvottatíma og lágum hita. Ef sían er þvegin í uppþvottavél þá getur hún orðið mött; þetta hefur ekki áhrif á síunarvirkni hennar.

Viðhald á fitusíu: 1. Takið háfinn sambandi við innstungu. 2. Fitusíurnar fjarlægðar: togið gormspennta handfangið niður á við og takið síuna úr. 3. Eftir að fitusían hefur verið þrifin er hún sett í aftur í öfugri röð og gæta þarf þess að allt útsogssvæðið sé hulið.

ÍSLENSKA Viðhald á viðarkolasíu (ef háfurinn er settur upp sem hringrásarháfur) 1. Togið í klóna eða aftengið aflveitu. 2. Fjarlægið fitusíuna 3. Ef kolefnasíur eru þegar til staðar (tvær síur sem hylja hlífðarristar þeytihjóls mótorsins) og nauðsynlegt er að skipta þeim út skal snúa aðalhandfanginu rangsælis til að losa þær. 4. Opnið síuhúsin tvö 5. Fjarlægið hringlaga púðana 6. Gerið aðgerðina á öfugan máta til að setja nýju síurnar í. 7. Setjið fitusíuna aftur í. Þessa kolefnasíu er hægt að hreinsa og setja í gang á ný, þó svo að slíkt sé ekki hægt þegar um er að ræða hefðbundnar kolefnasíur. Ef notkun viftunnar telst eðlileg skal hreinsa síuna einu sinni í mánuði. Best er að hreinsa síuna með því að þvo hana á háu hitastigi í uppþvottavél með hefðbundnum uppþvottalegi fyrir uppþvottavélar. Til að koma í veg fyrir að matarleifar eða óhreinindi festist í síunni við þvott og valdi ólykt mælum við með að sían sé þvegin sér í lagi. Til að virkja síuna á ný eftir þvott þarf að þurrka hana í ofni við 100 °C í 10 mínútur. Sían heldur eiginleikum sínum til að gleypa í sig lykt í þrjú ár en eftir þennan tíma þarf að skipta henni út fyrir nýja.

Viðhald á peru Háfurinn er með ljósakerfi sem byggir á LED-ljósum. LED-ljósin gefa bestu birtuna, endast 10 sinnum lengur en venjulegar perur og spara 90% af raforku. Ef skipta þarf um tæki skal hafa samband við viðurkenndan þjónustuaðila.

Hvað á að gera ef... Vandamál

Ekkert rafmagn er til staðar

Athugið hvor rafmagn sé á. Slökkvið á tækinu og enduræsið það til að athuga hvort bilunin haldi áfram.

Tækið er ekki tengd við rafmagn

Athugið hvort tækið sé tengt við rafmagn. Slökkvið á tækinu og enduræsið það til að athuga hvort bilunin haldi áfram.

Sogkraftur háfsins er ekki Soghraðinn er of lágur nógu mikill

Athugið soghraðann og lagfærið eftir þörfum.

Fitusíurnar eru óhreinar 4

Athugið hvort síurnar séu hreinar Ef ekki þarf að þvo þær í uppþvottavélinni.

Lyktareyðandi síurnar eru óhreinar

Athugið hvort lyktareyðandi síurnar séu rétt þvegnar eins og mælst er til

Loftopin eru stífluð

Athugið loftopin vegna hindrana og fjarlægið eftir þörfum.

Ef skipta þarf um tæki skal hafa samband við viðurkenndan þjónustuaðila.

Áður en haft er samband við viðurkenndan þjónustuaðila: Ef tækið vinnur enn ekki rétt eftir að búið er að framkvæma þær athuganir sem tilgreindar eru í kaflanum um bilanagreiningu og kveikja aftur á tækinu þarf að hafa samband við þjónustuaðila og útskýra fyrir þeim vandamálið og gefa eftirfarandi upplýsingar:

• gerð bilunarinnar; • tegund tækisins; • gerð og raðnúmer tækisins (sést á merkiplötunni); • þjónustunúmer (númerið sem er á eftir orðinu SERVICE á merkiplötunni innan í tækinu).

Breidd Dýpt Hæð lágmark Hæð hámark Tegund Fjöldi og afl

Uppsetning, minnsta hæð gaseldavél Uppsetning, minnsta hæð rafmagnseldavél Þyngd vöru Viðbótarupplýsingar um vöru í samræmi við framselda reglugerð (ESB) nr. 66/2014

Ársnotkun orku Tímaþáttur aukningar Hagkvæmni flæðishreyfinga Orkunýtnistuðull Mælt loftstreymi á hagkvæmasta punkti Mældur loftþrýstingur á hagkvæmasta punkti Hámarks loftflæði Mælt innlag rafspennu á hagkvæmasta punkti Málspenna ljósa Meðallýsing ljósabúnaðar á eldunarborð Orkunotkun í biðhætti Orkunotkun með slökkt Vegin hávaðamyndun á hæsta hraða

Tækniupplýsingarnar eru til staðar á merkiplötunni innan á tækinu.

598 458 745 1142 217 LED 1x7W

Umhverfissjónarmið Förgun umbúða Umbúðaefnið er 100% endurvinnanlegt og er merkt með endurvinnslutákninu . Hinum ýmsu hlutum umbúðanna þarf því að farga af ábyrgð og í fullu samræmi við staðbundnar reglugerðir um förgun úrgangs. Úrelding tækisins -- Þetta tæki er merkt í samræmi við tilskipun Evrópusambandsins um rafrænan úrgang 2012/19/EB, (WEEE). -- Með því að tryggja förgun þessa tækis á réttan hátt stuðlið þið að því að fyrirbyggja hugsanlega neikvæð áhrif á umhverfið og heilsu manna sem gæti annars orsakast af óviðeigandi meðferð á úrgangi úr tækinu. Táknið á tækinu eða á meðfylgjandi gögnum þess gefur til kynna að það skuli ekki meðhöndlað sem heimilisúrgangur heldur þarf að fara með það á viðeigandi söfnunarstöð fyrir endurvinnslu á rafmagns- og rafeindabúnaði. Úrelding heimilistækja • Þetta tæki er framleitt úr endurvinnanlegum eða endurnýtanlegum efnum. Fargið því í samræmi við staðbundnar reglur um förgun úrgangs. Fyrir úreldingu þarf að klippa rafmagnskapalinn af. • Nánari upplýsingar um meðferð, endurnýtingu og endurvinnslu á heimilisraftækjum fást með því að hafa samband við lögbært staðaryfirvald, viðtökuþjónustu fyrir heimilisúrgang eða verslunina þar sem tækið var keypt.

Ráð til að spara orku • Kveikið á háfnum á minnsta hraða þegar byrjað er að elda og látið hann ganga í nokkrar mínútur eftir að eldun er lokið. • Aukið hraðann aðeins ef mikill reykur eða gufa myndast og notið aðeins aflskot í ýtrustu tilfellum. • Skiptið um kolasíu(r) eftir þörfum til draga úr lykt á eins hagkvæman hátt og unnt er. • Hreinsið fitusíu(r) eftir þörfum til að sía feiti úr á eins hagkvæman hátt og unnt er. • Notið hæsta þvermál af lagnaefni sem gefið er upp í þessari handbók til að auka hagkvæmni sem mest og draga úr hávaða.

Gerðarsamræmisyfirlýsing Þetta raftæki hefur verið hannað, framleitt og markaðssett í samræmi við: -- öryggismarkmið lágspennutilskipunar 2014/35/EU; -- kröfur um umhverfishönnun Evrópureglugerðar nr. 65/2014 og nr. 66/2014 eru í samræmi við Evrópustaðal EN 61591; -- framleiðslukröfur EMC tilskipunar 2014/30/ EU. Aðeins hægt að ábyrgjast rafrænt öryggi tækisins ef það er jarðtengt á réttan hátt.

IKEA ÁBYRGÐ Hve lengi gildir IKEA ábyrgðin? Ábyrgðin gildir í fimm (5) ár frá þeim degi sem kaupin á tækinu eru gerð hjá IKEA. Upprunalegrar sölukvittunar er krafist til staðfestingar á kaupum. Ef unnin eru þjónustuverk sem falla undir ábyrgðina framlengir það ekki ábyrgðartíma tækisins. Hvaða tæki falla ekki undir skilmála fimm (5) ára ábyrgðar IKEA? Vörulína sem ber vöruheitið LAGAN og öll tæki sem keypt voru hjá IKEA fyrir 1. ágúst 2007. Hver mun framkvæma þjónustuna? IKEA þjónustuaðili mun veita þjónustu í eigin þjónustuaðstöðu eða í gegnum viðurkennt kerfi þjónustuaðila. Hvað fellur undir þessa ábyrgð? Ábyrgðin nær yfir bilun á tæki sem til komin er vegna galla í samsetningu eða efnisgalla sem koma fram eftir kaupdag frá IKEA. Ábyrgðin gildir einungis ef um heimilisnotkun er að ræða. Undantekningar eru tilgreindar undir kaflanum „Hvað fellur ekki undir þessa IKEA ábyrgð?" Innan þess tíma sem ábyrgðin tekur til fellur allur kostnaður, s.s. viðgerðir, varahlutir, vinnu- og ferðakostnaður á þjónustuaðilann, að því tilskildu að tækið sé aðgengilegt til viðgerðar án sérstakra útgjalda. Um þessa skilmála gilda viðmiðunarreglur Evrópusambandsins (Nr. 99/44/ESB) svo og staðbundnar reglur. Allir hlutir sem teknir eru úr tækjum og skipt er um eru eign IKEA. Hvað gerir IKEA til að bæta úr vandamálinu? Þjónustuaðili á vegum IKEA skoðar tækið og ákvarðar hvort það fellur undir ákvæði ábyrgðarinnar. Ef það fellur undir ákvæði hennar mun þjónustuaðili á vegum IKEA, eða viðurkenndur samstarfsaðili hans, samkvæmt ákvörðun hans eingöngu, sinna viðgerð eða skipta tækinu út með samskonar eða svipaðri vöru. Hvað fellur ekki undir þessa IKEA ábyrgð? • Eðlilegt slit vegna notkunar.

• Skemmdir sem eru af völdum ásetnings eða hirðuleysis, skemmdir sem verða vegna þess að ekki er farið eftir notkunarleiðbeiningum, skemmdir vegna rangrar uppsetningar eða tengingar við ranga spennu, skemmdir vegna rafefnafræðilegra efnahvarfa, ryðs, tæringar, vatnsskemmda svo sem ofmettunar kalks í vatni en takmarkast ekki þar við svo og skemmdir vegna óeðlilegra umhverfisáhrifa. • Rekstrarvörur svo sem rafhlöður og perur. • Aukahlutir og skrautmunir sem hafa ekki áhrif á eðlilega notkun tækisins svo og rispur og hugsanlegur litamismunur. • Óhöpp sem verða vegna aðskotahluta eða efna sem notuð eru við hreinsun og losun á stíflum úr síum, frárennsliskerfum eða sápuskúffum. • Skemmdir á eftirfarandi hlutum: postulíni, aukahlutum, leirvöru- og hnífaparakörfum, að- og frárennslisrörum, þéttingum, perum og Ijósakúplum, skermum, höldum, hlífum og hlutum af hlífum. Þetta á við nema hægt sé að sanna að þessar skemmdir séu vegna framleiðslugalla. • Tilfelli þar sem enginn galli finnst meðan á heimsókn tæknimanns stendur. • Viðgerðir sem ekki eru framkvæmdar af tilnefndum þjónustuaðilum og/ eða viðurkenndum samningsbundnum þjónustuaðila eða ef upprunalegir varahlutir hafa ekki verið notaðir. • Viðgerðir sem framkvæmdar eru vegna rangrar ísetningar eða samrýmist ekki tæknilýsingu. • Notkun tækis utan heimilis, t.d. í atvinnuskyni. • Skemmdir í flutningi. Ef viðskiptavinur flytur vöruna heim til sín eða á annað heimilisfang, er IKEA ekki ábyrgt fyrir neins konar skemmdum sem geta orðið á meðan á flutningi stendur. Ef IKEA afhendir vöruna hins vegar á heimilisfang viðskiptavinarins mun IKEA bæta skemmdir sem hafa orðið á meðan á afhendingu vörunnar stóð.

• Kostnaður vegna fyrstu uppsetningar IKEA tækisins. Ef tilefndur þjónustuaðili IKEA eða viðurkenndur samningsaðili þess gerir hins vegar við eða skiptir um tækið samkvæmt ábyrgðarskilmálunum mun þjónustuaðilinn eða hinn viðurkenndi samningsaðili setja tækið sem gert var við aftur upp eða setja upp nýtt tæki ef með þarf. Þessar takmarkanir eiga þó ekki við um gallalaust verk sem unnið er af þjálfuðum sérfræðingi sem notar upprunalega varahluti frá okkur til að aðlaga tækið að tæknilýsingu annars ESB-ríkis. Beiting landslaga IKEA ábyrgðin veitir kaupanda lögbundinn rétt sem nær til allra krafna samkvæmt í landslögum eða gengur lengra en þau. Þessir skilmálar takmarka þó ekki á neinn hátt rétt neytandans sem kveðið er á um í landslögum. Gildissvæði Vegna tækja sem keypt eru í einu ESB-landi og flutt yfir í annað ESB-land verður þjónusta veitt í samræmi við ábyrgðarskilyrði sem teljast eðlileg í nýja landinu. Skuldbinding til að veita þjónustu innan ramma ábyrgðarinnar er aðeins fyrir hendi ef tækið samrýmist og er sett upp samkvæmt: -- tæknilýsingu landsins þar sem ábyrgðarkrafan er sett fram; -- leiðbeiningum um samsetningu og öryggishandbók tækisins. Ábyrg eftirþjónusta fyrir IKEA tæki Hafið samand við viðurkenndan eftirþjónustuaðila til að: • leggja fram þjónustubeiðni samkvæmt ábyrgð þessari; • fá nánari skýringar á uppsetningu á IKEA tækinu í sérstakri IKEA eldhúsinnréttingu; • fá skýringar á aðgerðum IKEA tækja.

Til að tryggja bestu mögulegu þjónustu þarf að lesa þessar leiðbeiningar um samsetningu og/eða notendahandbókina áður en haft er samband við þjónustuaðilann. Hvernig er haft samband við okkur ef þjónusta er nauðsynleg Á síðustu síðu þessarar handbókar er heildarlisti yfir alla viðurkennda þjónustuaðila IKEA og símanúmer þeirra hvers í sínu landi.

Til að veita sem skjótasta þjónustu mælum við með því að nota sérstök símanúmer sem tiltekin eru í þessari handbók. Notið alltaf þau númer sem vísað er til í sérstökum notendaleiðbeiningum fyrir það tæki sem aðstoð er þörf fyrir. Einnig þarf alltaf að vísa til IKEA hlutarnúmersins (8-stafa talnakóða) og 12-stafa þjónustunúmers sem er á merkiplötu tækisins. GEYMIÐ SÖLUKVITTUNINA! Hún er sönnun fyrir kaupunum og er nauðsynleg þegar sótt er um ábyrgð. Sölukvittunin gefur einnig upp IKEA heiti og hlutarnúmer vörunnar (8-stafa talnakóða) fyrir hvert tæki sem þið hafið keypt. Er þörf á frekari aðstoð? Hafið samband við næstu IKEA verslun eða hringið í þjónustuver ef þið hafið fleiri spurningar sem tengjast ekki eftirþjónustu tækja ykkar. Við mælum með því að þið lesið gögnin sem fylgja tækinu vandlega áður en haft er samband við okkur.

Símanúmer: 5852409 Kostnaður við símtal: Almennt mínútuverð Opnunartími: Mánudaga - Föstudaga